MARKU 11
11
1Muze akundamine ku Yerusaleme, ku Mbetefweje ni Mbetaniya, ku mulundu wa Olevwe, yatuma aali a kuli tumbaji twenyi. 2Ngwenyi, Yénu ku chihunda chize chalitalangana ni yenu: ni haze hene ha kunjilamo, munukawana mwana-chimbulu wa kukasa, hali iye niumwe kanda achitwamaho nilimwe tangwa; nukamujitule, nukamunehe kuno. 3Nyi kachi umwe mamba kuli yenu ngwenyi, Kuchi te nunalingi chino? Nukambe ngwenu, Mwene kanamufupu; kamunomuno mamutuma cheka nawa kuno. 4O ayile, yawana mwana-chimbuld wa kukasa ku pito haze ku makano; yamujitula. 5Mba amwe a kuli waze amanyineko, ambile kuli ayo ngwo, Kuchi nunalingi nikujituia mwana-chimbulu? 6O ambile kuli ayo chizechene ngwe Yesu waambile kulu; mba aechele kuya. 7O anehene mwana-chimbulu kuli Yesu, asele mahina jo hali iye; watwamine hali iye. 8Anji álile mahina jo mu jila; ni akwo asembele mitango ku mitondo, nikuyiala mu jila. 9Ni waze atetekelele, ni waze akawile, akololokele ngwo, Vulie! Kafumana yoze uneza mu jina lia Mwene! 10Kuwafumana wanangana uze muwiza, wanangana wa kulwetu David: Vulie mwilu mwahiana!
11Iye ha kunjila mu Yerusaleme wayile ku tembele; muze te hakengesa ha yuma yeswe, se hapwile chingoloshi, watuhukile akaye ku Mbetaniya hamwe ni kumi ni aali.
12Ha tangwa likwo, muze te hatuhuka mu Mbetaniya, wevwile zala. 13Iye ha kumona mukuyu kusuku ni mafwo, waheteleko, kachi mawanako kama chuma chimwe: ni muze aheteleko, kawanyine nichimwe shina mafwo wika; mumu mwaka wa makuyu kanda uchiheta. 14Iye wakumbulwile, ngwenyi, Niumwe kanda akalia mihuko kuli yena nawa ndo ku miaka ya mutolo. Tumbaji twenyi achivwile.
15O yaheta ku Yerusaleme: Yesu wanjilile mu tembele, waputukile kutuhwisa waze alanjishile, ni waze alanjile mu tembele, walimbwile mesa ja akwa kusumbakenya mbongo, ni yitwamo ya akwa kulanjisa tutele. 16Katayijile umwe kumbata chikwachilo ndusu mu tembele. 17Iye waalongesele, ngwenyi, Kuchasonewene, nyi? Ngwo, Kumakavuluka zuwo liami ngwo, Zuwo lia kulembela hali mavungu eswe? Alioze yenu hinunalipwisa chivwenge cha mihuza. 18Asasendote akwa lutwe ni akwa kusonyeka achivwile, no afupile ngwe chize mahasa kumwonwona: mumu amuvwilile woma, mumu mbunga yeswe alishimwokene ha longeso lienyi. 19Muze hapwile chingoloshi, watuhukile mu limbo.
20Shimbu machipalika ha chimenemene, amwene mukuyu hiwoma chau ni ku miji. 21Petulu ha kwiwuluka chize ambile Yesu, yamba kuli iye ngwenyi, Longeshi, tala, mukuyu uze unakashinga, hiunomu chau.
22Yesu, waakumbulwile ngwenyi, Pwenu ni Ufulielo kuli Zambi. 23Pundu ngunambe kuli yenu ngwami, Mweswawo mamba ku mulundu uno ngwenyi, Tutuluka, ulimbile mu kalunga-lwiji; nyi kechi kayambashana mu mbunge yenyi, alioze mafuliela chize mamba muchipwa; cheswacho mamba, kumuchikapwa kuli iye. 24Kashika ngunambe kuli yenu ngwami, Yuma yeswayo munwita ha kulemba, fulielenu ngwe nunayitambula, neyo kumuyikapwa kuli yenu. 25Ni muze munumana nikulemba, konekenenu akwenu kachi chuma chimwe numuli nacho umwe; hanga Tatenu nawa yoze uli mu malilu, akanukonekene milonga yenu. 26Alioze kachi yenu kunushi kukonekena akwenu, chipwe Tatenu yoze uli mu malilu kechi kanukonekena milonga yenu.
27O yaheta cheka nawa ku Yerusaleme. Shimbu machenda mu tembele, asasendote akwa lutwe, ni akwa kusonyeka, ni makulwana yeza kuli iye; 28o yamba kuli iye ngwo, Ni chiyulo chika wakulinga yino yuma? Iya wakuhele chiyulo chino cha kulinga yino yuma? 29Yesu wambile kuli ayo ngwenyi, Ni yami nawa mungunuhula chuma chimuwika, mba ngukumbululenu, ni yami mungunwambulwila chiyulo chize nakulinga nacho yino yuma. 30Ngwami, Upapachiso wa Yoano wakatukile mwilu, nyi? Shina kuli atu? Ngukumbululenu. 31O alihangujolele hakachi ko ngwo, Kachi mutwamba ngwetu, Mwilu; iye mamba ngwenyi, Mba kuchi te kunwamufulielele? 32Alioze kachi mutwamba ngwetu, Kuli atu, mumu te evwile woma wa atu: mumu eswe amwene Yoano profeta wamwenemwene. 33O akumbulwile kuli Yesu, ngwo, Kutwanyingikine. Yesu yamba kuli ayo ngwenyi, Chipwe ni yami nawa chishi kunwambulwila chiyulo chize nakulinga nacho yino yuma.
Iliyochaguliwa sasa
MARKU 11: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MARKU 11
11
1Muze akundamine ku Yerusaleme, ku Mbetefweje ni Mbetaniya, ku mulundu wa Olevwe, yatuma aali a kuli tumbaji twenyi. 2Ngwenyi, Yénu ku chihunda chize chalitalangana ni yenu: ni haze hene ha kunjilamo, munukawana mwana-chimbulu wa kukasa, hali iye niumwe kanda achitwamaho nilimwe tangwa; nukamujitule, nukamunehe kuno. 3Nyi kachi umwe mamba kuli yenu ngwenyi, Kuchi te nunalingi chino? Nukambe ngwenu, Mwene kanamufupu; kamunomuno mamutuma cheka nawa kuno. 4O ayile, yawana mwana-chimbuld wa kukasa ku pito haze ku makano; yamujitula. 5Mba amwe a kuli waze amanyineko, ambile kuli ayo ngwo, Kuchi nunalingi nikujituia mwana-chimbulu? 6O ambile kuli ayo chizechene ngwe Yesu waambile kulu; mba aechele kuya. 7O anehene mwana-chimbulu kuli Yesu, asele mahina jo hali iye; watwamine hali iye. 8Anji álile mahina jo mu jila; ni akwo asembele mitango ku mitondo, nikuyiala mu jila. 9Ni waze atetekelele, ni waze akawile, akololokele ngwo, Vulie! Kafumana yoze uneza mu jina lia Mwene! 10Kuwafumana wanangana uze muwiza, wanangana wa kulwetu David: Vulie mwilu mwahiana!
11Iye ha kunjila mu Yerusaleme wayile ku tembele; muze te hakengesa ha yuma yeswe, se hapwile chingoloshi, watuhukile akaye ku Mbetaniya hamwe ni kumi ni aali.
12Ha tangwa likwo, muze te hatuhuka mu Mbetaniya, wevwile zala. 13Iye ha kumona mukuyu kusuku ni mafwo, waheteleko, kachi mawanako kama chuma chimwe: ni muze aheteleko, kawanyine nichimwe shina mafwo wika; mumu mwaka wa makuyu kanda uchiheta. 14Iye wakumbulwile, ngwenyi, Niumwe kanda akalia mihuko kuli yena nawa ndo ku miaka ya mutolo. Tumbaji twenyi achivwile.
15O yaheta ku Yerusaleme: Yesu wanjilile mu tembele, waputukile kutuhwisa waze alanjishile, ni waze alanjile mu tembele, walimbwile mesa ja akwa kusumbakenya mbongo, ni yitwamo ya akwa kulanjisa tutele. 16Katayijile umwe kumbata chikwachilo ndusu mu tembele. 17Iye waalongesele, ngwenyi, Kuchasonewene, nyi? Ngwo, Kumakavuluka zuwo liami ngwo, Zuwo lia kulembela hali mavungu eswe? Alioze yenu hinunalipwisa chivwenge cha mihuza. 18Asasendote akwa lutwe ni akwa kusonyeka achivwile, no afupile ngwe chize mahasa kumwonwona: mumu amuvwilile woma, mumu mbunga yeswe alishimwokene ha longeso lienyi. 19Muze hapwile chingoloshi, watuhukile mu limbo.
20Shimbu machipalika ha chimenemene, amwene mukuyu hiwoma chau ni ku miji. 21Petulu ha kwiwuluka chize ambile Yesu, yamba kuli iye ngwenyi, Longeshi, tala, mukuyu uze unakashinga, hiunomu chau.
22Yesu, waakumbulwile ngwenyi, Pwenu ni Ufulielo kuli Zambi. 23Pundu ngunambe kuli yenu ngwami, Mweswawo mamba ku mulundu uno ngwenyi, Tutuluka, ulimbile mu kalunga-lwiji; nyi kechi kayambashana mu mbunge yenyi, alioze mafuliela chize mamba muchipwa; cheswacho mamba, kumuchikapwa kuli iye. 24Kashika ngunambe kuli yenu ngwami, Yuma yeswayo munwita ha kulemba, fulielenu ngwe nunayitambula, neyo kumuyikapwa kuli yenu. 25Ni muze munumana nikulemba, konekenenu akwenu kachi chuma chimwe numuli nacho umwe; hanga Tatenu nawa yoze uli mu malilu, akanukonekene milonga yenu. 26Alioze kachi yenu kunushi kukonekena akwenu, chipwe Tatenu yoze uli mu malilu kechi kanukonekena milonga yenu.
27O yaheta cheka nawa ku Yerusaleme. Shimbu machenda mu tembele, asasendote akwa lutwe, ni akwa kusonyeka, ni makulwana yeza kuli iye; 28o yamba kuli iye ngwo, Ni chiyulo chika wakulinga yino yuma? Iya wakuhele chiyulo chino cha kulinga yino yuma? 29Yesu wambile kuli ayo ngwenyi, Ni yami nawa mungunuhula chuma chimuwika, mba ngukumbululenu, ni yami mungunwambulwila chiyulo chize nakulinga nacho yino yuma. 30Ngwami, Upapachiso wa Yoano wakatukile mwilu, nyi? Shina kuli atu? Ngukumbululenu. 31O alihangujolele hakachi ko ngwo, Kachi mutwamba ngwetu, Mwilu; iye mamba ngwenyi, Mba kuchi te kunwamufulielele? 32Alioze kachi mutwamba ngwetu, Kuli atu, mumu te evwile woma wa atu: mumu eswe amwene Yoano profeta wamwenemwene. 33O akumbulwile kuli Yesu, ngwo, Kutwanyingikine. Yesu yamba kuli ayo ngwenyi, Chipwe ni yami nawa chishi kunwambulwila chiyulo chize nakulinga nacho yino yuma.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.