MARKU 13
13
1Shimbu machituhuka mu tembele, umwe wa kuli tumbaji twenyi yamba kuli iye ngwenyi, Longeshi, tala mawe apwa haha! ni mazuwo apwa haha! 2Yesu wambile kuli iye ngwenyi, Unamono mazuwo ano anene? Kechi kahichika liwe nilimwe ha liwe likwo, lize kechi kalipuzula.
3Mba shimbu atwamine ha mulundu wa Olevwe, hatalanganyi ni tembele, Petulu ni Tiangu ni Yoano ni Andeleu amuhulile ukawo ngwo, 4Twambulwile kama, mwiji muka yino yuma muyikapwa? Chilayi cha kumanunuka cha yino yuma kuchi muchipwa? 5Yesu waputukile kwamba kuli ayo ngwenyi, Kanyamenu ngwami, Niumwe kanda akanupiangula. 6Mumu anji kumakeza mu jina liami, nikwamba ngwo, Mwe Kristu yami, makapiangula anji. 7Alioze muze munwivwa ha jita ni ndundumwino ya jita, kanda nukasungalala; mumu chatamba yino yuma yeswe kupwa; alioze songo kanda lichipwa. 8Mumu akwa vungu limwe kumakakatukila akwa vungu likwo, akwa wanangana umwe kumakakatukila akwa wanangana ukwo; kumukukapwa minyiko kweka ni kweka; kumukukapwa tupunga ni lamba: yino yuma we uputukilo wa yikola.
9Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo. 10Lie sango lipema chatamba kuliambujola hatangu ku mavungu eswe. 11Alioze muze manutwala mukunukunjika kanda nukalipikala shimbu kanda ha kutwala ku chize munukamba, chipwe kanda nukachipukuna; alioze cheswacho makanwaha ha ola yize, che chize nukachihanjike; mumu hi yenu ko nwakuhanjika, alioze Spiritu Musandu. 12Mukulwana kumakakunjika mwanakwo ku kufwa, tato makakunjika mwanenyi; ana kumakakatukila yisemi, makaashihisa. 13Kumakanuvwila kole kuli eswe mumu ha jina liami: alioze yoze manyongonona ndo ku songo, kumakamulamwina.
14Alioze muze munumona chizelwokeso cha kwenyeka chinamana kuze kuchatambile kumana (yoze matanga, akase chinyingi), hohene waze mapwa mu Yundeya, akachinyine ku milundu: 15yoze mapwa helu lia zuwo, kanda akasunuka hashi, chipwe kanda akanjila mukuchiza chuma chimwe ku zuwo lienyi. 16Yoze mapwa ku minda, kanda akahiluka mukwanda hina lienyi. 17Alioze lamba kuli waze mapwa ni ufumba ni kuli waze mamwisa ana ha matangwa aze! 18Chikwo, lembenu hanga kuchina chenu kanda chikapwa kama ha mwaka wa chishika. 19Mumu ha matangwa aze kumukukapwa luyinda, yoze kukwapwile umwe wa kulifwa nenyi chize ku uputukilo wa kutanga chize atangile Zambi ndo haliapwila, mba kechi kapwa nawa. 20Nyi kachi Mwene katepulwile matangwa aze kachi mutu niumwe malilamwina; alioze mumu hali waze hanaatongola, waze hanaatongola iye, watepulwile matangwa aze. 21Hohene kachi umwe mamba kuli yenu ngwenyi, Talenu, kuno kwali mwe Kristu! hanji ngwo, Talenu, kuze ali! kanda nukachifuliela: 22mumu akristu a kwonga ni aprofeta a kwonga kumakeza, makalweza yilayi ni yipekesa mukupiangula chipwe waze hanaatongola, kachi maahasa. 23Alioze yenu, kanyamenu: hingunanwambulwila yuma yeswe shimbu kanda.
24Alioze ha matangwa aze, kulutwe lia luyinda yoze, tangwa kumulikalá, ni kakweji kechi katwa mieji. 25Ni matongonoshi a mwilu kumakaholoka, ni tachi jize jili mu malilu kumujikanyika. 26Hohene makamona mwe Mwana Mutu kaneza mu malelwa hamwe ni tachi jinene ni uhenya. 27Hohene makatuma angelo jenyi, akakungulule waze hanaatongola iye, ku fuji jiwana, ku kusula songo lia hashi ndo ku kusula songo lia lilu.
28Achi, lilongesenu chishima ku mukuyu: muze te mutango wawo hiwovula, muusokoloka mafwo, mununyingika lwiza hapwa hakamwihi. 29Chocho nawa yenu muze munumona yino yuma, nyingikenu iye hakamwihi ali, te ku vikolo. 30Pundu ngunambe kuli yenu ngwami, Chisemuko chino kuchichi kahwa nichimwe ndo yino yuma yeswe muyiza kupwa. 31Lilu ni hashi kumuyikahwa, alioze maliji jami kechi kahwa nichimwe.
32Alioze ha kutwala ku tangwa lize ni ola yize kanyingikine niumwe, chipwe angelo a mwilu, chipwe mwe Mwana ka, shina mwe Tata, 33kanyamenu, lawokenu, lembenu: mumu kunwanyingikine muze mwaka muupwa. 34Chinapu ngwe mutu kanayi mu wenyi ku chifuchi chikwo, mahichika zuwo lienyi, mahana chiyulo kuli ndungo jenyi, kuli mweswe milimo yenyi, mamba mukwa kufunga pito, akalé. 35Lenu kashika: mumu kunwanyingikine muze mwenya zuwo meza, shina chingoloshi, shina ha muchima ufuku, shina ha kutambika ndemba, nyi shina chimenemene: 36kuchina, susumuku heza; manuwana mu tulo. 37Alioze chize ngunambe kuli yenu, ngunambe kuli eswe ngwami, Lenu.
Iliyochaguliwa sasa
MARKU 13: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MARKU 13
13
1Shimbu machituhuka mu tembele, umwe wa kuli tumbaji twenyi yamba kuli iye ngwenyi, Longeshi, tala mawe apwa haha! ni mazuwo apwa haha! 2Yesu wambile kuli iye ngwenyi, Unamono mazuwo ano anene? Kechi kahichika liwe nilimwe ha liwe likwo, lize kechi kalipuzula.
3Mba shimbu atwamine ha mulundu wa Olevwe, hatalanganyi ni tembele, Petulu ni Tiangu ni Yoano ni Andeleu amuhulile ukawo ngwo, 4Twambulwile kama, mwiji muka yino yuma muyikapwa? Chilayi cha kumanunuka cha yino yuma kuchi muchipwa? 5Yesu waputukile kwamba kuli ayo ngwenyi, Kanyamenu ngwami, Niumwe kanda akanupiangula. 6Mumu anji kumakeza mu jina liami, nikwamba ngwo, Mwe Kristu yami, makapiangula anji. 7Alioze muze munwivwa ha jita ni ndundumwino ya jita, kanda nukasungalala; mumu chatamba yino yuma yeswe kupwa; alioze songo kanda lichipwa. 8Mumu akwa vungu limwe kumakakatukila akwa vungu likwo, akwa wanangana umwe kumakakatukila akwa wanangana ukwo; kumukukapwa minyiko kweka ni kweka; kumukukapwa tupunga ni lamba: yino yuma we uputukilo wa yikola.
9Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo. 10Lie sango lipema chatamba kuliambujola hatangu ku mavungu eswe. 11Alioze muze manutwala mukunukunjika kanda nukalipikala shimbu kanda ha kutwala ku chize munukamba, chipwe kanda nukachipukuna; alioze cheswacho makanwaha ha ola yize, che chize nukachihanjike; mumu hi yenu ko nwakuhanjika, alioze Spiritu Musandu. 12Mukulwana kumakakunjika mwanakwo ku kufwa, tato makakunjika mwanenyi; ana kumakakatukila yisemi, makaashihisa. 13Kumakanuvwila kole kuli eswe mumu ha jina liami: alioze yoze manyongonona ndo ku songo, kumakamulamwina.
14Alioze muze munumona chizelwokeso cha kwenyeka chinamana kuze kuchatambile kumana (yoze matanga, akase chinyingi), hohene waze mapwa mu Yundeya, akachinyine ku milundu: 15yoze mapwa helu lia zuwo, kanda akasunuka hashi, chipwe kanda akanjila mukuchiza chuma chimwe ku zuwo lienyi. 16Yoze mapwa ku minda, kanda akahiluka mukwanda hina lienyi. 17Alioze lamba kuli waze mapwa ni ufumba ni kuli waze mamwisa ana ha matangwa aze! 18Chikwo, lembenu hanga kuchina chenu kanda chikapwa kama ha mwaka wa chishika. 19Mumu ha matangwa aze kumukukapwa luyinda, yoze kukwapwile umwe wa kulifwa nenyi chize ku uputukilo wa kutanga chize atangile Zambi ndo haliapwila, mba kechi kapwa nawa. 20Nyi kachi Mwene katepulwile matangwa aze kachi mutu niumwe malilamwina; alioze mumu hali waze hanaatongola, waze hanaatongola iye, watepulwile matangwa aze. 21Hohene kachi umwe mamba kuli yenu ngwenyi, Talenu, kuno kwali mwe Kristu! hanji ngwo, Talenu, kuze ali! kanda nukachifuliela: 22mumu akristu a kwonga ni aprofeta a kwonga kumakeza, makalweza yilayi ni yipekesa mukupiangula chipwe waze hanaatongola, kachi maahasa. 23Alioze yenu, kanyamenu: hingunanwambulwila yuma yeswe shimbu kanda.
24Alioze ha matangwa aze, kulutwe lia luyinda yoze, tangwa kumulikalá, ni kakweji kechi katwa mieji. 25Ni matongonoshi a mwilu kumakaholoka, ni tachi jize jili mu malilu kumujikanyika. 26Hohene makamona mwe Mwana Mutu kaneza mu malelwa hamwe ni tachi jinene ni uhenya. 27Hohene makatuma angelo jenyi, akakungulule waze hanaatongola iye, ku fuji jiwana, ku kusula songo lia hashi ndo ku kusula songo lia lilu.
28Achi, lilongesenu chishima ku mukuyu: muze te mutango wawo hiwovula, muusokoloka mafwo, mununyingika lwiza hapwa hakamwihi. 29Chocho nawa yenu muze munumona yino yuma, nyingikenu iye hakamwihi ali, te ku vikolo. 30Pundu ngunambe kuli yenu ngwami, Chisemuko chino kuchichi kahwa nichimwe ndo yino yuma yeswe muyiza kupwa. 31Lilu ni hashi kumuyikahwa, alioze maliji jami kechi kahwa nichimwe.
32Alioze ha kutwala ku tangwa lize ni ola yize kanyingikine niumwe, chipwe angelo a mwilu, chipwe mwe Mwana ka, shina mwe Tata, 33kanyamenu, lawokenu, lembenu: mumu kunwanyingikine muze mwaka muupwa. 34Chinapu ngwe mutu kanayi mu wenyi ku chifuchi chikwo, mahichika zuwo lienyi, mahana chiyulo kuli ndungo jenyi, kuli mweswe milimo yenyi, mamba mukwa kufunga pito, akalé. 35Lenu kashika: mumu kunwanyingikine muze mwenya zuwo meza, shina chingoloshi, shina ha muchima ufuku, shina ha kutambika ndemba, nyi shina chimenemene: 36kuchina, susumuku heza; manuwana mu tulo. 37Alioze chize ngunambe kuli yenu, ngunambe kuli eswe ngwami, Lenu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.