UPUTUKILO 32
32
1Yakomba yaya mu jila yenyi mba angelo a Zambi yatakana nenyi. 2Ya komba muze haamona yamba ngwenyi, Chino chihuji cha Zambi. Kashika yaluka kuma kuze ngwenyi, Mahaneme.
3Yakomba yatuma tunganda kulutwe kuli yayo Esau ku chifuchi cha Sere, kwe ku musenge wa Endome. 4Yaaha shimbi ngwenyi, Munwamba kuli mwata Esau ngwenu, Liji lia kavumbi kenu Yakomba ngwenyi, Nayile kuli Lapane; natwamako ndo haliapwila. 5Hinazuka ngombe, ni yimbulu, ni yimuna, ni ndungo ja malunga ni ndungo ja mapwo. Ngunatumu kuhanjika ni yena mwata wami Ukangulinge vumbi.
6Tunganda yahiluka kuli Yakomba ngwo, Twaheta kuli yayenu Esau, iye kaneza mukukupatwiza ni makulakaji awana a malunga. 7Mba Yakomba yevwa woma wunji, yalipikala chinji. Yahandununa atu endele no, ni yimuna, ni ngombe, ni tumelu, apwe yendo yiali. 8Yamba ngwenyi, Nyi Esau matakana ni chendo chimuwika, machipupa mba chendo chikwo chasala muchililamwina.
9Mba Yakomba yalemba ngwenyi, Zambi ya kaka Apalahama; Zambi ya tata Izake; Mwene, yena wambile kuli yami ngwe, Hiluka ku chifuchi che, kuli usoko we, mba mungukakuwahisa. 10Ami chatelele, chipwe hakehe, utu wa zango lie ni umwenemwene we walweza kuli yami kuvumbi ke. Mumu nazaukile yono Yordau ni mulumbu wami, haliapwila hinapwa yendo yiali. 11Ngunaliumbu, ungupulule ku kwoko lia yaya Esau, mumu woma ngunevu kuchina meza nikungupupa ni anaye hamwe ni ana. 12Wambile ngwe, Pundu mungukakulinga yipema, mungukapwisa munyachi we ngwe masekeseke a kalunga-lwiji, kechi kuhasa kwaalula mumu anji.
13Yapombako ufuku uze. Yanda mulambu wa ku yuma yeswe apwile nayo akahane kuli yayo Esau. 14Pembe a yihwo makulakaji aali; a kuji makumi aali, mapanga a yihwo makulakaji aali; a kuji makumi aali. 15Tumelu a yamwa makumi atatu ni ana jo. Ngombe a yihwo makumi awana, a kuji kumi. A yimbulu makumi aali a yihwo ni kumi lia ana. 16Yaakunjika kuli ngamba jenyi, chendo ni chendo ukawacho. Yamba kuli ngamba jenyi ngwenyi, Nuliange kuzauka yenu, nukasele kapinji hakachi ka chendo ni chendo. 17Yamba kuli mukwa lutwe ngwenyi, Muze yaya Esau matakana ni yenu, manuhula ngwenyi, Kuli iya nunakatuka? Kulihi nunayi? Wano aya anayi kulutwe? 18Mba muwamba ngwe, Wano eswe a kavumbi kenu Yakomba, te mulambu anatumu kuli yena Esau mwene wami. Iye kanatukaula kunyima. 19Chocho nawa yalongesa wamuchiali, ni wamuchitatu, ni waze eswe akawile yendo ngwenyi, Chocho munuhanjika ni Esau muze nwatakana nenyi. 20Munwamba nawa ngwenu, Kavumbi kenu Yakomba kanatukaula kunyima. Mumu wanyongene ngwenyi, Mungumulembejeka ni mulambu uno unayi kulutwe mba mungumona meso jenyi. Hanji mangutayiza. 21Chocho mulambu wazaukile kulutwe. Iye mwene wapombele ufuku uze hakachi ka akwo.
22Mba ha ufuku yakatuka, yatwala mapwo jenyi aali ni ndungo ja mapwo aali, ni ana jenyi kumi ni umuwika, yazauka lwiji Yapoke ha mwa. 23Yaatwala, yaazawisa ha lwiji hamuwika ni yuma yeswe apichile. 24Yakomba yasala ukawenyi. Kwenako walitachikile nenyi umwe lunga ndo ku kucha cha tangwa. 25Muze amwene ngwenyi, Kenu ngunamuse, yamukwata mu chitongo, mba chitongo cha Yakomba chasengunukine shimbu te machilitachika nenyi. 26Mba mwe lunga yamba ngwenyi, Ngweche nguye, mumu kunachi. Iye yamukumbulula ngwenyi, Chichi kukwecha ndo munguwahisa. 27Yamuhula ngwenyi, Jina lie iya? Yakumbulula ngwenyi, Yami Yakomba. 28Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba. 29Mba Yakomba yamuhula ngwenyi, Ngulweze kama jina lie. Iye yakumbulula ngwenyi, Kuchi te unahula jina liami? Kwe kuze yamuwahisa. 30Yakomba yalukako jina ngwenyi, Penwele, mumu ngwenyi, Hinamona Zambi meso ni meso, hindu hangwaha mwono wami. 31Shimbu machizauka Penwele tangwa yilivumbuka. Yakomba kanapalita mumu ha shina lia kulu lienyi. 32Kashika ana a Izalele keshi kulia mujipa wa chitongo mumu iye wakwachile chitongo cha Yakomba mu mujipa wacho.
Iliyochaguliwa sasa
UPUTUKILO 32: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 32
32
1Yakomba yaya mu jila yenyi mba angelo a Zambi yatakana nenyi. 2Ya komba muze haamona yamba ngwenyi, Chino chihuji cha Zambi. Kashika yaluka kuma kuze ngwenyi, Mahaneme.
3Yakomba yatuma tunganda kulutwe kuli yayo Esau ku chifuchi cha Sere, kwe ku musenge wa Endome. 4Yaaha shimbi ngwenyi, Munwamba kuli mwata Esau ngwenu, Liji lia kavumbi kenu Yakomba ngwenyi, Nayile kuli Lapane; natwamako ndo haliapwila. 5Hinazuka ngombe, ni yimbulu, ni yimuna, ni ndungo ja malunga ni ndungo ja mapwo. Ngunatumu kuhanjika ni yena mwata wami Ukangulinge vumbi.
6Tunganda yahiluka kuli Yakomba ngwo, Twaheta kuli yayenu Esau, iye kaneza mukukupatwiza ni makulakaji awana a malunga. 7Mba Yakomba yevwa woma wunji, yalipikala chinji. Yahandununa atu endele no, ni yimuna, ni ngombe, ni tumelu, apwe yendo yiali. 8Yamba ngwenyi, Nyi Esau matakana ni chendo chimuwika, machipupa mba chendo chikwo chasala muchililamwina.
9Mba Yakomba yalemba ngwenyi, Zambi ya kaka Apalahama; Zambi ya tata Izake; Mwene, yena wambile kuli yami ngwe, Hiluka ku chifuchi che, kuli usoko we, mba mungukakuwahisa. 10Ami chatelele, chipwe hakehe, utu wa zango lie ni umwenemwene we walweza kuli yami kuvumbi ke. Mumu nazaukile yono Yordau ni mulumbu wami, haliapwila hinapwa yendo yiali. 11Ngunaliumbu, ungupulule ku kwoko lia yaya Esau, mumu woma ngunevu kuchina meza nikungupupa ni anaye hamwe ni ana. 12Wambile ngwe, Pundu mungukakulinga yipema, mungukapwisa munyachi we ngwe masekeseke a kalunga-lwiji, kechi kuhasa kwaalula mumu anji.
13Yapombako ufuku uze. Yanda mulambu wa ku yuma yeswe apwile nayo akahane kuli yayo Esau. 14Pembe a yihwo makulakaji aali; a kuji makumi aali, mapanga a yihwo makulakaji aali; a kuji makumi aali. 15Tumelu a yamwa makumi atatu ni ana jo. Ngombe a yihwo makumi awana, a kuji kumi. A yimbulu makumi aali a yihwo ni kumi lia ana. 16Yaakunjika kuli ngamba jenyi, chendo ni chendo ukawacho. Yamba kuli ngamba jenyi ngwenyi, Nuliange kuzauka yenu, nukasele kapinji hakachi ka chendo ni chendo. 17Yamba kuli mukwa lutwe ngwenyi, Muze yaya Esau matakana ni yenu, manuhula ngwenyi, Kuli iya nunakatuka? Kulihi nunayi? Wano aya anayi kulutwe? 18Mba muwamba ngwe, Wano eswe a kavumbi kenu Yakomba, te mulambu anatumu kuli yena Esau mwene wami. Iye kanatukaula kunyima. 19Chocho nawa yalongesa wamuchiali, ni wamuchitatu, ni waze eswe akawile yendo ngwenyi, Chocho munuhanjika ni Esau muze nwatakana nenyi. 20Munwamba nawa ngwenu, Kavumbi kenu Yakomba kanatukaula kunyima. Mumu wanyongene ngwenyi, Mungumulembejeka ni mulambu uno unayi kulutwe mba mungumona meso jenyi. Hanji mangutayiza. 21Chocho mulambu wazaukile kulutwe. Iye mwene wapombele ufuku uze hakachi ka akwo.
22Mba ha ufuku yakatuka, yatwala mapwo jenyi aali ni ndungo ja mapwo aali, ni ana jenyi kumi ni umuwika, yazauka lwiji Yapoke ha mwa. 23Yaatwala, yaazawisa ha lwiji hamuwika ni yuma yeswe apichile. 24Yakomba yasala ukawenyi. Kwenako walitachikile nenyi umwe lunga ndo ku kucha cha tangwa. 25Muze amwene ngwenyi, Kenu ngunamuse, yamukwata mu chitongo, mba chitongo cha Yakomba chasengunukine shimbu te machilitachika nenyi. 26Mba mwe lunga yamba ngwenyi, Ngweche nguye, mumu kunachi. Iye yamukumbulula ngwenyi, Chichi kukwecha ndo munguwahisa. 27Yamuhula ngwenyi, Jina lie iya? Yakumbulula ngwenyi, Yami Yakomba. 28Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba. 29Mba Yakomba yamuhula ngwenyi, Ngulweze kama jina lie. Iye yakumbulula ngwenyi, Kuchi te unahula jina liami? Kwe kuze yamuwahisa. 30Yakomba yalukako jina ngwenyi, Penwele, mumu ngwenyi, Hinamona Zambi meso ni meso, hindu hangwaha mwono wami. 31Shimbu machizauka Penwele tangwa yilivumbuka. Yakomba kanapalita mumu ha shina lia kulu lienyi. 32Kashika ana a Izalele keshi kulia mujipa wa chitongo mumu iye wakwachile chitongo cha Yakomba mu mujipa wacho.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.