UPUTUKILO 33
33
1Yakomba yahetula meso jenyi, yamona kumanyi Esau kaneza ni makulakaji awana a malunga. Yahandununa ana kuli Liya ni kuli Rakele, ni kuli ndungo ja mapwo. 2Yasa ndungo kulutwe, ni Liya ni ana jenyi hakachi, ni Rakele ni José kunyima. 3Iye mwene wayile kulutwe, yahetama hashi yisuho shimbiali, ndo yaheta kuli yayo.
4Esau yazomboka nikumupatwiza, yamukwata mu moko, yalizewilaye, yamwaha mbeju, chocho alilile. 5Iye yahetula meso, yamona mapwo ni ana, yamba ngwenyi, Wano uli no aya? Iye yakumbulula ngwenyi, Wano e ana Zambi hahana mu vumbi lienyi kuli yami kavumbi ke. 6Mba ndungo yakundama ni ana jo, yahetama. 7Ni Liya nawa ni ana jenyi yakundama, yahetama. Mba kunyima yo yakundama José ni Rakele nikuhetama. 8Esau yamba ngwenyi, Chendo cheswe natakana nacho kuchi chinalumbunuka? Iye yamba ngwenyi, Hanga ngukawane vumbi kumeso ja yena mwene wami. 9Esau ngwenyi, Anji nguli no mwanakwetu, zukako chize uli nacho. 10Alioze Yakomba yamba ngwenyi, Hi chocho ko mwane. Nyi hinawana vumbi kumeso je tambula mulambu wami ku kwoko liami se hinamona meso je ngwe umwe mamona meso a Zambi, hiwangutambula ni vumbi. 11Tambula kama mulambu wami hinakunehena mumu Zambi hangulinga vumbi, se yuma yeswe nguli nayo. Yamushinjila mba yautambula.
12Esau yamba ngwenyi, Tukatukenu, tuye mu jila. Ami mungutetekela. 13Iye yamukumbulula ngwenyi, Mwene wami unanyingika ana kanda akola, chikwo nawa yimuna ni ngombe nguli no anamwisa ana jo. Nyi maendesa naye tangwa limuwika eswe kumafwa. 14Ena mwene wami, uchipalike kulutwe lia yami kavumbi ke, mba yami mungwenda hakehe nikulita ni kwenda cha yimuna wano kulutwe liami, nikulita nawa ni kwenda cha ana, ndo mungukuwana yena mwene wami mu Sere.
15Esau yamba ngwenyi, Munguhichika amwe akwetu hamwe ni yena. Iye yakumbulula ngwenyi, Aka? Nguwane kama vumbi kumeso ja yena mwene wami. 16Chocho Esau yahilukila tangwa lize akaye ku Sere. 17Yakomba wendele ndo ku Sukote. Yatungilako zuwo, ni matanga hali yimuna jenyi. Kashika yalukako jina ngwenyi, Sukote.
18Chocho Yakomba yaheta ni sambukila ndo ku chihunda cha Shekeme mu chifuchi cha Kanana, ha kukatuka ku Panda-narame. Yasa mbalaka yenyi kulutwe lia chihunda. 19Yalanda chihela chize asele mbalaka yenyi kuli ana ja Hamore tato ya Shekeme, ha ndando ya kulakaji lia mbongo. 20Yatungaho chilumbilo, yachiluka jina ngwenyi, Ele-Lohe-Izalele.
Iliyochaguliwa sasa
UPUTUKILO 33: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 33
33
1Yakomba yahetula meso jenyi, yamona kumanyi Esau kaneza ni makulakaji awana a malunga. Yahandununa ana kuli Liya ni kuli Rakele, ni kuli ndungo ja mapwo. 2Yasa ndungo kulutwe, ni Liya ni ana jenyi hakachi, ni Rakele ni José kunyima. 3Iye mwene wayile kulutwe, yahetama hashi yisuho shimbiali, ndo yaheta kuli yayo.
4Esau yazomboka nikumupatwiza, yamukwata mu moko, yalizewilaye, yamwaha mbeju, chocho alilile. 5Iye yahetula meso, yamona mapwo ni ana, yamba ngwenyi, Wano uli no aya? Iye yakumbulula ngwenyi, Wano e ana Zambi hahana mu vumbi lienyi kuli yami kavumbi ke. 6Mba ndungo yakundama ni ana jo, yahetama. 7Ni Liya nawa ni ana jenyi yakundama, yahetama. Mba kunyima yo yakundama José ni Rakele nikuhetama. 8Esau yamba ngwenyi, Chendo cheswe natakana nacho kuchi chinalumbunuka? Iye yamba ngwenyi, Hanga ngukawane vumbi kumeso ja yena mwene wami. 9Esau ngwenyi, Anji nguli no mwanakwetu, zukako chize uli nacho. 10Alioze Yakomba yamba ngwenyi, Hi chocho ko mwane. Nyi hinawana vumbi kumeso je tambula mulambu wami ku kwoko liami se hinamona meso je ngwe umwe mamona meso a Zambi, hiwangutambula ni vumbi. 11Tambula kama mulambu wami hinakunehena mumu Zambi hangulinga vumbi, se yuma yeswe nguli nayo. Yamushinjila mba yautambula.
12Esau yamba ngwenyi, Tukatukenu, tuye mu jila. Ami mungutetekela. 13Iye yamukumbulula ngwenyi, Mwene wami unanyingika ana kanda akola, chikwo nawa yimuna ni ngombe nguli no anamwisa ana jo. Nyi maendesa naye tangwa limuwika eswe kumafwa. 14Ena mwene wami, uchipalike kulutwe lia yami kavumbi ke, mba yami mungwenda hakehe nikulita ni kwenda cha yimuna wano kulutwe liami, nikulita nawa ni kwenda cha ana, ndo mungukuwana yena mwene wami mu Sere.
15Esau yamba ngwenyi, Munguhichika amwe akwetu hamwe ni yena. Iye yakumbulula ngwenyi, Aka? Nguwane kama vumbi kumeso ja yena mwene wami. 16Chocho Esau yahilukila tangwa lize akaye ku Sere. 17Yakomba wendele ndo ku Sukote. Yatungilako zuwo, ni matanga hali yimuna jenyi. Kashika yalukako jina ngwenyi, Sukote.
18Chocho Yakomba yaheta ni sambukila ndo ku chihunda cha Shekeme mu chifuchi cha Kanana, ha kukatuka ku Panda-narame. Yasa mbalaka yenyi kulutwe lia chihunda. 19Yalanda chihela chize asele mbalaka yenyi kuli ana ja Hamore tato ya Shekeme, ha ndando ya kulakaji lia mbongo. 20Yatungaho chilumbilo, yachiluka jina ngwenyi, Ele-Lohe-Izalele.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.