UPUTUKILO 31
31
1Iye wevwile maliji ja ana a Lapane ngwo, Yakomba hambata upite weswe wa tata. Hazuka uhenya uno weswe ku yuma yapwile ya tata. 2Yakomba yamona meso ja Lapane kumanyi kamutalile kanawa ngwe miaka ya kunyima. 3Yehova yamba kuli Yakomba ngwenyi, Hiluka ku chifuchi cha atatenu ni usoko wenu, mba mungupwa hamwe ni yena. 4Chocho Yakomba yatuma kusanyika Rakele ni Liya mu yambu kuze afungile yimuna jenyi. 5Yamba kuli ayo ngwenyi, Ngunamono meso ja tatenu, kangutalile kanawa ngwe kunyima, alioze Zambi ya tata kwali hamwe ni yami. 6Enu nunanyingika nalingila tatenu ni tachi jami jeswe. 7Tatenu hangwonga, halumuna fweto yami kumi lia yisuho, hindu Zambi kamutayijile kunguyindamisa. 8Muze iye hamba ngwenyi, Akwa yipeka mapwa fweto ye, mba yimuna eswe asemene ana ni yipeka. Nyi hamba ngwenyi, Akwa yihesayihesa mapwa fweto ye, mba yimuna eswe asemene ana ja yihesayihesa. 9Chocho Zambi hanachiza yimuna ja tatenu haahana kuli yami. 10Chapwile ha mwaka muze yimuna maka majimo, nahetwile meso jami, namwene mu chilota kuji a pembe waze anyinyine ha yimuna apwile a yihesayihesa, ni a yipekayipeka ni apundumuka. 11Mba mungelo wa Zambi yamba kuli yami mu chilota chami ngwenyi, Yakomba. Ami namba ngwami, Yami uno. 12Iye yamba ngwenyi, Hetula meso je haliapwila utale. Kuji eswe waze ananyina ha yimuna kapwa akwa yihesayihesa, ni akwa yipekayipeka ni apundumuka mumu hinamona yize yeswe Lapane kanakulingi. 13Yami mwe Zambi ya Mbetele, kuze wakwichile maji ha liwe lia kumika. Kuze walakenyene chilakenyo ni yami. Kashika katuka, uhichike chifuchi chino, uhiluke ku chifuchi che cha kusemukina. 14Rakele ni Liya yamukumbulula ngwo, Te chihanda chimwe hanji chihinga chimwe cha yetu chasala mu zuwo lia tata, nyi? 15Te katumwene ngwe tuli yilambala? Se iye watulanjishile, mba hamana kulia ndando ya yihako. 16Mumu upite weswe Zambi hachiza kuli tata, wa mbala wa yetu ni wa ana jetu. Kashika cheswacho Zambi hanakwambe, hilinga.
17Mba Yakomba yakatuka, yasa anenyi a malunga ni mapwo jenyi ha tumelu, 18yambata yimuna jenyi eswe, ni yikumba yenyi yeswe yize apita, ni ngombe eswe haazuka aze hapita mu Panda-narame, akaye kuli tato Izake mu chifuchi cha Kanana. 19Alioze te Lapane haya kutewula mapanga jenyi, kashika Rakele yeya mahamba ja tato. 20Mba Yakomba yasewunuka kuli Lapane Ka-Seria, kamulwezelecho. 21Chocho yachina ni upite wenyi weswe. Yakatuka, yazauka mwe Lwiji, yatalikisa meso jenyi ku milundu ya Ngiliate.
22Ha tangwa liamuchitatu yambulwila Lapane ngwo, Yakomba hachina. 23Mba iye yatwala usoko wenyi hamuwika, yamukaula matangwa shimbiali, yamuwana mu milundu ya Ngiliate. 24Alioze Zambi yeza kuli Lapane Ka-Seria mu chilota ha ufuku, yamba kuli iye ngwenyi, Ukanyama, kanda uhanjika kuli Yakomba hanji chipema hanji chipi.
25Chocho Lapane yawana Yakomba. Yakomba te hajika mbalaka jenyi mu milundu, mba Lapane ni usoko wenyi yajika mbalaka jo mu milundu ya Ngiliate. 26Lapane yamba kuli Yakomba ngwenyi, Yika walinga, ukangusewunuke nikwombola ana jami a mapwo ngwe funge ja jita? 27Kuchi te unakachina nikusewunuka? Kwangulwezele, kachi nakwecha ni uwahililo ni miaso, ni mikupiela ni tulialia. 28Kwangutayijile kuhana mbeju kuli anami a malunga ni a mapwo. Henaho kwalingile ni mana. 29Chatwama mu tachi ja moko jami kukulinga chipi, alioze Zambi ya tatenu kahanjikanga ni yami ufuku wa musono ngwenyi, Ukanyama, kanda uhanjika kuli Yakomba hanji chipema hanji chipi. 30Chikwo nawa, chipwe chakutamba kuya mumu usona wunji uli nawo wa zuwo lia tatenu, alioze kuchi te unakeya mahamba jami? 31Yakomba yakumbulula kuli Lapane ngwenyi, Mumu nevwile woma ngwami, Hanji meza kutambula ana jenyi ni tachi. 32Mweswawo muwana ni mahamba je, kechi kutwama nawa ni mwono. Kumeso ja usoko wetu tala kanawa cheswacho chapwa niché uchimbate. Mumu Yakomba kanyingikine ngwenyi, Rakele heya mahamba.
33Chocho Lapane yanjila mu mbalaka ya Yakomba, ni mbalaka ya Liya, ni mbalaka ja ndungo aali a mapwo, alioze kaawanyine. Yatuhuka mu mbalaka ya Liya, yanjila mu mbalaka ya Rakele. 34Rakele iye te handa mahamba, haasweka mu seleyi ya kamelu, yatwamaho. Lapane yapolongoza mweswe mu mbalaka, kaawanyine. 35Rakele yamba kuli tato ngwenyi, Mwane, kanda utenuka chakatukile kumeso je mumu ndako ya mapwo yangukwata. Iye yafupa alioze kawanyine mahamba.
36Mba Yakomba yatenuka nikwambila Lapane. Yakomba yamba kuli Lapane ngwenyi, Utanguko wami uka? Mulonga wami uka? Ena hiwanguhanga fujifuji Chichize. 37Hiwapolongoza mu upite wami weswe, mba yikwata yika ya yena wawanamo? Yitumbike kuno kumeso ja usoko wami ni usoko we hanga atupatwile. 38Makumi aali a miaka natwama ni yena. Yihwo je a mapanga ni a pembe kaselumwine. Kuji ja mu matanga je chaalile. 39Yoze amupapulwile kuli ngongo chamunehene kuli yena; chapwile kutokesa cha yami. Ku kwoko liami wachifwetesele, chipwe amwiyile ha mwalwa chipwe ha ufuku. 40Chocho napwile. Ha mwalwa changa changutwile. Ha ufuku chishika. Chipwe tulo achinyine ku meso jami. 41Makumi aali a miaka natwama mu zuwo lie. Nakulingilile milimo kumi lia miaka ni miaka yiwana hali ana je a mapwo aali. Nawezele miaka yisambano hali yimuna je, alioze walumionene fweto yami kumi lia yisuho. 42Nyi kachi Zambi ya tata, Zambi ya Apalahama, woma wa Izake, kachi kapwile ni yami, pundu kachi wanguhumine mokomoko. Zambi hanamono lamba liami ni kuhondangana cha moko jami mba kakuhisanga musono.
43Lapane yakumbulula kuli Yakomba ngwenyi, Mapwo ana jami; ni e ana ninyami, ni yimuna ninyami; yuma yino yeswe unamono niyami, mba kuchi munguhasa kulinga musono kuli wano ana jami a mapwo, hanji kuli wano ana jo hasema? 44Tuye tukolese usendo, yami ni yena, ukapwe chinyingi hakachi ka yami ni yena. 45Mba Yakomba yanda luliwe, yalusa ngwe luliwe lwa kumika. 46Yakomba yamba kuli usoko wenyi ngwenyi, Andenu mawe. Mba yanda mawe, yaalunjika chilunjika. Chocho yalilako kwe ku chilunjika. 47Lapane yalukako ngwenyi, Yeka-sahanduta, alioze Yakomba yalukako ngwenyi, Ngalite. 48Lapane yamba ngwenyi, Chilunjika chino chikapwe chinyingi hakachi ka yami ni yena musono. Kashika jina liaho yaliluka, Ngalite. 49Likwo nawa, Mizepa, mumu wambile ngwenyi, Yehova akalé hakachi ka yena ni yami shimbu kutwalimwene umwe kuli mukwo. 50Nyi mupinjisa anami a mapwo, hanji muhalika nawa mapwo akwo hamwe no, lunga kutushi nenyi; alioze Zambi akapwe chela hakachi ka yami ni yena.
51Lapane wambile nawa kuli Yakomba ngwenyi, Tala chilunjika chino ni liwe lino lia kumika, hinayisela hakachi ka yami ni yena. 52Chilunjika chino chikapwe chinyingi, ni liwe lino likapwe chinyingi, ngwami, Chichi kahiana ha chilunjika chino ngukahete kuli yena, ni yena Kuchi kahiana ha chilunjika chino ukahete kuli yami kungulinga chipi. 53Zambi ya Apalahama, Zambi ya Nehore, Zambi ya tato akapatwile hakachi ketu. Mba Yakomba yalishinga ni woma wa tato Izake. 54Yakomba yalambula chitapo ha mulundu, yasanyika usoko wenyi akalie mbolo, o alileko mbolo, yatwama ufuku weswe ha mulundu.
55Mukwacha chimene Lapane yakatuka yahana mbeju kuli anenyi a malunga ni a mapwo, yaawahisa. Mba Lapane yakatuka yaya ku chifuchi chenyi.
Iliyochaguliwa sasa
UPUTUKILO 31: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 31
31
1Iye wevwile maliji ja ana a Lapane ngwo, Yakomba hambata upite weswe wa tata. Hazuka uhenya uno weswe ku yuma yapwile ya tata. 2Yakomba yamona meso ja Lapane kumanyi kamutalile kanawa ngwe miaka ya kunyima. 3Yehova yamba kuli Yakomba ngwenyi, Hiluka ku chifuchi cha atatenu ni usoko wenu, mba mungupwa hamwe ni yena. 4Chocho Yakomba yatuma kusanyika Rakele ni Liya mu yambu kuze afungile yimuna jenyi. 5Yamba kuli ayo ngwenyi, Ngunamono meso ja tatenu, kangutalile kanawa ngwe kunyima, alioze Zambi ya tata kwali hamwe ni yami. 6Enu nunanyingika nalingila tatenu ni tachi jami jeswe. 7Tatenu hangwonga, halumuna fweto yami kumi lia yisuho, hindu Zambi kamutayijile kunguyindamisa. 8Muze iye hamba ngwenyi, Akwa yipeka mapwa fweto ye, mba yimuna eswe asemene ana ni yipeka. Nyi hamba ngwenyi, Akwa yihesayihesa mapwa fweto ye, mba yimuna eswe asemene ana ja yihesayihesa. 9Chocho Zambi hanachiza yimuna ja tatenu haahana kuli yami. 10Chapwile ha mwaka muze yimuna maka majimo, nahetwile meso jami, namwene mu chilota kuji a pembe waze anyinyine ha yimuna apwile a yihesayihesa, ni a yipekayipeka ni apundumuka. 11Mba mungelo wa Zambi yamba kuli yami mu chilota chami ngwenyi, Yakomba. Ami namba ngwami, Yami uno. 12Iye yamba ngwenyi, Hetula meso je haliapwila utale. Kuji eswe waze ananyina ha yimuna kapwa akwa yihesayihesa, ni akwa yipekayipeka ni apundumuka mumu hinamona yize yeswe Lapane kanakulingi. 13Yami mwe Zambi ya Mbetele, kuze wakwichile maji ha liwe lia kumika. Kuze walakenyene chilakenyo ni yami. Kashika katuka, uhichike chifuchi chino, uhiluke ku chifuchi che cha kusemukina. 14Rakele ni Liya yamukumbulula ngwo, Te chihanda chimwe hanji chihinga chimwe cha yetu chasala mu zuwo lia tata, nyi? 15Te katumwene ngwe tuli yilambala? Se iye watulanjishile, mba hamana kulia ndando ya yihako. 16Mumu upite weswe Zambi hachiza kuli tata, wa mbala wa yetu ni wa ana jetu. Kashika cheswacho Zambi hanakwambe, hilinga.
17Mba Yakomba yakatuka, yasa anenyi a malunga ni mapwo jenyi ha tumelu, 18yambata yimuna jenyi eswe, ni yikumba yenyi yeswe yize apita, ni ngombe eswe haazuka aze hapita mu Panda-narame, akaye kuli tato Izake mu chifuchi cha Kanana. 19Alioze te Lapane haya kutewula mapanga jenyi, kashika Rakele yeya mahamba ja tato. 20Mba Yakomba yasewunuka kuli Lapane Ka-Seria, kamulwezelecho. 21Chocho yachina ni upite wenyi weswe. Yakatuka, yazauka mwe Lwiji, yatalikisa meso jenyi ku milundu ya Ngiliate.
22Ha tangwa liamuchitatu yambulwila Lapane ngwo, Yakomba hachina. 23Mba iye yatwala usoko wenyi hamuwika, yamukaula matangwa shimbiali, yamuwana mu milundu ya Ngiliate. 24Alioze Zambi yeza kuli Lapane Ka-Seria mu chilota ha ufuku, yamba kuli iye ngwenyi, Ukanyama, kanda uhanjika kuli Yakomba hanji chipema hanji chipi.
25Chocho Lapane yawana Yakomba. Yakomba te hajika mbalaka jenyi mu milundu, mba Lapane ni usoko wenyi yajika mbalaka jo mu milundu ya Ngiliate. 26Lapane yamba kuli Yakomba ngwenyi, Yika walinga, ukangusewunuke nikwombola ana jami a mapwo ngwe funge ja jita? 27Kuchi te unakachina nikusewunuka? Kwangulwezele, kachi nakwecha ni uwahililo ni miaso, ni mikupiela ni tulialia. 28Kwangutayijile kuhana mbeju kuli anami a malunga ni a mapwo. Henaho kwalingile ni mana. 29Chatwama mu tachi ja moko jami kukulinga chipi, alioze Zambi ya tatenu kahanjikanga ni yami ufuku wa musono ngwenyi, Ukanyama, kanda uhanjika kuli Yakomba hanji chipema hanji chipi. 30Chikwo nawa, chipwe chakutamba kuya mumu usona wunji uli nawo wa zuwo lia tatenu, alioze kuchi te unakeya mahamba jami? 31Yakomba yakumbulula kuli Lapane ngwenyi, Mumu nevwile woma ngwami, Hanji meza kutambula ana jenyi ni tachi. 32Mweswawo muwana ni mahamba je, kechi kutwama nawa ni mwono. Kumeso ja usoko wetu tala kanawa cheswacho chapwa niché uchimbate. Mumu Yakomba kanyingikine ngwenyi, Rakele heya mahamba.
33Chocho Lapane yanjila mu mbalaka ya Yakomba, ni mbalaka ya Liya, ni mbalaka ja ndungo aali a mapwo, alioze kaawanyine. Yatuhuka mu mbalaka ya Liya, yanjila mu mbalaka ya Rakele. 34Rakele iye te handa mahamba, haasweka mu seleyi ya kamelu, yatwamaho. Lapane yapolongoza mweswe mu mbalaka, kaawanyine. 35Rakele yamba kuli tato ngwenyi, Mwane, kanda utenuka chakatukile kumeso je mumu ndako ya mapwo yangukwata. Iye yafupa alioze kawanyine mahamba.
36Mba Yakomba yatenuka nikwambila Lapane. Yakomba yamba kuli Lapane ngwenyi, Utanguko wami uka? Mulonga wami uka? Ena hiwanguhanga fujifuji Chichize. 37Hiwapolongoza mu upite wami weswe, mba yikwata yika ya yena wawanamo? Yitumbike kuno kumeso ja usoko wami ni usoko we hanga atupatwile. 38Makumi aali a miaka natwama ni yena. Yihwo je a mapanga ni a pembe kaselumwine. Kuji ja mu matanga je chaalile. 39Yoze amupapulwile kuli ngongo chamunehene kuli yena; chapwile kutokesa cha yami. Ku kwoko liami wachifwetesele, chipwe amwiyile ha mwalwa chipwe ha ufuku. 40Chocho napwile. Ha mwalwa changa changutwile. Ha ufuku chishika. Chipwe tulo achinyine ku meso jami. 41Makumi aali a miaka natwama mu zuwo lie. Nakulingilile milimo kumi lia miaka ni miaka yiwana hali ana je a mapwo aali. Nawezele miaka yisambano hali yimuna je, alioze walumionene fweto yami kumi lia yisuho. 42Nyi kachi Zambi ya tata, Zambi ya Apalahama, woma wa Izake, kachi kapwile ni yami, pundu kachi wanguhumine mokomoko. Zambi hanamono lamba liami ni kuhondangana cha moko jami mba kakuhisanga musono.
43Lapane yakumbulula kuli Yakomba ngwenyi, Mapwo ana jami; ni e ana ninyami, ni yimuna ninyami; yuma yino yeswe unamono niyami, mba kuchi munguhasa kulinga musono kuli wano ana jami a mapwo, hanji kuli wano ana jo hasema? 44Tuye tukolese usendo, yami ni yena, ukapwe chinyingi hakachi ka yami ni yena. 45Mba Yakomba yanda luliwe, yalusa ngwe luliwe lwa kumika. 46Yakomba yamba kuli usoko wenyi ngwenyi, Andenu mawe. Mba yanda mawe, yaalunjika chilunjika. Chocho yalilako kwe ku chilunjika. 47Lapane yalukako ngwenyi, Yeka-sahanduta, alioze Yakomba yalukako ngwenyi, Ngalite. 48Lapane yamba ngwenyi, Chilunjika chino chikapwe chinyingi hakachi ka yami ni yena musono. Kashika jina liaho yaliluka, Ngalite. 49Likwo nawa, Mizepa, mumu wambile ngwenyi, Yehova akalé hakachi ka yena ni yami shimbu kutwalimwene umwe kuli mukwo. 50Nyi mupinjisa anami a mapwo, hanji muhalika nawa mapwo akwo hamwe no, lunga kutushi nenyi; alioze Zambi akapwe chela hakachi ka yami ni yena.
51Lapane wambile nawa kuli Yakomba ngwenyi, Tala chilunjika chino ni liwe lino lia kumika, hinayisela hakachi ka yami ni yena. 52Chilunjika chino chikapwe chinyingi, ni liwe lino likapwe chinyingi, ngwami, Chichi kahiana ha chilunjika chino ngukahete kuli yena, ni yena Kuchi kahiana ha chilunjika chino ukahete kuli yami kungulinga chipi. 53Zambi ya Apalahama, Zambi ya Nehore, Zambi ya tato akapatwile hakachi ketu. Mba Yakomba yalishinga ni woma wa tato Izake. 54Yakomba yalambula chitapo ha mulundu, yasanyika usoko wenyi akalie mbolo, o alileko mbolo, yatwama ufuku weswe ha mulundu.
55Mukwacha chimene Lapane yakatuka yahana mbeju kuli anenyi a malunga ni a mapwo, yaawahisa. Mba Lapane yakatuka yaya ku chifuchi chenyi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.