UPUTUKILO 28
28
1Chocho Izake yasanyika Yakomba, yamuwahisa, yamwaha shimbi ya kwamba kuli iye ngwenyi, Kanda utambula pwo wa hakachi ka ana ja A-Kanana. 2Katuka uye ku Panda-narame ku zuwo lia Mbetule tato ya noko, ukambateko pwo wa kuli ana ja Lapane ndumbwa-noko. 3Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu. 4Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama. 5Chocho Izake yatuma Yakomba. Yaya ku Panda-narame kuli Lapane mwana wa Mbetule Ka-Seria, ndumbu ya Rebeka, chisemi cha Yakomba ni Esau.
6Esau yamona Izake hawahisa Yakomba nikumutuma ku Panda-narame akambateko pwo. Yamona nawa muze yamuwahisa yamushika ngwenyi, Kanda ukambata pwo wa kuli ana ja A-Kanana. 7Mba Yakomba yononokena atato ni naye, haya ku Panda-narame. 8Esau yamona mapwo ja A-Kanana kapemenene tato Izake. 9Kashika Esau yaya kuli Ishemali yaweza ku mapwo aze apwile no Mahalate mwana Ishemali mwana wa Apalahama, ndumbu ya Nepayote akapwe pwo lienyi.
10Yakomba yakatuka ku Mbia-shipa yatalikisa ku Harane. 11Yaheta kumwe, yapombako mumu tangwa hilianjila. Yanda limwe liwe liako, yashachilaho mutwe wenyi nikupomba kwenako. 12Yalota, kumanyi yamona ndalo ya kumika hashi, songo liayo liaheta ndo mwilu, angelo a Zambi nikukanduka nikuhulumuka. 13Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we. 14Akwa munyachi we kumakapwa ngwe fufuta ya hashi, kumukalitanda ku Chitokelo, ni ku Chivumbuko, lumbu ni lumbu, mavungu eswe a hashi eswe kumakaawahisa kuli yena ni ku munyachi we. 15Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga. 16Mba Yakomba yalaula ku tulo twenyi, yamba ngwenyi, Pundu, Yehova kuno kwali, ami chachinyingikine. 17Yevwa woma ngwenyi, Kuma kuno, kole ni woma. Kuno kwe ku zuwo lia Zambi, hi kweka ko. Kuno kwe ku chikolo cha mwilu.
18Yakomba yalimeneka, yanda liwe lize halitenga mushachilo, yalimika lipwe liwe lia kumika yazuza maji ha songo lialio. 19Yaluka jina kuma kuze ngwenyi, Mbetele. Alioze jina liako hatangu te Luze. 20Mba Yakomba yalakenya chilakenyo ngwenyi, Nyi Zambi mangufunga jila yeswe munguya akangwehe ya kulia, ni mazalo a kuzala, 21ngukeze nawa ku zuwo lia tata ni sambukila mba Yehova mapwa Zambi yami. 22Ni liwe lino hinalimika likapwe liwe lia kumika mulipwa zuwo lia Zambi. Ya yize yeswe mungwaha munguhilwisa chihanda chimuwika cha hakachi ka yihanda kumi.
Iliyochaguliwa sasa
UPUTUKILO 28: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 28
28
1Chocho Izake yasanyika Yakomba, yamuwahisa, yamwaha shimbi ya kwamba kuli iye ngwenyi, Kanda utambula pwo wa hakachi ka ana ja A-Kanana. 2Katuka uye ku Panda-narame ku zuwo lia Mbetule tato ya noko, ukambateko pwo wa kuli ana ja Lapane ndumbwa-noko. 3Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu. 4Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama. 5Chocho Izake yatuma Yakomba. Yaya ku Panda-narame kuli Lapane mwana wa Mbetule Ka-Seria, ndumbu ya Rebeka, chisemi cha Yakomba ni Esau.
6Esau yamona Izake hawahisa Yakomba nikumutuma ku Panda-narame akambateko pwo. Yamona nawa muze yamuwahisa yamushika ngwenyi, Kanda ukambata pwo wa kuli ana ja A-Kanana. 7Mba Yakomba yononokena atato ni naye, haya ku Panda-narame. 8Esau yamona mapwo ja A-Kanana kapemenene tato Izake. 9Kashika Esau yaya kuli Ishemali yaweza ku mapwo aze apwile no Mahalate mwana Ishemali mwana wa Apalahama, ndumbu ya Nepayote akapwe pwo lienyi.
10Yakomba yakatuka ku Mbia-shipa yatalikisa ku Harane. 11Yaheta kumwe, yapombako mumu tangwa hilianjila. Yanda limwe liwe liako, yashachilaho mutwe wenyi nikupomba kwenako. 12Yalota, kumanyi yamona ndalo ya kumika hashi, songo liayo liaheta ndo mwilu, angelo a Zambi nikukanduka nikuhulumuka. 13Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we. 14Akwa munyachi we kumakapwa ngwe fufuta ya hashi, kumukalitanda ku Chitokelo, ni ku Chivumbuko, lumbu ni lumbu, mavungu eswe a hashi eswe kumakaawahisa kuli yena ni ku munyachi we. 15Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga. 16Mba Yakomba yalaula ku tulo twenyi, yamba ngwenyi, Pundu, Yehova kuno kwali, ami chachinyingikine. 17Yevwa woma ngwenyi, Kuma kuno, kole ni woma. Kuno kwe ku zuwo lia Zambi, hi kweka ko. Kuno kwe ku chikolo cha mwilu.
18Yakomba yalimeneka, yanda liwe lize halitenga mushachilo, yalimika lipwe liwe lia kumika yazuza maji ha songo lialio. 19Yaluka jina kuma kuze ngwenyi, Mbetele. Alioze jina liako hatangu te Luze. 20Mba Yakomba yalakenya chilakenyo ngwenyi, Nyi Zambi mangufunga jila yeswe munguya akangwehe ya kulia, ni mazalo a kuzala, 21ngukeze nawa ku zuwo lia tata ni sambukila mba Yehova mapwa Zambi yami. 22Ni liwe lino hinalimika likapwe liwe lia kumika mulipwa zuwo lia Zambi. Ya yize yeswe mungwaha munguhilwisa chihanda chimuwika cha hakachi ka yihanda kumi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.