UPUTUKILO 27
27
1Kwapwile muze Izake hapwa mukulwana, meso jenyi halá, kahashile kumona, yasanyika Esau mwanenyi wa mukulwana ngwenyi, Mwanami. Iye yakumbulula ngwenyi, Yami uno. 2Tato yamba ngwenyi, Haliapwila napwa mukulwana, Chanyingikine tangwa lia kufwa chami. 3Kashika ngunaliumbu, anda mivu ye, ni chindalo che, ni uta we, yako mu yambu ukangushihile yifwo. 4Ukangutelekele kulia chiyema chize nakuzanga, ukachinehe kuli yami ngukalie, hanga mbunge yami yikakuwahise shimbu kanda ngufwa.
5Rebeka yevwa Izake shimbu machihanjika ni mwanenyi Esau. Chocho Esau yaya mu yambu akafupe yifwo akayinehe. 6Mba Rebeka yahanjika ni mwanenyi Ya-komba ngwenyi, Tala, hinevwa tatenu kanahanjika ni yayenu Esau ngwenyi, 7Ngunehene yifwo ungutelekele kulia chiyema hanga ngukalie, ngukakuwahise kumeso ja Yehova shimbu kanda ngufwa. 8Kashika mwanami, ononoka ku liji liami nikulita ni chize mungukutuma. 9Yako ku limba ukangunehene misamba aali apema a pembe. Mungwatelekela tatenu kulia chiyema chize akuzanga. 10Mba yena muchitwala kuli tatenu akalie, akakuwahise shimbu kandafwa. 11Yakomba yamba kuli naye Rebeka ngwenyi, Yaya Esau iye mukwa wonawona, alioze yami kunasenena. 12Hanji tata manguvwavwata mba mangumona mahuza. Hanji shingo mungulikokela, hi chiwape ko. 13Naye ngwenyi, Mwanami, shingo lie likapwile hali yami. Ononoka ku liji liami, yako unguneheno. 14Iye yaya yaasaka, yaaneha kuli naye. Mba naye yateleka kulia chiyema chize azangile tato. 15Rebeka yanda mazalo apema a mwanenyi wa mukulwana Esau, apwile no mu zuwo yajika no Yakomba mwanenyi wa kanuke. 16Yasa malambu a pembe ha moko jenyi ni ha kota yenyi kuze kwasenena. 17Yahana kuli mwanenyi Yakomba kulia chiyema chize hateleka hamuwika ni mbolo, mu kwoko lienyi.
18Yanjila kumeso ja tato, yamba ngwenyi, Tata. Iye yakumbulula ngwenyi, Yami uno. Yena iya, mwanami? 19Yakomba yamba ngwenyi, Yami Esau, mwané wa mukulwana. Hinalinga chize wangutumanga. Hindukenu mwane, nutwame, nukalie yifwo yami hanga mbunge ye yikanguwahise. 20Izake yamba kuli mwanenyi ngwenyi, Mwanami kuchi wayiwana chocho nikawashi? Iye yamba ngwenyi, Mumu Yehova Zambi ye yangukunjikayo. 21Izake yamba kuli Yakomba ngwenyi, Kundama mwanami, ngukuvwavwate kama nyi uli mwanami Esau mwene, nyi ka. 22Yakomba yakundama kuli tato Izake, yamuvwavwata. Tato yamba ngwenyi, Liji te lia Yakomba, alioze moko a Esau. 23Iye kamunyingikine mumu moko jenyi te a wonawona ngwe moko a Esau. Kashika yamuwahisa. 24Yamuhula ngwenyi, Uli mwanami Esau mwene? Iye yakumbulula ngwenyi, Mba, yami mwene. 25Ngwenyi, Kundama nayo, ngukalie yifwo ya mwanami, hanga mbunge yami yikuwahise. Mba yakundama nayo yalia. Yamunehena vinyu, yanwa. 26Tato Izake yamba ngwenyi, Kundama haliapwila mwanami ungwehe mbeju. 27Yakundama, yamwaha mbeju. Tato yamwivwa vumba lia mazalo jenyi, yamuwahisa ngwenyi,
Ivwenu, vumba lia mwanami
Liapwa ngwe vumba lia musenge uze hanauwahisa kuli Yehova.
28Zambi akwehe mume wa mwilu,
Ni maji a hashi,
Ni kulumbama cha chivwale ni vinyu.
29Minyachi akakuvumbike.
Mavungu akafulamane kuli yena.
Ukapwe mwene helu lia usoko we.
Ana ja noko akafulamane kuli yena.
Mweswe makushinga neye akashingiwe,
Mweswe makuwahisa neye akawahe.
30Chapwile muze Izake hamana kuwahisa Yakomba, Yakomba te machikatuka kumeso ja tato Izake, kumanyi yayo Esau yakatuka ku kuzomba chenyi. 31Neye nawa yateleka kulia chiyema, yachineha kuli tato, yamba kuli tato ngwenyi, Tata achihinduka ukalie yifwo ya mwané hanga mbunge ye yikanguwahise. 32Tato Izake yamba kuli iye ngwenyi, Yena iya? Iye yakumbulula ngwenyi, Yami Esau mwané wa mukulwana. 33Mba Izake yachikima kuhiana, yamba ngwenyi, Mba iya yoze handa yifwo, hangunehenayo? Hinayilia shimbu yena kanda wiza, hinamuwahisa, pundu kumakawaha. 34Muze Esau hevwa maliji a tato yalila ni muteto unene wa chinyengo. Yamba kuli tato ngwenyi, Yami nawa, tata unguwahise yami! 35Alioze iye ngwenyi, Mwanakwenu haneza ni kalimba-limba, yatambula uwape we. 36Esau yamba ngwenyi, Jina lienyi Yakomba te kuliamutele nyi? Mumu kaali hangulimbula. Yangutambula wata wami, ni haliapwila hangutambula uwape wami. Yahula nawa ngwenyi, Alioze kwafungile uwape umwe hali yami nyi? 37Izake yamba kuli Esau ngwenyi, Hinamupwisa mwene we, usoko wenyi eswe akapwe ngamba jenyi. Namukolesa ni chivwale ni vinyu. Kashika kuchi mungukulinga yena mwanami? 38Esau yamba kuli tato ngwenyi, Tata, te uwape umuwika uli nawo? Ni yami nawa unguwahise yami tata. Chocho yateta ni liji linene nikulila.
39Tato Izake yamukumbulula, yamba ngwenyi,
Ku maji a hano hashi mukatwama,
Ku mume wa mwilu nawa.
40Kumukamona mwono ku tachi ja katana ke.
Alioze kumukavumbika mwanakwenu.
Hindu muze mukatusuka
Mukalishatununa kanga yenyi ku kota ye.
41Esau wavwilile kole Yakomba mumu ha uwape uze tato hamuwahisa nawo. Yamba mu mbunge ngwenyi, Matangwa a kulila tata hakamwihi ali, mba mungushiha mwanakwetu Yakomba. 42Maliji a mwanenyi mukulwana Esau yaheta kuli Rebeka, kashika yatuma kusanyika mwanenyi kanuke Yakomba. Yamba kuli iye ngwenyi, Tala, yayenu Esau kanalilembejeka ha kutwala kuli yena, kanafupu kukushiha. 43Kashika mwanami ivwa liji liami, katuka ukachinyine kuli ndumbwami Lapane mu Harane. 44Utwame nenyi matangwa amwe ndo ufwatulo wa yayenu hiwatuluka. 45Ndo utenu wa yayenu muutewuluka kuli yena, akavulame chize hiwamulinga, mba mungukatuma ngukakusake kuze. Mumu kuchi te mungunuyindama eswe ni aali tangwa limuwika?
46Mba Rebeka yamba kuli Izake ngwenyi, Mwono wami wangusekela mumu hali ana ja Hete ja mapwo. Nyi Yakomba mambata pwo wa kuli ana ja Hete ngwe wano akwa chifuchi, mwono wami muungupemena kuchi?
Iliyochaguliwa sasa
UPUTUKILO 27: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 27
27
1Kwapwile muze Izake hapwa mukulwana, meso jenyi halá, kahashile kumona, yasanyika Esau mwanenyi wa mukulwana ngwenyi, Mwanami. Iye yakumbulula ngwenyi, Yami uno. 2Tato yamba ngwenyi, Haliapwila napwa mukulwana, Chanyingikine tangwa lia kufwa chami. 3Kashika ngunaliumbu, anda mivu ye, ni chindalo che, ni uta we, yako mu yambu ukangushihile yifwo. 4Ukangutelekele kulia chiyema chize nakuzanga, ukachinehe kuli yami ngukalie, hanga mbunge yami yikakuwahise shimbu kanda ngufwa.
5Rebeka yevwa Izake shimbu machihanjika ni mwanenyi Esau. Chocho Esau yaya mu yambu akafupe yifwo akayinehe. 6Mba Rebeka yahanjika ni mwanenyi Ya-komba ngwenyi, Tala, hinevwa tatenu kanahanjika ni yayenu Esau ngwenyi, 7Ngunehene yifwo ungutelekele kulia chiyema hanga ngukalie, ngukakuwahise kumeso ja Yehova shimbu kanda ngufwa. 8Kashika mwanami, ononoka ku liji liami nikulita ni chize mungukutuma. 9Yako ku limba ukangunehene misamba aali apema a pembe. Mungwatelekela tatenu kulia chiyema chize akuzanga. 10Mba yena muchitwala kuli tatenu akalie, akakuwahise shimbu kandafwa. 11Yakomba yamba kuli naye Rebeka ngwenyi, Yaya Esau iye mukwa wonawona, alioze yami kunasenena. 12Hanji tata manguvwavwata mba mangumona mahuza. Hanji shingo mungulikokela, hi chiwape ko. 13Naye ngwenyi, Mwanami, shingo lie likapwile hali yami. Ononoka ku liji liami, yako unguneheno. 14Iye yaya yaasaka, yaaneha kuli naye. Mba naye yateleka kulia chiyema chize azangile tato. 15Rebeka yanda mazalo apema a mwanenyi wa mukulwana Esau, apwile no mu zuwo yajika no Yakomba mwanenyi wa kanuke. 16Yasa malambu a pembe ha moko jenyi ni ha kota yenyi kuze kwasenena. 17Yahana kuli mwanenyi Yakomba kulia chiyema chize hateleka hamuwika ni mbolo, mu kwoko lienyi.
18Yanjila kumeso ja tato, yamba ngwenyi, Tata. Iye yakumbulula ngwenyi, Yami uno. Yena iya, mwanami? 19Yakomba yamba ngwenyi, Yami Esau, mwané wa mukulwana. Hinalinga chize wangutumanga. Hindukenu mwane, nutwame, nukalie yifwo yami hanga mbunge ye yikanguwahise. 20Izake yamba kuli mwanenyi ngwenyi, Mwanami kuchi wayiwana chocho nikawashi? Iye yamba ngwenyi, Mumu Yehova Zambi ye yangukunjikayo. 21Izake yamba kuli Yakomba ngwenyi, Kundama mwanami, ngukuvwavwate kama nyi uli mwanami Esau mwene, nyi ka. 22Yakomba yakundama kuli tato Izake, yamuvwavwata. Tato yamba ngwenyi, Liji te lia Yakomba, alioze moko a Esau. 23Iye kamunyingikine mumu moko jenyi te a wonawona ngwe moko a Esau. Kashika yamuwahisa. 24Yamuhula ngwenyi, Uli mwanami Esau mwene? Iye yakumbulula ngwenyi, Mba, yami mwene. 25Ngwenyi, Kundama nayo, ngukalie yifwo ya mwanami, hanga mbunge yami yikuwahise. Mba yakundama nayo yalia. Yamunehena vinyu, yanwa. 26Tato Izake yamba ngwenyi, Kundama haliapwila mwanami ungwehe mbeju. 27Yakundama, yamwaha mbeju. Tato yamwivwa vumba lia mazalo jenyi, yamuwahisa ngwenyi,
Ivwenu, vumba lia mwanami
Liapwa ngwe vumba lia musenge uze hanauwahisa kuli Yehova.
28Zambi akwehe mume wa mwilu,
Ni maji a hashi,
Ni kulumbama cha chivwale ni vinyu.
29Minyachi akakuvumbike.
Mavungu akafulamane kuli yena.
Ukapwe mwene helu lia usoko we.
Ana ja noko akafulamane kuli yena.
Mweswe makushinga neye akashingiwe,
Mweswe makuwahisa neye akawahe.
30Chapwile muze Izake hamana kuwahisa Yakomba, Yakomba te machikatuka kumeso ja tato Izake, kumanyi yayo Esau yakatuka ku kuzomba chenyi. 31Neye nawa yateleka kulia chiyema, yachineha kuli tato, yamba kuli tato ngwenyi, Tata achihinduka ukalie yifwo ya mwané hanga mbunge ye yikanguwahise. 32Tato Izake yamba kuli iye ngwenyi, Yena iya? Iye yakumbulula ngwenyi, Yami Esau mwané wa mukulwana. 33Mba Izake yachikima kuhiana, yamba ngwenyi, Mba iya yoze handa yifwo, hangunehenayo? Hinayilia shimbu yena kanda wiza, hinamuwahisa, pundu kumakawaha. 34Muze Esau hevwa maliji a tato yalila ni muteto unene wa chinyengo. Yamba kuli tato ngwenyi, Yami nawa, tata unguwahise yami! 35Alioze iye ngwenyi, Mwanakwenu haneza ni kalimba-limba, yatambula uwape we. 36Esau yamba ngwenyi, Jina lienyi Yakomba te kuliamutele nyi? Mumu kaali hangulimbula. Yangutambula wata wami, ni haliapwila hangutambula uwape wami. Yahula nawa ngwenyi, Alioze kwafungile uwape umwe hali yami nyi? 37Izake yamba kuli Esau ngwenyi, Hinamupwisa mwene we, usoko wenyi eswe akapwe ngamba jenyi. Namukolesa ni chivwale ni vinyu. Kashika kuchi mungukulinga yena mwanami? 38Esau yamba kuli tato ngwenyi, Tata, te uwape umuwika uli nawo? Ni yami nawa unguwahise yami tata. Chocho yateta ni liji linene nikulila.
39Tato Izake yamukumbulula, yamba ngwenyi,
Ku maji a hano hashi mukatwama,
Ku mume wa mwilu nawa.
40Kumukamona mwono ku tachi ja katana ke.
Alioze kumukavumbika mwanakwenu.
Hindu muze mukatusuka
Mukalishatununa kanga yenyi ku kota ye.
41Esau wavwilile kole Yakomba mumu ha uwape uze tato hamuwahisa nawo. Yamba mu mbunge ngwenyi, Matangwa a kulila tata hakamwihi ali, mba mungushiha mwanakwetu Yakomba. 42Maliji a mwanenyi mukulwana Esau yaheta kuli Rebeka, kashika yatuma kusanyika mwanenyi kanuke Yakomba. Yamba kuli iye ngwenyi, Tala, yayenu Esau kanalilembejeka ha kutwala kuli yena, kanafupu kukushiha. 43Kashika mwanami ivwa liji liami, katuka ukachinyine kuli ndumbwami Lapane mu Harane. 44Utwame nenyi matangwa amwe ndo ufwatulo wa yayenu hiwatuluka. 45Ndo utenu wa yayenu muutewuluka kuli yena, akavulame chize hiwamulinga, mba mungukatuma ngukakusake kuze. Mumu kuchi te mungunuyindama eswe ni aali tangwa limuwika?
46Mba Rebeka yamba kuli Izake ngwenyi, Mwono wami wangusekela mumu hali ana ja Hete ja mapwo. Nyi Yakomba mambata pwo wa kuli ana ja Hete ngwe wano akwa chifuchi, mwono wami muungupemena kuchi?
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.