UPUTUKILO 29
29
1Mba Yakomba yaya mu jila yenyi, yaheta ku chifuchi cha ana ja ku Chivumbuko. 2Yatala, mba yamona shima mu chana, kumanyi yendo yitatu ya mapanga nikuutamako, mumu te kakunwisako mapanga. Liwe lili ha kanwa lia shima, liwe linene. 3Kwenako yendo yeswe ya mapanga yakungulukila. Yachiza liwe ku kanwa lia shima, yanwisa mapanga, yasa nawa liwe homa halio ha kanwa lia shima.
4Yakomba yamba kuli ayo ngwenyi, Akwetu ku mahienu kulihi? O yamba ngwo, Tuli akwa Harane. 5Yamba ngwenyi, Lapane mwana wa Nehore nunamunyingika? Ngwo, Tunamunyingika. 6Ngwenyi, Kanahinduka nyi? Ngwo, Kanahinduka, tala mwanenyi Rakele kaneza ni mapanga. 7Iye yamba ngwenyi, Talenu tangwa lichili ha muchima. Shimbu lia kukungulula yimuna kanda lichipwa. Nwisa mapanga, nuye nukaalise. 8O ngwo, Kutwahashile ndo yendo yeswe muyikunguluka, machiza liwe ku kanwa lia shima mba mutunwisa mapanga.
9Shimbu machihanjika no Rakele yeza ni mapanga a tato, mumu iye te wakwafunga. 10Muze Yakomba yamona Rakele mwana wa Lapane ndumbwa-naye ni mapanga ja ndumbwa-naye, Yakomba yakundama, yachiza liwe ku kanwa lia shima, yanwisa mapanga ja ndumbwa-naye. 11Yakomba yahana mbeju kuli Rakele, yalila ni liji linene. 12Yakomba yambulwila Rakele ngwenyi, Nguli usoko wa tatenu, nguli mwana wa Rebeka. Iye yazomboka, yambulwila tato.
13Kwapwile muze Lapane yevwa liji lia Yakomba mwana wa ndumbwenyi, yazomboka kumupatwiza. Yamusambilila, yamwaha mbeju, yamuneha ku zuwo lienyi. Iye yambulwila Lapane yuma yino yeswe. 14Lapane yamba kuli iye ngwenyi, Ena pundu uli chifwaha chami ni musunya wami. Yatwama nenyi ha shimbu lia kakweji.
15Lapane yamba kuli Yakomba ngwenyi, Mumu uli usoko wami kashika mukangulingila chawana nyi? Tongola yena, fweto ye yika? 16Lapane kali ni ana aali a mapwo jina lia mukulwana ngwo, Liya, jina lia kanuke ngwo, Rakele. 17Meso ja Liya te kahweka, alioze Rakele iye mupema, chileza lume. 18Yakomba wazangile Rakele. Yamba ngwenyi, Mungukulingila miaka shimbiali ukangwehe Rakele mwané wa kanuke. 19Lapane yamba ngwenyi, Shinaho ngumuhangise kuli yena, hi weka ko, kashika twama ni yami. 20Yakomba yalinga milimo miaka shimbiali akambate Rakele. Yapwile kuli iye ngwe matangwa akehe mumu ha zango amuvwilile.
21Yakomba yamba kuli Lapane ngwenyi, Ngwehenu pwo liami ngunjile kuli iye mumu matangwa jami hahwa. 22Mba Lapane yakungulula malunga eswe a kuze, yateleka ulungi. 23Alioze ha chingoloshi yanda mwanenyi Liya, yamunehenaye, Yakomba yanjila kuli iye. 24Lapane yahana ndungo yenyi wa pwo Zelupa kuli Liya akapwe ndungo yenyi. 25Kwapwile muze hikwacha, kumanyi Liya! Yakomba yamba kuli Lapane ngwenyi, Chino wangulinga chika? Te chakulingilile milimo hali Rakele? Kashika kuchi te wangwonga? 26Lapane yamba ngwenyi, Kuno ku mahietu keshi kuchilinga kulianga kuhangisa kanuke shimbu kapula-jimo kwali. 27Manununa semana ya yono mba mutukwaha mukwo nawa ha milimo ya miaka yikwo shimbiali mukangulingila. 28Yakomba yalinga chocho, yamanununa semana yenyi, mba Lapane yamwaha mwanenyi Rakele akapwe pwo lienyi. 29Lapane yahana kuli mwanenyi Rakele ndungo yenyi Mbila akapwe ndungo ya Rakele. 30Yakomba yanjila kuli Rakele nawa. Yazanga Rakele kuhiana Liya kashika yamulingila milimo miaka yikwo shimbiali nawa.
31Yehova yamona ngwe Liya kamuzangile kashika wamwaha kusema, alioze Rakele iye mumba. 32Liya yaka ufumba, yasema mwana wa lunga, yamuluka jina lienyi Rupene se yamba ngwenyi, Mumu Yehova hamona kuyindama chami, haliapwila lunga liami manguzanga. 33Yaka ufumba nawa, yasema mwana wa lunga. Yamba ngwenyi, Mumu Yehova hevwa liji ngwo, Kamuzangile kashika hangwaha mwana yono nawa. Yamuluka jina lienyi, Simeone. 34Yaka ufumba nawa, yasema mwana wa lunga. Yamba ngwenyi, Mba chisuho chino mukwetu-lunga malinunga ni yami mumu hinamusemena ana atatu a malunga. Kashika yamuluka jina lienyi, Levi. 35Yaka ufumba nawa yasema mwana wa lunga. Yamba ngwenyi, Chisuho chino munguhalisa Yehova. Kashika yamuluka jina lienyi, Yunda. Yalitwamina kusema.
Iliyochaguliwa sasa
UPUTUKILO 29: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 29
29
1Mba Yakomba yaya mu jila yenyi, yaheta ku chifuchi cha ana ja ku Chivumbuko. 2Yatala, mba yamona shima mu chana, kumanyi yendo yitatu ya mapanga nikuutamako, mumu te kakunwisako mapanga. Liwe lili ha kanwa lia shima, liwe linene. 3Kwenako yendo yeswe ya mapanga yakungulukila. Yachiza liwe ku kanwa lia shima, yanwisa mapanga, yasa nawa liwe homa halio ha kanwa lia shima.
4Yakomba yamba kuli ayo ngwenyi, Akwetu ku mahienu kulihi? O yamba ngwo, Tuli akwa Harane. 5Yamba ngwenyi, Lapane mwana wa Nehore nunamunyingika? Ngwo, Tunamunyingika. 6Ngwenyi, Kanahinduka nyi? Ngwo, Kanahinduka, tala mwanenyi Rakele kaneza ni mapanga. 7Iye yamba ngwenyi, Talenu tangwa lichili ha muchima. Shimbu lia kukungulula yimuna kanda lichipwa. Nwisa mapanga, nuye nukaalise. 8O ngwo, Kutwahashile ndo yendo yeswe muyikunguluka, machiza liwe ku kanwa lia shima mba mutunwisa mapanga.
9Shimbu machihanjika no Rakele yeza ni mapanga a tato, mumu iye te wakwafunga. 10Muze Yakomba yamona Rakele mwana wa Lapane ndumbwa-naye ni mapanga ja ndumbwa-naye, Yakomba yakundama, yachiza liwe ku kanwa lia shima, yanwisa mapanga ja ndumbwa-naye. 11Yakomba yahana mbeju kuli Rakele, yalila ni liji linene. 12Yakomba yambulwila Rakele ngwenyi, Nguli usoko wa tatenu, nguli mwana wa Rebeka. Iye yazomboka, yambulwila tato.
13Kwapwile muze Lapane yevwa liji lia Yakomba mwana wa ndumbwenyi, yazomboka kumupatwiza. Yamusambilila, yamwaha mbeju, yamuneha ku zuwo lienyi. Iye yambulwila Lapane yuma yino yeswe. 14Lapane yamba kuli iye ngwenyi, Ena pundu uli chifwaha chami ni musunya wami. Yatwama nenyi ha shimbu lia kakweji.
15Lapane yamba kuli Yakomba ngwenyi, Mumu uli usoko wami kashika mukangulingila chawana nyi? Tongola yena, fweto ye yika? 16Lapane kali ni ana aali a mapwo jina lia mukulwana ngwo, Liya, jina lia kanuke ngwo, Rakele. 17Meso ja Liya te kahweka, alioze Rakele iye mupema, chileza lume. 18Yakomba wazangile Rakele. Yamba ngwenyi, Mungukulingila miaka shimbiali ukangwehe Rakele mwané wa kanuke. 19Lapane yamba ngwenyi, Shinaho ngumuhangise kuli yena, hi weka ko, kashika twama ni yami. 20Yakomba yalinga milimo miaka shimbiali akambate Rakele. Yapwile kuli iye ngwe matangwa akehe mumu ha zango amuvwilile.
21Yakomba yamba kuli Lapane ngwenyi, Ngwehenu pwo liami ngunjile kuli iye mumu matangwa jami hahwa. 22Mba Lapane yakungulula malunga eswe a kuze, yateleka ulungi. 23Alioze ha chingoloshi yanda mwanenyi Liya, yamunehenaye, Yakomba yanjila kuli iye. 24Lapane yahana ndungo yenyi wa pwo Zelupa kuli Liya akapwe ndungo yenyi. 25Kwapwile muze hikwacha, kumanyi Liya! Yakomba yamba kuli Lapane ngwenyi, Chino wangulinga chika? Te chakulingilile milimo hali Rakele? Kashika kuchi te wangwonga? 26Lapane yamba ngwenyi, Kuno ku mahietu keshi kuchilinga kulianga kuhangisa kanuke shimbu kapula-jimo kwali. 27Manununa semana ya yono mba mutukwaha mukwo nawa ha milimo ya miaka yikwo shimbiali mukangulingila. 28Yakomba yalinga chocho, yamanununa semana yenyi, mba Lapane yamwaha mwanenyi Rakele akapwe pwo lienyi. 29Lapane yahana kuli mwanenyi Rakele ndungo yenyi Mbila akapwe ndungo ya Rakele. 30Yakomba yanjila kuli Rakele nawa. Yazanga Rakele kuhiana Liya kashika yamulingila milimo miaka yikwo shimbiali nawa.
31Yehova yamona ngwe Liya kamuzangile kashika wamwaha kusema, alioze Rakele iye mumba. 32Liya yaka ufumba, yasema mwana wa lunga, yamuluka jina lienyi Rupene se yamba ngwenyi, Mumu Yehova hamona kuyindama chami, haliapwila lunga liami manguzanga. 33Yaka ufumba nawa, yasema mwana wa lunga. Yamba ngwenyi, Mumu Yehova hevwa liji ngwo, Kamuzangile kashika hangwaha mwana yono nawa. Yamuluka jina lienyi, Simeone. 34Yaka ufumba nawa, yasema mwana wa lunga. Yamba ngwenyi, Mba chisuho chino mukwetu-lunga malinunga ni yami mumu hinamusemena ana atatu a malunga. Kashika yamuluka jina lienyi, Levi. 35Yaka ufumba nawa yasema mwana wa lunga. Yamba ngwenyi, Chisuho chino munguhalisa Yehova. Kashika yamuluka jina lienyi, Yunda. Yalitwamina kusema.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.