Psom 32
32
Pardon Lesegner rann nou ere
Enn Psom David. Instriksion.
1Bienere sa dimoun ki so ofans efase,
ki so pese pardone!
2Bienere bann dimoun lor ki LESEGNER pa met okenn sarz,
e LESEGNER deklare ki pena frod dan so leker.
3Kan mo pa ti konfes mo pese
sa ti ronz mwa lanwit-lizour, mo ti deperi.
4Lanwit-lizour to lame ti koriz mwa;
mo lafors koumans fonn kouma laroze ler soley leve.
5Lerla mo ti desid pou konfes mo pese ar twa;
pa ti kasiet okenn fot.
Mo dir, “Mo bizin konfes mo pese avek LESEGNER. “
E twa to ti pardonn mwa.
6Akoz sa tou to bann serviter fidel
bizin priye twa kan problem leve;
kan inondasion pe fons lor zot,
zot kone zot ena to proteksion.
7Tomem mo sanktyer;
twa ki protez mwa ler siklonn pe tape,
e bann sante lor to delivrans pou partou otour mwa.
8Mo pou ansegn twa e montre twa
ki sime bizin pran;
Mo pou gid twa e konsey twa.
9Pa fer teti kouma seval ek bourik
ki zis konpran kravas ek brid;
lerla nannye pa pou ariv twa.
10Lasoufrans pe atann bann ki fer lemal
me bann ki met zot konfians dan LESEGNER
zot proteze par so lamour infini.
11Zot ki viv dan drwatir, dans avek lazwa dan LESEGNER!
Kriye zot lazwa, zot ki ena leker drwat.
Iliyochaguliwa sasa
Psom 32: KMOTPOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kreol Morisien OT Portions © Bible Society of Mauritius, 2020.