Roome 13
13
Tiyan Ɔɗɔweera Maŋgistiyoŋk
1Ɗɛyɛ joopa baŋɛ a tiiɗi ɔɗɔweera maŋgistiyoŋkuŋ, agut sinɔ laŋiiɗɛ ɔɗɔwikeen ɗɛyaan Waakoyotoŋkuk, ɛkan daamɛɛ ɔɗɔweer sigɛ ɓɛɛlɛr sisɔk Waakoyotek. 2Agut sini iɗit sinɔ ɓooyu ɔɗɔwenk nɛ ɓooyu sekiyɛ Waakoyotoŋk, nɛ joop sigɛ ɓooyur ɔɗɔweerk baŋɛ ɗɔkarki goopan ɛɛka nɛŋk. 3Ɓuri ɔɗɔweer joop sigɔ ijaagir any sinɔ ŋɛɛwɛnŋɔŋk, ma moko joop sigɔ ijaagir any sinɔ mentanŋɔŋk. Ɗɛyin a kin tuɓur ɔɗɔwen? Ɔkɔn ɗɛyin, ijaag any sinɔ mentanŋɔŋk, nɛkɔɔ laŋin pɔɔsiyɛ sɛɛne. 4Agut sinɔ sɛɛn sɛŋk ijaagen Waakoyotoŋk kɛnɔ ijaag any sinɔ mentanŋɔŋk iina. Mayakana ɔkɔn ijaagin any sinɔ ŋɛɛwɛnŋɔŋkuŋ nɛ ɓura, agut sinɔ mokokan kadi aarɛ nɛɛk sɔkɔn. Sɛɛn ijaagen Waakoyotoŋk sinɔ any goopanoŋk kɛnɔ goop iɗit sinɛ ijaag any sinɔ ŋɛɛwɛnŋɔŋk. 5Agut sini ɗɛyɛ a tiiɗikɛɛ ɔɗɔweeraŋ agut gɔɔnyɛt kalbiyoŋk, ma moko agut sinɔ ɓureeɗɛ goopanik dakɛɗak.
6Agut any sini in koyɛ gibiri sinɛ kɔne ɗɛyɛr ɔɗɔwer maŋgistiyoŋk, agut sinɔ ijaagir ɔɗɔwer ijaag sini kɛnɔ ijaagɗi Waakoyota. 7In koyɛɛ any sinɛ kɔne ɗɛyɛr ɔɗɔwer maŋgistiyoŋk, in ɓɔrɛ koyɛɛ gibiri kɛygun wori sinɔ yawɛɛŋɔŋk, in ɓurɛɛ iɗit sinɛ ɗɛygeeɗ a ɓurɛɛŋɔŋk, ɛ in eemɛyɛɛ iɗit sinɛ ɗɛygeeɗ a eemɛyɛɛŋɔŋk.
Mɛyin
8Kat latukari asɛ popor ɛkanɛɛkoŋk sɔgɔɔsɔyk, iɗit sinɛ poru iɗitik dusanɛ higi. 9Sekiyɛ sigɔ tonur kɛ, "Kat ibiɗiikink, kat ɓokotɗiikink, kat agalɗikink, kat ɗɛyin any etoŋkuk," a sekiyɛ ɔgɔ baŋɛ sonysoomɛɛ sɛɛg sekiyɛɛkɛ sigɔɔgɛ omoŋɔŋk tonur kɛ, "Poru dooytaanak oko sinɛ poriiɗin ɛɛk nookuk." 10Ki ariɗ mɛyin any sinɔ ŋɛɛwɛnŋɔŋk ete. Agut sini ege mɛyin any dusanɛtoŋk higiyoŋk.
11In arɛɛ sini, ma koɓɛɛ eme nɛɛkiŋ. Gayɛkan sayiti sinɔ ɓeɗirɗɔ ɗoŋɛ goŋkuŋ, agut sinɔ wɔɔŋku bɔdɛ naŋk sisɔ a kaalɛ sinɛɓa ŋaadɗiiɗii tukik. 12Ɗeyikɔɔ kaay nɛɛkɛ, maɓɔ wɔɔŋku waawuy nɛɛkɛŋ. Agut sini koy orii ijaag nyuuguroŋk, nɔ kadii beya any pɛɗɛrkaatoŋk. 13Nɛkoy weeweriikii kɛ ɗɔm oko sinɛ weeweriiɗii waawuyk, a moko duubiyeet sinɔ badɛk a tɔpɔy, a moko ruunyikent a molkotɔɔn, a moko ɗaakan a nyeken. 14Mayakana, in kadɛɛ Suumi Yeese Keresee, ma kat koɓiikari taara kɛnɔ dusanɛɛ ɗɛyan nɛɛk.
Iliyochaguliwa sasa
Roome 13: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
