Pɛɛyeen Korontoosuk 3
3
1Tukii pɔɔsɛɛta ɛkan gaŋk kɛkar? Maŋk ɗɛyɛ tina wargatɛɛ pɔɔsiyɛɛkoŋk oko sinɛ ijaagirɗi joop ɔgɔɔkuk iinakɛk? 2Iinak ɔɗɔwa noŋk wosɛ naŋk sinɛɓa taapɛɛ ɓayaay naŋk kɛnɔ ɗegerar ɛ ambabɛr joop. 3Eekeer sinɔ kɛ iinak wosɛ Kereseek sigɔkan kurakɔ ijaag naŋk. Taapɛɛ wosɛ sini wɛɛŋakɛ Waakoyo sinɛ bɔdɛɛk, mamokoɓa booyiyaake, ɛɓaɓɔrɛ taapɛɛ ɓayaay etoŋk, mamokoɓa giɗeet raŋk.
4Tonii sini agut sinɔ lakiɗii ŋaadiyɛ sooy lak Waakoyok goy Kereseek. 5Kɛɛ tine any ara sinɔ tonii kɛ, "Gay eteŋkɛ oolaan naŋkik," ma oolan naŋk kus sooy lak Waakoyok. 6Ariɓa tin a gayii a eteŋk ijaageer kuumeet sinɔ tɔɔnuk, sinɛɓa tukiɗik Wɛɛŋakɛ sigɔɔgɛ Geetitaanakik, ma moko taaptaanakɛ raŋk, agut sinɔ ɗɔkarki taaptaana rer ma Wɛɛŋa sigɔ Geetitaanakik gaɓɛr bɔdɛ.
7Saaɓa gaɓɛɛɗɛ higi sinɛɓa taapɛɛ giɗeekɛ sigaagɛɓa pasɛɛk, nɛɓa gaɓɛɛ eemɛyɔn Waakoyotoŋk nyaalaan kɛygunɓa aasi widikɛ ɛɛk pɛɗɛrka sinɛɓa nyaalɛkiŋ, kirɓa oolɛ joop Israeelik a mermenar taamɛ Muuseek jɛtiŋ. A nɛ ɔkɔn sisɔ yaaŋɛ ɛɛk higi sinɛɓa ɗɔk rerk eemɛyɔn sinɔɔnɛ ito sinikiŋ, 8a nɛ ki kaalɗiit eemɛyɔn ijaag sinɔ laŋɛɛ Wɛɛŋakɛ sigɔɔgɛ Geetitaanakik? 9Ijaag sinɔ goopɗɛɛ joopuk ɔkɔn lak eemɛyɔn sinɔ ɛtɛ oko sinikiŋ, nɛ ijaag sinɔ etɛyɛrɗi joopk lak eemɛyɔn sinɔ kaalɗiŋɔŋk. 10Saa paariɗɛɛ eemɛyɔn sinɔ obiiŋɔŋk sinɛ sisɔk a sinɛkoy ɗoyuk, nɛ dakɛ eemɛyɔn sinɛkoy ɗoyuk a itoɓa kɛɛ. 11Any sinɛɓa badɛk ɔkɔnɓa lak eemɛyɔn sinɔ ɛtɛ oko sinikiŋ, nɛ any sinɔkoy beeɗ nɔkoy nɔkoyk kiiɗɛ eemɛyɔn sinɔ kaalɗiŋɔŋk ɛk?
12Agut sinɔ lakiɗii ŋaadiyɛ sigɛ kookoriik sigɔ ɛtɛr oko sinikik, nɛ tonɗiikii a kii ɓuriit. 13Kii seek ariiɗ oko sinɛɓa ariiɗ Muuse sinɛɓa miinye taamɛ gɛɛŋk abiye kɛnɔ kat sɛɛn dɛnɛr joop Israeelik saaɓa badɛɛɗ nyaalan taamɛkɛ gɛɛnɛɛkik. 14Mayakana kilararɓa ɓayɛtun gɛŋk eekeerɛ, mɛlɛɛɗa ɓɛɛnyɔwase saa ambabɛɛɗɛɛ wargatɛ kuumeet sinɛ bɔɔlɔŋk, nɛ ɓɛɛlɛr a miinytaanak ant sinaanɛ, ege miinytan sini sinɔ widɛɛ Keresee dakɛɗak. 15Saa ambabɛrɗi wargatɛ higi Muuseek aasi mɛlɛɛɗa ɓɛɛnyɔwasek, nɛ miinyɗi miinytan ɓayɛtun gɛŋkik. 16Mayakana saa sɛɛg kurakiɗ ɓɛɛnyɔwɛ gɛɛŋk baŋɛ son lak Suumik, nɛ wide ɛɛk miinytan siniŋ. 17Ege Suumii Wɛɛŋa, soon lakiɗɛ Wɛɛŋa Suumiyoŋk nɛ lakɛ yaaka. 18Agut sini eteŋk baŋɛ arii eemɛyɔn Suumiyoŋk a nyaalɛŋ a ito dɛnɗiiɗɛɛ ɓɛɛrawoy taamɛkɛ sigɔɔgɛɓa kɛɛ sɛɛg miinyeetik, nɛ eemɛyɔn sini laŋɛɛ Suumii sinaanɛ Wɛɛŋak. Nɛ tin ari a weerii ɛɛk eemɛyɔɔn eemɛyɔɔna a gayikii a Suumi sinɛ Wɛɛŋak.
Iliyochaguliwa sasa
Pɛɛyeen Korontoosuk 3: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia