Pɛɛyeen Korontoosuk 2
2
1Sisɔ koɓakan sinɔ kɛ kat kɔnu ara a sanɗikariŋ nɛkan ruuma sinɔ kɛ kiira weeriit kɛkar son lak iinakik. 2Kaɗɛɛŋ ara kɔnu a sanɗikariŋ, nɛ kɛygun aasi kɔnu ara a sanɗikariŋ nɛ wooɗ sinɛkɔɔtu ari ata yaaŋɔŋk iinakɛ sɔgɔɔsɔyk? 3Taapɛɛrakan kɔna oko sinik kɛnɔkɔɔtu kat arir a sanɗikaaŋ joop sigɔ gunti arir ata yaaŋɔŋk saakɔɔ mɛlɛrkiɗa son lak iinakik, ɛɓɔrɛ ŋaada kɛ ɗegerari kɛ yaaka naak nɛ yaaka noŋk iinak baŋɛ. 4Nɔkan kɔna taapiɗirkiɗa san sinɔɔnɛ obiiŋɔŋk a ɓakɛ ɓayaayoŋk a pileetakɛ sigɔɔgɛ ɓɔɔkaaŋɔŋk mokokan kɔna taapiɗiira kɛnɔ sanɗikarɗ, ma kɛnɔ ɗegerari mɛyin sinɛ kɔnu poriiɗaak.
Tɔŋɔɗ Ete Sinɔɔnɛ Tikitank
5Ɔkɔn lakɛ iɗit sinɔ ari iɗit a sanɗiŋɔŋkuŋ, moko ari a sanɗika eet, makan ɓɔrɛ ari iinak baŋɛ, nɛ moko tona sini ma tuuka a kaalɛŋ. 6Iɗit sinɔ ɛtɛ oko sinik, gayɛ sɛɛna goopan sinɛ gooparɗi joop a ɓɔɔkaaŋ iinakɛkiŋ. 7Agut sini in ŋɔɗiirɛɛ sɛɛne ɛ in gaananɛɛ kɛnɔ kat sanɗi nɔ jibaatɛɗ. 8Nɛ kɔnu kalɛya kɛnɔ yaaŋɛɛr mɛyin sinɛ porurɗɔ sɛɛnik. 9Nɔkan kɔna taapɛrkiɗa wosɛ sinɛk kɛnɔ ɗegera kɛ paarɛɛkan kɔnu nɛ tiiɗikari olaata baŋɛ. 10Iɗit sinɔ ŋɔɗitarkiɗɔŋɔŋk ŋɔɗitarkiɗa ɓɔraŋ, ɔkɔn lakɛ any sinɔ ŋɔɗurkuɗaŋɔŋkuŋ, ŋɔɗurkuɗa taamɛkɛ Kereseek agut iinak, 11kɛnɔ kat tina ɓoonku setan tool nɔ tin lɔsɛɗ agut sinɔ ɗegerɗii ijaag nɛɛk ɗɛgɛɛjoŋkŋɔŋk.
Ijaageer Kuumeet Sinɔ Tɔɔnuk
12Saakan kɛɛɗa Tiroadaakak kɛnɔ kɛɛɗa waasa Pɛɛni sinɔ Ɓɛlkɛɛstank Kereseek, nɛkanta tayɛ Suumii tuga. 13Yakana ki ɓayɛ naakɛ dokiiɗe agut sinɔkan kiiɗa laŋiiɗ manya eeta Tiitook, nɛ pakakatikii a ŋaadtaanak sigɛ atu sooyk nɛ ŋaara Mɛkedooniyaaka.
14Yakana in dakɛr pɔɔsiyɛɛk Waakoyota sinaana tin ari a lɔsiɗikii Keresee ɓɛɛnyɔwɛ gɛɛŋk baŋɛ a tin yaaŋɛ a tin dɛnɛɛŋɔŋk, ɛ duuŋe ŋaaka nɛɛkɛ joopa baŋɛ goy naŋk. 15Agut sinɔ eteŋk ŋaaka Kereseek Waakoyota joope sigaagakoy bɔdɛrk a sigaagakoy badɛrk kɔɔr. 16Eteŋk ŋaaka retoŋk sinɔ dilɗi retaak joopa sigaagakoy badɛrk, mayakana eteŋk ŋaaka wɛɛŋakoŋk sinɔ dilɗi wɛɛŋakaak joopa sigaagakoy bɔdɛrk. Anɛ wooɗ sinɛ gayɛ ijaaga sineenak? 17Moko seek ɓɛɛlii oko joop sigɛ ɓɔɔkaak sigɛ ɓalɗi pɛɛnii Waakoyotoŋk a ito joop sigɔ kaakasar ola ɓaliiɗoŋkuk kɛnɔ laŋir ŋaaytank, mayakana seek tonɗiikii ɓayaay sinɔɔnɛ eekerkank taamɛkɛ Waakoyotoŋk a Kereseek oko joop sigɔkan wosɛykɛɛ sooy lak Waakoyok.
Iliyochaguliwa sasa
Pɛɛyeen Korontoosuk 2: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia