Pɛɛyeen Korontoosuk 12
12
Dɛnɛɛ Koɓi Waakoyotoŋk Paawuloosuk
1Ɗɛyɛta a mera ɛɛk, ma kɛɛ any sinɔ laŋɛɛ ant sineenek. Mayakana saak tonɗiiɗa dɛnɛɛ koɓi Waakoyotoŋk a ɗɛyan Waakoyotoŋk sinɔɓa ɓuukiɗiiŋɔŋk. 2Ɗegera iɗit Kereseek a omoŋ sinɔɓa boŋɛɛ mɛlɛɛɗa dariya jiiteena nɛɛkaakik emeyikɛ sigɔɔgɛ aarin a aŋank jeemɛk. Kɛygunɓa boŋɛɛ taare kɛygunɓa moko taare, kaa ɗegerɔɔn, ɗegeera Waakoyo. 3Ɗegera iɗit sinɔ ito sinik sinɛɓa boŋɛɛ mɛlɛɛɗa Gɛnɛtaak. Nɛ kɛygunɓa boŋɛɛ taare kɛygunɓa moko taare, kaa ɗegerɔɔn, ɗegeera Waakoyo, 4nɛɓa tiyɛ sɛŋk sooy Gɛnɛte any sinɔ kɛɛ oolɛ a waasɛŋɔŋk, ɛ ki oolɛ a tonu iɗiŋɔŋk. 5Nɛ mera ɛɛk agut iɗit sinɔ ito sinik, ma kaa meriiɗ ɛɛk naak agut ɛɛk naak bɔɔlaakaat naakɛ sɔgɔɔsɔyk. 6Ɔkɔn ɗɛya meri ɛɛkoŋkuŋ, nɛ moko daka a gaagɛ, agut sinɔ toniiɗa eekeerik. Mayakana gaama ɛɛk naak a kaa meriiɗ ɛɛk, kɛɛ iɗit sinɔ koɓu a kaalɛ any sinɛ dɛnɛ eeteek a sinɛ tiyɛ agut eetik.
7Ɛ kɛnɔ koora ɛɛk ɓɔŋgɔɔrɛt ɛɛkoŋk, gaɓɛɛkanta any sinɔ mumuk taar naak wosɛytan setanik kɛnɔti ooɗɛɗ kɛnɔ koora ɛɛk naak ɓɔŋgɔɔrɛt ɛɛkoŋk. 8Kalɛyakan Suumi agut jiit kɛnɔungte ɔɔyɛ rakatɛ sini. 9Yakanata sɛŋk tonu kɛ, "Gayɛna wookan naakɛŋ, agut sinɔ ege ɓaŋkawuka naakɛ daktan bɔɔlaakaat nookɛk." Agut sini yaata a mera ɛɛk bɔɔlaakaat naakɛ kɛnɔte beeɗ ɓaŋkawuka Kereseek. 10Yaataaŋ agut sinɔ laŋa ɓaŋkawuka saa bɔɔlaaɗak, saa bɔɔlaaɗa agut Kereseek, saati nyɔɔnɗɛɛk, saa rakatɛɛɗak, saati epapayɗɛɛk, saa ɓakɛyɗiiɗak.
Ɓakɛyɗi Paawuloos Agut Joop Korontoosuk
11Ariirkanti iinak nɔ dakɛɗa a eet gaagɛk. Kɛygun aasiti kii kaayɛ ɗegerɔɔn kɛ eet wooɗuŋ, nɛkan kaa balaaka "Wosɛytaanakɛ sigaagɛ tonɛɛ kɛ boobɛrŋɔŋk". 12Ijaagɛɛkan iinakɛ kɔɔr ola sigɔ yaaŋɛr sinɔ kɛ eet wosɛytan sinɔ eekerkank. Sɛɛg sigɛkan dusana ɓaŋkaawurɔɔn oolaanik, a yaaŋtaanak, a ola sigɔ reemɗi ɓayɛk, a sɔɔriyɛ. 13Jikon sinɛkan kɔna kaa ijaagɛk, makan ijaaga godeyikɛ Sambatɛyɛɛkoŋk ɔgɔɔkɛk? Nɛ ɔkɔnkan kɔna daka a diiliŋ, nɛ inte ŋɔɗiirɛɛ agut tikiyɛ sigi.
14Ragadakɔ saak sisɔ ɛɛk kɛnɔ kɔra son lak iinakik, ɛnyɛ gut jiiteen nɛɛk, nɛ saakɔɔ kɔrurkuɗak kɛɛ any sinɔkɔɔ kɔna dakɛɗa a diilik. Ɗɛya iinak, ma kaa ɗɛyɛ wori noŋk. Tolɛr bɔɔlɔŋer wori tɔɔmɔka, ma kir tolɛɛɗ tɔɔmɔk wori bɔɔlɔŋeera. 15Yaata a kɛygun gaɓa wori sinɛ lakaak baŋɛ, a wɛɛŋa gaaŋk agut iinakiŋ. Anɛ ɔkɔn kɔnu pora a ɛtɛ oko sinikiŋ, nɛti poriir a balaaŋ? 16Gayɛkan any sinɛ ɓɛɛlɛk nɛ kɔna kaa dakɛ a diilik. Mayakana gayi kɔna a kan kɔnu kaŋa ɗegeej a raamiyɛɛkɛ. 17Laŋaakan aasi kɔne any sinɔ kɔnyɛɛɗa ɛɛkik goy joop sigɛkan wosɛyɛɛrakiŋ? 18Kalɛyakan Tiitoo kɛnɔ kɔru son lak iinakik, ɛkan ɓɔrɛ wosɛyɛɛra manya eteŋka om a sɛɛn agut omoŋ. Laŋkan kɔne Tiito any omoŋ? Mokokan weewerikii a sɛɛn agut omoŋ Wɛɛŋakɛ sigɔɔgɛ omoŋɔŋku? Mokokan ŋawit naŋk ɓɛɛlɛ a omoŋ?
19Koɓiir kɛ beeɗiikan iinakɛ taamɛkɛ a koolii ɛɛk naŋk mɛlɛɛɗa sisɔwa? Tonɗiikii taamɛkɛ Waakoyotoŋk a arkii Keresee. Iinak sigɛ kɔnu poraak, tona sini kɛnɔkɔnu aawoya. 20Kaɗiigiɗa sinɔ kaɗɛɛŋ kiiɗa kɔnu laŋiiɗ oko sinɛ ɗɛyɛɛɗak, maɓɔrɛ kiirti laŋiiɗ oko sinɛ ɗɛyɛrɗɔk saakɔɔ kɔrurkuɗa son lak iinakik. Ɛɓɔrɛ omaay kaɗɛɛŋ lakɛ iinakɛ kɔɔr kaarin, a nyeken, a goopan, a giiman, a sɔɔkiyɛ tiriyaakoŋk, a laaganyɔn, a ɓɔŋgɔɔrɛt ɛɛkoŋk rakaayak, a any sinɔ kɛɛ ikomiit ɛɛkik. 21Saakɔɔ kɔrurkuɗa kɛkark, kaɗiigiɗa any sinɔ kaɗɛɛŋ gɔɔnyɛ kɔɔtu Suumii taamɛkɛ goŋkŋɔŋk. Ŋada agut joop sigɔkan ijaagir tikiyɛ jeemɛk nɛkan kirki weerit tikiyɛɛkɛ Waakoyotak agut somakɔ a ruunyikeen a molkotɔnk.
Iliyochaguliwa sasa
Pɛɛyeen Korontoosuk 12: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Pɛɛyeen Korontoosuk 12
12
Dɛnɛɛ Koɓi Waakoyotoŋk Paawuloosuk
1Ɗɛyɛta a mera ɛɛk, ma kɛɛ any sinɔ laŋɛɛ ant sineenek. Mayakana saak tonɗiiɗa dɛnɛɛ koɓi Waakoyotoŋk a ɗɛyan Waakoyotoŋk sinɔɓa ɓuukiɗiiŋɔŋk. 2Ɗegera iɗit Kereseek a omoŋ sinɔɓa boŋɛɛ mɛlɛɛɗa dariya jiiteena nɛɛkaakik emeyikɛ sigɔɔgɛ aarin a aŋank jeemɛk. Kɛygunɓa boŋɛɛ taare kɛygunɓa moko taare, kaa ɗegerɔɔn, ɗegeera Waakoyo. 3Ɗegera iɗit sinɔ ito sinik sinɛɓa boŋɛɛ mɛlɛɛɗa Gɛnɛtaak. Nɛ kɛygunɓa boŋɛɛ taare kɛygunɓa moko taare, kaa ɗegerɔɔn, ɗegeera Waakoyo, 4nɛɓa tiyɛ sɛŋk sooy Gɛnɛte any sinɔ kɛɛ oolɛ a waasɛŋɔŋk, ɛ ki oolɛ a tonu iɗiŋɔŋk. 5Nɛ mera ɛɛk agut iɗit sinɔ ito sinik, ma kaa meriiɗ ɛɛk naak agut ɛɛk naak bɔɔlaakaat naakɛ sɔgɔɔsɔyk. 6Ɔkɔn ɗɛya meri ɛɛkoŋkuŋ, nɛ moko daka a gaagɛ, agut sinɔ toniiɗa eekeerik. Mayakana gaama ɛɛk naak a kaa meriiɗ ɛɛk, kɛɛ iɗit sinɔ koɓu a kaalɛ any sinɛ dɛnɛ eeteek a sinɛ tiyɛ agut eetik.
7Ɛ kɛnɔ koora ɛɛk ɓɔŋgɔɔrɛt ɛɛkoŋk, gaɓɛɛkanta any sinɔ mumuk taar naak wosɛytan setanik kɛnɔti ooɗɛɗ kɛnɔ koora ɛɛk naak ɓɔŋgɔɔrɛt ɛɛkoŋk. 8Kalɛyakan Suumi agut jiit kɛnɔungte ɔɔyɛ rakatɛ sini. 9Yakanata sɛŋk tonu kɛ, "Gayɛna wookan naakɛŋ, agut sinɔ ege ɓaŋkawuka naakɛ daktan bɔɔlaakaat nookɛk." Agut sini yaata a mera ɛɛk bɔɔlaakaat naakɛ kɛnɔte beeɗ ɓaŋkawuka Kereseek. 10Yaataaŋ agut sinɔ laŋa ɓaŋkawuka saa bɔɔlaaɗak, saa bɔɔlaaɗa agut Kereseek, saati nyɔɔnɗɛɛk, saa rakatɛɛɗak, saati epapayɗɛɛk, saa ɓakɛyɗiiɗak.
Ɓakɛyɗi Paawuloos Agut Joop Korontoosuk
11Ariirkanti iinak nɔ dakɛɗa a eet gaagɛk. Kɛygun aasiti kii kaayɛ ɗegerɔɔn kɛ eet wooɗuŋ, nɛkan kaa balaaka "Wosɛytaanakɛ sigaagɛ tonɛɛ kɛ boobɛrŋɔŋk". 12Ijaagɛɛkan iinakɛ kɔɔr ola sigɔ yaaŋɛr sinɔ kɛ eet wosɛytan sinɔ eekerkank. Sɛɛg sigɛkan dusana ɓaŋkaawurɔɔn oolaanik, a yaaŋtaanak, a ola sigɔ reemɗi ɓayɛk, a sɔɔriyɛ. 13Jikon sinɛkan kɔna kaa ijaagɛk, makan ijaaga godeyikɛ Sambatɛyɛɛkoŋk ɔgɔɔkɛk? Nɛ ɔkɔnkan kɔna daka a diiliŋ, nɛ inte ŋɔɗiirɛɛ agut tikiyɛ sigi.
14Ragadakɔ saak sisɔ ɛɛk kɛnɔ kɔra son lak iinakik, ɛnyɛ gut jiiteen nɛɛk, nɛ saakɔɔ kɔrurkuɗak kɛɛ any sinɔkɔɔ kɔna dakɛɗa a diilik. Ɗɛya iinak, ma kaa ɗɛyɛ wori noŋk. Tolɛr bɔɔlɔŋer wori tɔɔmɔka, ma kir tolɛɛɗ tɔɔmɔk wori bɔɔlɔŋeera. 15Yaata a kɛygun gaɓa wori sinɛ lakaak baŋɛ, a wɛɛŋa gaaŋk agut iinakiŋ. Anɛ ɔkɔn kɔnu pora a ɛtɛ oko sinikiŋ, nɛti poriir a balaaŋ? 16Gayɛkan any sinɛ ɓɛɛlɛk nɛ kɔna kaa dakɛ a diilik. Mayakana gayi kɔna a kan kɔnu kaŋa ɗegeej a raamiyɛɛkɛ. 17Laŋaakan aasi kɔne any sinɔ kɔnyɛɛɗa ɛɛkik goy joop sigɛkan wosɛyɛɛrakiŋ? 18Kalɛyakan Tiitoo kɛnɔ kɔru son lak iinakik, ɛkan ɓɔrɛ wosɛyɛɛra manya eteŋka om a sɛɛn agut omoŋ. Laŋkan kɔne Tiito any omoŋ? Mokokan weewerikii a sɛɛn agut omoŋ Wɛɛŋakɛ sigɔɔgɛ omoŋɔŋku? Mokokan ŋawit naŋk ɓɛɛlɛ a omoŋ?
19Koɓiir kɛ beeɗiikan iinakɛ taamɛkɛ a koolii ɛɛk naŋk mɛlɛɛɗa sisɔwa? Tonɗiikii taamɛkɛ Waakoyotoŋk a arkii Keresee. Iinak sigɛ kɔnu poraak, tona sini kɛnɔkɔnu aawoya. 20Kaɗiigiɗa sinɔ kaɗɛɛŋ kiiɗa kɔnu laŋiiɗ oko sinɛ ɗɛyɛɛɗak, maɓɔrɛ kiirti laŋiiɗ oko sinɛ ɗɛyɛrɗɔk saakɔɔ kɔrurkuɗa son lak iinakik. Ɛɓɔrɛ omaay kaɗɛɛŋ lakɛ iinakɛ kɔɔr kaarin, a nyeken, a goopan, a giiman, a sɔɔkiyɛ tiriyaakoŋk, a laaganyɔn, a ɓɔŋgɔɔrɛt ɛɛkoŋk rakaayak, a any sinɔ kɛɛ ikomiit ɛɛkik. 21Saakɔɔ kɔrurkuɗa kɛkark, kaɗiigiɗa any sinɔ kaɗɛɛŋ gɔɔnyɛ kɔɔtu Suumii taamɛkɛ goŋkŋɔŋk. Ŋada agut joop sigɔkan ijaagir tikiyɛ jeemɛk nɛkan kirki weerit tikiyɛɛkɛ Waakoyotak agut somakɔ a ruunyikeen a molkotɔnk.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia