Pɛɛyeen Korontoosuk 11
11
Paawuloos A Wosɛytaanak Sigɔ Nyonkaanakik
1Ŋaada kɛ ɓaŋkaawurar oolaan gaagɛyikeena naaka a tɛm. Inti koorɛɛ eekeerɛ. 2Ara nyeken sinɔ kus sooy lak Waakoyok agut iinak. Toorakan kɔnu mooja sinɔɔna omoŋɔŋk Kereseya oko peet sinɔ mentanŋɔŋk inɓa kir ɗuŋun a mooyk. 3Kaɗiigiɗa any sinɔ sɔɔkiɗi kalbiyɛ goŋk nɛ kiir boŋiiɗ mentanka nyeken sinaanɛ latukari Kereseyaak oko sinɛɓa raamɛɛɗ kookoo Heewan nyonɛk. 4Ɔkɔn lakɛ iɗit a omoŋ sinɔ kus nɛkɔna waasɛ Yeesee om a moko sinɛkan kɔna waasiikiŋ, maŋk boŋiir Wɛɛŋa sigɔ Geetitaanakik ɔgɔ a moko sigɛkan boŋiirkiŋ, maŋk boŋiir pɛɛni sinɔ ɓɛlkɛɛstank om a moko sinɛkan boŋiirkiŋ, nɛ ito kɔɔta ŋaadiir any sinɛ kɔna tonɛɛk baŋɛ.
5Yakanata kir gayit a lakɛ any sinɔ tɛmkuɗa "wosɛytaanakɛ Yeeseek sigeege boobɛrŋɔŋkuŋ". 6Kɛygun aasite kii kaayɛ toni sinɔ mentanŋɔŋkuŋ nɛte ki bitakɗit ɗegerɔɔn, toniikan kɔna sini a mɛlɛŋ agut ɓɔɔkaaŋ gopakɛ sigɔɔgɛ ɓɔɔkaaŋɔŋk.
7Kɛɛ any sinɔta koyɛɛk saakɔna waasɛɛɗa Pɛɛni sinɔ Ɓɛlkɛɛstank. Nɛ rikita ɛɛk naak ɗooka kɛnɔ kɔnyɛ iinak. Anɛkanta sini ikomɛɛ a tikiyɛ? 8Anɛkan weeweela godeyik Sambatɛyɛɛkoŋk ɔgɔ kɛnɔ boŋa sɛɛge wori kɛnɔ kɔna ijaagɗiikaa sɔkɔn a kɛɛ any sinɔta koyɛɛk? 9Saakan arkiɗa sooy lak iinakik kaakan kɔna dakɛ a diil nɔtu kɔnyɛɛ saakan ɗɛyɛɛɗa worik. Ɗɔkarkikanta tɔkɔny manyaakak eeta sigɛkan kurak Mɛkedooniyaakeek kɛnɔti kɔnyɛr. Nɛ kɔna kaa dakɛ a diil kɛygun sinaanɛkan ɗoyuk kɛygunkɔɔ ɔɗɔɔkak. 10Eekeerɛ Kereseek sigaagɛ atu eete takik, kɛɛ iɗit sinɔtu kaaɓu nɔ kaa meriiɗ ɛɛk ɗokanɛɛkɛ Akayaak baŋɛk. 11Ma agut jikon? Agut sinikɔnu kiiɗa poriiɗik? Pora kɔnu a ɗegeera Waakoyo.
12Ijaagaakɔɔ ɓɔrɛ ɔɗɔɔka any sinɛ ijaaga sisɔk kɛnɔ sanɛr joop sigɔ tonur kɛ sɛɛgnɔ wosɛytaanakik any sinɔ merirɗi ɛɛk a tonur kɛ ijaagɗi oko sinɛ ɓɔrɛ ijaagɗiiɗik sɛɛkik. 13Ege joop sigɔ ito sigik wosɛytaanak sigɔ nyonkaanakik, ɛ ijaageer sigɔ raamkaanakik sigɛ weerɛr ɛkan gɛŋk, a gayi a wosɛytaana Kereseek. 14Moko sini any sinɔ reemɗigeeɗ ɓayaayk, agut sinɔ weerɛ aasi ɛɛk setan a gayi a wosɛytan pɛɗɛrkaatoŋkuŋ. 15Nɛ agut sini ki reemɗiit ɓayaay ɔkɔn weerɛr ɛɛk ijaager setanik a gayi a ijaageer mentankaatoŋkuŋ, laŋir koy gati ijaag nɛŋkik pediyaaŋ.
Rakatɛ Paawuloosuk Oko Wosɛytan
16Tona kɛkar kɛ, "Kat lakɛ iɗit sinɔ gayigiɗii a gaagɛk." Kɛygun aasi kɔna gayikaayii a gaagɛŋ nɛ inti ikomɛɛ a ito eet gaagɛ kɛnɔ mera ɛɛk ant sinɔɔnɛ tɛmŋɔŋk. 17Saa tonɗiiɗa meriiɗ ɛɛkoŋkuk nɛ moko tonɗiika ɓaŋkawukaat Suumiyoŋk, mayakana tonɗiika okokɔ gaagɛyoŋk. 18Mera ɓɔra ɛɛkiŋ, agut sinɔ merirɗi ɛɛk joop sigɔ ɓɔɔkaaŋɔŋk ant taaroŋkuk. 19Ɓaŋkaawurari oolaan agut joop sigɔ gaagɛyɛɛk agut sinɔ ɗegerarɗɔ ɛɛkik? 20Kɛygun wooɗ ɔkɔn kɔnu ari a laaŋoyen, ɛ ɔkɔn kɔnu weewelŋ, ɛ ɔkɔn kɔnu kaŋiŋ, ɛ kɔnu daraayɛŋ, ɛ kɔnu sɔɔbɛŋ, nɛ koorikari oolaan. 21Kɛygun lakaaya keeny saa toniiɗa sinik, nɛ kɔna yaaŋa kɛ kii ɓaŋkawuka a kookorikii oolaan oko iinak. Nɛ tona sini a ito eet gaagɛ.
Yakana kɛygun wooɗ ɔkɔn meri ɛɛk diriikentiŋ, nɛɓɔra mera ɛɛk oko sɛɛn. 22Sɛɛg joop Ibirawiik? Eet ɓɔrɛ iɗit Ibirawiik. Sɛɛg joop Israeelik? Eet ɓɔrɛ iɗit Israeelik. Sɛɛg komoy Abrahamuku? Eet ɓɔrɛ komoy Abrahamuk? 23Sɛɛg ijaageer Kereseeki? Eet ɓɔrɛ ijaagen Kereseek a kaala sɛɛg. Tona sini okokɔ maratikaanoŋk. Bɔɔlaakakan ijaag agut ɓɔɔkaaŋ a kaala sɛɛg, korkoɗɛɛkanti agut ɓɔɔkaaŋ a kaala sɛɛg, ɗiŋɛɛkanti agut ɓɔɔkaaŋ, ŋayɗiikakan rakatɛɛ retoŋk agut ɓɔɔkaaŋ, 24Mamalɛɛkanti joope Ayuuduk teeɓɛɛ agut ruumer iɗit a aarin a tula aŋan agut tuul. 25Malɛɛkanti agut jiit gumboy, baalɛɛkanti agut omoŋ giɗeekɛ, laŋkaakan ɓadɛyit emɗoŋk agut jiit, arkaakan goroo sinɔɔnɛ obiiŋɔŋk raŋk a kaay omoŋ a waawuy omoŋ. 26Laŋkaakan rakatɛ gopɛ ŋawiitoŋk agut ɓɔɔkaaŋ, a rakatɛ gɔrɔ sinɔ obiiŋɔŋk, a rakatɛ mujikoŋk, a rakatɛ joope gaanɛk, a rakatɛ joope sigɔɔgɛ moko Ayuuduk, a rakatɛ katamɛɛ, a rakatɛ paaton, a rakatɛ goroo sinɔɔnɛ obiiŋɔŋk raŋk, a rakatɛ ŋaadtaanakɛ sigɔɔgɛ nyonkaanakik, 27Arkaakan ijaag sinɔɔnɛ obiiŋɔŋk a bɔɔlaakaat, a san ɗoŋoŋk agut ɓɔɔkaaŋ, a ŋaaw a paar, a beeɗit a kaa ɗamitik agut ɓɔɔkaaŋɔŋk, a yaa a konaanikeen. 28Ɓakɛkɛyikaakan ɓɛɛnyɔwɛ gɛɛŋk baŋɛ agut godeyi Sambatɛyɛɛkoŋk baŋɛ, a kaa koɓiiɗ any om. 29Saa bɔɔlaaɗ iɗit omaayk, nɛ ɓɔra kaa bɔɔlaati? Saa gaŋiiɗ iɗit omaay tikiyɛɛkɛk, nɛ ɓɔra kaa ŋadi?
30Ɔkɔn ɗɛyɛɛ meri ɛɛkoŋkuŋ nɛ ɓɔra mera ɛɛk olaatɛ sigaagɛ yaaŋɛr bɔɔlaaka naakik. 31Moko tona nyon a ɗegeera Waakoyo sinɛ Ɛpɛn Suumiya naŋk Yeese Kereseya sinɛ koy pɔɔsɛɛ nɔkoy nɔkoyk. 32Saakan arkiɗa Dɛmaaskoweek nɛkan ari iɗit sinɛ ɓali joopuk sinɛ ar tapaɗe sinaanɛ kɛ Aretasik goyse ɗeek a koorɛr koortaana tugaateer sigɛ katamɛ nɛɛkik kɛnɔtu gaamɛɛ, 33yakanakanti soosowukɛɛ melt kante tool sinaanɛ rektant keer katamɛ nɛɛkik, nɛkan porda ariit nɛɛkɛkiŋ.
Iliyochaguliwa sasa
Pɛɛyeen Korontoosuk 11: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Pɛɛyeen Korontoosuk 11
11
Paawuloos A Wosɛytaanak Sigɔ Nyonkaanakik
1Ŋaada kɛ ɓaŋkaawurar oolaan gaagɛyikeena naaka a tɛm. Inti koorɛɛ eekeerɛ. 2Ara nyeken sinɔ kus sooy lak Waakoyok agut iinak. Toorakan kɔnu mooja sinɔɔna omoŋɔŋk Kereseya oko peet sinɔ mentanŋɔŋk inɓa kir ɗuŋun a mooyk. 3Kaɗiigiɗa any sinɔ sɔɔkiɗi kalbiyɛ goŋk nɛ kiir boŋiiɗ mentanka nyeken sinaanɛ latukari Kereseyaak oko sinɛɓa raamɛɛɗ kookoo Heewan nyonɛk. 4Ɔkɔn lakɛ iɗit a omoŋ sinɔ kus nɛkɔna waasɛ Yeesee om a moko sinɛkan kɔna waasiikiŋ, maŋk boŋiir Wɛɛŋa sigɔ Geetitaanakik ɔgɔ a moko sigɛkan boŋiirkiŋ, maŋk boŋiir pɛɛni sinɔ ɓɛlkɛɛstank om a moko sinɛkan boŋiirkiŋ, nɛ ito kɔɔta ŋaadiir any sinɛ kɔna tonɛɛk baŋɛ.
5Yakanata kir gayit a lakɛ any sinɔ tɛmkuɗa "wosɛytaanakɛ Yeeseek sigeege boobɛrŋɔŋkuŋ". 6Kɛygun aasite kii kaayɛ toni sinɔ mentanŋɔŋkuŋ nɛte ki bitakɗit ɗegerɔɔn, toniikan kɔna sini a mɛlɛŋ agut ɓɔɔkaaŋ gopakɛ sigɔɔgɛ ɓɔɔkaaŋɔŋk.
7Kɛɛ any sinɔta koyɛɛk saakɔna waasɛɛɗa Pɛɛni sinɔ Ɓɛlkɛɛstank. Nɛ rikita ɛɛk naak ɗooka kɛnɔ kɔnyɛ iinak. Anɛkanta sini ikomɛɛ a tikiyɛ? 8Anɛkan weeweela godeyik Sambatɛyɛɛkoŋk ɔgɔ kɛnɔ boŋa sɛɛge wori kɛnɔ kɔna ijaagɗiikaa sɔkɔn a kɛɛ any sinɔta koyɛɛk? 9Saakan arkiɗa sooy lak iinakik kaakan kɔna dakɛ a diil nɔtu kɔnyɛɛ saakan ɗɛyɛɛɗa worik. Ɗɔkarkikanta tɔkɔny manyaakak eeta sigɛkan kurak Mɛkedooniyaakeek kɛnɔti kɔnyɛr. Nɛ kɔna kaa dakɛ a diil kɛygun sinaanɛkan ɗoyuk kɛygunkɔɔ ɔɗɔɔkak. 10Eekeerɛ Kereseek sigaagɛ atu eete takik, kɛɛ iɗit sinɔtu kaaɓu nɔ kaa meriiɗ ɛɛk ɗokanɛɛkɛ Akayaak baŋɛk. 11Ma agut jikon? Agut sinikɔnu kiiɗa poriiɗik? Pora kɔnu a ɗegeera Waakoyo.
12Ijaagaakɔɔ ɓɔrɛ ɔɗɔɔka any sinɛ ijaaga sisɔk kɛnɔ sanɛr joop sigɔ tonur kɛ sɛɛgnɔ wosɛytaanakik any sinɔ merirɗi ɛɛk a tonur kɛ ijaagɗi oko sinɛ ɓɔrɛ ijaagɗiiɗik sɛɛkik. 13Ege joop sigɔ ito sigik wosɛytaanak sigɔ nyonkaanakik, ɛ ijaageer sigɔ raamkaanakik sigɛ weerɛr ɛkan gɛŋk, a gayi a wosɛytaana Kereseek. 14Moko sini any sinɔ reemɗigeeɗ ɓayaayk, agut sinɔ weerɛ aasi ɛɛk setan a gayi a wosɛytan pɛɗɛrkaatoŋkuŋ. 15Nɛ agut sini ki reemɗiit ɓayaay ɔkɔn weerɛr ɛɛk ijaager setanik a gayi a ijaageer mentankaatoŋkuŋ, laŋir koy gati ijaag nɛŋkik pediyaaŋ.
Rakatɛ Paawuloosuk Oko Wosɛytan
16Tona kɛkar kɛ, "Kat lakɛ iɗit sinɔ gayigiɗii a gaagɛk." Kɛygun aasi kɔna gayikaayii a gaagɛŋ nɛ inti ikomɛɛ a ito eet gaagɛ kɛnɔ mera ɛɛk ant sinɔɔnɛ tɛmŋɔŋk. 17Saa tonɗiiɗa meriiɗ ɛɛkoŋkuk nɛ moko tonɗiika ɓaŋkawukaat Suumiyoŋk, mayakana tonɗiika okokɔ gaagɛyoŋk. 18Mera ɓɔra ɛɛkiŋ, agut sinɔ merirɗi ɛɛk joop sigɔ ɓɔɔkaaŋɔŋk ant taaroŋkuk. 19Ɓaŋkaawurari oolaan agut joop sigɔ gaagɛyɛɛk agut sinɔ ɗegerarɗɔ ɛɛkik? 20Kɛygun wooɗ ɔkɔn kɔnu ari a laaŋoyen, ɛ ɔkɔn kɔnu weewelŋ, ɛ ɔkɔn kɔnu kaŋiŋ, ɛ kɔnu daraayɛŋ, ɛ kɔnu sɔɔbɛŋ, nɛ koorikari oolaan. 21Kɛygun lakaaya keeny saa toniiɗa sinik, nɛ kɔna yaaŋa kɛ kii ɓaŋkawuka a kookorikii oolaan oko iinak. Nɛ tona sini a ito eet gaagɛ.
Yakana kɛygun wooɗ ɔkɔn meri ɛɛk diriikentiŋ, nɛɓɔra mera ɛɛk oko sɛɛn. 22Sɛɛg joop Ibirawiik? Eet ɓɔrɛ iɗit Ibirawiik. Sɛɛg joop Israeelik? Eet ɓɔrɛ iɗit Israeelik. Sɛɛg komoy Abrahamuku? Eet ɓɔrɛ komoy Abrahamuk? 23Sɛɛg ijaageer Kereseeki? Eet ɓɔrɛ ijaagen Kereseek a kaala sɛɛg. Tona sini okokɔ maratikaanoŋk. Bɔɔlaakakan ijaag agut ɓɔɔkaaŋ a kaala sɛɛg, korkoɗɛɛkanti agut ɓɔɔkaaŋ a kaala sɛɛg, ɗiŋɛɛkanti agut ɓɔɔkaaŋ, ŋayɗiikakan rakatɛɛ retoŋk agut ɓɔɔkaaŋ, 24Mamalɛɛkanti joope Ayuuduk teeɓɛɛ agut ruumer iɗit a aarin a tula aŋan agut tuul. 25Malɛɛkanti agut jiit gumboy, baalɛɛkanti agut omoŋ giɗeekɛ, laŋkaakan ɓadɛyit emɗoŋk agut jiit, arkaakan goroo sinɔɔnɛ obiiŋɔŋk raŋk a kaay omoŋ a waawuy omoŋ. 26Laŋkaakan rakatɛ gopɛ ŋawiitoŋk agut ɓɔɔkaaŋ, a rakatɛ gɔrɔ sinɔ obiiŋɔŋk, a rakatɛ mujikoŋk, a rakatɛ joope gaanɛk, a rakatɛ joope sigɔɔgɛ moko Ayuuduk, a rakatɛ katamɛɛ, a rakatɛ paaton, a rakatɛ goroo sinɔɔnɛ obiiŋɔŋk raŋk, a rakatɛ ŋaadtaanakɛ sigɔɔgɛ nyonkaanakik, 27Arkaakan ijaag sinɔɔnɛ obiiŋɔŋk a bɔɔlaakaat, a san ɗoŋoŋk agut ɓɔɔkaaŋ, a ŋaaw a paar, a beeɗit a kaa ɗamitik agut ɓɔɔkaaŋɔŋk, a yaa a konaanikeen. 28Ɓakɛkɛyikaakan ɓɛɛnyɔwɛ gɛɛŋk baŋɛ agut godeyi Sambatɛyɛɛkoŋk baŋɛ, a kaa koɓiiɗ any om. 29Saa bɔɔlaaɗ iɗit omaayk, nɛ ɓɔra kaa bɔɔlaati? Saa gaŋiiɗ iɗit omaay tikiyɛɛkɛk, nɛ ɓɔra kaa ŋadi?
30Ɔkɔn ɗɛyɛɛ meri ɛɛkoŋkuŋ nɛ ɓɔra mera ɛɛk olaatɛ sigaagɛ yaaŋɛr bɔɔlaaka naakik. 31Moko tona nyon a ɗegeera Waakoyo sinɛ Ɛpɛn Suumiya naŋk Yeese Kereseya sinɛ koy pɔɔsɛɛ nɔkoy nɔkoyk. 32Saakan arkiɗa Dɛmaaskoweek nɛkan ari iɗit sinɛ ɓali joopuk sinɛ ar tapaɗe sinaanɛ kɛ Aretasik goyse ɗeek a koorɛr koortaana tugaateer sigɛ katamɛ nɛɛkik kɛnɔtu gaamɛɛ, 33yakanakanti soosowukɛɛ melt kante tool sinaanɛ rektant keer katamɛ nɛɛkik, nɛkan porda ariit nɛɛkɛkiŋ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia