Pɛɛyeen Korontoosuk 13
13
Digoy A Rɔɔriyɔn Sinɛ Pedtank
1Ege kɔɔɓɔ mɛlɛɛ naakɛ gut jiiteen nɛɛk son lak iinakik. Oko sinɛ toniiɗ Wargatɛ Waakoyotoŋk kɛ, "Ɛtɛ any baŋɛ misikiriyɛɛkɛ sigɔɔgɛ pɛɛyk maŋk jiitik." 2Totonikaakan kɔna rɔɔrɔkɔɔn saakan arkiɗa sooy lak iinakik pɛɛyeen lɛɛwɛɛt naakik. Maɓɔrɛ sisɔ a arka a yowɛɛɗiŋ, nɛ tonɗiika joopa sigaagakan ijaagir tikiyɛ jeemɛk rɔɔrɔkaaka joopa ɔgɔɔka. Kɛɛ iɗit sinɔ kɔɔta sanɗi saakɔɔ weerirkiɗa sisɔ son lak iinak. 3Ɗɛyɛɛr eekeerɛ saan ɗegerɗɛɛ kɛ tonɗi Kerese goy naakɛ. Nɛ moko kɔne dɛnɛɛ bɔɔlaaka mayakana ege sini ɓaŋkawuka nɛɛk sinɛ ar iinakɛ takik. 4Kɛygunkan laalawukaayɛ sɛɛn bɔɔlaakaat, yakana sɛŋk beeɗ ɓaŋkawukaat Waakoyotoŋk. Agut sinɔ eteŋk bɔɔlak a sɛɛn agut omoŋ, yakana ijaagɗikii a iinak agut omoŋ, nɛkoy beeɗii a sɛɛn agut omoŋ ɓaŋkawukaat Waakoyotoŋk.
5In mermenɛɛ ɛkan goŋk sinɔɔnɛ kɛ atukari ŋaadiyɛɛkɛk. In paarɛɛ ɛkan goŋk. Kirkɔɔ koɓiiɗ kɛ ar Yeese Kerese iinakɛ taki? Ma ɔkɔn, nɛkan ɗiirari paariit. 6Koorika ŋaadiyɛɛkɛ kɛ ɗegerari kɛ kiikan seek ɗiirin paariitikiŋ. 7Ɗanɗamaakii son lak Waakoyok kɛnɔ kat ijaagiir any sinɔ ŋɛɛwɛnŋɔŋk. Ɗanɗamakii kɛnɔ kɛygun aasi dakii a tin kɛɛ taanta a eteŋk gaytaanakiŋ, ma kɛnɔ sɔɔk ijaagir any sinɔ mentanŋɔŋk ɓɛɛnyɔwɛ gɛɛŋk baŋɛ, ma moko yaaŋii gayɛ naŋk. 8Agut sini kɛɛ any sinɔ ijaagiik ara, ma ijaagɗikii agut eekeer. 9Yaa tina saa eteŋk bɔɔlakik ma sɔɔk ɓaŋkaawakariŋɔŋk. Arii kɔnu ɗanɗamɔɔn naŋk a iinak daktaanak. 10Taapɛɛra kɔna wosɛ sini saa kɔne yowɛrkiɗak agut any sini. Kaa kɔnu ooɗɛɛt ɓaŋkawukaat sinaanɛ kanta gaɓɛ Suumiik saakɔɔ mɛlɛrkiɗa son lak iinakik, agut sinɔ gaɓɛkanta Suumii ɓaŋkawuka kɛnɔ kɔnu kɛnya, ma moko kɛnɔ kɔnu aala.
11Pediya nɛɛka iinak manyaakak eeta sigɛ dooytaanakik, digoyɓɔ kɔna. In ɓɛɛlɛɛ a daktaanak, in tiyɛɛ rɔɔriyɔn naak, in lakɛɛ omaayikeen ɛkanɛɛkɛ goŋk, in beeɗɛɛ bɔdɛɛɗ. Waakoyo mɛyinoŋk ɛ bɔdɛɗoŋk a iinak agut omoŋ. 12In digogoyikɛɛ ɛkanɛɛkɛ goŋk samɓoɓoy sinɔɔnɛ geetitank. 13Digoyɛrtarnɔ kɔnu joop sigɛ geetitaanakik baŋɛ. 14In wookan Suumi Yeeseek a mɛyin Waakoyotoŋk a omaayikeen Wɛɛŋa sigɔ Geetitaanakik a iinak agut omoŋ.
Iliyochaguliwa sasa
Pɛɛyeen Korontoosuk 13: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Pɛɛyeen Korontoosuk 13
13
Digoy A Rɔɔriyɔn Sinɛ Pedtank
1Ege kɔɔɓɔ mɛlɛɛ naakɛ gut jiiteen nɛɛk son lak iinakik. Oko sinɛ toniiɗ Wargatɛ Waakoyotoŋk kɛ, "Ɛtɛ any baŋɛ misikiriyɛɛkɛ sigɔɔgɛ pɛɛyk maŋk jiitik." 2Totonikaakan kɔna rɔɔrɔkɔɔn saakan arkiɗa sooy lak iinakik pɛɛyeen lɛɛwɛɛt naakik. Maɓɔrɛ sisɔ a arka a yowɛɛɗiŋ, nɛ tonɗiika joopa sigaagakan ijaagir tikiyɛ jeemɛk rɔɔrɔkaaka joopa ɔgɔɔka. Kɛɛ iɗit sinɔ kɔɔta sanɗi saakɔɔ weerirkiɗa sisɔ son lak iinak. 3Ɗɛyɛɛr eekeerɛ saan ɗegerɗɛɛ kɛ tonɗi Kerese goy naakɛ. Nɛ moko kɔne dɛnɛɛ bɔɔlaaka mayakana ege sini ɓaŋkawuka nɛɛk sinɛ ar iinakɛ takik. 4Kɛygunkan laalawukaayɛ sɛɛn bɔɔlaakaat, yakana sɛŋk beeɗ ɓaŋkawukaat Waakoyotoŋk. Agut sinɔ eteŋk bɔɔlak a sɛɛn agut omoŋ, yakana ijaagɗikii a iinak agut omoŋ, nɛkoy beeɗii a sɛɛn agut omoŋ ɓaŋkawukaat Waakoyotoŋk.
5In mermenɛɛ ɛkan goŋk sinɔɔnɛ kɛ atukari ŋaadiyɛɛkɛk. In paarɛɛ ɛkan goŋk. Kirkɔɔ koɓiiɗ kɛ ar Yeese Kerese iinakɛ taki? Ma ɔkɔn, nɛkan ɗiirari paariit. 6Koorika ŋaadiyɛɛkɛ kɛ ɗegerari kɛ kiikan seek ɗiirin paariitikiŋ. 7Ɗanɗamaakii son lak Waakoyok kɛnɔ kat ijaagiir any sinɔ ŋɛɛwɛnŋɔŋk. Ɗanɗamakii kɛnɔ kɛygun aasi dakii a tin kɛɛ taanta a eteŋk gaytaanakiŋ, ma kɛnɔ sɔɔk ijaagir any sinɔ mentanŋɔŋk ɓɛɛnyɔwɛ gɛɛŋk baŋɛ, ma moko yaaŋii gayɛ naŋk. 8Agut sini kɛɛ any sinɔ ijaagiik ara, ma ijaagɗikii agut eekeer. 9Yaa tina saa eteŋk bɔɔlakik ma sɔɔk ɓaŋkaawakariŋɔŋk. Arii kɔnu ɗanɗamɔɔn naŋk a iinak daktaanak. 10Taapɛɛra kɔna wosɛ sini saa kɔne yowɛrkiɗak agut any sini. Kaa kɔnu ooɗɛɛt ɓaŋkawukaat sinaanɛ kanta gaɓɛ Suumiik saakɔɔ mɛlɛrkiɗa son lak iinakik, agut sinɔ gaɓɛkanta Suumii ɓaŋkawuka kɛnɔ kɔnu kɛnya, ma moko kɛnɔ kɔnu aala.
11Pediya nɛɛka iinak manyaakak eeta sigɛ dooytaanakik, digoyɓɔ kɔna. In ɓɛɛlɛɛ a daktaanak, in tiyɛɛ rɔɔriyɔn naak, in lakɛɛ omaayikeen ɛkanɛɛkɛ goŋk, in beeɗɛɛ bɔdɛɛɗ. Waakoyo mɛyinoŋk ɛ bɔdɛɗoŋk a iinak agut omoŋ. 12In digogoyikɛɛ ɛkanɛɛkɛ goŋk samɓoɓoy sinɔɔnɛ geetitank. 13Digoyɛrtarnɔ kɔnu joop sigɛ geetitaanakik baŋɛ. 14In wookan Suumi Yeeseek a mɛyin Waakoyotoŋk a omaayikeen Wɛɛŋa sigɔ Geetitaanakik a iinak agut omoŋ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia