Omoŋ Korontoosuk 5
5
Tikiyɛ Ruunyikeenoŋk Dooytaanakɛ Kɔɔr
1Tiyaakɔ kɛ lakɛnɔ iinakɛ kɔɔr ruunyikeen sinɔ keerɛɛŋɔŋk. Kɛɛ aasi ijaagɛɛ ruunyikeen sinɔ ito sinik joope sigɔɔgɛ moko Ayuuduk kɔɔr. Lakɛnɔ iinakɛ iɗit sinɔ boŋu nyaki ɛmɛsaakiŋ. 2Anɛ ɓɔŋgɔɔrɛɛr ɛɛk agut jikon ma lakɛ any sinɔ keerɛɛŋɔŋk iinakɛ kɔɔruk? Gunkɔ aasi ɓakɛyɗiikari agut iɗit siniŋ. Nɛ gunkɔ boŋiitaarɔ iɗit sinɛkɔ ijaag any sinik tolɛɛɗ noŋk walasaaŋ. 3Kɛygun aasiti kiikaayɛɛ taare a iinak agut omoŋ ma wɛɛŋakɛ eet a iinak agut omoŋ, saa eet a iinak agut omoŋɔŋk pɛrɛda ete sinaanɛ ijaag somakɔ sigɔ ito sigik tiriyaakɛ Suumi Yeese Kereseek. 4Saa tolɗiiɗɔɔ ɓaŋkawukaat Suumi naŋk Yeeseek nɛ agut sinɔtu laŋiiɗɛɛ wɛɛŋakɛ iinakɛ kɔɔruk. 5Ɗɛyɛ kɔna a gaɓɛɛr buusɛ iɗit sinik setana kɛnɔ laŋki rakatɛ kɛnɔkoy bɔdɛr wɛɛŋa iɗit sinik ɓeny saakoy mɛlkiɗ Suumii pirdiyaak.
6Ki mentanka meri noŋk ɛɛkoŋk ɛkanɛɛkɛ goŋk. A kiir ɗegerɔɔn irso sinɔ tɛmŋɔŋk kɛ ari malɛytan nɛɛk baŋɛ a gupuuyeŋ? 7In orɛɛ irso sinɛ bɔɔlɔŋk kɛnɔ ɓɛɛlɛɛr oko malɛytan sinɔ tɔɔnuk kiiɗɛ irsook. Agut sinɔ uduŋɛɛɓa eteŋka Keresee sinɛ jiŋkuy Ba'aal Ɗoyiɗoŋk. 8Nɛ agut sini koy eemɛyii Ba'aal Ɗoyiɗoŋk naŋk nasiye sinɔɔnɛ kiiɗɛ irsook, sinɔɔnɛ mentanŋɔŋk a enyaakiɗ eekerk, ma moko irsooke sinɔɔnɛ bɔɔlɔŋk enyaakiɗ ɗɛgɛ a ŋɛɛwɛnkaatik.
9Tonakan kɔna wosɛ saakan kɔna taapɛɛra jeemɛk kɛnɔ kat ijaagɗiikari a joop sigɔ ruunykaanakik agut omoŋ. 10Moko tona sini kɛnɔ kat ijaagɗiikari a joop sigɛ ijaagir ruunyikeen ɗook sineene raŋkik, maŋk a joop sigɛ golɛrk, maŋk a agaltiir, maŋk a joop sigɛ ugumer raŋaawotakaak. Ɔkɔntɔ ɓɛɛlɛ oko sinikiŋ, nɛ gunkan kɔna ɗɛyɛ a ŋaararkɔɔ ɗook raŋkiŋ. 11Yakanakɔ saak taapiɗiira kɔna kɛnɔ kat ijaagɗiikari agut omoŋɔŋk a joop sigɛ riyɛ sɛɛg kɛ dooytaanak nɔ, ma ibiɗiiŋɔŋk maŋk sigɛ golɛrk, maŋk sigɛ ugumer raŋaawotakaak, maŋk sigɛ laaganyaak, maŋk sigɛ pɔyark, maŋk sigɛ weeweelik. Kat ɗamari ɗama a joop sigɔ ito sigik agut omoŋ.
12Ijaag naak sinɔ pɛrɛdɛɗɛɛ joope sigɔɔgɛ atu tolɛɛɗ dooyanoŋk walasiki? A moko pɛrɛdɛɛr joope sigɔɔgɛ atu tolɛɛɗ dooyanoŋk takikiŋ? 13Pɛrɛdɛkoy Waakoyot agut any joop sigɛ atu dooyaan walasik oko sinɛ toniiɗ Wargatɛ Waakoyotoŋk kɛ, "In ɔɔyɛɛ iɗit sinɔ ŋɛɛwɛnŋɔŋk iinakɛ kɔɔruk."
Iliyochaguliwa sasa
Omoŋ Korontoosuk 5: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia