Markuji 7
7
Yesu ohasumulula aFarizewu na anamafundjiha malamulo zela mangano ewa
Matewuji 15:1-9
1AFarizewu na anamafundjiha malamulo angasi angasi kohokuma Jeruzalemu, aliwa dowa waligi Yesu. 2Kagafiyile wewule, kohafwanya anamamuharaye amohiwa kadjaga manda movirihamo mangano a tempu yenno. 3Tchoira aFarizewu vamohi na aJudewu atene kinafiyeda mwezo odja kahanakwakwanelihede mangano a makolo a wanle. 4Eto kakumaga merkado, anababiha virihamo mangano matene, kamala, aliwa roma dja. Eto manganuwa anahara atu kahi mang'ono zela mahuwelo a kopo, na mapanela, na jatene jopiyana ja mukuwa, vamohi na nimburo neno nnagarati atu kadjaga. 5Mwa enne aFarizewu na anamafundjiha malamulo ale kohonfukaga Yesu keraga: <<Kodi mwasiwa gwa nni anamauharaninyu djaga eno na manda otakalene, hafunaga kwakwaneliheda mangano a makolo a wanle?>>
6Yesu mbwenye ohawakulaga atwale ira: <<Izaiya oholremba ibaribari zela nyo angongomwa.#7:6 angongomwa banne kahanairana jejile jinakokomeza atu. Gwenno unawonga ira: <<Kamube, kamuraruwe, kamuirena ila!>>, amala eto liye iragana. Liye ohofiyiheda mazu a Mulugu alrembaga ira:
<Atwayo anaditamalela miyo na milomo bahi. Mbwenye murima wewa, uli olapela wene na miyo. 7Eto aliwa kaditamalelaga anaditamalela vasayi. Eto aliwa anafundjiha jofundjiha ja atu aliwa wesaga nnga ti jofundjiha jaga.>
8<<Tcheniyo imohive inera nyo mutukulaga malamulo a Mulugu, muhelaga vammambalo, mutukulaga mangano a atu, muhelaga vasogolro venyu.>>
9Yesu eto ohowonga na atwale eraga: <<Nyo muli aliba hiya malamulo a Mulugu, nyo kungaga sanganiko denyu. 10Tchoira Mozeji ohowonga ira: <Umurihedege babawo na mmawo.> Eto ohowonga ira: <Mutu wenno unawonge ubure zela wa mmaye nari wa babaye, inafwanela apiwe!> 11Mbwenye nyo munafundjiha ira mutu akana yengo yofwanela ira aakamihedena ababaye, liye unowanda wonga na ababaye ira: <Yengwela, miyo kannauvahani nyo. So nnavelela wa Mulugu.> 12Mwa eno, nyo munamukameliha mutu sakanya yengo ili yatene yoakamiheda ababaye. 13Na makalelo anno, munatukula sanganiko denyu, nyo kwihana mazu a Mulugu. Eto nyo munoirana jengo jimohi jiwa jidjindji nnga jeji.>>
Yesu ohowonga zela jinamutakaliha mutu
Matewuji 15:10-20
14Noira enne, Yesu ohaitanaga akoka anamwindji kafwanyeya evale, liye awandela ira: <<Nyo mwatene muvuruwane pama inafuna miyo uwandelani ira muwande onelramo. 15Yengo ili yatene inakumela unde ivolowaga mwa mutu kinamutakaliha. So mbwenye inamutakaliha mutu tcheniyo inakumela mwa liye idowaga unde. 16Ule unna mabaru ovwana, avwe.>>
17Yesu agawongile eno, ohovenya na anamamuharaye, aliwa dowa volowa mmba. Kagafiyile mmba mule, kohonfuka zela yotapulela ya yofwalrafwaniha yawongile liye. 18Evale Yesu ohafukaga ira: <<Kodi nne na nyenne kamuwandile onelramo? Kamuiziwile ira yengo inavolowa wanoni wa mutu kinamutakaliha mutu? 19Tchoira mutu adja yengo, kinadowa mmirimani mwaye. Inadowa munifuni. Yakuma munifuni, kumela unde.>> Mowonga enne ku tapulela ira Yesu otcheniha jodja jatene ira jidjiwege.#7:15-19 Yesu otcheniha jodja jatene ira jidjiwege. Zela nkani wa jodja, Mulugu ohela tempu tempu. 1. Voroma vene, Mulugu ohomuwandela Adawu na Eva ira kadjege jalo bahi. Kohokamelihiwa mwanainyama uli watene ira kahadje. (Jenesesi 1:29) 2. ANowe kagakumile mmwadeyani, Mulugu ohomuwandela Nowe na atwaye ira kadjege mwanainyama uli watene wafuna atu. So Mulugu akameliha dja sangiri. (Jenesesi 9:3-4) 3. Tempu ya Mozeji, Mulugu ohowonga na aIzarayeli ira: <<Mitoro kudje, nguluwe kudje. Mukadje kudje, nibata kudje, vamohi na jengo jimohi jiwa.>> (Detoronomiyo 14:8-18) 4. Tempu ili hiyo ila, Yesu ohawandela atu a tempu yaye eraga: yengo inavolowa wanoni wa mutu kinamutakaliha mutu: Eto mulombwana Markuji muwari mosogolrelriwa na Munemba Otchena ohowonga ira: Mowonga enne ku tapulela ira Yesu otcheniha jodja jatene ira jidjiwege. Ku wonga tempu ili hiyo ila kada mutu unowanda dja mwanainyama unaziveliwa liye nnga tempu ya Nowe. Mulombwana Peduru ohoonihiwa na Yesu ira kabalre nnga yengo yotakala yenno Mulugu umanle liye tcheniha. (Joira ja Anamarumiwa 10:9-16) So tempu ili hiyo ila andimuwa muwari mwa atu omuroromela Yesu kagagaratenle nkani wa jodja, aliwa kohowonga ira ili yapama atu omuroromela Yesu karambele anavinyama opiwa moxekiwa vammelo nari sangiri. (Joira ja Anamarumiwa 15:20)
20Yesu ohowongagave eraga: <<Miyo nnafuna duwandeleni, yengo inamutakaliha mutu tchenne inakumela mmirimani mwa mutu. 21Mwasiwa mmirimani mwa mutu pu mwemo munakuma joumbuwela jabure ji: uputa, umbava, mpa mutu, raruwa, 22milili, uburutu, nyenga, unyambi, pela nrima ja annya, mazu omululuviha mutu, vitukulela, uzimora. 23Jabure jatene jeji jinakuma mmirimani mwa mutu, ti jejo jinamutakaliha mutu.>>
Nroromelo na muhiyana mmohi okumela ilambo ya Sirufenisiya
Matewuji 15:21-28
24Yesu ohokumaga vevale adowaga ilambo yali wandamelana sidadi ya Tiru na sidadi ya Sidoni. Agafiyile wewule, ohodowaga volowa mmba ira atu kahaiziwe ira liye ali wewule. Mbwenye eto muwari mohofuna oniwa na atu, kawandile vikoya. 25Sidadi ya Tiru ule wohokala mwana muhiyana mmohi anna mwanaye wa muhiyana anna munemba otakala. Muhiyanole agavwile zela nkani wa Yesu, ohozaga, liye kokora vamanyaloni va Yesu. 26Muhiyanole kaali muJudewu mbwenye ali nkuda Sirufenisiya, awonga iGerego. Mwa enne liye ohonvepa Yesu na ntindi ira: <<Nnouvepani ira mmutamangihe munemba wabure unna mwanaga.>> 27Mbwenye Yesu ohomuwandela ira: <<Ubabihe ahiya ahima kadje. Kahi pama awaka ahima pawu, dowa atatilela ana anambwa.>> 28Evale muhiyanole ohowakula eraga: <<He, Nabwiya pu mwemo munawongela nyo! Mbwenye masiki eno, ana anambwa anakala mutchindo mwa meza, aliwa djaga jinyenyeri ja pawu jinamoriha ahima kadjaga vameza vale.>>#7:27-28 Fwanyeya ira Yesu ohorumiwa ira aalaleye aIzarayeli. (Matewuji 15:24) Nona liye awongaga ira: Kahi pama awaka ahima pawu, dowa atatilela ana anambwa. Ahima aawonga liye ali aIzarayeli eto ana anambwa ali atu ohokala aJudewu. Emule muhiyanole ohowakula ira: ana anambwa anakala mutchindo mwa meza, aliwa djaga jinyenyeri ja pawu jinamoriha ahima kadjaga vameza vale. Ku wonga liye ohorumela ira: <<He, dihiiziwa ira miyo kadili muJudewu. Masiki eno mwadipatiha jinyenyeri ja sayi jinadja aJudewu, ihikwakwana.>> Yesu muwari moona nroromelo naye, liye ohovayela rumela yovepa yaye. Eto fwanyeya ira tempu yoalaleya aIzarayeli ve ihimala vira. Tchoira Yesu agakwile, agavennye mokwani, liye ohawandela anamamuharaye ira kaalaleye atu a malogo matene. Nione Matewuji 28:18-20; Efezo 2:11-16. 29Yesu ohomuwakula eraga: <<Na mwasa wa yowakula yenno, nnouwandela ira udowege vande, munemba wabure ule uhukumamo mwa mwanawo.>> 30Muhiyanole agadowile vande, anfwannye mwanole agali ogonantene vakamani vaye, munemba wabure ule agakumilemo.
Yesu ohonvulumutcha mutu mmohi ohowonga eto ohovwa
31Yesu ohokuma pandi yawandamela sidadi ya Tiru, liye vira muwari mwa Sidoni, liye fiya ntiya na Galileya na ilambo ya Dekapoliji. 32Agali wewule atu amohiwa kohomuzana mutu ohovwa eto liye kawanda wonga pama. Aliwa nvepa Yesu na ntindi ira: <<Nnouvepani mmuhinde mutula ira liye awande vulumuwa.>> 33Noira enne, Yesu ohomukumihavo vari va anamwindjale, liye mudowana vaye vene. Agamukumihilevo, ohotukula jibuno jaye hela baruni wa mutule. Nomala liye tapa mare, tukula mare a vang'onove, liye hela vanlumini va mulombwanole. 34Noira eno, ohoing'ana zulu, liye vuma valukulu mokumbanya, nomala liye wonga na mulombwanole ira: <<Efata!>> Efata inatapulela ira: <<Kahuleya!>> 35Mwa tempu imohive yenne, baruni wa mutule wohuleya eto nlumi naye nne nohokala pama, liye roma wonga pama. 36Evale Yesu ohawandelaga atenene ira: <<Jatene jiireyile evano kamumwandele mutu.>> Mbwenye masiki Yesu aawandelave atu enne, aliwa koalaleya afwiwa jatene. 37Atu kawandeliwa zela jaira Yesu, kokala otikiniheyene kawongaga ira: <<Jatene jinairana liye unosakanya pama. Liye ante unosakanya ira aliba havwa kavwege eto ira aliba hawonga kawongege!>>
Iliyochaguliwa sasa
Markuji 7: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral
Markuji 7
7
Yesu ohasumulula aFarizewu na anamafundjiha malamulo zela mangano ewa
Matewuji 15:1-9
1AFarizewu na anamafundjiha malamulo angasi angasi kohokuma Jeruzalemu, aliwa dowa waligi Yesu. 2Kagafiyile wewule, kohafwanya anamamuharaye amohiwa kadjaga manda movirihamo mangano a tempu yenno. 3Tchoira aFarizewu vamohi na aJudewu atene kinafiyeda mwezo odja kahanakwakwanelihede mangano a makolo a wanle. 4Eto kakumaga merkado, anababiha virihamo mangano matene, kamala, aliwa roma dja. Eto manganuwa anahara atu kahi mang'ono zela mahuwelo a kopo, na mapanela, na jatene jopiyana ja mukuwa, vamohi na nimburo neno nnagarati atu kadjaga. 5Mwa enne aFarizewu na anamafundjiha malamulo ale kohonfukaga Yesu keraga: <<Kodi mwasiwa gwa nni anamauharaninyu djaga eno na manda otakalene, hafunaga kwakwaneliheda mangano a makolo a wanle?>>
6Yesu mbwenye ohawakulaga atwale ira: <<Izaiya oholremba ibaribari zela nyo angongomwa.#7:6 angongomwa banne kahanairana jejile jinakokomeza atu. Gwenno unawonga ira: <<Kamube, kamuraruwe, kamuirena ila!>>, amala eto liye iragana. Liye ohofiyiheda mazu a Mulugu alrembaga ira:
<Atwayo anaditamalela miyo na milomo bahi. Mbwenye murima wewa, uli olapela wene na miyo. 7Eto aliwa kaditamalelaga anaditamalela vasayi. Eto aliwa anafundjiha jofundjiha ja atu aliwa wesaga nnga ti jofundjiha jaga.>
8<<Tcheniyo imohive inera nyo mutukulaga malamulo a Mulugu, muhelaga vammambalo, mutukulaga mangano a atu, muhelaga vasogolro venyu.>>
9Yesu eto ohowonga na atwale eraga: <<Nyo muli aliba hiya malamulo a Mulugu, nyo kungaga sanganiko denyu. 10Tchoira Mozeji ohowonga ira: <Umurihedege babawo na mmawo.> Eto ohowonga ira: <Mutu wenno unawonge ubure zela wa mmaye nari wa babaye, inafwanela apiwe!> 11Mbwenye nyo munafundjiha ira mutu akana yengo yofwanela ira aakamihedena ababaye, liye unowanda wonga na ababaye ira: <Yengwela, miyo kannauvahani nyo. So nnavelela wa Mulugu.> 12Mwa eno, nyo munamukameliha mutu sakanya yengo ili yatene yoakamiheda ababaye. 13Na makalelo anno, munatukula sanganiko denyu, nyo kwihana mazu a Mulugu. Eto nyo munoirana jengo jimohi jiwa jidjindji nnga jeji.>>
Yesu ohowonga zela jinamutakaliha mutu
Matewuji 15:10-20
14Noira enne, Yesu ohaitanaga akoka anamwindji kafwanyeya evale, liye awandela ira: <<Nyo mwatene muvuruwane pama inafuna miyo uwandelani ira muwande onelramo. 15Yengo ili yatene inakumela unde ivolowaga mwa mutu kinamutakaliha. So mbwenye inamutakaliha mutu tcheniyo inakumela mwa liye idowaga unde. 16Ule unna mabaru ovwana, avwe.>>
17Yesu agawongile eno, ohovenya na anamamuharaye, aliwa dowa volowa mmba. Kagafiyile mmba mule, kohonfuka zela yotapulela ya yofwalrafwaniha yawongile liye. 18Evale Yesu ohafukaga ira: <<Kodi nne na nyenne kamuwandile onelramo? Kamuiziwile ira yengo inavolowa wanoni wa mutu kinamutakaliha mutu? 19Tchoira mutu adja yengo, kinadowa mmirimani mwaye. Inadowa munifuni. Yakuma munifuni, kumela unde.>> Mowonga enne ku tapulela ira Yesu otcheniha jodja jatene ira jidjiwege.#7:15-19 Yesu otcheniha jodja jatene ira jidjiwege. Zela nkani wa jodja, Mulugu ohela tempu tempu. 1. Voroma vene, Mulugu ohomuwandela Adawu na Eva ira kadjege jalo bahi. Kohokamelihiwa mwanainyama uli watene ira kahadje. (Jenesesi 1:29) 2. ANowe kagakumile mmwadeyani, Mulugu ohomuwandela Nowe na atwaye ira kadjege mwanainyama uli watene wafuna atu. So Mulugu akameliha dja sangiri. (Jenesesi 9:3-4) 3. Tempu ya Mozeji, Mulugu ohowonga na aIzarayeli ira: <<Mitoro kudje, nguluwe kudje. Mukadje kudje, nibata kudje, vamohi na jengo jimohi jiwa.>> (Detoronomiyo 14:8-18) 4. Tempu ili hiyo ila, Yesu ohawandela atu a tempu yaye eraga: yengo inavolowa wanoni wa mutu kinamutakaliha mutu: Eto mulombwana Markuji muwari mosogolrelriwa na Munemba Otchena ohowonga ira: Mowonga enne ku tapulela ira Yesu otcheniha jodja jatene ira jidjiwege. Ku wonga tempu ili hiyo ila kada mutu unowanda dja mwanainyama unaziveliwa liye nnga tempu ya Nowe. Mulombwana Peduru ohoonihiwa na Yesu ira kabalre nnga yengo yotakala yenno Mulugu umanle liye tcheniha. (Joira ja Anamarumiwa 10:9-16) So tempu ili hiyo ila andimuwa muwari mwa atu omuroromela Yesu kagagaratenle nkani wa jodja, aliwa kohowonga ira ili yapama atu omuroromela Yesu karambele anavinyama opiwa moxekiwa vammelo nari sangiri. (Joira ja Anamarumiwa 15:20)
20Yesu ohowongagave eraga: <<Miyo nnafuna duwandeleni, yengo inamutakaliha mutu tchenne inakumela mmirimani mwa mutu. 21Mwasiwa mmirimani mwa mutu pu mwemo munakuma joumbuwela jabure ji: uputa, umbava, mpa mutu, raruwa, 22milili, uburutu, nyenga, unyambi, pela nrima ja annya, mazu omululuviha mutu, vitukulela, uzimora. 23Jabure jatene jeji jinakuma mmirimani mwa mutu, ti jejo jinamutakaliha mutu.>>
Nroromelo na muhiyana mmohi okumela ilambo ya Sirufenisiya
Matewuji 15:21-28
24Yesu ohokumaga vevale adowaga ilambo yali wandamelana sidadi ya Tiru na sidadi ya Sidoni. Agafiyile wewule, ohodowaga volowa mmba ira atu kahaiziwe ira liye ali wewule. Mbwenye eto muwari mohofuna oniwa na atu, kawandile vikoya. 25Sidadi ya Tiru ule wohokala mwana muhiyana mmohi anna mwanaye wa muhiyana anna munemba otakala. Muhiyanole agavwile zela nkani wa Yesu, ohozaga, liye kokora vamanyaloni va Yesu. 26Muhiyanole kaali muJudewu mbwenye ali nkuda Sirufenisiya, awonga iGerego. Mwa enne liye ohonvepa Yesu na ntindi ira: <<Nnouvepani ira mmutamangihe munemba wabure unna mwanaga.>> 27Mbwenye Yesu ohomuwandela ira: <<Ubabihe ahiya ahima kadje. Kahi pama awaka ahima pawu, dowa atatilela ana anambwa.>> 28Evale muhiyanole ohowakula eraga: <<He, Nabwiya pu mwemo munawongela nyo! Mbwenye masiki eno, ana anambwa anakala mutchindo mwa meza, aliwa djaga jinyenyeri ja pawu jinamoriha ahima kadjaga vameza vale.>>#7:27-28 Fwanyeya ira Yesu ohorumiwa ira aalaleye aIzarayeli. (Matewuji 15:24) Nona liye awongaga ira: Kahi pama awaka ahima pawu, dowa atatilela ana anambwa. Ahima aawonga liye ali aIzarayeli eto ana anambwa ali atu ohokala aJudewu. Emule muhiyanole ohowakula ira: ana anambwa anakala mutchindo mwa meza, aliwa djaga jinyenyeri ja pawu jinamoriha ahima kadjaga vameza vale. Ku wonga liye ohorumela ira: <<He, dihiiziwa ira miyo kadili muJudewu. Masiki eno mwadipatiha jinyenyeri ja sayi jinadja aJudewu, ihikwakwana.>> Yesu muwari moona nroromelo naye, liye ohovayela rumela yovepa yaye. Eto fwanyeya ira tempu yoalaleya aIzarayeli ve ihimala vira. Tchoira Yesu agakwile, agavennye mokwani, liye ohawandela anamamuharaye ira kaalaleye atu a malogo matene. Nione Matewuji 28:18-20; Efezo 2:11-16. 29Yesu ohomuwakula eraga: <<Na mwasa wa yowakula yenno, nnouwandela ira udowege vande, munemba wabure ule uhukumamo mwa mwanawo.>> 30Muhiyanole agadowile vande, anfwannye mwanole agali ogonantene vakamani vaye, munemba wabure ule agakumilemo.
Yesu ohonvulumutcha mutu mmohi ohowonga eto ohovwa
31Yesu ohokuma pandi yawandamela sidadi ya Tiru, liye vira muwari mwa Sidoni, liye fiya ntiya na Galileya na ilambo ya Dekapoliji. 32Agali wewule atu amohiwa kohomuzana mutu ohovwa eto liye kawanda wonga pama. Aliwa nvepa Yesu na ntindi ira: <<Nnouvepani mmuhinde mutula ira liye awande vulumuwa.>> 33Noira enne, Yesu ohomukumihavo vari va anamwindjale, liye mudowana vaye vene. Agamukumihilevo, ohotukula jibuno jaye hela baruni wa mutule. Nomala liye tapa mare, tukula mare a vang'onove, liye hela vanlumini va mulombwanole. 34Noira eno, ohoing'ana zulu, liye vuma valukulu mokumbanya, nomala liye wonga na mulombwanole ira: <<Efata!>> Efata inatapulela ira: <<Kahuleya!>> 35Mwa tempu imohive yenne, baruni wa mutule wohuleya eto nlumi naye nne nohokala pama, liye roma wonga pama. 36Evale Yesu ohawandelaga atenene ira: <<Jatene jiireyile evano kamumwandele mutu.>> Mbwenye masiki Yesu aawandelave atu enne, aliwa koalaleya afwiwa jatene. 37Atu kawandeliwa zela jaira Yesu, kokala otikiniheyene kawongaga ira: <<Jatene jinairana liye unosakanya pama. Liye ante unosakanya ira aliba havwa kavwege eto ira aliba hawonga kawongege!>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral