Markuji 6
6
Yesu oholramwisiwa waniwa Nazareti
Matewuji 13:53-58
1Noira enne, Yesu ohokuma evale, liye dowa waniwa Nazareti agali vamohi na anamamuharaye. 2Nagafiyile siku na sabado, ohoroma fundjiha muwari mwa nyumba yofundjamo Mazu. Atu adjindji kavuruwana jawonga liye jile kohoroma tikina, kafukaga keraga: <<Mulombwanola jatene eji unakumana waani? Kodi iziwa waye unazela uvi? Nnga unawanda avi irana matikiniho? 3Kodi wenna kahi namasema? Kahi mwana Mariya? Wenna abalaye kahi Tiyagu, Joze, Judaji na Simawu? Arongoliye kili evano na hiyo?>> Na mwasa wenne, kohomulramwisa. 4Yesu mbwenye agavwile mazu anne ohowonga ira: <<Namafiyiheda unorihediwa pandi datene dene, mbwenye ilambo ya waniwa na abalaye na ababayene eto na atu a vande vaye kinamuriheda.>> 5Na mwasa wenne, Yesu kairilena matikiniho madjindji sidadi ya Nazareti. So aavulumutcha arenda a vang'ono bahi, muwari moahela manda. 6Evale Yesu ohotikiniheya na mwasa oira aliwa kali atu ohororomela. Nomala eno, ohoroma wendawenda tatamo dawandamenle wewule, afundjihaga.
Yesu oharuma anamamuharaye kumi na ambinli
Matewuji 10:1,5-14; Lukaji 9:1-6
7Siku nimohi Yesu ohaitana anamamuharaye kumi na ambinli, aarumaga ambinli ambinli, aavahaga utongi ira katamangihege minemba dotakala. 8Aarumaga, ohawandela ira: <<Mwadowaga muulrendoni mwinyu kamutukule yengo imohiwa, so mbwenye mutukule imiri yenyu yowendana muulrendoni. Kamutukule yodja, nne imwana tumba, nne kamutukule kobiri. 9So muware sapato dinyu, mbwenye kamuware kamiza mbinli.>> 10Eto ohawandela ira: <<Nyo mwavolowa musidadi, mufiyede vande vevo vinawatcheliwe nyo. Eto inafwanela mukalege vande evo pakana mufiyede kumamo musidadi mule. 11Eto ahakalevo unafuna uwatchelani nne uvuruwanani nimburo nili natene, mwavenyagavo mutate tumbulru nnafwanyeya mmanyaloni mwinyu#6:11 mwavenyagavo mutate tumbulru nnafwanyeya mmanyaloni mwinyu: Tata tumbulru ali umboni oira: <<Nyo munoza mugwena mulandu.>> Tchoira tata tumbulru nafwanyeya mmanyaloni ku wonga ira: <<Hiyo eto kannafuna nne fwanyeyana tumbulru na sidadi ila mwasiwa atwale kohotabwa kala atu otakala. Mulugu atongaga sidadi ila, hiyo kannafuna fwanyeyana tumbulru na sidadila.>> Ku wonga ahiyeda atwale jotakala ja mwilamboni mwewa. Nione Joira ja Anamarumiwa 13:51. ira ikale ionihedo yoira aliwa anoza katongiwe.>>#6:11 MaBibiliya amohiwa anozana mazu oira: Na ibaribari nnouwandelani ira siku notonga naza nifiya, goyi nnafuna kana atu a sidadi yenno inaukondeni nnokala goyi dilukulu dokwaranya goyi nnafuna za vahiwa akuda Sodoma na Gomora! 12Mwa enne aliwa kagamaruwile, kohoroma laleya ira atu katwaruwe mwa jotega jiwa. 13Kotamangiha minemba dabure didjindji eto koavulumutcha arenda adjindji muwari moahela makura.
Piwa wa Juwawu Mbatizi
Matewuji 14:1-12; Lukaji 9:7-9
14Mwene Erodi ohomala vwa jatene jene zela Yesu, mwasiwa nzina na Yesu nohomala gaweya mwatene mwene. Evale amohiwa kawonga ira: <<Juwawu Mbatizi, wire venya mokwani. Nona awandaga sakanya matikiniho matene anno.>> 15Eto amohiwa kawonga ira gu Eliya, amohiwa kawonga ira gu namafiyiheda nnga anamafiyiheda a wanle. 16Mbwenye Erodi agavwile ja Yesu, ohoira: <<Liye gu Juwawu Mbatizi, wenno damugwadihile miyo muru. Eno wire venyihiwa mokwani!>>
17Ira Erodi aze awonge eno, mwasiwa malambo a mundulri Erodi ohomuhinda Juwawu, mmangiha, liye muheliha mukadeya. Liye airele ejo na mwasa wa muhiyanaye Erodiya wenno amukumihile liye mmba. Tchoira muhiyanole ali mwadi mbalaye Filipi. 18Mwa enne Juwawu akaleletcha musumulula Erodi ira: <<Mwa malamulo a Mulugu, kavili jowandeya ira weyo unonkana mwadi mbalawo.>> 19Evale mwadi Erodi avwa mazu anne, opihiwa mbani, liye takaleliwaga valukulu, funaga jompa Juwawu. Mbwenye kawandile mpa mwasiwa 20mamunaye Erodi omuova Juwawu, tchoira ohoiziwa ira mulombwana Juwawu ali mulombwana wapama osogolrelriwa na Mulugu. Na mwasa wenne, Erodi omukoya mukadeya mwali liye. Eto fwanyeya ira Erodi oziveliwetcha nvuruwana Juwawu jowonga jaye. Eto anvwaga awongaga, omaliwa zelru.
21Mbwenye siku na pwando ya Erodi, akwakwanihaga yaka daye, mwadi Erodi yofuna yaye ira ampe Juwawu yohokwakwana. Siku neno Erodi ohosakanya pwando ilukulu zela umwene waye, liye aitana andimuwa a umwene waye, andimuwa a anyakondo na andimuwa a Galileya ira kaze vapwandoni vale. 22Muwari mwa tempu yenne, mwadi Erodi mwanaye ohovolowa musalawuni, liye ina pama kwaranya, fiyeda Erodi vamohi na atu atenene aliwa ziveliwa joina jile. Evale Erodi ule ohowonga na mwanole, liye ira: <<Kavepa inafuna we, miyo nnouvaha.>> 23Eto oholumbela ira: <<Yengo ili yatene inavepe we, miyo nnouvaha. Masiki ufune ira nigane umwene waga, miyo nnouvaha pandi imohi.>>
24Evale namwali ule agavwile ejo, ohovenya, liye dowa fiya wa mmaye, liye nfuka ira: <<Nnga divepe yengo nni?>> Evale mmayele ohorumela eraga: <<Udowe wavepe muru wa Juwawu Mbatizi.>> 25Mwa ora imohive yenne namwali ule ohovenya adowaga mobaranya wewule wali mwene ule, liye dowa nvepa mwene ira: <<Miyo difunne ira mudivahe muru wa Juwawu Mbatizi mparatoni tchineneva eni!>> 26Evale mwene Erodi agavwile enne, ohokumbanya valukulu. Mbwenye voira oholumbela eto na mwasa wa alendo kafwanyeya vameza vale, kawandile runa nipangano nasakannye liye na namwali ule. 27Mobaranya mwene Erodi ohomuruma munyakondo mmohi anna mabasa oapa atu ira agwade muru wa Juwawu azena. Evale munyakondole ohodowa kadeya ule, liye gwada muru wa Juwawu, 28hela mparatoni, liye dowa nvaha namwali ule. Namwali ule agavahediwe muru wa Juwawu ule, ohodowa nvaheda mmaye. 29Anamamuhara a Juwawu kagavwile jaireyile, kohodowaga tukula maningo a Juwawu, aliwa dowa mukoya.
Indjivihiwa wa pawu fendo yoroma
Matewuji 14:13-21; Lukaji 9:10-17; Juwawu 6:1-15
30Anamarumiwa a Yesu kagamanle laba mabasiwa karumiwe atu, kohowelela wa Yesu, aliwa muwandelamo zela jatene jerile atu na jafundjihile atu. 31Nimburo nenne vofwanyeyaga atu oindjiva, atu amohiwa kafiyaga, amohiwa kavenyagavo. Yesu na anamamuharaye kohofiyedaga mwezo ohoona tempu ira kadje. Evale ohawandela anamamuharaye eraga: <<Kadiharegeni ira nidoweni nimburo wahali atu ira navume vang'onove.>> 32Evale aliwa kohovenya oka kagwelaga mwadeya, aliwa dowaga nimburo eni wahali atu. 33Mwa enne atu adjindji kohaonaga aliwa kamaruwaga. Evale kagaiziwile ira ali Yesu na anamamuharaye, kohoromaga tamanga na mendo mmambalo mwa ntiya nne kamuharaga wadowa liye ule. Evale Yesu na anamamuharaye kahanafiye, anamwindji ale baligi arandji fiya wewule wadowa Yesu.
34Evale Yesu atitaga mmwadeyani mule, agaaonne anamwindjale, ohokagana akumbanya valukulu mwasiwa kakalaga nnga mabila ohokana namakumbuza. Na mwasa wenne, Yesu ohokana tangaranga na atwale, liye roma afundjiha jengo jidjindji jene. 35Ora ya tchiguwo vang'onove, anamamuharaye kohofiya valigi liye vale keraga: <<Nimburo nnafwanyeya hiyo uno ti nimburo mwahali yengo. Eto eni nzuwa nnavira. 36Kaagunyeni atwala ira kadowe mavande na tatamo diwandamenle wewuno, kagule yodja ira kadje.>> 37Yesu mbwenye ohawakulaga, liye ira: <<Inafwanela nyenne mwaavahe yodja!>> Anamamuhara Yesu ale kohowonga keraga: <<Ira nigule pawu para atu atene anna, inafuneya kobiri ya mbwambwada nnga kobiri da parata 200.>>#6:37 kobiri da parata 200: Kobiri yaromola anamamuhara Yesu tchali ing'ono. Yali kobiri yafuna mutu vahiwa agalabile mmundani mwa nfwaye malambo 200. 38Yesu ohafuka anamamuharaye ale eraga: <<Nyo munna pawu dingasi? Kadowani mwaone.>> Anamamuharaye ale kohodowa ona, aliwa muwandela ira: <<Ninna pawu tanu na somba mbinli.>>
39Evale Yesu ohawandelaga anamamuharaye ira kaagaratihe atwale makuru makuru. 40Mwa enne atwale kogarati makuru makuru. Makuru amohi kali a 50, makuru amohiwa okana atu 100. 41Evale Yesu ohotukulaga pawu tanu na somba mbinli dile, liye ing'aniha meso zulu, liye reliha. Nomala liye roma meyaga pawu dile, avahedaga anamamuharaye. Anamamuharaye ale aliwa agawelaga anamwindjale. 42Evale atene kohodjaga, aliwa rumbala, 43fiyeda tchelela jodja. Mwa enne kagagudenle johala jatene, somba vamohi na pawu dile, johozalaga migogoda kumi na minli. 44Fwanyeya ira muwari mwa atene kadjilege pawu dile, alombwana ve kohokwakwana 5.000 hiya ahiyana na ahima.
Yesu ohowenda vazulu va mahindje
Matewuji 14:22-33; Juwawu 6:15-21
45Kagairile enne, mohodibeliwa Yesu oharuma anamamuharaye ira kagwele mwadeya kasogolrege, kalambuwe ira kadowe kombela ya ule, tatamo ya Betisayida. Mbwenye liye ohalaga vang'ono, liye alanyaga anamwindji kafwanyeya vevale ira kadowege mmavande mwiwa. 46Agamanle alanya atwale, Yesu ohogwela mwangoni ira alobele.
47Unde wagadibile, mwadeya wenno agwenle anamamuharaye afwanyeya vari va ntiya. Yesu mbwenye aligi unde eka. 48Evale Yesu agali unde wewule, ohaonaga anamamuharaye ale katchapaga mosegedeya mwene mwasiwa nipevo nazelaga sogolro wombelaga mundulri. Mbwenye unde wahanarome tcha, Yesu ohodowa wewule, awendaga vazulu va mahindje. Liye afuna aakwaranye anamamuharaye ale, akale vasogolro. 49Mbwenye anamamuharaye ale kagamuonne Yesu awendaga vazulu va mahindje, kaumbuwela ira liye gu yotanduwa. Mwa enne kohoromaga kuwa, 50mwasiwa kohorendjeyaga valukulu kamuonaga azaga. Yesu mbwenye ohovayela wonga na aliwa eraga: <<Kamukukumuwe. Gu miyo vano! Kamuove!>> 51Nomala eno, ohogwelaga mmwadeyani mule vamohi na aliwa. Evale nipevo nne nohomiyalaga. Anamamuharaye ale, kohokukumuwaga valukulu. 52Tchoira aliwa tchaonelramo ibaribari zela yotikiniha ya Yesu aindjivihaga pawu dile. Mirima diwa dalive dovanda dene.
Yesu ohavulumutcha arenda adjindji ilambo ya Jenezare
Matewuji 14:34-36
53Evale kagalambuwele kombela ya ule, kohofiyaga ilambo ya Jenezare, aliwa tukula mwadeya ule mangelela mutcherelani mwa ntiya. 54Kagatitile mmwadeyani mule, atu a wewule kohovayela muiziwa Yesu. 55Evale aliwa kohovenya katamangelaga mutatamoni mwatene mwemule, aliwa roma atukula arenda kali mmakamani, aliwa adowagana nimburo neno naiziwa atu ira: Yesu uli ule.
56Mwatene mwene mwadowa liye, ku wonga tatamoni diwa nari sidadi diwa nari mamburo amohiwa a fora, koagumaniha arenda kaadowagana varampani, aliwa muguzelaga Yesu mendo ira: <<Hiyo nnauvepani ira nihinde magomo wa kapa yenyu bahi ira niwande vulumuwa.>> Mwa enne arenda atene kahinda kapa yaye kovulumuwa.
Iliyochaguliwa sasa
Markuji 6: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral
Markuji 6
6
Yesu oholramwisiwa waniwa Nazareti
Matewuji 13:53-58
1Noira enne, Yesu ohokuma evale, liye dowa waniwa Nazareti agali vamohi na anamamuharaye. 2Nagafiyile siku na sabado, ohoroma fundjiha muwari mwa nyumba yofundjamo Mazu. Atu adjindji kavuruwana jawonga liye jile kohoroma tikina, kafukaga keraga: <<Mulombwanola jatene eji unakumana waani? Kodi iziwa waye unazela uvi? Nnga unawanda avi irana matikiniho? 3Kodi wenna kahi namasema? Kahi mwana Mariya? Wenna abalaye kahi Tiyagu, Joze, Judaji na Simawu? Arongoliye kili evano na hiyo?>> Na mwasa wenne, kohomulramwisa. 4Yesu mbwenye agavwile mazu anne ohowonga ira: <<Namafiyiheda unorihediwa pandi datene dene, mbwenye ilambo ya waniwa na abalaye na ababayene eto na atu a vande vaye kinamuriheda.>> 5Na mwasa wenne, Yesu kairilena matikiniho madjindji sidadi ya Nazareti. So aavulumutcha arenda a vang'ono bahi, muwari moahela manda. 6Evale Yesu ohotikiniheya na mwasa oira aliwa kali atu ohororomela. Nomala eno, ohoroma wendawenda tatamo dawandamenle wewule, afundjihaga.
Yesu oharuma anamamuharaye kumi na ambinli
Matewuji 10:1,5-14; Lukaji 9:1-6
7Siku nimohi Yesu ohaitana anamamuharaye kumi na ambinli, aarumaga ambinli ambinli, aavahaga utongi ira katamangihege minemba dotakala. 8Aarumaga, ohawandela ira: <<Mwadowaga muulrendoni mwinyu kamutukule yengo imohiwa, so mbwenye mutukule imiri yenyu yowendana muulrendoni. Kamutukule yodja, nne imwana tumba, nne kamutukule kobiri. 9So muware sapato dinyu, mbwenye kamuware kamiza mbinli.>> 10Eto ohawandela ira: <<Nyo mwavolowa musidadi, mufiyede vande vevo vinawatcheliwe nyo. Eto inafwanela mukalege vande evo pakana mufiyede kumamo musidadi mule. 11Eto ahakalevo unafuna uwatchelani nne uvuruwanani nimburo nili natene, mwavenyagavo mutate tumbulru nnafwanyeya mmanyaloni mwinyu#6:11 mwavenyagavo mutate tumbulru nnafwanyeya mmanyaloni mwinyu: Tata tumbulru ali umboni oira: <<Nyo munoza mugwena mulandu.>> Tchoira tata tumbulru nafwanyeya mmanyaloni ku wonga ira: <<Hiyo eto kannafuna nne fwanyeyana tumbulru na sidadi ila mwasiwa atwale kohotabwa kala atu otakala. Mulugu atongaga sidadi ila, hiyo kannafuna fwanyeyana tumbulru na sidadila.>> Ku wonga ahiyeda atwale jotakala ja mwilamboni mwewa. Nione Joira ja Anamarumiwa 13:51. ira ikale ionihedo yoira aliwa anoza katongiwe.>>#6:11 MaBibiliya amohiwa anozana mazu oira: Na ibaribari nnouwandelani ira siku notonga naza nifiya, goyi nnafuna kana atu a sidadi yenno inaukondeni nnokala goyi dilukulu dokwaranya goyi nnafuna za vahiwa akuda Sodoma na Gomora! 12Mwa enne aliwa kagamaruwile, kohoroma laleya ira atu katwaruwe mwa jotega jiwa. 13Kotamangiha minemba dabure didjindji eto koavulumutcha arenda adjindji muwari moahela makura.
Piwa wa Juwawu Mbatizi
Matewuji 14:1-12; Lukaji 9:7-9
14Mwene Erodi ohomala vwa jatene jene zela Yesu, mwasiwa nzina na Yesu nohomala gaweya mwatene mwene. Evale amohiwa kawonga ira: <<Juwawu Mbatizi, wire venya mokwani. Nona awandaga sakanya matikiniho matene anno.>> 15Eto amohiwa kawonga ira gu Eliya, amohiwa kawonga ira gu namafiyiheda nnga anamafiyiheda a wanle. 16Mbwenye Erodi agavwile ja Yesu, ohoira: <<Liye gu Juwawu Mbatizi, wenno damugwadihile miyo muru. Eno wire venyihiwa mokwani!>>
17Ira Erodi aze awonge eno, mwasiwa malambo a mundulri Erodi ohomuhinda Juwawu, mmangiha, liye muheliha mukadeya. Liye airele ejo na mwasa wa muhiyanaye Erodiya wenno amukumihile liye mmba. Tchoira muhiyanole ali mwadi mbalaye Filipi. 18Mwa enne Juwawu akaleletcha musumulula Erodi ira: <<Mwa malamulo a Mulugu, kavili jowandeya ira weyo unonkana mwadi mbalawo.>> 19Evale mwadi Erodi avwa mazu anne, opihiwa mbani, liye takaleliwaga valukulu, funaga jompa Juwawu. Mbwenye kawandile mpa mwasiwa 20mamunaye Erodi omuova Juwawu, tchoira ohoiziwa ira mulombwana Juwawu ali mulombwana wapama osogolrelriwa na Mulugu. Na mwasa wenne, Erodi omukoya mukadeya mwali liye. Eto fwanyeya ira Erodi oziveliwetcha nvuruwana Juwawu jowonga jaye. Eto anvwaga awongaga, omaliwa zelru.
21Mbwenye siku na pwando ya Erodi, akwakwanihaga yaka daye, mwadi Erodi yofuna yaye ira ampe Juwawu yohokwakwana. Siku neno Erodi ohosakanya pwando ilukulu zela umwene waye, liye aitana andimuwa a umwene waye, andimuwa a anyakondo na andimuwa a Galileya ira kaze vapwandoni vale. 22Muwari mwa tempu yenne, mwadi Erodi mwanaye ohovolowa musalawuni, liye ina pama kwaranya, fiyeda Erodi vamohi na atu atenene aliwa ziveliwa joina jile. Evale Erodi ule ohowonga na mwanole, liye ira: <<Kavepa inafuna we, miyo nnouvaha.>> 23Eto oholumbela ira: <<Yengo ili yatene inavepe we, miyo nnouvaha. Masiki ufune ira nigane umwene waga, miyo nnouvaha pandi imohi.>>
24Evale namwali ule agavwile ejo, ohovenya, liye dowa fiya wa mmaye, liye nfuka ira: <<Nnga divepe yengo nni?>> Evale mmayele ohorumela eraga: <<Udowe wavepe muru wa Juwawu Mbatizi.>> 25Mwa ora imohive yenne namwali ule ohovenya adowaga mobaranya wewule wali mwene ule, liye dowa nvepa mwene ira: <<Miyo difunne ira mudivahe muru wa Juwawu Mbatizi mparatoni tchineneva eni!>> 26Evale mwene Erodi agavwile enne, ohokumbanya valukulu. Mbwenye voira oholumbela eto na mwasa wa alendo kafwanyeya vameza vale, kawandile runa nipangano nasakannye liye na namwali ule. 27Mobaranya mwene Erodi ohomuruma munyakondo mmohi anna mabasa oapa atu ira agwade muru wa Juwawu azena. Evale munyakondole ohodowa kadeya ule, liye gwada muru wa Juwawu, 28hela mparatoni, liye dowa nvaha namwali ule. Namwali ule agavahediwe muru wa Juwawu ule, ohodowa nvaheda mmaye. 29Anamamuhara a Juwawu kagavwile jaireyile, kohodowaga tukula maningo a Juwawu, aliwa dowa mukoya.
Indjivihiwa wa pawu fendo yoroma
Matewuji 14:13-21; Lukaji 9:10-17; Juwawu 6:1-15
30Anamarumiwa a Yesu kagamanle laba mabasiwa karumiwe atu, kohowelela wa Yesu, aliwa muwandelamo zela jatene jerile atu na jafundjihile atu. 31Nimburo nenne vofwanyeyaga atu oindjiva, atu amohiwa kafiyaga, amohiwa kavenyagavo. Yesu na anamamuharaye kohofiyedaga mwezo ohoona tempu ira kadje. Evale ohawandela anamamuharaye eraga: <<Kadiharegeni ira nidoweni nimburo wahali atu ira navume vang'onove.>> 32Evale aliwa kohovenya oka kagwelaga mwadeya, aliwa dowaga nimburo eni wahali atu. 33Mwa enne atu adjindji kohaonaga aliwa kamaruwaga. Evale kagaiziwile ira ali Yesu na anamamuharaye, kohoromaga tamanga na mendo mmambalo mwa ntiya nne kamuharaga wadowa liye ule. Evale Yesu na anamamuharaye kahanafiye, anamwindji ale baligi arandji fiya wewule wadowa Yesu.
34Evale Yesu atitaga mmwadeyani mule, agaaonne anamwindjale, ohokagana akumbanya valukulu mwasiwa kakalaga nnga mabila ohokana namakumbuza. Na mwasa wenne, Yesu ohokana tangaranga na atwale, liye roma afundjiha jengo jidjindji jene. 35Ora ya tchiguwo vang'onove, anamamuharaye kohofiya valigi liye vale keraga: <<Nimburo nnafwanyeya hiyo uno ti nimburo mwahali yengo. Eto eni nzuwa nnavira. 36Kaagunyeni atwala ira kadowe mavande na tatamo diwandamenle wewuno, kagule yodja ira kadje.>> 37Yesu mbwenye ohawakulaga, liye ira: <<Inafwanela nyenne mwaavahe yodja!>> Anamamuhara Yesu ale kohowonga keraga: <<Ira nigule pawu para atu atene anna, inafuneya kobiri ya mbwambwada nnga kobiri da parata 200.>>#6:37 kobiri da parata 200: Kobiri yaromola anamamuhara Yesu tchali ing'ono. Yali kobiri yafuna mutu vahiwa agalabile mmundani mwa nfwaye malambo 200. 38Yesu ohafuka anamamuharaye ale eraga: <<Nyo munna pawu dingasi? Kadowani mwaone.>> Anamamuharaye ale kohodowa ona, aliwa muwandela ira: <<Ninna pawu tanu na somba mbinli.>>
39Evale Yesu ohawandelaga anamamuharaye ira kaagaratihe atwale makuru makuru. 40Mwa enne atwale kogarati makuru makuru. Makuru amohi kali a 50, makuru amohiwa okana atu 100. 41Evale Yesu ohotukulaga pawu tanu na somba mbinli dile, liye ing'aniha meso zulu, liye reliha. Nomala liye roma meyaga pawu dile, avahedaga anamamuharaye. Anamamuharaye ale aliwa agawelaga anamwindjale. 42Evale atene kohodjaga, aliwa rumbala, 43fiyeda tchelela jodja. Mwa enne kagagudenle johala jatene, somba vamohi na pawu dile, johozalaga migogoda kumi na minli. 44Fwanyeya ira muwari mwa atene kadjilege pawu dile, alombwana ve kohokwakwana 5.000 hiya ahiyana na ahima.
Yesu ohowenda vazulu va mahindje
Matewuji 14:22-33; Juwawu 6:15-21
45Kagairile enne, mohodibeliwa Yesu oharuma anamamuharaye ira kagwele mwadeya kasogolrege, kalambuwe ira kadowe kombela ya ule, tatamo ya Betisayida. Mbwenye liye ohalaga vang'ono, liye alanyaga anamwindji kafwanyeya vevale ira kadowege mmavande mwiwa. 46Agamanle alanya atwale, Yesu ohogwela mwangoni ira alobele.
47Unde wagadibile, mwadeya wenno agwenle anamamuharaye afwanyeya vari va ntiya. Yesu mbwenye aligi unde eka. 48Evale Yesu agali unde wewule, ohaonaga anamamuharaye ale katchapaga mosegedeya mwene mwasiwa nipevo nazelaga sogolro wombelaga mundulri. Mbwenye unde wahanarome tcha, Yesu ohodowa wewule, awendaga vazulu va mahindje. Liye afuna aakwaranye anamamuharaye ale, akale vasogolro. 49Mbwenye anamamuharaye ale kagamuonne Yesu awendaga vazulu va mahindje, kaumbuwela ira liye gu yotanduwa. Mwa enne kohoromaga kuwa, 50mwasiwa kohorendjeyaga valukulu kamuonaga azaga. Yesu mbwenye ohovayela wonga na aliwa eraga: <<Kamukukumuwe. Gu miyo vano! Kamuove!>> 51Nomala eno, ohogwelaga mmwadeyani mule vamohi na aliwa. Evale nipevo nne nohomiyalaga. Anamamuharaye ale, kohokukumuwaga valukulu. 52Tchoira aliwa tchaonelramo ibaribari zela yotikiniha ya Yesu aindjivihaga pawu dile. Mirima diwa dalive dovanda dene.
Yesu ohavulumutcha arenda adjindji ilambo ya Jenezare
Matewuji 14:34-36
53Evale kagalambuwele kombela ya ule, kohofiyaga ilambo ya Jenezare, aliwa tukula mwadeya ule mangelela mutcherelani mwa ntiya. 54Kagatitile mmwadeyani mule, atu a wewule kohovayela muiziwa Yesu. 55Evale aliwa kohovenya katamangelaga mutatamoni mwatene mwemule, aliwa roma atukula arenda kali mmakamani, aliwa adowagana nimburo neno naiziwa atu ira: Yesu uli ule.
56Mwatene mwene mwadowa liye, ku wonga tatamoni diwa nari sidadi diwa nari mamburo amohiwa a fora, koagumaniha arenda kaadowagana varampani, aliwa muguzelaga Yesu mendo ira: <<Hiyo nnauvepani ira nihinde magomo wa kapa yenyu bahi ira niwande vulumuwa.>> Mwa enne arenda atene kahinda kapa yaye kovulumuwa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral