Markuji 8
8
Indjivihiwa wa pawu fendo yowelela
Matewuji 15:29-39
1Muwari mwa malambo anne, siku nimohi niwa atu oindjiva kohogumanaga akoka valigi Yesu. Aliwa tchanna yodja. Evale Yesu ohaitana anamamuharaye aawandelaga eraga: 2<<Nnaawendela tangaranga anamwindjala mwasiwa aliwa kohomala malambo mararu kagali na miyo eto kinna yengo ira kadje. 3Dera daarume ira kadowege mmavande mwiwa na ndala diwa dene, anerege hileya mundila mwasiwa amohiwa kakumele olapela wene.>> 4Evale anamamuharaye kohonfuka keraga: <<Nnga hiyo nimburo mwahali yengo muli hiyo muno, nnowanda fwanya yodja ira atu atene anna kakwakwane?>> Aliwa kagawongile enne, 5Yesu ohafuka, liye ira: <<Nnga nyo munna pawu dingasi?>> Aliwa kohowakulaga ira: <<Ninna pawu tanu na mbinli.>>
6Evale Yesu ohawongana anamwindji ale ira kagarati vati. Nomala ohotukula pawu dile liye mutamalelana Mulugu, liye roma meya, avahaga anamamuharaye ira kaagawelege anamwindji ale. Anamamuharaye aliwa roma agawela atwale. 7Kohokagana eto somba da vang'ono. Yesu oholobelela somba dile muwari moreliha, nomala eno liye avaha anamamuharaye ira kaagawele atwale. 8Evale kohodja aliwa rumbala, fiyeda tchelela jodja jile. Kagagudenle jodja jahanle jile, johofiyeda zala migogoda mitanu na minli. 9Atu kadjile kali okwakwana nnga 4.000. Kagamanle dja, Yesu oharuma ira kadowege mmavande mwiwa. 10Noira enne, mohodibeliwa ohogwela mmwadeyani na anamamuharaye, aliwa dowaga ilambo ya Dalimanuta.
AFarizewu kohonvepa Yesu ionihedo
Matewuji 12:38-42, 16:1-4; Lukaji 11:29-32
11Kagafiyile wewule, azilege ali aFarizewu, aliwa roma wonga na Yesu ira kamuxixe ira kaonevo mwasa ofuna gwihana mulandu. Muwari momuxixa mule, atu kofunafuna nnga Yesu airena ionihedo yokumela wa Mulugu zulu. 12Yesu ohovuma valukulu mokumbanya mmirimani mwaye, liye wonga eraga: <<Mwasiwa gwa nni atu a tempu ili hiyo ila vepaga ira miyo diirena ionihedo? Na ibaribari nnouwandelani ira atwala kinaireliwa ionihedo nne imohi.>> 13Yesu ohovenyagavo vevale. Liye gwela mwadeya vamohi na anamamuharaye, aliwa welela kombela ya ule.
Leverina wa aFarizewu na wa Erodi
Matewuji 16:5-12
14Yesu na anamamuharaye kagwelaga mmwadeyani, anamamuhara Yesu kohodiwalaga tukula pawu. So mmwadeyani mule kadowilenamo pawu imohi bahi. 15Mwa enne Yesu ohawandelaga eraga: <<Polre polre, muing'ane pama zela leverina wa aFarizewu na wa Erodi!>>#8:15 leverina wa aFarizewu na wa Erodi: Makalelo a aFarizewu na makalelo a Erodi kalingana na leverina. Mwasiwa leverina wa vang'ono unomala kwakwana masa madjindji. Sawasawa eto makalelo a aFarizewu na makalelo a Erodi kogaweya bure. Yesu ohawendjeliha anamamuharaye ira kahanyengiwe na makalelo a aFarizewu na makalelo a Erodi. Eto Yesu ohawendjeliha anamamuharaye ira: <<Polre polre tawiha ira jowonga na joumbuwela ja aFarizewu na ja Erodi jamwadeyaga jinoza jufwanyeni nyo.>> 16Anamamuharaye ale kagavwile enne, kohoromaga wonga mmohi na nfwaye keraga: <<Yesu unawongela eni na mwasa oira kanitukunle pawu.>>
17Yesu mbwenye ohovwaga mazu kawonga anamamuharaye ale, liye afuka eraga: <<Nyo munawongela nni zela pawu dedo didiwanle nyo? Nyo kamuiziwile nne kamuonenlremo yenno iwongile miyo? Nyo mukanele nni mirima dovanda, nyo rutchiwaga onelramo jengo? 18Nyo muhukana meso eto kamunaona. Muhukana mabaru eto kamunavwa. Kodi nyo kamunawanda umbuwela 19zela pawu tanu dedo dameyile miyo para atu 5.000? Migogoda mingasi dozala pawu dohala dedo mwagudenle nyo?>> Aliwa kohorumela keraga: <<Nagudenle migogoda kumi na minli.>> 20Yesu ohafuka akoka eraga: <<Nnga miyo dagameyile pawu tanu na mbinli, para atu 4.000, nyo mwagudenle migogoda mingasi dozala pawu dohala?>> Aliwa kohorumela keraga: <<Nagudenle migogoda mitanu na minli.>> 21Evale Yesu ohafuka eraga: <<Kodi nyo eni kamunawandeve onelramo?>>#8:21 kamunawandeve onelramo? Fwanyeya ira Yesu ohasumulula anamamuharaye mwasiwa kagamanle muona aadjihaga atu pwi na pawu da vang'ono fendo mbinli, aliwa kokukumuwa na mwasa otukula pawu imohi bahi. Ku wonga aliwa tchawandile kana ibaribari zela wa liye ira liye kaza asauwela pawu.
Yesu ohonvulumutcha maliba haona ilambo ya Betisayida
22Yesu na anamamuharaye kohofiya tatamo ya Betisayida. Kagali wewule, atu amohiwa kohomuzana mutu ohoona, aliwa roma nvepa Yesu mwa ntindi keraga: <<Nnouvepani ira mmuhinde mutula ira avulumuwe.>> 23Evale Yesu omuhidedaga muwono maliba haona ule, mukumihavo vali atu vale, mudowana unde wa tatamo ile, wewo wahali atu. Ohotapelaga mare mmaso mwaye mule, nomala eno liye muhinda mmaso mule na manda, liye nfuka ira: <<Unoona yengo?>> 24Evale murendole ohorumelaga eraga: <<Nnaona vang'ono bahi. Nnaaona atu. So mbwenye aliwa kawendaga anakala nnga mitengo.>> 25Evale Yesu ohela mandaye akoka mmaso mwa mulombwanole. Fendo yenne, maliba haona ule ohovulumuwa, liye roma ona mokwakwanela, kuma evale ohoroma ona pama jatene. 26Nomala enne, Yesu ohomuruma mulombwanole eraga: <<Tchiyege vande. So mbwenye kuvolowe mutatamoni.>>#8:26 Va Yesu awongaga ira: kuvolowe mutatamoni atawa ira mutule adowa mutatamoni mule unalaleyege zela Yesu. Kahi ira atawa ira avolowa ogowelela haona, nari.
Peduru ohowakula ira Yesu gu Namatikeliwa
Matewuji 16:13-20; Lukaji 9:18-21
27Yesu na anamamuharaye kohovenya ira kadowe tatamo dowandamelana sidadi ya Sezariya wa Filipi. Mwa enne awendaga mundila na anamamuharaye, ohafuka eraga: <<Kodi atu kadiona, anadira dili ani?>> 28Evale anamamuharaye kohomuwakulaga keraga: <<Atu amohiwa anauirani: <Juwawu Mbatizi.> Amohiwa anauirani: <Eliya.> Amohiwa anauirani: <Namafiyiheda wa burebure.> >>
29Yesu ohorungunutchaga mazu aafukaga anamamuharaye ira: <<Nnga nyo, mwadiona munadiira ani?>> Vevale mulombwana Peduru ohomuwakulaga eraga: <<Nyo muli Namatikeliwa.>>#8:29 Nyo muli Namatikeliwa. Anamafiyiheda kalrembile mazu a Mulugu wanle kawongetcha zela mutu afuna kala musogolrelri eto nvulusi wa aIzarayeli. AIzarayeli wanle komuing'anela Namatikeliwa wenno afuna tikeliwa na Mulugu ira akale musogolrelri eto Nvulusi wa aIzarayeli. (Izaiya 9:6-7, 53:3-12; Jeremiya 23:5) Fwanyeya ira Yesu gu Namatikeliwa awongiwa wanle. (Joira ja Anamarumiwa 17:2-3) 30Noira enne, ohawandelaga anamamuharaye ale aakokomezaga valukulu ira kahamwandele mutu mmohiwa.
Yesu ohowonga zela kwa waye na mavenyelo aye
Matewuji 16:21-28; Lukaji 9:22-27
31Vevale Yesu ohoroma afundjihaga anamamuharaye, awandelaga ira: <<Mwana wa Mutu unafuna aonihiwe goyi dilukulu, alramwisiwe na andimuwa a aJudewu na andimuwa a anamakuta na anamafundjiha malamulo. Kamuirana eno, anompa. Mbwenye siku naneraru unovenya mokwani.>> 32Yesu awongaga liye eno, awongaga mazwale mohokoyeya. Evale mulombwana Peduru ohomudowana Yesu vokala ha vale, liye roma musumululaga. 33Yesu mbwenye ohorungunuwa liye aing'ana anamamuharaye, liye musumulula Peduru eraga: <<Kakumawo sogolro waga wu Satana we! Mwasiwa weyo kunaumbuwela makalelo a Mulugu, mbwenye unaumbuwela nnga makalelo anaumbuwela atu a mwilamboni.>>
Yesu ohowonga zela ingumi ya ibaribari
34Jagaireyile enne, Yesu ohaitana anamwindji vamohi na anamamuharaye. Kagazile, ohawandelaga eraga: <<Akala uhukalawo unafuna dihara miyo, inafwanela alramwise ingumi yaye, atukule muradi waye#8:34 atukule muradi waye: Fwanyeya ira Yesu kawongile ira nitukule muradi waye mbwenye kada mutu atukule muradi waye. Ku wonga mutu afuna kala mutu omuhara Yesu, arumele onihiwa goyi no segedeya no simela muwari momuhara mule. arome dihara! 35Tchoira mutu wenno unavulumutche ingumi yaye, unagomela iyelela ingumi ya ibaribari. Mbwenye mutu wenno unayelele ingumi yaye ya ilambo ya vati na mwasa wa miyo eto na mwasa olaleya Muselu Wapama, mutu wenno unovulumutcha ingumi yaye. 36Mutu adjavo jatene jili mwilamboni ya vati, amala apuzeya ingumi ya ibaribari, jaye jipile liye jinamupindulra nni? 37Tchoira mutu agapuzeyile ingumi yaye, kilivo yengo inawanda liye pagalri ira awande gulana ingumi ya ibaribari!
38<<Tempu ili hiyo ila, tchi tempu atu oindjiva kahanafuna atu ja Mulugu. Tchi tempu inairana atu jotega. Tempu ili hiyo ila, mutu wenno unamunyaswele Mwana wa Mutu nari wenno unanyaswele mazwaye, na liyene azaga na undimuwa wa babaye na angelro otchena, unoza amunyaswele mutu wenno.>>
Iliyochaguliwa sasa
Markuji 8: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral
Markuji 8
8
Indjivihiwa wa pawu fendo yowelela
Matewuji 15:29-39
1Muwari mwa malambo anne, siku nimohi niwa atu oindjiva kohogumanaga akoka valigi Yesu. Aliwa tchanna yodja. Evale Yesu ohaitana anamamuharaye aawandelaga eraga: 2<<Nnaawendela tangaranga anamwindjala mwasiwa aliwa kohomala malambo mararu kagali na miyo eto kinna yengo ira kadje. 3Dera daarume ira kadowege mmavande mwiwa na ndala diwa dene, anerege hileya mundila mwasiwa amohiwa kakumele olapela wene.>> 4Evale anamamuharaye kohonfuka keraga: <<Nnga hiyo nimburo mwahali yengo muli hiyo muno, nnowanda fwanya yodja ira atu atene anna kakwakwane?>> Aliwa kagawongile enne, 5Yesu ohafuka, liye ira: <<Nnga nyo munna pawu dingasi?>> Aliwa kohowakulaga ira: <<Ninna pawu tanu na mbinli.>>
6Evale Yesu ohawongana anamwindji ale ira kagarati vati. Nomala ohotukula pawu dile liye mutamalelana Mulugu, liye roma meya, avahaga anamamuharaye ira kaagawelege anamwindji ale. Anamamuharaye aliwa roma agawela atwale. 7Kohokagana eto somba da vang'ono. Yesu oholobelela somba dile muwari moreliha, nomala eno liye avaha anamamuharaye ira kaagawele atwale. 8Evale kohodja aliwa rumbala, fiyeda tchelela jodja jile. Kagagudenle jodja jahanle jile, johofiyeda zala migogoda mitanu na minli. 9Atu kadjile kali okwakwana nnga 4.000. Kagamanle dja, Yesu oharuma ira kadowege mmavande mwiwa. 10Noira enne, mohodibeliwa ohogwela mmwadeyani na anamamuharaye, aliwa dowaga ilambo ya Dalimanuta.
AFarizewu kohonvepa Yesu ionihedo
Matewuji 12:38-42, 16:1-4; Lukaji 11:29-32
11Kagafiyile wewule, azilege ali aFarizewu, aliwa roma wonga na Yesu ira kamuxixe ira kaonevo mwasa ofuna gwihana mulandu. Muwari momuxixa mule, atu kofunafuna nnga Yesu airena ionihedo yokumela wa Mulugu zulu. 12Yesu ohovuma valukulu mokumbanya mmirimani mwaye, liye wonga eraga: <<Mwasiwa gwa nni atu a tempu ili hiyo ila vepaga ira miyo diirena ionihedo? Na ibaribari nnouwandelani ira atwala kinaireliwa ionihedo nne imohi.>> 13Yesu ohovenyagavo vevale. Liye gwela mwadeya vamohi na anamamuharaye, aliwa welela kombela ya ule.
Leverina wa aFarizewu na wa Erodi
Matewuji 16:5-12
14Yesu na anamamuharaye kagwelaga mmwadeyani, anamamuhara Yesu kohodiwalaga tukula pawu. So mmwadeyani mule kadowilenamo pawu imohi bahi. 15Mwa enne Yesu ohawandelaga eraga: <<Polre polre, muing'ane pama zela leverina wa aFarizewu na wa Erodi!>>#8:15 leverina wa aFarizewu na wa Erodi: Makalelo a aFarizewu na makalelo a Erodi kalingana na leverina. Mwasiwa leverina wa vang'ono unomala kwakwana masa madjindji. Sawasawa eto makalelo a aFarizewu na makalelo a Erodi kogaweya bure. Yesu ohawendjeliha anamamuharaye ira kahanyengiwe na makalelo a aFarizewu na makalelo a Erodi. Eto Yesu ohawendjeliha anamamuharaye ira: <<Polre polre tawiha ira jowonga na joumbuwela ja aFarizewu na ja Erodi jamwadeyaga jinoza jufwanyeni nyo.>> 16Anamamuharaye ale kagavwile enne, kohoromaga wonga mmohi na nfwaye keraga: <<Yesu unawongela eni na mwasa oira kanitukunle pawu.>>
17Yesu mbwenye ohovwaga mazu kawonga anamamuharaye ale, liye afuka eraga: <<Nyo munawongela nni zela pawu dedo didiwanle nyo? Nyo kamuiziwile nne kamuonenlremo yenno iwongile miyo? Nyo mukanele nni mirima dovanda, nyo rutchiwaga onelramo jengo? 18Nyo muhukana meso eto kamunaona. Muhukana mabaru eto kamunavwa. Kodi nyo kamunawanda umbuwela 19zela pawu tanu dedo dameyile miyo para atu 5.000? Migogoda mingasi dozala pawu dohala dedo mwagudenle nyo?>> Aliwa kohorumela keraga: <<Nagudenle migogoda kumi na minli.>> 20Yesu ohafuka akoka eraga: <<Nnga miyo dagameyile pawu tanu na mbinli, para atu 4.000, nyo mwagudenle migogoda mingasi dozala pawu dohala?>> Aliwa kohorumela keraga: <<Nagudenle migogoda mitanu na minli.>> 21Evale Yesu ohafuka eraga: <<Kodi nyo eni kamunawandeve onelramo?>>#8:21 kamunawandeve onelramo? Fwanyeya ira Yesu ohasumulula anamamuharaye mwasiwa kagamanle muona aadjihaga atu pwi na pawu da vang'ono fendo mbinli, aliwa kokukumuwa na mwasa otukula pawu imohi bahi. Ku wonga aliwa tchawandile kana ibaribari zela wa liye ira liye kaza asauwela pawu.
Yesu ohonvulumutcha maliba haona ilambo ya Betisayida
22Yesu na anamamuharaye kohofiya tatamo ya Betisayida. Kagali wewule, atu amohiwa kohomuzana mutu ohoona, aliwa roma nvepa Yesu mwa ntindi keraga: <<Nnouvepani ira mmuhinde mutula ira avulumuwe.>> 23Evale Yesu omuhidedaga muwono maliba haona ule, mukumihavo vali atu vale, mudowana unde wa tatamo ile, wewo wahali atu. Ohotapelaga mare mmaso mwaye mule, nomala eno liye muhinda mmaso mule na manda, liye nfuka ira: <<Unoona yengo?>> 24Evale murendole ohorumelaga eraga: <<Nnaona vang'ono bahi. Nnaaona atu. So mbwenye aliwa kawendaga anakala nnga mitengo.>> 25Evale Yesu ohela mandaye akoka mmaso mwa mulombwanole. Fendo yenne, maliba haona ule ohovulumuwa, liye roma ona mokwakwanela, kuma evale ohoroma ona pama jatene. 26Nomala enne, Yesu ohomuruma mulombwanole eraga: <<Tchiyege vande. So mbwenye kuvolowe mutatamoni.>>#8:26 Va Yesu awongaga ira: kuvolowe mutatamoni atawa ira mutule adowa mutatamoni mule unalaleyege zela Yesu. Kahi ira atawa ira avolowa ogowelela haona, nari.
Peduru ohowakula ira Yesu gu Namatikeliwa
Matewuji 16:13-20; Lukaji 9:18-21
27Yesu na anamamuharaye kohovenya ira kadowe tatamo dowandamelana sidadi ya Sezariya wa Filipi. Mwa enne awendaga mundila na anamamuharaye, ohafuka eraga: <<Kodi atu kadiona, anadira dili ani?>> 28Evale anamamuharaye kohomuwakulaga keraga: <<Atu amohiwa anauirani: <Juwawu Mbatizi.> Amohiwa anauirani: <Eliya.> Amohiwa anauirani: <Namafiyiheda wa burebure.> >>
29Yesu ohorungunutchaga mazu aafukaga anamamuharaye ira: <<Nnga nyo, mwadiona munadiira ani?>> Vevale mulombwana Peduru ohomuwakulaga eraga: <<Nyo muli Namatikeliwa.>>#8:29 Nyo muli Namatikeliwa. Anamafiyiheda kalrembile mazu a Mulugu wanle kawongetcha zela mutu afuna kala musogolrelri eto nvulusi wa aIzarayeli. AIzarayeli wanle komuing'anela Namatikeliwa wenno afuna tikeliwa na Mulugu ira akale musogolrelri eto Nvulusi wa aIzarayeli. (Izaiya 9:6-7, 53:3-12; Jeremiya 23:5) Fwanyeya ira Yesu gu Namatikeliwa awongiwa wanle. (Joira ja Anamarumiwa 17:2-3) 30Noira enne, ohawandelaga anamamuharaye ale aakokomezaga valukulu ira kahamwandele mutu mmohiwa.
Yesu ohowonga zela kwa waye na mavenyelo aye
Matewuji 16:21-28; Lukaji 9:22-27
31Vevale Yesu ohoroma afundjihaga anamamuharaye, awandelaga ira: <<Mwana wa Mutu unafuna aonihiwe goyi dilukulu, alramwisiwe na andimuwa a aJudewu na andimuwa a anamakuta na anamafundjiha malamulo. Kamuirana eno, anompa. Mbwenye siku naneraru unovenya mokwani.>> 32Yesu awongaga liye eno, awongaga mazwale mohokoyeya. Evale mulombwana Peduru ohomudowana Yesu vokala ha vale, liye roma musumululaga. 33Yesu mbwenye ohorungunuwa liye aing'ana anamamuharaye, liye musumulula Peduru eraga: <<Kakumawo sogolro waga wu Satana we! Mwasiwa weyo kunaumbuwela makalelo a Mulugu, mbwenye unaumbuwela nnga makalelo anaumbuwela atu a mwilamboni.>>
Yesu ohowonga zela ingumi ya ibaribari
34Jagaireyile enne, Yesu ohaitana anamwindji vamohi na anamamuharaye. Kagazile, ohawandelaga eraga: <<Akala uhukalawo unafuna dihara miyo, inafwanela alramwise ingumi yaye, atukule muradi waye#8:34 atukule muradi waye: Fwanyeya ira Yesu kawongile ira nitukule muradi waye mbwenye kada mutu atukule muradi waye. Ku wonga mutu afuna kala mutu omuhara Yesu, arumele onihiwa goyi no segedeya no simela muwari momuhara mule. arome dihara! 35Tchoira mutu wenno unavulumutche ingumi yaye, unagomela iyelela ingumi ya ibaribari. Mbwenye mutu wenno unayelele ingumi yaye ya ilambo ya vati na mwasa wa miyo eto na mwasa olaleya Muselu Wapama, mutu wenno unovulumutcha ingumi yaye. 36Mutu adjavo jatene jili mwilamboni ya vati, amala apuzeya ingumi ya ibaribari, jaye jipile liye jinamupindulra nni? 37Tchoira mutu agapuzeyile ingumi yaye, kilivo yengo inawanda liye pagalri ira awande gulana ingumi ya ibaribari!
38<<Tempu ili hiyo ila, tchi tempu atu oindjiva kahanafuna atu ja Mulugu. Tchi tempu inairana atu jotega. Tempu ili hiyo ila, mutu wenno unamunyaswele Mwana wa Mutu nari wenno unanyaswele mazwaye, na liyene azaga na undimuwa wa babaye na angelro otchena, unoza amunyaswele mutu wenno.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral