2 Korinto 4
4
Mulugu gunamuoniha mutu ibaribari
1Nona voira mabasihu nivahiwe muwari mwa tangaranga da Mulugu,#4:1 mabasihu nivahiwe muwari mwa tangaranga da Mulugu: Pawulo kadiwanle ira para liye alabe ja Mulugu, awanda na mwasa wa tangaranga da Mulugu bahi. Tchoira voroma vene Pawulo ali ngi ngi ngi ira nzina na Yesu nimale. Nione Filipo 3:6-8; 1 Timoteyo 1:12-15. hiyo kannakukumuwa mmirimani mwehu. 2Hiyo mbwenye nnokonda laba na makalelo ohofwanela, oxangaxanga. Nnokonda eto irana ja ungongomwa, nari jotchindja mazu a Mulugu.#4:2 Nnokonda… jotchindja mazu a Mulugu: Ku wonga Pawulo na afwaye kalaleya jawongile Mulugu hiyaniha no laleya jimohi jiwa jahali ja Mulugu. Tchoira tchi yabure wonga ira: <<Mulugu unafuna… >> owu hehi <<Mulugu uwongile ira… >> agali Mwinnya kawongile eno. Nona inafwanela mutu awande pima jolremba jatene nari jolaleya jatene ira aone akala jikumile mBibiliyani owu hehi. Mbwenye nnalaleya ibaribari vatando, hiyo awandelaga atu atene ibaribari ira kaiziwe mmirimani mwewa viimenle hiyo vamentoni va Mulugu.#4:2 ira kaiziwe mmirimani mwewa viimenle hiyo vamentoni va Mulugu: Muwari mwa mabasa alaba aPawulo, aliwa kafunne ira atu kaaona, kaiziwe ira: <<Atwala analaba mabasa a Mulugu.>> Tchoira aKorinto kohokana akayikela aPawulo, tchawanda kana ibaribari zela mazu a Mulugu kalaleya atu. Kalaga nnga Mozeji na aIzarayeli wanle. Muwari momukayikela Mozeji, aIzarayeli eto kamukayikela wenno amurumile Mozeji. Pawulo alrembile mazu madjindjene ira aKorinto kaiziwe ira: <<Pawulo kahi mutu wa vaheno vene. Gu mutu urumiwe na Mulugu.>>
3Eto masiki Muselu Wapama nnalaleya hiyo akale okuneleyene, uli okuneleyene zela atu anno anatolowa bahi. 4Tchoira aliwa mulugu wewa wa ilambo ya vati ila umala timiha zelru dewa ira kahawande ona moneya wokumela Muselu Wapama ozela undimuwa wa Kiristu wenno unafwanyeya agali nlandaniho na Mulugu.#4:4 mulugu wewa wa ilambo ya vati unawongiwa gu Satana. Eto mazu oira Kiristu wenno unafwanyeya agali nlandaniho na Mulugu anakala nnga mazu Yesu awongile liye na anamamuharaye ira: Ule udionne miyo, umala muona Baba. (Juwawu 14:9)
5Tchoira hiyo kannavilaleya oka, mbwenye nnamulaleya Yesu Kiristu ira liye gu Nabwiya.#4:5 nnamulaleya Yesu Kiristu ira liye gu Nabwiya: Tapulela ira muselu unna hiyo ira nilaleye mogwada kuira Yesu Kiristu gu Nabwiya. Ku wonga wenno unatolotchiwa, unamutolotcha gu Yesu Kiristu. Eto wenno unavulusiwa, unanvulusa gu Yesu Kiristu. (Matewuji 25:32-33; Joira ja Anamarumiwa 10:42, 17:31) Eto hiyo nili anamalabinyu#4:5 hiyo nili anamalabinyu: APawulo kali anamalaba a aKorinto moira aliwa laleya wewa wali ira aKorinto kakayena ibaribari eto kavulusiwe. Ku wonga aPawulo kafwanyeya kagali anamalaba a Yesu Kiristu eto muwari morumiwa na Yesu, aliwa kaalaba aKorinto ira Yesu ateteliwe. ira Yesu ateteliwe. 6Tchoira Mulugu wenno awongile ira: <<Moneya uoneye muisini>>, unimoneyela mmirimani mwehu ira anivahe moneya#4:6 Mulugu wenno awongile ira: <<Moneya uoneye muisini>>, unimoneyela mmirimani mwehu: Mazwala anoniwumbutcheda zela Mulugu apandutchaga zulu na ilambo ya vati. Mulugu apandutchile moneya muwari mowonga bahi. Sawasawa ira nikayena moneya mmirimani mwehu, Mulugu gunawonga ira: <<Miyo nnafuna mutule aone ibaribari.>> Evale mutu pinaroma liye ona ibaribari, ora imohive liye muroromelaga Yesu. Tapulela vulusiwa unazela muwari mwa kopolo da Mulugu hiya funa wa mutu. Tchoira Satana yofuna yaye tchoira atimihe zelru dehu. Mbwenye unawanda mugondjiha gu Mulugu bahi. Nona Yesu awongaga na Nikodemu ira mutu ira avulusiwe, unabaliwa fendo yanembinli muwari mwa Munemba Otchena. (Juwawu 3:3-8) Kalivo mwana unavibala ekave. So unaona baliwa wene. Tchi imohive eto inaireya no vulusiwa ira mutu avulusiwe, Mulugu gunawonga ira: <<Moneya ukalewo mmirimani mwaye>>, vayela ireya sawasawa nnga Yesu agawongile ira: Lazaro kakumela unde., Lazaro ohokuma mmasiyeni mwali liye. (Juwawu 11:43-44) ozela iziwa undimuwa wa Mulugu wewo unafwanyeya vakoveni va Yesu Kiristu.#4:6 undimuwa wa Mulugu wewo unafwanyeya vakoveni va Yesu Kiristu: Ku wonga naona undimuwa wanna Yesu Kiristu zela joira jaye mwilamboni ya vati, nnowanda iziwa undimuwa unna Mulugu.
Anamalaleya anakala nnga jombwe munafwanyeya rayela
7Mbwenye hiyo nihikana rayela wa Mulugu#4:7 rayela wa Mulugu unawongiwa gu Muselu Wapama zela makalelo ovulusiwa muwari mwa Yesu Kiristu. muwari mwa maningo ovuta nnga jombwe ja ulongo ira iwande oniha ira kopolo dilukulu dokwaranya jatene, mwinnya gu Mulugu, kahi hiyo. 8Hiyo ninnana zuzumihiwa mwa jatene mbwenye kannafoka. Nnofiyeda gomeliwa zelru mbwenye kannafiyeda mwezo ohokana yodediha. 9Ninnana harahariwa mbwenye Mulugu kananihiya. Hiyo ninnana porotchiwa mbwenye kannatolowa. 10Hiyo ninnana tukula ukwa wa Yesu mmaningoni mwehu ira ingumi ya Yesu ioneye muwari mwa maningo ehu.#4:10 ninnana tukula ukwa wa Yesu mmaningoni mwehu ira ingumi ya Yesu ioneye muwari mwa maningo ehu: Tukula ukwa wa Yesu ku wonga ona goyi nnga goyi danna Yesu akwaga vamuradini. Kalawo wa Yesu uwandile oneya muwari moira aPawulo kafwanyeyave olimbene muwari mwa goyi datene danna atu. Oneyaga ira: <<Yesu ukalawo. Tchoira unaalimbiha atwala muwari mwa goyi diwa gu Yesu.>> 11Tchoira hiyo niliwo, ninnana vahediwa ira nikwe na mwasa wa Yesu ira ingumi ya Yesu iwande oneya muwari mwa maningo ehu okwa.#4:11 ira ingumi ya Yesu iwande oneya muwari mwa maningo ehu okwa: APawulo muwari mokala atu ovuta nnga jombwe, mabasa a Mulugu kodowa sogolro pama muwari mwa aliwene. Ku wonga ohokalawo mutu aawendiha atu ovutale ira mabasiwa kawendege. Muwari mwa atu aona aPawulo wendihiwa na kopolo da Mulugu, puzile oneya ira: <<Yesu ukalawove. Liye eto gunawendiha jombwe ji ira mabasa a Mulugu kadowege sogolro.>> Evale afuna teteliwa kahi jombwe jiwa mbwenye maliba wendiha jombwe jile. Mazu oira hiyo niliwo, ninnana vahediwa ira nikwe na mwasa wa Yesu ira ingumi ya Yesu iwande oneya muwari mwa maningo ehu okwa ku wonga Mulugu kaavahile anamamuhara Yesu ira: <<Munerege ona upama wenyu mwilamboni ya vati.>> Mulugu anivahile ira: <<Munerege ona goyi ira nzina na Yesu niteteliwe.>> Pawulo ohowonga eto ira: Mulugu uuvahileni ira muharahariwe na mwasa wa Kiristu. (Filipo 1:29-30) Jatene ejo jalaba ira ingumi ya Yesu iwande oneya muwari mwa maningo ehu okwa. 12Ku wonga ukwa unalaba muwari mwa hiyo mbwenye ingumi ili na nyo.#4:12 ukwa unalaba muwari mwa hiyo: Hiyo unawongiwa gu Pawulo na anamarumiwa afwaye. Makatamiho matene kanna atu koholaba ira afwiwa kakayena ingumi. Nona Pawulo awongaga ira mbwenye ingumi ili na nyo. Pawulo awongaga nyo, unawonga zela aKorinto.
13Hiyo nroromelo nehu nili nnga ilrembiwe mMazuni ira: <<Miyo dihiroromela eto mororomela dihiwonga.>>#Salmu 116:10 Mwa eno, voira hiyo nihikana nroromelo, na hiyene muwari mwa nroromelo nnalaleya. 14Mwasiwa nihiiziwa ira wenno unvenyihile Nabwiya Yesu mokwani unoza anivenyihe hiyo ira nikale na Yesu eto unonitukula hiyo na nyo ira nikale vamohi vamentoni vaye. 15Jatene ejo jili ira nyo mukale pama eto sayi da Mulugu didowegeve sogolro, daafwanyegeve atu amohiwa ira aliwa kamutamalelegena Mulugu zela joira jaye ira Mulugu atitimihiwege.
16Nona hiyo kannakukumuwa mmirimani mwehu. Masiki kalawo wehu wa unde uvundege vang'ono vang'ono, kalawo wehu wa muwari unnanave sandutchiwa ira ukale uxa siku na siku.#4:16 kalawo wehu wa unde uvundege vang'ono vang'ono: Ku wonga maningo ehu anaulula eto anagomela kwa, kavunde. Eto mazu oira kalawo wehu wa muwari unnanave sandutchiwa ira ukale uxa siku na siku anawonga zela mabasa Mulugu unalaba liye muwari mwa mutu roma ora yenno inaroma liye muroromela Yesu fiyeda ora ya ukwa waye. Mulugu unalaba muwari mwa mutu ira jofuna jaye ja wanle jivunguwege vang'ono vang'ono. Ku wonga inafwanela makalelo a mutu kasanduwege vang'ono vang'ono, kakalege maxa olingana na jofuna ja Mulugu. Nione 2 Korinto 3:18; Roma 8:29. 17Tchoira zuzumihiwa unna hiyo wa vang'ono eto wahanadibeliwa, unanilabela ira nikayena undimuwa ulukulu#4:17 zuzumihiwa unna hiyo wa vang'ono eto wahanadibeliwa, unanilabela ira nikayena undimuwa ulukulu: Pawulo zuzumihiwa wanna liye kwaali wa vang'ono. (2 Korinto 11:23-33) Mbwenye liye ohowanda lramwisa goyi datene danna liye, abalraga ira: <<Wewo uli goyi dilukulu na nzina na Yesu, vasogolro unoza ukale tambilra ulukulu. Goyi dehu nnovira mbwenye tambilra uwa kwa mukalakala.>> Nione Roma 8:17-18. wohomala, wohowanda fwalrafwanihiwa na yengo imohiwa. 18Tchoira hiyo kannakukumuwela jengo jooneya na meso, mbwenye nnakukumuwela johooneya na meso bahi. Mwasiwa jengo jooneya ti jengo johodibeliwa vira mbwenye jengo johooneya ti jengo ja mukalakala.#4:18 hiyo kannakukumuwela jengo jooneya na meso, mbwenye nnakukumuwela johooneya na meso bahi: Jengo jooneya ti jengo nnga nyumba, mota, kobiri, jowara. Pawulo yobalra yaye tchali ira akayena jengo jooneya. So mbwenye Pawulo abalra jengo johooneya nnga Yesu Kiristu na jotambilra jafuna liye tambilra ilambo ya zulu. Pawulo alaba na ja ilambo ya vati ira akayena ja ilambo ya zulu. Nione Joira ja Anamarumiwa 20:33-35. Va atu omuroromela Yesu anakokomeziwa ira kakale atu okukumuwela jengo jahanawanda atu ona na meso mwasiwa ejo ti jengo ja mukalakala.
Iliyochaguliwa sasa
2 Korinto 4: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral