2 Korinto 2
2
1Tchoira dagaupandileni, muwari mwa upa wanna hiyo, miyo dohoumbuwela ira: <<Miyo kannawelela dowa apanda akuda Korinto tchineneva tawiha ira miyo vamohi na aliwa nnaze nione upa akoka.>>#2:1 tawiha ira miyo vamohi na aliwa nnaze nione upa akoka: Ira Pawulo awonge mazwala, voroma liye ohokana zelru doapanda aKorinto fendo mbinli doharana. Fendo yoroma, liye adowile ira aasumulule aKorinto zela joira jiwa. Mbwenye fendo yenne kawendile pama. Evale agaonne ira: <<Panda woroma kuwendile pama>>, liye ohoumbuwela ira: Miyo kannawelela dowa apanda akuda Korinto tchineneva. 2Tchoira dauonihani upa, nnga unafuna dihagalaliha bani ahali nyenne duonihileni miyo upa? 3Evale paulrembelani miyo karta. Ira dilrembe na makalelo nnga mwalrembele miyo,#2:3 Ira dilrembe na makalelo nnga mwalrembele miyo…: Fwanyeya ira vari va karta na 1 Korinto na 2 Korinto, Pawulo ohalrembela aKorinto karta nimohi niwa nahanafwanyeya mBibiliyani. Liye alrembile karta neno agamanle apanda aKorinto, agaonne makalelo orutcha kanna atu. Evale oholremba mazu oasumulula na makalelo olimba. Vasogolro anowonga ira aKorinto kagawatchenle karta nne, aliwa kohoroma kukumuwa valukulu. Eto kagamanle kukumuwa, adjindji mwa aliwa kohotwaruwa. (2 Korinto 7:8-11) ali ira dagazile, dahawande ona upa muwari mwa nyo mufwanenle dihagalaliha. Tchoira miyo dohokana ibaribari ira hagalala waga wafuna ukale hagalala umohive wafuna kana nyo mwatene. 4Tchoira miyo daulrembenleni muwari mokukumuwa, muwari mokana zuzuma wohokala wa masika mmirimani mwaga eto muwari mwa misodi didjindji.#2:4 daulrembenleni muwari mokukumuwa, muwari mokana zuzuma wohokala wa masika mmirimani mwaga: Pawulo alrembile karta neno nahanafwanyeya mBibiliyani muwari monla no kukumuwa mwasiwa liye alrembile agaonne makalelo abure kanna aKorinto. Liye alrembile na makalelo ira aKorinto kaxokareye eto katwaruwe mwasiwa liye ohokumbanya valukulu muwari moiziwa ira: <<Kahatwaruwe, anagomela tolowa.>> Mbwenye miyo dulrembelagani kaali ira duzuzumiheni mmirimani mwenyu, nari. Ali ira muwande iziwa zivela undimuwa unna miyo zela nyo.
Pawulo ohakokomeza aKorinto ira kaonihe zivela wewa zela wenno ategile
5Eto akala ukala mutu atatamunle upa, mutuyo mbwenye kadionihile upa miyo. Ira dahawonge mosimbulela, nnawonga ira liye auonihileni nyo mwatene upa.#2:5 akala ukala mutu atatamunle upa: Va Pawulo ira awonge eno, inakala nnga ohokalawo mutu ampudjile eto aaholotchile anamwindji a aKorinto. Pawulo kwi: <<Ilukuluwa kahi ira udinongile miyo. Agadipudjile, dilive wapamene. Ilukuluwa, uunongileni nyo.>> 6Zela mutu wenno, malringana matongelo a nyo anamwindji mwamutongele nyo, kohokwakwana matongelo anno. 7Eto inafwanela muwande rungunuwa ira mmulevelele eto mmulimbihe tawiha ira kumbanya waye unamusimbwele. 8Nona miyo nnouguzelani mendo ira muirena yengo ira liye aiziwe ira: <<Afwagala anodizivelave nnga veretcha atu.>>#2:7-8 mmulimbihe tawiha ira kumbanya waye unamusimbwele: Afwase muwari mwa karta neno nahanafwanyeya mBibiliyani Pawulo alrembile ira mutu otega ule atongiwe. Vevale aliwa kohomutonga nnga makalelo onvaha kumbanya. Afwase kumbanya wa maliba tongiwa ule ali oira: <<Afwagala eni kohodihiya. Na Mulugwene kali na miyo! Kadinna makalelo owelela mwali miyo. Dihiirana, dihiiranave.>> Pawulo afuna afwaye kamulevelele eto kamulimbihe ira na liyene awelele nnga mwali liye ahanagwe. Tchoira mutu atwaruwa zela yotega yaye, inafwanela afwaye kakayena makalelo omulimbiha eto omuoniha ira anomuzivela.
9Tchoira miyo para ulrembelani mazu malambo a mundulrimu, ali ira duxixeni, diiziwe akala nyo muli atu ovwelela muwari mwa jatene.#2:9 para ulrembelani… ali ira duxixeni: Hiyo kaniiziwile xixa uwa unawongiwa va. So inakala nnga Pawulo aarumile aKorinto ira kamutonge mutu otega ule ira aaone akala kogohariha makalelo awonga liye. 10Mutu uli watene unamulevelela nyo, na miyene dihimala mulevelela. Eto yengo ili yatene ilevelenle miyo, akala ikala ilevelenle miyo, dilevelenle vamentoni va Kiristu ira nyo mukale pama, 11tawiha ira nnoza ninyengiwe na Satana.#2:11 tawiha ira nnoza ninyengiwe na Satana: Pawulo alaba ira makani kafwanyeya muwari mwa aKorinto kamale. Satana mbwenye afuna nnga makani anno kadowegeve sogolro. Tchoira Satana unafuna maliba tega aumbuwele ira: <<Miyo dihitega, dihitegave. Kuli vulumuwa para miyo.>> Eto Satana unafuna afwaye kamuona mutu otega ule, kawongege ira: <<Ule kanna mabasa. Kamuoneni, gwa ugwile liye, kuli venya.>> Nona Pawulo akokomeza jolevelelana ira jatene jimale. Tchoira nihimala iziwa malrango aye.
APawulo kamwada nukela wa Kiristu
12Dagadowile Toroyade ira dilaleye Muselu Wapama zela Kiristu, Nabwiya ohula musuwo ira dilaleye.#2:12 Pawulo awongaga ira: Nabwiya ohula musuwo ira dilaleye, kanawonga zela musuwo wa nyumba. Unawonga ira Nabwiya ohosakanya makalelo ira atu kakayena tempu yovuruwana jawonga Pawulo. 13Masiki eno, miyo mmirimani mwaga kadawandile pwaseya na mwasa oira kadamuonne mbalaga Titu wewo. Evale miyo dohahiya akuda Toroyade ale, miyo kwaranyavo ante Masedoniya dimusakaga Titu.#2:13 miyo kwaranyavo ante Masedoniya dimusakaga Titu: Voira Titu akuma sidadi ya Korinto, Pawulo afuna agumane na liye ira avwe makalelo bavi kawatchenle aKorinto karta nalrembile liye. Eto fwanyeya ira Pawulo agadowile Masedoniya, na ibaribari liye ohogumana na Titu. (2 Korinto 7:6-7)
14Mulugu mbwenye atamaleliwe na mwasa oira unonisogolrelretcha ira niwendege nnga aliba gondjiha muwari mwa Kiristu.#2:14 Mulugu… unonisogolrelretcha ira niwendege nnga aliba gondjiha muwari mwa Kiristu: Pawulo awenda mozuzuma eto muwari mwa makatamiho pwi. Mbwenye onelramo wa mwinnya, liye abalra ira: <<Masiki niharahariwe nari nipiwe, muwari mwa Yesu nnawenda mogondjiha.>> Tchoira Pawulo abalra ira makatamiho matene kalaba upama para liye. Nione Roma 8:28,35-37; 2 Korinto 4:17. Eto muwari mwa hiyo, Mulugu unomwada nukela wapama mwatene mwene. Nukela uwa unamwada hiyo tchi ibaribari zela Yesu. 15Tchoira hiyo nawendaga muwari mwa ale anavulusiwa nari muwari mwa ale anadimela, nnafwanyeya nagali nukela wa Kiristu vamentoni va Mulugu. 16Zela ale anadimela, hiyo nili nukela wa ukwa. Mbwenye zela ale anavulusiwa hiyo nili nukela wa ingumi#2:16 hiyo nili nukela wa ukwa… hiyo nili nukela wa ingumi: Ku wonga atu oruniha jolaleya ja Pawulo kaona laleya waye nnga yengo yonuka bure, yengo yovunda, yokwa. Mbwenye ale karumenle laleya wa Pawulo kaona laleya waye nnga yengo yonukela pama yagali yengo yonvaha mutu ingumi. ozela ingumi inafuna atu kana. Kodi mutu guvi unna iwandelo yolaba mabasa anna omwada nukela wa Kiristu? 17Unawanda gu hiyene mwasiwa hiyo kannawonga mazu a Mulugu muwari mofuna watchela kobiri nnga jinaira atu adjindji.#2:17 hiyo kannawonga mazu a Mulugu muwari mofuna watchela kobiri nnga jinaira atu adjindji: Mazwala anatapulela ira unawanda mabasa a Mulugu kahi wenno unahara ja kobiri. Unawanda mabasa a Mulugu gwenno unalaba na mmirimani mwaye mwatene mofuna ira Mulugu ateteliwe hiyaniha na wenno unaziveliwa atakuna anaku bahi. Hiyo mbwenye nnawonga mazu a Mulugu vamentoni vaye muwari mwa Kiristu nagali eto atu a ibaribari, orumiwa na Mulugu.
Iliyochaguliwa sasa
2 Korinto 2: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral