1 Korinto 16
16
Makalelo kafuna aKorinto soka kobiri
1Zela makalelo anafuna hiyo soka kobiri ira naagawelege afwihu otchenihiwa anafwanyeya ilambo ya Judeya, nnouwandelani ira muiregena makalelo amohive nnga daawandenle miyo makuru a atu omuroromela Yesu anafwanyeya ilambo ya Galasiya. 2Kada sumana, siku noroma na sumana, mutu atukulege kobiri yokwakwanela na kobiri inna liye, akoyege. Hiyaniha no ira miyo dagafiyile, musokege kobiri ora yenno. 3So dafiya wewo nnolremba karta nohidedela umboni, daavahede atu anno munaaone nyo kala ofwanelela, ira kadowena Jeruzalemu kobiri isokile nyo. 4Tempu yenno inadowege atu ira kavelele kobiri, hiyo naona ira ihifwanela ira na miyene diyewo, miyo nnoavelela.
Pawulo ohowonga zela ulrendo afuna liye wenda
5Davira muwari mwa porovinsiya ya Masedoniya, nnafuna dize dupandeni. Tchoira nnafuna dibabihe vira Masedoniya. 6-7Jawandeya, tempu yodidila#16:6-7 tempu yodidila: Ilambo yali atu, medi dodidila dali mwedi wa Dezemburu, Janero na Feverero. nnafuna idimalele dagali wewo vamohi na nyo. Dafiya kannakwaranya mobaranya, nari. Mbwenye Nabwiya afuna, nnomala malambo mangasi mangasi dagali vamohi na nyo wewo ira davenyagavo muwande divelela muwari mwa ulrendo unafuna miyo kana. 8Mbwenye nnafuna dirome kala sidadi ya Efezo uno ante Pwando ya Johanda Joroma ivire. 9Mwasiwa uhuleya mulango mundimuwa wapama ira diwande laba mabasa apama eto kohokalawo amwidani adjindji anavenda joruniha jinalaleya miyo.
Vepa wa Pawulo ira aKorinto kaakamihedege ale analaba mabasa a Mulugu
10Mwamuona Timoteyo afiya wewo, mmuwatchele na manda menli ira liye ahakayena ova vari venyu, mwasiwa liye unalaba mabasa amohive a Nabwiya nnga analaba miyo. 11Mwa eno, kakalevo unafuna mulramwisa. Eto liye afunaga gundeya ira aze uno, mmukamihede ira ulrendo waye awende pama pakana fiya uno. Tchoira miyo na abalaga amohiwa omuroromela Yesu nnamuing'anela liye ira afiye uno akoka.
12Eto zela mbalihu Apolo, miyo dohomukokomeza mwa kopolo ira aze aupandeni vamohi na abalihu amohiwa anaza wa nyo. Liye so malambwala kanafune mwasiwa tempwaye kinamukwakwanele. Tempwaye yakwakwana, liye unofiya wewo ira auoneni.
Jokokomeza jogomiheda
13Muing'ane pama eto mulimbe mwa nroromelo nenyu. Mukale alombwana zela ja Mulugu eto mulimbe kopolo. 14Muwari mwa jatene jinahindege nyo, muiregena na makalelo ozivelana.
15Nyo muhumala ona ira porovinsiya ya Akaya uli nyo wo, muwari mwa atu omuroromela Yesu atene, murandji muroromela Yesu gu mulombwana Estefano na atu a vande vaye. Aliwa koholaba mabasa oakamiheda atu otchenihiwa. 16Inafwanela nyo eto mwamuona mutu omuroromela Yesu oakamiheda afwaye nnga Estefano, mwamuona mutu omuroromela Yesu unalabetcha ja Mulugu, murumele tongiwa na liye.
17Malambo a mundulrimu miyo dousauwelani vadjindji. Usauwelani dausauwelani miyo, diwandile ziveliwa tempu yafiyile mulombwana Estefano na Fortunato na Akayiko kazaga, kafiyaga uno. 18Tempu yenno dohoziveliwa mwasiwa aliwa vatwanyuwile atu, kohodilimbiha na makalelo amohive nnga kaulimbihetchani atu. Mwamuona mutu oalimbiha afwaye okala nnga anno, inafwanela nyo mmurihedege.
Londjelana muwari mwa atu omuroromela Yesu
19Uno uli miyo porovinsiya ya Aziya ila, makuru a atu omuroromela Yesu anafwanyeya wewuno anoulondjelani. Mulombwana Akwila na muhiyanaye Pirisila vamohi na nikuru na atu omuroromela Yesu anagumana vande vewa anoulondjelani na malondjelo mandimuwa muwari mwa Nabwiya. 20Abalihu atene omuroromela Yesu a uno anoulondjelani.
Mwalondjelanege na beju dotchenihiwa.#16:20 Mwalondjelanege na beju dotchenihiwa. Malambo a mundulrimu muwari molondjelana, atu a muibalini mmohive eto mutu na nfwaye kohokana makalelo olondjelana na beju. Na vano muwari mwa atu anafwanyeya muwari mwa Kiristu inafwanela kakayena makalelo olondjelana ooniha muibalini muli atu muwari mwa Kiristu.
21 Miyo dagali Pawulo nnoulondjelani muwari molremba mazwala na ndanda naga. # 16:21 nnoulondjelani muwari molremba mazwala na ndanda naga : Kalaga nnga mulombwana Pawulo amulrembiha mutu mmohiwa mazu matene a karta ni. So agafiyile magomelo, liye ohelavo asinatura. Nione Roma 16:22; Galasiya 6:11; Koloso 4:18; 2 Tesalonika 3:17. 22Mutu wenno ahanamuziveliwa Nabwiya, atembelrelreye. Maranata, muze Nabwiya wehu! 23Sayi da Nabwiya Yesu dikale na nyo. 24Miyo nnouzivelani muwari mokala vamohi na nyo muwari mwa Yesu Kiristu. Ame.
Kukala mazu a karta noroma nalrembiwele atu omuroromela Yesu a Korinto.
Iliyochaguliwa sasa
1 Korinto 16: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral