Jekariya 8
8
Joomiraawo haɓɓii alkawal barkiɗina himɓe mum
1Joomiraawo Joom huune fu baddimmi wi'i:
2Min Joomiraawo Joom huune fu,
mii yiɗi wanŋarde Siyon yidde mawne.
Mii yiɗi ne sanne.
3Gam mum, mi wittaan faa Siyon.
Mi jooɗoto der *Urusaliima.
*Urusaliima noddete wanŋarde gooŋaare.
Waanne am min Joomiraawo Joom huune fu noddete Waanne seniine.
Min Joomiraawo nun bati ka.
4Dottiiɓe nayeeɓe, e yeeraaɓe nayeeɓe tuggoyto cabbi gam sabbu nayeraaku,
den ɓe gara kade ɓe jooɗoo der nokkuuje to himɓe fottata der *Urusaliima.
Min Joomiraawo Joom huune fu nun bati ka.
5Gojankeeɓe e gati hebban kade der nokkuuje to himɓe fottata der *Urusaliima,
den ɓe janta ɓee pija ɗon.
6Nani ɗo ka batumi min Joomiraawo Joom huune fu, bi'umi:
Himɓe Isira'iila horiiɓe e yonki e yi'a hande haaynaare nee ɗon waɗataako.
Amma min, mi waɗan haaynaare nee ɗon.
Min Joomiraawo Joom huune fu nun bati ka.
7Nani ɗo ka batumi min Joomiraawo Joom huune fu, bi'umi:
Mi hisinan himɓe am nanŋaaɓe maccuŋaaku hooraa der leydi ni lettugal, e der leydi ni gorgal.
8Mi wartiran ɓe, den ɓe jooɗoo der *Urusaliima.
Ɓe laatoto himɓe am.
Min bo mi laatanto ɓe Alla. Mi laamanto ɓe der gooŋaaku, e foonnitaare
9Nani ɗo ka batumi min Joomiraawo Joom huune fu bi'umi:
Tiiɗinee ɓerɗe mon,
onon nanooɓe hanne haalaaji am ɗi *annabiiɓe batunoo himɓe, wakkati suudu am min Joomiraawo Joom huune fu daɗɗaa gam ŋol mahitee.
10Diga wakkati kii ɗon yottaakino, himɓe gollotooɓe walaano joddi, golle mareefuuji gollotooɗi bo yoɓantaake.
Jam walaano gam sabbu wayɓe.
Mi accuno nun himɓe fu e haɓa hakkune mum.
11Jooni, mi waɗantaa himɓe am horiiɓe ɓee ɗo hande no gaɗannoomi ɓe arande.
Min Joomiraawo Joom huune fu nun bati ka.
12Mi accan jam wonoo der leydi nin.
Innabooje riman.
Gese riman.
Kammu toɓinan yoone.
Mi hokkan himɓe am horiiɓe ɗum ɗon fu.
13Onon himɓe Yahuuda, e ɓe Isira'iila,
hande no laatorinoɗon yaa'aaɓe caka lenyi janani,
hande non non kisiniranmi on, laatoɗon barkiɗinaaɓe.
To on kulee.
Laatee suusuɓe.
14Nani ɗo ka batumi min Joomiraawo Joom huune fu, bi'umi:
Mi yesiino waɗango on ko halli wakkati kookiraaɓe mon ummini mone am,
go bi'umi mi waylitintaa ɗum.
15Amma, jooni mi miisitake, go desumi waɗango on ko wooɗi onon himɓe *Urusaliima, e ɓe Yahuuda.
Gam mum, to on kulee.
16Nani ɗo ko haani gaɗon:
Batontiree gooŋa.
Gaɗee kiita gooŋaha der to gaɗoton kiita fu,
gam joonne jam heɓoo.
17To on miijanee goɗɗo ko halli.
To on kunee kunayeeje fewrekuuje,
gam mi wanyu nun gaɗuuji ɗii ɗon fu.
Min Joomiraawo nun bati ka.
Nyalaaɗe cuumeteeɗe laatoto nyalaaɗe belɗum ɓerne
18Joomiraawo Joom huune fu baddimmi wi'i: 19Onon himɓe Yahuuda, cuumayeeje ɗe cuumotoɗon der lewru nayaɓol, e der lewru joyaɓol, e der lewru jeeɗiɗaɓol, e der lewru sappo'aɓol laatanto on nyalaaɗe belɗum ɓerne, e welwelo, e juulɗe mawɗe.
Amma sey jiɗon gooŋa, e joonne jam. Min Joomiraawo Joom huune fu bati ka.
20Nani ɗo ka batumi kade bi'umi:
Lenyi janani ɗuuɗɗi ummoyto diga der wanŋarɗe feere feere, wara *Urusaliima.
21Himɓe wanŋarde nee ɗo yahan to himɓe wanŋarde nee to, den bata ɓe wi'a:
Garee jahen *Urusaliima eelen Joomiraawo waɗana en moƴƴere.
Garee darteen Joomiraawo Joom huune fu.
Himɓe wanŋarde nee ton toontoto wi'a:
Men jaadan e mon.
22Himɓe ɗuuɓɓe, e lenyi semmenteeji waran faa *Urusaliima gam dartugo am, min Joomiraawo Joom huune fu.
Min Joomiraawo, ɓe eelan am mi waɗana ɓe moƴƴere.
23Nani ɗo ka batumi min Joomiraawo Joom huune fu bi'umi:
To wakkati kin yottake,
himɓe lenyi janani sappo, batooɓe moy fu ɗenŋal mum,
happan gawargal toggoore *Yahuduujo gooto,
den ɓe bata mo ɓe bi'a:
Men tokkan on onon *Yahuduuɓe, gam men nanii Alla e wondi e mon.
Iliyochaguliwa sasa
Jekariya 8: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Jekariya 8
8
Joomiraawo haɓɓii alkawal barkiɗina himɓe mum
1Joomiraawo Joom huune fu baddimmi wi'i:
2Min Joomiraawo Joom huune fu,
mii yiɗi wanŋarde Siyon yidde mawne.
Mii yiɗi ne sanne.
3Gam mum, mi wittaan faa Siyon.
Mi jooɗoto der *Urusaliima.
*Urusaliima noddete wanŋarde gooŋaare.
Waanne am min Joomiraawo Joom huune fu noddete Waanne seniine.
Min Joomiraawo nun bati ka.
4Dottiiɓe nayeeɓe, e yeeraaɓe nayeeɓe tuggoyto cabbi gam sabbu nayeraaku,
den ɓe gara kade ɓe jooɗoo der nokkuuje to himɓe fottata der *Urusaliima.
Min Joomiraawo Joom huune fu nun bati ka.
5Gojankeeɓe e gati hebban kade der nokkuuje to himɓe fottata der *Urusaliima,
den ɓe janta ɓee pija ɗon.
6Nani ɗo ka batumi min Joomiraawo Joom huune fu, bi'umi:
Himɓe Isira'iila horiiɓe e yonki e yi'a hande haaynaare nee ɗon waɗataako.
Amma min, mi waɗan haaynaare nee ɗon.
Min Joomiraawo Joom huune fu nun bati ka.
7Nani ɗo ka batumi min Joomiraawo Joom huune fu, bi'umi:
Mi hisinan himɓe am nanŋaaɓe maccuŋaaku hooraa der leydi ni lettugal, e der leydi ni gorgal.
8Mi wartiran ɓe, den ɓe jooɗoo der *Urusaliima.
Ɓe laatoto himɓe am.
Min bo mi laatanto ɓe Alla. Mi laamanto ɓe der gooŋaaku, e foonnitaare
9Nani ɗo ka batumi min Joomiraawo Joom huune fu bi'umi:
Tiiɗinee ɓerɗe mon,
onon nanooɓe hanne haalaaji am ɗi *annabiiɓe batunoo himɓe, wakkati suudu am min Joomiraawo Joom huune fu daɗɗaa gam ŋol mahitee.
10Diga wakkati kii ɗon yottaakino, himɓe gollotooɓe walaano joddi, golle mareefuuji gollotooɗi bo yoɓantaake.
Jam walaano gam sabbu wayɓe.
Mi accuno nun himɓe fu e haɓa hakkune mum.
11Jooni, mi waɗantaa himɓe am horiiɓe ɓee ɗo hande no gaɗannoomi ɓe arande.
Min Joomiraawo Joom huune fu nun bati ka.
12Mi accan jam wonoo der leydi nin.
Innabooje riman.
Gese riman.
Kammu toɓinan yoone.
Mi hokkan himɓe am horiiɓe ɗum ɗon fu.
13Onon himɓe Yahuuda, e ɓe Isira'iila,
hande no laatorinoɗon yaa'aaɓe caka lenyi janani,
hande non non kisiniranmi on, laatoɗon barkiɗinaaɓe.
To on kulee.
Laatee suusuɓe.
14Nani ɗo ka batumi min Joomiraawo Joom huune fu, bi'umi:
Mi yesiino waɗango on ko halli wakkati kookiraaɓe mon ummini mone am,
go bi'umi mi waylitintaa ɗum.
15Amma, jooni mi miisitake, go desumi waɗango on ko wooɗi onon himɓe *Urusaliima, e ɓe Yahuuda.
Gam mum, to on kulee.
16Nani ɗo ko haani gaɗon:
Batontiree gooŋa.
Gaɗee kiita gooŋaha der to gaɗoton kiita fu,
gam joonne jam heɓoo.
17To on miijanee goɗɗo ko halli.
To on kunee kunayeeje fewrekuuje,
gam mi wanyu nun gaɗuuji ɗii ɗon fu.
Min Joomiraawo nun bati ka.
Nyalaaɗe cuumeteeɗe laatoto nyalaaɗe belɗum ɓerne
18Joomiraawo Joom huune fu baddimmi wi'i: 19Onon himɓe Yahuuda, cuumayeeje ɗe cuumotoɗon der lewru nayaɓol, e der lewru joyaɓol, e der lewru jeeɗiɗaɓol, e der lewru sappo'aɓol laatanto on nyalaaɗe belɗum ɓerne, e welwelo, e juulɗe mawɗe.
Amma sey jiɗon gooŋa, e joonne jam. Min Joomiraawo Joom huune fu bati ka.
20Nani ɗo ka batumi kade bi'umi:
Lenyi janani ɗuuɗɗi ummoyto diga der wanŋarɗe feere feere, wara *Urusaliima.
21Himɓe wanŋarde nee ɗo yahan to himɓe wanŋarde nee to, den bata ɓe wi'a:
Garee jahen *Urusaliima eelen Joomiraawo waɗana en moƴƴere.
Garee darteen Joomiraawo Joom huune fu.
Himɓe wanŋarde nee ton toontoto wi'a:
Men jaadan e mon.
22Himɓe ɗuuɓɓe, e lenyi semmenteeji waran faa *Urusaliima gam dartugo am, min Joomiraawo Joom huune fu.
Min Joomiraawo, ɓe eelan am mi waɗana ɓe moƴƴere.
23Nani ɗo ka batumi min Joomiraawo Joom huune fu bi'umi:
To wakkati kin yottake,
himɓe lenyi janani sappo, batooɓe moy fu ɗenŋal mum,
happan gawargal toggoore *Yahuduujo gooto,
den ɓe bata mo ɓe bi'a:
Men tokkan on onon *Yahuduuɓe, gam men nanii Alla e wondi e mon.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.