Jekariya 3
3
Jiiki nayaɓi ki Joomiraawo holli Jekariya: Yoosuwa laatiiɗo hooreejo liimaamiiɓe
1Ɗon nun Joomiraawo hollimmi Yoosuwa, laatiiɗo hooreejo *liimaamiiɓe, oo darii yeeso malaykaajo Joomiraawo. Seyɗan bo e darii far to juunŋo nyaamo Yoosuwa, e gaccoo mo. 2Ɗon nun malaykaajo Joomiraawo wi'i: Joomiraawo woolane an Seyɗan, Joomiraawo cuɓuɗo *Urusaliima woolane. A annaa no Yoosuwa laati nun hande joccal cuttaaŋal diga der yiite na?
3Nani Yoosuwa ɓornino nun kolte tuunuɗe e darorii yeeso malaykaajo on. 4Ɗon nun malaykaajo on wi'i dariiɓe yeeso mum ɓorta kolte Yoosuwa tuunuɗe ɗen. Ɓaawo mum o bati Yoosuwa o wi'i: Mi suttanii maa boofi maa, go ɓornin maa mi kolte booɗɗe.
5Go o wi'i kade: Meellee mo meellol laaɓuŋol. Go ɓe meelli mo meellol laaɓuŋol, go ɓe ɓornini mo kolte booɗɗe. Go malaykaajo Joomiraawo on e darii ɗon. 6Ɓaawo mum malaykaajo Joomiraawo on bati Yoosuwa wi'i: 7Nani ɗo ka Joomiraawo Joom huune fu bati wi'i:
To a tokkii laabi am,
to a nananii sariyaaji am,
a ardanto suudu am e jayriije mum fu.
A wonoto caka gollantooɓe am, der suudu am ɗoo.
Alla waddan gollotooɗo mum
8An Yoosuwa, laatiiɗo hooreejo *liimaamiiɓe,
an e himɓe maa jooɗiiɓe yeeso maa,
kettinee nanon.
On laati nun misaalu goɗɗo garoowo yeeso.
Alla lilaan goɗɗo noddeteeɗo Rubiire heccere.
9An Yoosuwa, o yesan hayre yeeso maa.
Hayre woore nen woodan gite jeeɗiɗi.
Kanko e hoore makko nun winnata go haani winnee dow mayre,
der nyalaane woore, o suttan boofi leydi nin.
Joomiraawo Joom huune fu nun bati ka.
10To nyalaane nen yottake,
on noddontiran onon e igooɓe mon,
ceyoɗon e jam,
der gese innabooje mon, e der gese ibbe mon.
Joomiraawo Joom huune fu nun bati ka.
Iliyochaguliwa sasa
Jekariya 3: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.