Jekariya 13
13
1Nyanne mum, siiɓiire diyam wantoto gam lootugo hakkeeji lenyol Dawda e himɓe *Urusaliima fu. Diyam ɗam loota ko soɓini ɓe fu.
Alla halkan tooruuje e *annabiiɓe fewooɓe fu
2Joomiraawo Joom huune fu wi'i: Nyanne mum, mi halkan tooruuje tawaaɗe der leydi nin, den inɗe majje accee noddeego. Mi riiwan *annabiiɓe fewooɓe diga e leydi nin, den caafi tooruuje accee miijaneego. 3To goɗɗo kade ummake e waɗa annabaaku, baaba makko e inna makko wi'an mo: A fotii wareego gam a wonu nun aa fewira e inne Joomiraawo aa wi'a a waɗan nun annabaaku. Den mum, baaba makko on e inna makko on yuwan mo kaafahi wara wakkati o woni oo waɗa annabaaku den. 4Nyanne mum, waɗugo annabaaku e batugo jiiki ki yi'i sentinto *annabiiɓe. Den mum ɓe cuusataa kade ɓornaago kolte *annabiiɓe, gaɗiraaɗe e leeɓi baali ɓee pewana himɓe ɓee bi'a ɓe laati nun *annabiiɓe. 5Moy maɓɓe fu wi'an: Mi laataaki *annabiijo, mi laati nun demoowo. Diga gojankaaku am, goɗɗo nun soodimmi mii gollanoo mo. 6To goɗɗo ƴamii mo wi'i: Nawnanɗe ɗee nun ɗoo e gabaare maa? O toontoto, o wi'a: Mi nawna nun der wuro beldiiɓe am.
Himɓe Isira'iila annitan no Joomiraawo woni Alla mum
7Joomiraawo Joom huune fu wi'i:
Kaafahi umma,
umma feƴƴu duroowo am,
feƴƴu beldiijo am cuusuɗo.
Waru mo, baali makko sankitoo nokku fu,
den mi wara ɓikkon majji.
Joomiraawo Joom huune fu nun bati ka.
8Joomiraawo wi'i kade: To himɓe leydi nin seennaama geɓe tati, geɓe ɗiɗi maayan. Yeɓere woore tan wuurata. 9Mi laaɓinan wuuruɓe ɓen hande no cardi lootirtee der yiite. Mi laaɓina ɓe hande no kanŋeeri lootirtee e yiite. Den mum, ɓe du'oto ɓe eelammi. Den mi nana du'aare maɓɓe. Mi wi'an ɓe: Onon woni himɓe am. Kamɓe bo ɓe bi'a: Joomiraawo, an woni Alla amen.
Iliyochaguliwa sasa
Jekariya 13: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.