Marku 9
9
1O wi'i ɓe kade: «Mii bata on e gooŋa: Woɓɓe wonɓe ɗo maayataa go ɓe ji'a Laamaare Alla e warda e baawɗe.»
Ɓannu Yeesu waylitake
(Matiye 17:1-13, Luka 9:28-36)
2Ɓaawo balɗe jeego'o, Yeesu yaari Piyer, e Yaakuuba, e Yuhaana, kamɓe tan dow waanne towne. Ɓannu makko waylitii yeeso maɓɓe. 3Gineeji makko jalbitii, rawni tar, walaa baawoowo rawningo gineeji hande nun der duuniyaaru. 4Den Eliya e Muusa suppitoy e badda e Yeesu. 5Go Piyer hocci haala wi'i mo: «Moodibbo, e wooɗi gonoɗen ɗo, accu men darna ɗo bukaaji tati: An wooru, Muusa wooru, Eliya wooru.»
6O annaa ka o batata, gam kulol manŋol nanŋii ɓe. 7Den duulel wari ommi ɓe, go daane gom ƴiwi der duulel ŋel e wi'a: «Oo ɗo laatii Ɓiɗɗo am jiɗaaɗo, kettinanee mo!» 8Ɗon maa ɗon, aahiiɓe daari daari, yi'ay goɗɗo sey Yeesu tan wondi e maɓɓe.
9No ɓe jippii diga dow waanne, o haɗi ɓe batugo goɗɗo ko ɓe ji'i faa to Ɓii neɗɗo fintii diga maayde. 10Ɓe ɗowtanii haala kan, amma ɓe darii ɓee ƴamontira hakkune maɓɓe, ume o yiɗi batugo, go oo batana fintugo makko diga e maayde. 11Ɓaawo majjum, ɓe ƴami mo, ɓe bi'i: «Ume waɗi ko moodiɓɓe *tawreeta e wi'a: "Eliya nun haani arta wara taw?"» 12O toontii ɓe o wi'i: «Gooŋa nun, Eliya artan wara taw, moƴƴina huune fu. Den ume waɗi ko Binni Ceniini e wi'a: "Ɓii neɗɗo toorete tooraaji ɗuuɗɗi, o yawee?" 13Mii bata on, e gooŋa Eliya warii koo, ɓe gaɗii mo ko ɓe jiɗi fu, hande no Dewte batirani haala makko.»
Yeesu nyawti suka mo ginnawol toorata
(Matiye 17:14-21, Luka 9:37-43)
14No ɓe bittoy to aahiiɓe horiiɓe, ɓe ji'i jama'aare ɗuunne e huuriti ɓe, moodiɓɓe tawreeta e yeddontira e maɓɓe. 15No ɓe ji'i Yeesu, haaynaare mawne waɗi ɓe, ɓe fu ɓe doggi, ɓe taɓɓitoy mo ɓee canna mo. 16O ƴami ɓe, o wi'i: «Ume jeddontirtonno e maɓɓe?» 17Caka jama'aare nen goɗɗo toontii mo wi'i: «Moodibbo, mi waddanii maa ɓiɗɗo am gorko mo ginnawol muumiɗini. 18To ginnawol ŋol ummanake mo, ŋol doƴƴan mo nun e leydi, hunnuko makko e ƴufina guufo, oo ƴakkontira nyiiƴe, o ŋaɗa kon kon. Mi eelii aahiiɓe maaɗa ɓe diiwa ŋol, amma ɓe baaway.» 19Yeesu wi'i ɓe: «Onon ɓe walaa goonɗinki! Faa dey gondanmi e mooɗon? Faa dey munyananmi on? Gaddanee am suka on!»
20O waddanaa mo. No ginnawol ŋol yi'i Yeesu, ŋol yiili suka on, ŋol doƴƴi, o yani oo tallitoo, hunnuko makko e ƴufina guufo. 21Yeesu ƴami baaba suka on, wi'i: «Diga dey ɗum tawi mo?» Baaba on toontii, wi'i: «Diga oo pettel. 22Kade bo wakkati fu, ginnawol ŋol e doƴƴa mo der yiite, naa bo der diyam, gam ŋol halka mo. Yuruma men, ballitaa men to a waawan!» 23Yeesu wi'i mo: «To mi waawan bi'uɗaa? Huune fu waɗanto goonɗinɗo.» 24Ɗon maa ɗon, baaba suka on bati dow dow, wi'i: «Mi goonɗinii, amma wallam, gam goonɗingo e tiiɗanimmi!»
25No Yeesu yi'i jama'aare e doggaa e wara, e hawrito to maɓɓe, o wi'i ginnawol ŋol: «An ginnawol muumiɗinoowol e pahiɗinoowol, mii wi'e wurta e suka on, taa naatu e makko kade abada.» 26Ginnawol ŋol halɓi, dimmi suka on e semme, wurtii. Suka on e fukkii hande maayɗo, himɓe darinooɓe ɗon fu wi'i, o maayii. 27Amma Yeesu nanŋi juunŋo makko, ummini mo, o darii.
28Yeesu naati suudu, e wondi e aahiiɓe mum tan, ɓe ƴami mo ɓe bi'i: «Ume waɗi ko men baaway ko riiwi ginnawol ŋol?» 29O toontii o wi'i: «Iri ginnawol ŋol ɗon riiwataako to hinaa e du'aare#9:29 Ninnii nun dewte kiiɗɗe wi'i: Iri ginnawol ŋol riiwataako to hinaa e du'aare e suumayeere..»
Yeesu batanii maayde mum e pintol mum de ɗiɗawre
(Matiye 17:22-23, Luka 9:43-45)
30Ɓaawo mum, ɓe ummii ɗon, ɓe tokki caka leydi Galili. Yeesu yiɗaa goɗɗo anna to o woni, 31gam oo janŋina aahiiɓe makko, oo wi'a: «Ɓii neɗɗo wattete e juuɗe himɓe, ɓe bara mo, amma balɗe tati ɓaawo maayde makko, o fintan.» 32Amma aahiiɓe makko faamay ko haala makko kan fillitii, ɓe kulii ƴamugo mo bo.
Moy ɓuri manŋu?
(Matiye 18:1-5, Luka 9:46-48)
33Ɓe jottii Kafarnahum. No ɓe naati der suudu, o ƴami aahiiɓe makko, o wi'i: «Ume jeddontirtonno dow laawol?» 34Ɓee jeeɗii. Nani ka ɓe jeddontiranno dow laawol woni moy nun ɓuri manŋu der maɓɓe. 35Den Yeesu jooɗii, noddi aahiiɓe mum sappo e ɗiɗo, wi'i ɓe: «Jiɗuɗo ardaago fu, sey laatoo cakitiineejo, laatoo maccuɗo horiiɓe fu.» 36Den o nanŋi juunŋo sukayel, o waddi ŋel caka maɓɓe, o etti ŋel o wuunii, o wi'i ɓe: 37«Jaɓɓiiɗo sukayel hande ŋel ɗo e inne am fu, min joomum jaɓɓii, kade bo jaɓɓiiɗo am fu, min tan bane joomum jaɓɓitii, amma o jaɓɓake liluɗo am bo.»
Mo wanyay en fu ɓaawo meeɗen darii
(Luka 9:49-50)
38Yuhaana wi'i Yeesu: «Moodibbo, men ji'ii gorko gom e riiwa ginnaaji e inne maa, men kaɗii mo ɗum gam o tokkay en.» 39Amma Yeesu wi'i ɓe: «To on kaɗee mo ɗum, gam gaɗuɗo haaynaareeji e inne am, waawataa ko hallini am ɗon maa ɗon. 40Gam mo wanyay en fu, ɓaawo meeɗen nun darii. 41Mii bata on e gooŋa, neɗɗo fu kokkuɗo on diyam jaruɗon gam oon himɓe *Almasiihu, joomum dullataa riiba majjum.» 42«Sukahon petton goonɗinkon inne am kon ɗoo, doƴƴuɗo baa gooten makkon der hakke, ɗum ɓuran wooɗugo joomum haɓɓanee namarde mawne e daane mum, faɗɗee e maayo.
Manŋu hakke
(Matiye 18:6-9, Luka 17:1-2)
43To juunŋo maa nun waɗinte hakke, wudditin ŋo, gam wonaago maa e juunŋo wooto der aljanna e ɓuri taweeki maa e juuɗe ɗiɗi der jahannama, to yiite ŋe nyifataa woni. 44[Ton gilɗi nyaamooji ɓalli maɓɓe waatataa, yiite mum bo nyifataa.] 45To bo koyŋal maa waɗinte hakke, wudditin ŋal, gam wuuridingo e koyŋal gootal der aljanna e ɓuri naatoygo maa e koyɗe ɗiɗi der jahannama. 46[Ton gilɗi nyaamooji ɓalli maɓɓe waatataa, yiite mum bo nyifataa.] 47Kade bo to itere maa nun waɗinte hakke, ɗoofu ne, gam naatugo maa Laamaare Alla e itere woore, e ɓuri wonaago maa der jahannama e gite ɗiɗi. 48Ton, gilɗi nyaamooji ɓalli maɓɓe waatataa, yiite mum bo nyifataa. 49Gam moy fu maatinte e yiite hande no sadakaaji maatinirtee lamɗam.
50Lamɗam laati nun huune ko wooɗi, amma to dakam majjam waatii, ume welinta ɗam? Goodee lamɗam caka mon, jooɗoɗon jam.»
Iliyochaguliwa sasa
Marku 9: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 9
9
1O wi'i ɓe kade: «Mii bata on e gooŋa: Woɓɓe wonɓe ɗo maayataa go ɓe ji'a Laamaare Alla e warda e baawɗe.»
Ɓannu Yeesu waylitake
(Matiye 17:1-13, Luka 9:28-36)
2Ɓaawo balɗe jeego'o, Yeesu yaari Piyer, e Yaakuuba, e Yuhaana, kamɓe tan dow waanne towne. Ɓannu makko waylitii yeeso maɓɓe. 3Gineeji makko jalbitii, rawni tar, walaa baawoowo rawningo gineeji hande nun der duuniyaaru. 4Den Eliya e Muusa suppitoy e badda e Yeesu. 5Go Piyer hocci haala wi'i mo: «Moodibbo, e wooɗi gonoɗen ɗo, accu men darna ɗo bukaaji tati: An wooru, Muusa wooru, Eliya wooru.»
6O annaa ka o batata, gam kulol manŋol nanŋii ɓe. 7Den duulel wari ommi ɓe, go daane gom ƴiwi der duulel ŋel e wi'a: «Oo ɗo laatii Ɓiɗɗo am jiɗaaɗo, kettinanee mo!» 8Ɗon maa ɗon, aahiiɓe daari daari, yi'ay goɗɗo sey Yeesu tan wondi e maɓɓe.
9No ɓe jippii diga dow waanne, o haɗi ɓe batugo goɗɗo ko ɓe ji'i faa to Ɓii neɗɗo fintii diga maayde. 10Ɓe ɗowtanii haala kan, amma ɓe darii ɓee ƴamontira hakkune maɓɓe, ume o yiɗi batugo, go oo batana fintugo makko diga e maayde. 11Ɓaawo majjum, ɓe ƴami mo, ɓe bi'i: «Ume waɗi ko moodiɓɓe *tawreeta e wi'a: "Eliya nun haani arta wara taw?"» 12O toontii ɓe o wi'i: «Gooŋa nun, Eliya artan wara taw, moƴƴina huune fu. Den ume waɗi ko Binni Ceniini e wi'a: "Ɓii neɗɗo toorete tooraaji ɗuuɗɗi, o yawee?" 13Mii bata on, e gooŋa Eliya warii koo, ɓe gaɗii mo ko ɓe jiɗi fu, hande no Dewte batirani haala makko.»
Yeesu nyawti suka mo ginnawol toorata
(Matiye 17:14-21, Luka 9:37-43)
14No ɓe bittoy to aahiiɓe horiiɓe, ɓe ji'i jama'aare ɗuunne e huuriti ɓe, moodiɓɓe tawreeta e yeddontira e maɓɓe. 15No ɓe ji'i Yeesu, haaynaare mawne waɗi ɓe, ɓe fu ɓe doggi, ɓe taɓɓitoy mo ɓee canna mo. 16O ƴami ɓe, o wi'i: «Ume jeddontirtonno e maɓɓe?» 17Caka jama'aare nen goɗɗo toontii mo wi'i: «Moodibbo, mi waddanii maa ɓiɗɗo am gorko mo ginnawol muumiɗini. 18To ginnawol ŋol ummanake mo, ŋol doƴƴan mo nun e leydi, hunnuko makko e ƴufina guufo, oo ƴakkontira nyiiƴe, o ŋaɗa kon kon. Mi eelii aahiiɓe maaɗa ɓe diiwa ŋol, amma ɓe baaway.» 19Yeesu wi'i ɓe: «Onon ɓe walaa goonɗinki! Faa dey gondanmi e mooɗon? Faa dey munyananmi on? Gaddanee am suka on!»
20O waddanaa mo. No ginnawol ŋol yi'i Yeesu, ŋol yiili suka on, ŋol doƴƴi, o yani oo tallitoo, hunnuko makko e ƴufina guufo. 21Yeesu ƴami baaba suka on, wi'i: «Diga dey ɗum tawi mo?» Baaba on toontii, wi'i: «Diga oo pettel. 22Kade bo wakkati fu, ginnawol ŋol e doƴƴa mo der yiite, naa bo der diyam, gam ŋol halka mo. Yuruma men, ballitaa men to a waawan!» 23Yeesu wi'i mo: «To mi waawan bi'uɗaa? Huune fu waɗanto goonɗinɗo.» 24Ɗon maa ɗon, baaba suka on bati dow dow, wi'i: «Mi goonɗinii, amma wallam, gam goonɗingo e tiiɗanimmi!»
25No Yeesu yi'i jama'aare e doggaa e wara, e hawrito to maɓɓe, o wi'i ginnawol ŋol: «An ginnawol muumiɗinoowol e pahiɗinoowol, mii wi'e wurta e suka on, taa naatu e makko kade abada.» 26Ginnawol ŋol halɓi, dimmi suka on e semme, wurtii. Suka on e fukkii hande maayɗo, himɓe darinooɓe ɗon fu wi'i, o maayii. 27Amma Yeesu nanŋi juunŋo makko, ummini mo, o darii.
28Yeesu naati suudu, e wondi e aahiiɓe mum tan, ɓe ƴami mo ɓe bi'i: «Ume waɗi ko men baaway ko riiwi ginnawol ŋol?» 29O toontii o wi'i: «Iri ginnawol ŋol ɗon riiwataako to hinaa e du'aare#9:29 Ninnii nun dewte kiiɗɗe wi'i: Iri ginnawol ŋol riiwataako to hinaa e du'aare e suumayeere..»
Yeesu batanii maayde mum e pintol mum de ɗiɗawre
(Matiye 17:22-23, Luka 9:43-45)
30Ɓaawo mum, ɓe ummii ɗon, ɓe tokki caka leydi Galili. Yeesu yiɗaa goɗɗo anna to o woni, 31gam oo janŋina aahiiɓe makko, oo wi'a: «Ɓii neɗɗo wattete e juuɗe himɓe, ɓe bara mo, amma balɗe tati ɓaawo maayde makko, o fintan.» 32Amma aahiiɓe makko faamay ko haala makko kan fillitii, ɓe kulii ƴamugo mo bo.
Moy ɓuri manŋu?
(Matiye 18:1-5, Luka 9:46-48)
33Ɓe jottii Kafarnahum. No ɓe naati der suudu, o ƴami aahiiɓe makko, o wi'i: «Ume jeddontirtonno dow laawol?» 34Ɓee jeeɗii. Nani ka ɓe jeddontiranno dow laawol woni moy nun ɓuri manŋu der maɓɓe. 35Den Yeesu jooɗii, noddi aahiiɓe mum sappo e ɗiɗo, wi'i ɓe: «Jiɗuɗo ardaago fu, sey laatoo cakitiineejo, laatoo maccuɗo horiiɓe fu.» 36Den o nanŋi juunŋo sukayel, o waddi ŋel caka maɓɓe, o etti ŋel o wuunii, o wi'i ɓe: 37«Jaɓɓiiɗo sukayel hande ŋel ɗo e inne am fu, min joomum jaɓɓii, kade bo jaɓɓiiɗo am fu, min tan bane joomum jaɓɓitii, amma o jaɓɓake liluɗo am bo.»
Mo wanyay en fu ɓaawo meeɗen darii
(Luka 9:49-50)
38Yuhaana wi'i Yeesu: «Moodibbo, men ji'ii gorko gom e riiwa ginnaaji e inne maa, men kaɗii mo ɗum gam o tokkay en.» 39Amma Yeesu wi'i ɓe: «To on kaɗee mo ɗum, gam gaɗuɗo haaynaareeji e inne am, waawataa ko hallini am ɗon maa ɗon. 40Gam mo wanyay en fu, ɓaawo meeɗen nun darii. 41Mii bata on e gooŋa, neɗɗo fu kokkuɗo on diyam jaruɗon gam oon himɓe *Almasiihu, joomum dullataa riiba majjum.» 42«Sukahon petton goonɗinkon inne am kon ɗoo, doƴƴuɗo baa gooten makkon der hakke, ɗum ɓuran wooɗugo joomum haɓɓanee namarde mawne e daane mum, faɗɗee e maayo.
Manŋu hakke
(Matiye 18:6-9, Luka 17:1-2)
43To juunŋo maa nun waɗinte hakke, wudditin ŋo, gam wonaago maa e juunŋo wooto der aljanna e ɓuri taweeki maa e juuɗe ɗiɗi der jahannama, to yiite ŋe nyifataa woni. 44[Ton gilɗi nyaamooji ɓalli maɓɓe waatataa, yiite mum bo nyifataa.] 45To bo koyŋal maa waɗinte hakke, wudditin ŋal, gam wuuridingo e koyŋal gootal der aljanna e ɓuri naatoygo maa e koyɗe ɗiɗi der jahannama. 46[Ton gilɗi nyaamooji ɓalli maɓɓe waatataa, yiite mum bo nyifataa.] 47Kade bo to itere maa nun waɗinte hakke, ɗoofu ne, gam naatugo maa Laamaare Alla e itere woore, e ɓuri wonaago maa der jahannama e gite ɗiɗi. 48Ton, gilɗi nyaamooji ɓalli maɓɓe waatataa, yiite mum bo nyifataa. 49Gam moy fu maatinte e yiite hande no sadakaaji maatinirtee lamɗam.
50Lamɗam laati nun huune ko wooɗi, amma to dakam majjam waatii, ume welinta ɗam? Goodee lamɗam caka mon, jooɗoɗon jam.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.