Marku 8
8
Yeesu nyaamnii himɓe ujune nayo
(Matiye 15:32-39, Daaru bo Marku 6:35-44)
1Wakkati mum, jama'aare ɗuunne hawriti kade to Yeesu. No ɓe galaa ko ɓe nyaamata, o noddi aahiiɓe makko, o wi'i ɓe: 2«Himɓe ɓee e yuruminoo am, gam hanne waɗi balɗe tati ɓee gondi e am, ɓe galaa ko ɓe nyaamata. 3To mi waynake ɓe ɓe koota, ɓe nyaamay goɗɗum, rafo doƴƴan ɓe e laawol, gam woɓɓe maɓɓe ƴiwii to woɗɗi.» 4Aahiiɓe makko toontii mo, wi'i: «Toy keɓoyten ko nyaamneten ɓe der ladde ɗo, faa ɓe kaara?» 5O ƴami ɓe, o wi'i: «Peen noyo gooduɗon?» Ɓe bi'i mo: «Peen jeeɗiɗo men goodi.»
6Ɗon nun o wi'i jama'aare nen jooɗoo e leydi. O etti peen jeeɗiɗo kon, o yetti Alla, o ŋappiti ko, o hokki aahiiɓe makko ɓe ceennana jama'aare. Go ɓe ceennani ɓe. 7Ɓee goodunoo kade likkon petton seɗɗa. Yeesu du'ii, yetti Alla gam makkon, wi'i aahiiɓe mum seennana ɓe kon, kankon bo. 8Ɓe nyaami faa ɓe kaari. Aahiiɓe hawriti ko horii, ɗum hebbi killaaje jeeɗiɗi. 9Himɓe ɓen waɗii ujune nayo (4 000). Ɓaawo majjum, Yeesu waynii ɓe. 10Ɗon maa ɗon o naatidi e aahiiɓe makko laana diyam ɓe jahi leydi Dalmanuuta.
Farisaaɓe wi'ii Yeesu holla ɓe maane ƴiwune diga dow kammu
(Matiye 16:1-4)
11Ɗon nun *Farisaaɓe wari, fuɗɗi e yeddontira e Yeesu, gam ɓe jarboo mo, ɓe bi'i: «Waɗan men maane ƴiwoore diga dow kammu.» 12Yeesu uumi, wi'i: «Gam ume waɗi ko himɓe hanne e daarta holleego maane? Mii bata on e gooŋa: on keɓataa maane gom!» 13Ɓaawo majjum, o acci ɓe, o naati laana diyam, o joli fonŋo far to.
Ƴuufinirɗum Farisaaɓe
(Matiye 16:5-12)
14Aahiiɓe yeggiti ko yooɓii peen. Peen goota tan ɓe kororii der laana diyam ŋan. 15Yeesu waggini ɓe, wi'i: «Kakkilee, paamanee ƴuufinirɗum *Farisaaɓe e ɗum Eroodu.» 16Aahiiɓe ɓen darii e bata hakkune mum e wi'a, gam en galaa peen acci o bati ka. 17Yeesu anniti ka ɓe batata, o wi'i ɓe: «Ko waɗi oon batana dullere mooɗon peen? E gooŋa faa jooni on paamay? Noppi mon taaɗu nun na? 18Oon goodi gite, on ji'ataa na? Oon goodi noppi, on nanataa na? E gooŋa on ciwtoray 19no ceennanmi himɓe ujuneeje joy peen joyo (5 000), killaaje noy kebbinɗon koriiko?» Ɓe toontii mo, ɓe bi'i: «Killaaje sappo e ɗiɗi (12).» 20O ƴami ɓe kade, o wi'i: «No ceennanmi himɓe ujune nayo (4 000) peen jeeɗiɗo, killaaje noy kebbinɗon koriiko?» Ɓe toontii mo, ɓe bi'i: «Killaaje jeeɗiɗi.» 21Den, o wi'i ɓe: «Faa jooni on paamataa na?»
Yeesu wumtinii bumɗo
(Marku 10:46-52, Yuhaana 9:1-11)
22Yeesu e aahiiɓe mum yottii Baytisayda, himɓe waddani Yeesu bumɗo ɓe eeli mo, o meema mo. 23O nanŋi juunŋo bumɗo on, o yaari mo sera genni. Ɓaawo majjum, o tuuti joode e gite makko, o yowi juuɗe dow makko, o ƴami mo: «Aa yi'a goɗɗum na?» 24Bumɗo on fattini gite mum, wi'i: «Mii yi'a himɓe, hande leɗɗe jahooje.» 25Yeesu yowitii juuɗe mum e gite makko, den o nyawtii, o wumti, o yi'i huune fu deydey. 26Yeesu wi'i mo: «Hootu, amma taa wittu der siire nen.»
Piyer batii Yeesu woni Almasiihu
(Matiye 16:13-20, Luka 9:18-21)
27Ɓaawo majjum, Yeesu e aahiiɓe mum yahi ci'e ɓadiiɗe Kaysariya Filippu. Dow laawol o ƴami aahiiɓe makko o wi'i: «Moy himɓe wi'ata mii laatii?» 28Ɓe toontii mo, ɓe bi'i: «Woɓɓe e wi'a an woni Yuhaana gaɗoowo *batisi, woɓɓe bo e wi'a an woni annabi Eliya, woɓɓe e wi'a kade, an woni gooto der annabiiɓe.» 29O ƴami ɓe, o wi'i: «Onon bo na, moy bi'oton mii laatii?» Piyer toontii mo, wi'i: «An woni *Almasiihu.» 30Yeesu waggini ɓe wi'i to ɓe batu haala kaa goɗɗo.
Yeesu e batana maayde mum e pintol mum
(Matiye 16:21-28, Luka 9:22-27)
31O fuɗɗi janŋingo ɓe o wi'i: «Doole Ɓii neɗɗo tooree tooraaji ɗuuɗɗi, *dottiiɓe e hooreeɓe *liimaamiiɓe e moodiɓɓe tawreeta woppan mo, o waree, ɓaawo balɗe tati o finta.» 32O bati ɓe ka o laaɓini, go Piyer yaari mo sera, fuɗɗi wooltango mo. 33O yeeƴitii, o daari aahiiɓe makko, o falmi Piyer, o wi'i: «An Seyɗan, dillu diga ɓaawo am! Gam miilooji maa ƴiway to Alla, to himɓe ɗi ƴiwi.»
No haani Yeesu tokkiree
(Matiye 16:24-28, Luka 9:23-27)
34Ɓaawo majjum, o noddi jama'aare e aahiiɓe makko, o wi'i ɓe: «Jiɗuɗo tokkugo am fu, acca miilango hoore mum, etta *leggal palaaŋal#8:34 *Leggal palaaŋal laati nun leggal ŋal dow mum Yeesu tiggaa. Yeesu wi'i jiɗuɗo tokkugo mo, sey majjina yonki mum. mum, tokkanmi. 35Gam jiɗuɗo hisingo yonki mum, dullan ki, amma majjinɗo ki sabbu am e sabbu *linjiila, hisinan ki. 36To neɗɗo heɓii huune fu der duuniyaaru, go dulli yonki mum, ume ɗum nafi mo? 37Ume neɗɗo hokkata gam sooditoroo yonki mum? 38Neɗɗo fu sentimmi, min e haala am yeeso hakkeeɓe, woppuɓe Alla ɓee ɗo, min, Ɓii neɗɗo bo, mi sentan joomum to mi wardii e malaykaaɓe seniiɓe der tedduŋal baaba am.»
Iliyochaguliwa sasa
Marku 8: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 8
8
Yeesu nyaamnii himɓe ujune nayo
(Matiye 15:32-39, Daaru bo Marku 6:35-44)
1Wakkati mum, jama'aare ɗuunne hawriti kade to Yeesu. No ɓe galaa ko ɓe nyaamata, o noddi aahiiɓe makko, o wi'i ɓe: 2«Himɓe ɓee e yuruminoo am, gam hanne waɗi balɗe tati ɓee gondi e am, ɓe galaa ko ɓe nyaamata. 3To mi waynake ɓe ɓe koota, ɓe nyaamay goɗɗum, rafo doƴƴan ɓe e laawol, gam woɓɓe maɓɓe ƴiwii to woɗɗi.» 4Aahiiɓe makko toontii mo, wi'i: «Toy keɓoyten ko nyaamneten ɓe der ladde ɗo, faa ɓe kaara?» 5O ƴami ɓe, o wi'i: «Peen noyo gooduɗon?» Ɓe bi'i mo: «Peen jeeɗiɗo men goodi.»
6Ɗon nun o wi'i jama'aare nen jooɗoo e leydi. O etti peen jeeɗiɗo kon, o yetti Alla, o ŋappiti ko, o hokki aahiiɓe makko ɓe ceennana jama'aare. Go ɓe ceennani ɓe. 7Ɓee goodunoo kade likkon petton seɗɗa. Yeesu du'ii, yetti Alla gam makkon, wi'i aahiiɓe mum seennana ɓe kon, kankon bo. 8Ɓe nyaami faa ɓe kaari. Aahiiɓe hawriti ko horii, ɗum hebbi killaaje jeeɗiɗi. 9Himɓe ɓen waɗii ujune nayo (4 000). Ɓaawo majjum, Yeesu waynii ɓe. 10Ɗon maa ɗon o naatidi e aahiiɓe makko laana diyam ɓe jahi leydi Dalmanuuta.
Farisaaɓe wi'ii Yeesu holla ɓe maane ƴiwune diga dow kammu
(Matiye 16:1-4)
11Ɗon nun *Farisaaɓe wari, fuɗɗi e yeddontira e Yeesu, gam ɓe jarboo mo, ɓe bi'i: «Waɗan men maane ƴiwoore diga dow kammu.» 12Yeesu uumi, wi'i: «Gam ume waɗi ko himɓe hanne e daarta holleego maane? Mii bata on e gooŋa: on keɓataa maane gom!» 13Ɓaawo majjum, o acci ɓe, o naati laana diyam, o joli fonŋo far to.
Ƴuufinirɗum Farisaaɓe
(Matiye 16:5-12)
14Aahiiɓe yeggiti ko yooɓii peen. Peen goota tan ɓe kororii der laana diyam ŋan. 15Yeesu waggini ɓe, wi'i: «Kakkilee, paamanee ƴuufinirɗum *Farisaaɓe e ɗum Eroodu.» 16Aahiiɓe ɓen darii e bata hakkune mum e wi'a, gam en galaa peen acci o bati ka. 17Yeesu anniti ka ɓe batata, o wi'i ɓe: «Ko waɗi oon batana dullere mooɗon peen? E gooŋa faa jooni on paamay? Noppi mon taaɗu nun na? 18Oon goodi gite, on ji'ataa na? Oon goodi noppi, on nanataa na? E gooŋa on ciwtoray 19no ceennanmi himɓe ujuneeje joy peen joyo (5 000), killaaje noy kebbinɗon koriiko?» Ɓe toontii mo, ɓe bi'i: «Killaaje sappo e ɗiɗi (12).» 20O ƴami ɓe kade, o wi'i: «No ceennanmi himɓe ujune nayo (4 000) peen jeeɗiɗo, killaaje noy kebbinɗon koriiko?» Ɓe toontii mo, ɓe bi'i: «Killaaje jeeɗiɗi.» 21Den, o wi'i ɓe: «Faa jooni on paamataa na?»
Yeesu wumtinii bumɗo
(Marku 10:46-52, Yuhaana 9:1-11)
22Yeesu e aahiiɓe mum yottii Baytisayda, himɓe waddani Yeesu bumɗo ɓe eeli mo, o meema mo. 23O nanŋi juunŋo bumɗo on, o yaari mo sera genni. Ɓaawo majjum, o tuuti joode e gite makko, o yowi juuɗe dow makko, o ƴami mo: «Aa yi'a goɗɗum na?» 24Bumɗo on fattini gite mum, wi'i: «Mii yi'a himɓe, hande leɗɗe jahooje.» 25Yeesu yowitii juuɗe mum e gite makko, den o nyawtii, o wumti, o yi'i huune fu deydey. 26Yeesu wi'i mo: «Hootu, amma taa wittu der siire nen.»
Piyer batii Yeesu woni Almasiihu
(Matiye 16:13-20, Luka 9:18-21)
27Ɓaawo majjum, Yeesu e aahiiɓe mum yahi ci'e ɓadiiɗe Kaysariya Filippu. Dow laawol o ƴami aahiiɓe makko o wi'i: «Moy himɓe wi'ata mii laatii?» 28Ɓe toontii mo, ɓe bi'i: «Woɓɓe e wi'a an woni Yuhaana gaɗoowo *batisi, woɓɓe bo e wi'a an woni annabi Eliya, woɓɓe e wi'a kade, an woni gooto der annabiiɓe.» 29O ƴami ɓe, o wi'i: «Onon bo na, moy bi'oton mii laatii?» Piyer toontii mo, wi'i: «An woni *Almasiihu.» 30Yeesu waggini ɓe wi'i to ɓe batu haala kaa goɗɗo.
Yeesu e batana maayde mum e pintol mum
(Matiye 16:21-28, Luka 9:22-27)
31O fuɗɗi janŋingo ɓe o wi'i: «Doole Ɓii neɗɗo tooree tooraaji ɗuuɗɗi, *dottiiɓe e hooreeɓe *liimaamiiɓe e moodiɓɓe tawreeta woppan mo, o waree, ɓaawo balɗe tati o finta.» 32O bati ɓe ka o laaɓini, go Piyer yaari mo sera, fuɗɗi wooltango mo. 33O yeeƴitii, o daari aahiiɓe makko, o falmi Piyer, o wi'i: «An Seyɗan, dillu diga ɓaawo am! Gam miilooji maa ƴiway to Alla, to himɓe ɗi ƴiwi.»
No haani Yeesu tokkiree
(Matiye 16:24-28, Luka 9:23-27)
34Ɓaawo majjum, o noddi jama'aare e aahiiɓe makko, o wi'i ɓe: «Jiɗuɗo tokkugo am fu, acca miilango hoore mum, etta *leggal palaaŋal#8:34 *Leggal palaaŋal laati nun leggal ŋal dow mum Yeesu tiggaa. Yeesu wi'i jiɗuɗo tokkugo mo, sey majjina yonki mum. mum, tokkanmi. 35Gam jiɗuɗo hisingo yonki mum, dullan ki, amma majjinɗo ki sabbu am e sabbu *linjiila, hisinan ki. 36To neɗɗo heɓii huune fu der duuniyaaru, go dulli yonki mum, ume ɗum nafi mo? 37Ume neɗɗo hokkata gam sooditoroo yonki mum? 38Neɗɗo fu sentimmi, min e haala am yeeso hakkeeɓe, woppuɓe Alla ɓee ɗo, min, Ɓii neɗɗo bo, mi sentan joomum to mi wardii e malaykaaɓe seniiɓe der tedduŋal baaba am.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.