Marku 10
10
Ekkitinol dow ceergal
(Matiye 19:1-12, Matiye 5:31-32)
1No Yeesu yawti diga ɗon, o yahi leydi Yahudiya o joli gooruwol Urudun. Ɗon himɓe ɗuuɓɓe wari e huuriti mo, o darii oo janŋina ɓe hande no o woowiri.
2*Farisaaɓe woɓɓe mum wari gam jarboo mo, ƴami mo: «Gorko e woodi laawol seera debbo mum na?» 3O toontii ɓe o wi'i: «Sariya kaye nun Muusa yesani on?» 4Ɓe toontii, ɓe bi'i: «Muusa yesii sariya gorko winna ɗerewol ceergal to e seera debbo mum#10:4 Ekkitinooje 24:1, 3. .» 5Yeesu wi'i ɓe: «Sabbu cattal ko'e mon waɗi ko Muusa winnani on sariya kan. 6Amma diga fuɗɗoode, Alla tagii gorko e debbo#10:6 Fuɗɗoode 1:27, 5:2. 7Gan majjum, "gorko accan baaba mum e inna mum, takkontira e debbo mum, 8ɓe fu ɗiɗo ɓe laatoo neɗɗo gooto." Den mum ɓe laatataako kade ɗiɗo, amma gooto#10:8 Fuɗɗoode 2:24.. 9Gam mum, to neɗɗo seennu ko Alla hawti.»
10No ɓe bitti der suudu, aahiiɓe makko bo ƴami mo haala majjum. 11O wi'i ɓe: «Gorko ceeruɗo debbo mum fu, go hoowi goɗɗo, o waɗii jeenu. 12Hande non non debbo bo, to salake gorko mum, go gorko goɗɗo hoowi mo, o waɗii jeenu.»
Yeesu barkiɗinii sukahon petton
(Matiye 19:13-15, Luka 18:15-17)
13Himɓe waddanii Yeesu sukahon, gam o meema kon, amma aahiiɓe makko nyaasitii ɓe. 14No o yi'i ɗum, mone waɗi mo sanne, o wi'i: «Accee sukahon petton wara to am, to on kaɗee kon, gam nanduɓe e makkon jey Laamaare Alla. 15Mii bata on e gooŋa, mo jaɓay Laamaare Alla hande sukahon petton, naatataa ne sam.» 16Go o etti sukahon o wuunii, o yowi juunŋo makko dow makkon, o barkiɗini kon.
Gojankeejo joom jawdiijo
(Matiye 19:16-30, Luka 18:18-30)
17No Yeesu nanŋi laawol, gorko gom doggoy wari, jiccii yeeso makko, ƴami mo, wi'i: «Moodibbo booɗɗo, ume haani mi waɗa go mi heɓa yonki tabitiiki?» 18Yeesu wi'i mo: «Ko waɗi aa noddammi booɗɗo? Booɗɗo walaa to hinaa Alla gooto on. 19Aa anni oodaaji: Taa waru neɗɗo, taa jeenu, taa wujju, taa seeda fewre, taa nyaamu goɗɗo amaana, teddin baaba maa e inna maa#10:19 Wurtaago 20:12-16, Ekkitinooje 5:16-20..» 20Gorko on toontii mo, wi'i: «Moodibbo, mii jogii ɗum ɗum fu diga sukaaku am.» 21Ɗon Yeesu daari mo, yiɗi mo, wi'i: «Huune woore tan jaccu maa: Yahu sippu ko gooduɗaa fu, kokkaa ceede mum talkaaɓe. Den a heɓan jawdi dow kammu, ɓaawo mum, garaa tokkaa am.»
22Amma no gorko on nani haala kan, o ɓalinii, o dilli e ɓerne biisiine, gam oo woodi jawdi sanne.
23Yeesu daari aahiiɓe mum, wi'i: «Eɗum saɗi joom jawdiijo naata der Laamaare Alla!» 24Aahiiɓe makko haayɗinii gam haala kan. O wi'i ɓe kade: «Sukaaɓe am, eɗum saɗi hooliiɓe jawdi mum naata Laamaare Alla! 25Eɗum ɓuri hoyugo jeelooba wurtoroo diga e hinere baatal e no kooliiɗo jawdi mum naatirta der Laamaare Alla.»
26Aahiiɓe ɓeydi haayɗinaago, darii e ƴamontira hakkune mum e wi'a: «Den, moy waawata ko hisi?» 27O daari ɓe, o wi'i: «To himɓe ɗum waɗataako, amma to Alla ɗum waɗoto. Gam walaa fu ko Alla tampi.» 28Den Piyer wi'i mo: «Menen, men accii huune fu, men tokki maa!» 29Yeesu toontii, wi'i: «Mii bata on e gooŋa, accuɗo suudu mum, naa bo miiraaɓe mum, naa bo mawniraaɓe mum, naa bo sakikiraaɓe mum, naa bo inna mum, naa bo baaba mum, naa bo sukaaɓe mum, naa bo gese mum, gam sabbu am e gam sabbu *linjiila, 30o heɓan ɗum de hewre (100) der wakkati mo gonuɗen jooni. Diga e cuuɗi, faa e sakikiraaɓe rewɓe e worɓe, faa e inniraaɓe, e sukaaɓe, e gese. O toorete bo. Der wakkati garoohi bo, joomum heɓan yonki tabitiiki. 31Wakkati mum, ardiiɓe ɗuuɓɓe laatoto sakitiiɓe, sakitiiɓe bo laatoo ardiiɓe#10:31 Luka 13:30.»
Yeesu batanii maayde mum e pintol mum de tatawre
(Matiye 20:17-19, Luka 18:31-34)
32No ɓe janti laawol ɓee jaha *Urusaliima, Yeesu ardii ɓe, ɓerɗe aahiiɓe makko e taƴi, go tokkuɓe ɓe bo e huli. Yeesu noddi aahiiɓe mum sappo e ɗiɗo (12), o darii oo bata ɓe ko tawoyta mo. 33O wi'i ɓe: «Kettinee, nani een jaha *Urusaliima, ton Ɓii neɗɗo wattete e juuɗe hooreeɓe *liimaamiiɓe, e moodiɓɓe tawreeta. Ɓe kiitoto mo kiita maayde, ɓe gattan mo e juuɗe heeferɓe. 34Ɓe jaancan mo, ɓe tuuta mo joode, ɓe piya mo looci, ɓe bara mo. Amma ɓaawo balɗe tati, o fintan.»
Elgal Yaakuuba e Yuhaana
(Matiye 20:20-28)
35Yaakuuba e Yuhaana, ɓiɓɓe Jebede, wari to Yeesu, wi'i mo: «Moodibbo, emen jiɗi eelugo maa goɗɗum, emen jiɗi gaɗanaa men ɗum.» 36O wi'i ɓe: «Ume jiɗuɗon mi waɗana on?» 37Ɓe toontii mo, ɓe bi'i: «To a jooɗake der laamaare maa, ne tedduŋal, gaɗaa men jooɗoo takkol maa, gooto far to juunŋo maa nyaamo, gooto bo far to juunŋo maa nano.» 38O toontii ɓe, o wi'i: «On annaa ko eeloton. On baawan ko yari bone ne jarammi, mutineɗon der toora hande no gaɗanteemi na?» 39Ɓe toontii mo, ɓe bi'i: «Ee, men baawan.» Yeesu wi'i ɓe: «On jaran bone hande no jarirammi, mutineɗon der toora hande no gaɗanteemi bo. 40Amma min bane suɓata jooɗotooɗo far to juunŋo am nyaamo, naa bo nano, ɓe Alla resani joonɗe ɗen, kamɓe nun jooɗotoo ɗon.»
41No aahiiɓe sappo horiiɓe nani ka, ɓe monnorii Yaakuuba e Yuhaana. 42Yeesu noddi ɓe, wi'i: «Oon anni no daaraaɓe hande laamiiɓe der lenyi janani, laamoranto nun himɓe mum e semme, e yarna ɓe bone. 43Onon kan, haanay ɗum laatoroo non non hakkune mooɗon. To goɗɗo mooɗon e yiɗi laatoo mawɗo, o gollanoo horiiɓe. 44Jiɗuɗo e mooɗon laatoo ardiiɗo, sey o laatoo maccuɗo mooɗon, on fu. 45Ɓii neɗɗo e hoore mum waray gam jagganeego, amma jagganaago himɓe nun waddi mo, o hokkitira yonki makko gam sooditaago himɓe ɗuuɓɓe.»
Yeesu wumtinii Bartimee
(Matiye 20:29-34, Luka 18:35-43)
46Ɓe jottii Yeriko. No Yeesu e aahiiɓe mum wurtotoo siire e jama'aare ɗuunne, ɗon ɓe tawi bumɗo bi'eteeɗo Bartimee, ɓii Timee e jooɗii e fiya bara sera laawol. 47No o nani Yeesu mo Nasaratu nun yawtata ɗon, o darii oo nodda, oo wi'a: «Yeesu, Ɓii Dawda, yurumam!» 48Himɓe ɗuuɓɓe e wooltana mo e wi'a: «Jeeɗa!» Amma o ɓeydii noddugo oo wi'a: «Ɓii Dawda, yurumam!» 49Go Yeesu darii, wi'i: «Noddee mo o wara.» Ɓe noddi bumɗo on, ɓe bi'i mo: «Tinna munyu, umma, oo nodde.» 50O ummii, o woppi gulunfaare makko, o wari to Yeesu. 51Yeesu ƴami mo, wi'i: «Ume jiɗuɗaa mi waɗane?» Bumɗo on toontii mo, wi'i: «Moodibbo, accu mi yi'a» 52Yeesu wi'i mo: «Yahu, goonɗinki maa nyawtii maa.» Ɗon maa ɗon o wumti, o tokki Yeesu der jahaaŋal muuɗum.
Iliyochaguliwa sasa
Marku 10: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 10
10
Ekkitinol dow ceergal
(Matiye 19:1-12, Matiye 5:31-32)
1No Yeesu yawti diga ɗon, o yahi leydi Yahudiya o joli gooruwol Urudun. Ɗon himɓe ɗuuɓɓe wari e huuriti mo, o darii oo janŋina ɓe hande no o woowiri.
2*Farisaaɓe woɓɓe mum wari gam jarboo mo, ƴami mo: «Gorko e woodi laawol seera debbo mum na?» 3O toontii ɓe o wi'i: «Sariya kaye nun Muusa yesani on?» 4Ɓe toontii, ɓe bi'i: «Muusa yesii sariya gorko winna ɗerewol ceergal to e seera debbo mum#10:4 Ekkitinooje 24:1, 3. .» 5Yeesu wi'i ɓe: «Sabbu cattal ko'e mon waɗi ko Muusa winnani on sariya kan. 6Amma diga fuɗɗoode, Alla tagii gorko e debbo#10:6 Fuɗɗoode 1:27, 5:2. 7Gan majjum, "gorko accan baaba mum e inna mum, takkontira e debbo mum, 8ɓe fu ɗiɗo ɓe laatoo neɗɗo gooto." Den mum ɓe laatataako kade ɗiɗo, amma gooto#10:8 Fuɗɗoode 2:24.. 9Gam mum, to neɗɗo seennu ko Alla hawti.»
10No ɓe bitti der suudu, aahiiɓe makko bo ƴami mo haala majjum. 11O wi'i ɓe: «Gorko ceeruɗo debbo mum fu, go hoowi goɗɗo, o waɗii jeenu. 12Hande non non debbo bo, to salake gorko mum, go gorko goɗɗo hoowi mo, o waɗii jeenu.»
Yeesu barkiɗinii sukahon petton
(Matiye 19:13-15, Luka 18:15-17)
13Himɓe waddanii Yeesu sukahon, gam o meema kon, amma aahiiɓe makko nyaasitii ɓe. 14No o yi'i ɗum, mone waɗi mo sanne, o wi'i: «Accee sukahon petton wara to am, to on kaɗee kon, gam nanduɓe e makkon jey Laamaare Alla. 15Mii bata on e gooŋa, mo jaɓay Laamaare Alla hande sukahon petton, naatataa ne sam.» 16Go o etti sukahon o wuunii, o yowi juunŋo makko dow makkon, o barkiɗini kon.
Gojankeejo joom jawdiijo
(Matiye 19:16-30, Luka 18:18-30)
17No Yeesu nanŋi laawol, gorko gom doggoy wari, jiccii yeeso makko, ƴami mo, wi'i: «Moodibbo booɗɗo, ume haani mi waɗa go mi heɓa yonki tabitiiki?» 18Yeesu wi'i mo: «Ko waɗi aa noddammi booɗɗo? Booɗɗo walaa to hinaa Alla gooto on. 19Aa anni oodaaji: Taa waru neɗɗo, taa jeenu, taa wujju, taa seeda fewre, taa nyaamu goɗɗo amaana, teddin baaba maa e inna maa#10:19 Wurtaago 20:12-16, Ekkitinooje 5:16-20..» 20Gorko on toontii mo, wi'i: «Moodibbo, mii jogii ɗum ɗum fu diga sukaaku am.» 21Ɗon Yeesu daari mo, yiɗi mo, wi'i: «Huune woore tan jaccu maa: Yahu sippu ko gooduɗaa fu, kokkaa ceede mum talkaaɓe. Den a heɓan jawdi dow kammu, ɓaawo mum, garaa tokkaa am.»
22Amma no gorko on nani haala kan, o ɓalinii, o dilli e ɓerne biisiine, gam oo woodi jawdi sanne.
23Yeesu daari aahiiɓe mum, wi'i: «Eɗum saɗi joom jawdiijo naata der Laamaare Alla!» 24Aahiiɓe makko haayɗinii gam haala kan. O wi'i ɓe kade: «Sukaaɓe am, eɗum saɗi hooliiɓe jawdi mum naata Laamaare Alla! 25Eɗum ɓuri hoyugo jeelooba wurtoroo diga e hinere baatal e no kooliiɗo jawdi mum naatirta der Laamaare Alla.»
26Aahiiɓe ɓeydi haayɗinaago, darii e ƴamontira hakkune mum e wi'a: «Den, moy waawata ko hisi?» 27O daari ɓe, o wi'i: «To himɓe ɗum waɗataako, amma to Alla ɗum waɗoto. Gam walaa fu ko Alla tampi.» 28Den Piyer wi'i mo: «Menen, men accii huune fu, men tokki maa!» 29Yeesu toontii, wi'i: «Mii bata on e gooŋa, accuɗo suudu mum, naa bo miiraaɓe mum, naa bo mawniraaɓe mum, naa bo sakikiraaɓe mum, naa bo inna mum, naa bo baaba mum, naa bo sukaaɓe mum, naa bo gese mum, gam sabbu am e gam sabbu *linjiila, 30o heɓan ɗum de hewre (100) der wakkati mo gonuɗen jooni. Diga e cuuɗi, faa e sakikiraaɓe rewɓe e worɓe, faa e inniraaɓe, e sukaaɓe, e gese. O toorete bo. Der wakkati garoohi bo, joomum heɓan yonki tabitiiki. 31Wakkati mum, ardiiɓe ɗuuɓɓe laatoto sakitiiɓe, sakitiiɓe bo laatoo ardiiɓe#10:31 Luka 13:30.»
Yeesu batanii maayde mum e pintol mum de tatawre
(Matiye 20:17-19, Luka 18:31-34)
32No ɓe janti laawol ɓee jaha *Urusaliima, Yeesu ardii ɓe, ɓerɗe aahiiɓe makko e taƴi, go tokkuɓe ɓe bo e huli. Yeesu noddi aahiiɓe mum sappo e ɗiɗo (12), o darii oo bata ɓe ko tawoyta mo. 33O wi'i ɓe: «Kettinee, nani een jaha *Urusaliima, ton Ɓii neɗɗo wattete e juuɗe hooreeɓe *liimaamiiɓe, e moodiɓɓe tawreeta. Ɓe kiitoto mo kiita maayde, ɓe gattan mo e juuɗe heeferɓe. 34Ɓe jaancan mo, ɓe tuuta mo joode, ɓe piya mo looci, ɓe bara mo. Amma ɓaawo balɗe tati, o fintan.»
Elgal Yaakuuba e Yuhaana
(Matiye 20:20-28)
35Yaakuuba e Yuhaana, ɓiɓɓe Jebede, wari to Yeesu, wi'i mo: «Moodibbo, emen jiɗi eelugo maa goɗɗum, emen jiɗi gaɗanaa men ɗum.» 36O wi'i ɓe: «Ume jiɗuɗon mi waɗana on?» 37Ɓe toontii mo, ɓe bi'i: «To a jooɗake der laamaare maa, ne tedduŋal, gaɗaa men jooɗoo takkol maa, gooto far to juunŋo maa nyaamo, gooto bo far to juunŋo maa nano.» 38O toontii ɓe, o wi'i: «On annaa ko eeloton. On baawan ko yari bone ne jarammi, mutineɗon der toora hande no gaɗanteemi na?» 39Ɓe toontii mo, ɓe bi'i: «Ee, men baawan.» Yeesu wi'i ɓe: «On jaran bone hande no jarirammi, mutineɗon der toora hande no gaɗanteemi bo. 40Amma min bane suɓata jooɗotooɗo far to juunŋo am nyaamo, naa bo nano, ɓe Alla resani joonɗe ɗen, kamɓe nun jooɗotoo ɗon.»
41No aahiiɓe sappo horiiɓe nani ka, ɓe monnorii Yaakuuba e Yuhaana. 42Yeesu noddi ɓe, wi'i: «Oon anni no daaraaɓe hande laamiiɓe der lenyi janani, laamoranto nun himɓe mum e semme, e yarna ɓe bone. 43Onon kan, haanay ɗum laatoroo non non hakkune mooɗon. To goɗɗo mooɗon e yiɗi laatoo mawɗo, o gollanoo horiiɓe. 44Jiɗuɗo e mooɗon laatoo ardiiɗo, sey o laatoo maccuɗo mooɗon, on fu. 45Ɓii neɗɗo e hoore mum waray gam jagganeego, amma jagganaago himɓe nun waddi mo, o hokkitira yonki makko gam sooditaago himɓe ɗuuɓɓe.»
Yeesu wumtinii Bartimee
(Matiye 20:29-34, Luka 18:35-43)
46Ɓe jottii Yeriko. No Yeesu e aahiiɓe mum wurtotoo siire e jama'aare ɗuunne, ɗon ɓe tawi bumɗo bi'eteeɗo Bartimee, ɓii Timee e jooɗii e fiya bara sera laawol. 47No o nani Yeesu mo Nasaratu nun yawtata ɗon, o darii oo nodda, oo wi'a: «Yeesu, Ɓii Dawda, yurumam!» 48Himɓe ɗuuɓɓe e wooltana mo e wi'a: «Jeeɗa!» Amma o ɓeydii noddugo oo wi'a: «Ɓii Dawda, yurumam!» 49Go Yeesu darii, wi'i: «Noddee mo o wara.» Ɓe noddi bumɗo on, ɓe bi'i mo: «Tinna munyu, umma, oo nodde.» 50O ummii, o woppi gulunfaare makko, o wari to Yeesu. 51Yeesu ƴami mo, wi'i: «Ume jiɗuɗaa mi waɗane?» Bumɗo on toontii mo, wi'i: «Moodibbo, accu mi yi'a» 52Yeesu wi'i mo: «Yahu, goonɗinki maa nyawtii maa.» Ɗon maa ɗon o wumti, o tokki Yeesu der jahaaŋal muuɗum.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.