Marku 7
7
Yeesu jaɓay tawaaŋal kookiraaɓe dow lootugo juuɗe
(Matiye 15:1-9)
1*Farisaaɓe, e moodiɓɓe tawreeta woɓɓe mum ƴiwoyɓe *Urusaliima hawritii to Yeesu. 2Ɓe ji'i aahiiɓe makko woɓɓe e nyaamira juuɗe tuunuɗe, ɗe lootaaka.
3Gam *Farisaaɓe e *Yahuduuɓe horiiɓe fu e tokki tawaaŋal kookiraaɓe maɓɓe. Ɓe nyaamataa to ɓe lootay juuɗe maɓɓe no haaniri. 4To ɓe jahii nokkuuje to himɓe fottata ɓe gartii, ɓe nyaamataa to ɓe lootaaki. Ɓee goodi gaɗuuji goɗɗi ɗuuɗɗi ɗi ɓe tokki der tawaaŋal maɓɓe, hande jon layɓugo jarirkon, e paanɗe, e keeɗe janni boɗeeri.
5Go *Farisaaɓe e moodiɓɓe tawreeta ƴami Yeesu, wi'i: «Ume waɗi go aahiiɓe maa tokkay tawaaŋal kookiraaɓe meeɗen, ɓee nyaamira juuɗe tuunuɗe?» 6O toontii ɓe, o wi'i: «Onon munaafitiiɓe. Annabi Esaaya woofay no o winnuno annabaaku dow mooɗon o wi'i: Alla wi'i:
"Lenyol ŋol ɗo e hunnuko tan nun teddinirtammi,
amma ɓerɗe maɓɓe e woɗɗodii am.
7Baanji ɓe cujidirantammi,
ɓee janŋina haalaaji himɓe."»
8Yeesu wi'i ɓe kade: «On joofii ekkitinooje Alla, oon tokki tawaaŋal himɓe. 9Oon baawi salaago ekkitinooje Alla gam jooɗinon tawaaŋal mooɗon! 10Gam Muusa wi'ii: "Teddin baaba maa e inna maa." O wi'i kade: "Jennuɗo baaba mum, naa bo inna mum, joomum warete nun". 11Amma onon kan, oon bi'a: "Neɗɗo waawan wi'a baaba mum naa bo inna mum, ko haanuno mi wallitire laatake Korbaan, ɗum wi'ay maa sadaka Alla," 12on accataa kade o walla baaba makko naa bo inna makko e majjum. 13Hande non non biisirɗon haala Alla diga e tawaaŋal mooɗon. Kade bo oon gaɗa kujje ɗuuɗɗe nanduɗe hande nun.»
Ko soɓinta neɗɗo
(Marku 15:10-20)
14Ɓaawo majjum, Yeesu nodditii jama'aare, wi'i ɓe: «Kettinanee am on fu, paamon: 15Walaa goɗɗum ko naatata der neɗɗo soɓina mo, amma huune ko wurtoto diga der neɗɗo, kanjum soɓinta mo. 16Gooduɗo noppi gam nana fu sey nana.» 17No Yeesu wurtii diga der jama'aare, o naati suudu, aahiiɓe makko ƴami mo maana ballool ŋol. 18O wi'i ɓe: «Onon bo on paamataa na? On annaa ko ƴiwata yaasi, naata der neɗɗo, soɓintaa joomum na? 19Gam ɗum naatay der ɓerne joomum, e reedu ɗum naati, kade bo ɗum wurtoto.» E haalaaji ɗii ɗon nun Yeesu holliri no nyaamduuji fu laati nun ceniiɗi. 20O wi'i kade: «Ko wurtoto diga der ɓerne nun soɓinta neɗɗo. 21Gam diga der ɓerne neɗɗo miilooji bonɗi ƴiwata, ɗi gatta mo waɗugo ko jaasi, e guyka, e warugo neɗɗo, 22e jeenu, e suuno, e ganyaani, e jamma, e baadi centiniini, e nawniraagu, e nyoore, e mawnitaare, e dullere hoore. 23Kujje bonɗe ɗee ɗon fu diga der ɓerne neɗɗo ɗe ƴiwata, ɗe coɓina mo.»
Debbo Sirofininkeejo goonɗinii Yeesu
(Matiye 15:21-28)
24Yeesu ummii ɗon yahi leydi Tiri. O weeri e wuro goɗɗo, o yiɗaano baa goɗɗo nanana mo, amma o waaway suuɗaago. 25Ɗon sikan debbo gom mo suka mum debbo woodi ginnawol nani Yeesu e batanee, ɗon maa ɗon o wari, o jiccanii mo. 26Debbo on laati nun Yunaninkeejo, mo lenyol Sirofininkeeɓe. O eeli Yeesu riiwa ginnawol ŋol, wurtoo e ɓiyiiko. 27Amma Yeesu wi'i mo: «Accu sukaaɓe haara taw, gam ettugo nyaamdu sukaaɓe hokka dawaaɗi wooɗaa.» 28Debbo on toontii mo wi'i: «Moodibbo, dawaaɗi gonuɗi ley taaburu bo e nyaama nyaamdu caamoowol to sukaaɓe nyaamata.» 29Yeesu wi'i mo: «Sabbu ka bi'uɗaa, hootu, ginnawol ŋol wurtake diga e suka maa.» 30No o hooti, o tawi ɓiyiiko e fukkii dow leeso, ginnawol ŋol wurtake diga e mum.
Yeesu nyawtii paho mo haala mum laaɓaa
(Matiye 15:29-31)
31Yeesu ummii diga leydi Tiri, tokki e Sidon oo yaha far maayo Galili, o tokkiri leydi bi'eteeni Genniije sappo. 32Ɓe gaddani mo paho gom mo haala mum laaɓaa, ɓe eeli mo o yowa juuɗe dow makko. 33Yeesu wurtini mo diga caka jama'aare, watti kolli mum der noppi makko, tuuti joode, meemiri ɗe ɗenŋal makko. 34Ɓaawo majjum, Yeesu tiggitii dow, o uumi, o wi'i paho on: «Efata! Kan woni sukkita!»
35Ɗon maa ɗon, noppi gorko on sukkitii, ɗenŋal makko tonŋitii, o bati deydey no batirtee. 36Yeesu waggini himɓe to ɓe batu haala ka goɗɗo, amma hande no o wagginirta ɓe, non non ɓe ɓeydi batirgo ka himɓe. 37Haaynaare waɗi ɓe puy, ɓee bi'a: «Golle makko fu e wooɗi. Oo waɗa pahiɗinɓe e nana, muumiɗinɓe bo e bata.»
Iliyochaguliwa sasa
Marku 7: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 7
7
Yeesu jaɓay tawaaŋal kookiraaɓe dow lootugo juuɗe
(Matiye 15:1-9)
1*Farisaaɓe, e moodiɓɓe tawreeta woɓɓe mum ƴiwoyɓe *Urusaliima hawritii to Yeesu. 2Ɓe ji'i aahiiɓe makko woɓɓe e nyaamira juuɗe tuunuɗe, ɗe lootaaka.
3Gam *Farisaaɓe e *Yahuduuɓe horiiɓe fu e tokki tawaaŋal kookiraaɓe maɓɓe. Ɓe nyaamataa to ɓe lootay juuɗe maɓɓe no haaniri. 4To ɓe jahii nokkuuje to himɓe fottata ɓe gartii, ɓe nyaamataa to ɓe lootaaki. Ɓee goodi gaɗuuji goɗɗi ɗuuɗɗi ɗi ɓe tokki der tawaaŋal maɓɓe, hande jon layɓugo jarirkon, e paanɗe, e keeɗe janni boɗeeri.
5Go *Farisaaɓe e moodiɓɓe tawreeta ƴami Yeesu, wi'i: «Ume waɗi go aahiiɓe maa tokkay tawaaŋal kookiraaɓe meeɗen, ɓee nyaamira juuɗe tuunuɗe?» 6O toontii ɓe, o wi'i: «Onon munaafitiiɓe. Annabi Esaaya woofay no o winnuno annabaaku dow mooɗon o wi'i: Alla wi'i:
"Lenyol ŋol ɗo e hunnuko tan nun teddinirtammi,
amma ɓerɗe maɓɓe e woɗɗodii am.
7Baanji ɓe cujidirantammi,
ɓee janŋina haalaaji himɓe."»
8Yeesu wi'i ɓe kade: «On joofii ekkitinooje Alla, oon tokki tawaaŋal himɓe. 9Oon baawi salaago ekkitinooje Alla gam jooɗinon tawaaŋal mooɗon! 10Gam Muusa wi'ii: "Teddin baaba maa e inna maa." O wi'i kade: "Jennuɗo baaba mum, naa bo inna mum, joomum warete nun". 11Amma onon kan, oon bi'a: "Neɗɗo waawan wi'a baaba mum naa bo inna mum, ko haanuno mi wallitire laatake Korbaan, ɗum wi'ay maa sadaka Alla," 12on accataa kade o walla baaba makko naa bo inna makko e majjum. 13Hande non non biisirɗon haala Alla diga e tawaaŋal mooɗon. Kade bo oon gaɗa kujje ɗuuɗɗe nanduɗe hande nun.»
Ko soɓinta neɗɗo
(Marku 15:10-20)
14Ɓaawo majjum, Yeesu nodditii jama'aare, wi'i ɓe: «Kettinanee am on fu, paamon: 15Walaa goɗɗum ko naatata der neɗɗo soɓina mo, amma huune ko wurtoto diga der neɗɗo, kanjum soɓinta mo. 16Gooduɗo noppi gam nana fu sey nana.» 17No Yeesu wurtii diga der jama'aare, o naati suudu, aahiiɓe makko ƴami mo maana ballool ŋol. 18O wi'i ɓe: «Onon bo on paamataa na? On annaa ko ƴiwata yaasi, naata der neɗɗo, soɓintaa joomum na? 19Gam ɗum naatay der ɓerne joomum, e reedu ɗum naati, kade bo ɗum wurtoto.» E haalaaji ɗii ɗon nun Yeesu holliri no nyaamduuji fu laati nun ceniiɗi. 20O wi'i kade: «Ko wurtoto diga der ɓerne nun soɓinta neɗɗo. 21Gam diga der ɓerne neɗɗo miilooji bonɗi ƴiwata, ɗi gatta mo waɗugo ko jaasi, e guyka, e warugo neɗɗo, 22e jeenu, e suuno, e ganyaani, e jamma, e baadi centiniini, e nawniraagu, e nyoore, e mawnitaare, e dullere hoore. 23Kujje bonɗe ɗee ɗon fu diga der ɓerne neɗɗo ɗe ƴiwata, ɗe coɓina mo.»
Debbo Sirofininkeejo goonɗinii Yeesu
(Matiye 15:21-28)
24Yeesu ummii ɗon yahi leydi Tiri. O weeri e wuro goɗɗo, o yiɗaano baa goɗɗo nanana mo, amma o waaway suuɗaago. 25Ɗon sikan debbo gom mo suka mum debbo woodi ginnawol nani Yeesu e batanee, ɗon maa ɗon o wari, o jiccanii mo. 26Debbo on laati nun Yunaninkeejo, mo lenyol Sirofininkeeɓe. O eeli Yeesu riiwa ginnawol ŋol, wurtoo e ɓiyiiko. 27Amma Yeesu wi'i mo: «Accu sukaaɓe haara taw, gam ettugo nyaamdu sukaaɓe hokka dawaaɗi wooɗaa.» 28Debbo on toontii mo wi'i: «Moodibbo, dawaaɗi gonuɗi ley taaburu bo e nyaama nyaamdu caamoowol to sukaaɓe nyaamata.» 29Yeesu wi'i mo: «Sabbu ka bi'uɗaa, hootu, ginnawol ŋol wurtake diga e suka maa.» 30No o hooti, o tawi ɓiyiiko e fukkii dow leeso, ginnawol ŋol wurtake diga e mum.
Yeesu nyawtii paho mo haala mum laaɓaa
(Matiye 15:29-31)
31Yeesu ummii diga leydi Tiri, tokki e Sidon oo yaha far maayo Galili, o tokkiri leydi bi'eteeni Genniije sappo. 32Ɓe gaddani mo paho gom mo haala mum laaɓaa, ɓe eeli mo o yowa juuɗe dow makko. 33Yeesu wurtini mo diga caka jama'aare, watti kolli mum der noppi makko, tuuti joode, meemiri ɗe ɗenŋal makko. 34Ɓaawo majjum, Yeesu tiggitii dow, o uumi, o wi'i paho on: «Efata! Kan woni sukkita!»
35Ɗon maa ɗon, noppi gorko on sukkitii, ɗenŋal makko tonŋitii, o bati deydey no batirtee. 36Yeesu waggini himɓe to ɓe batu haala ka goɗɗo, amma hande no o wagginirta ɓe, non non ɓe ɓeydi batirgo ka himɓe. 37Haaynaare waɗi ɓe puy, ɓee bi'a: «Golle makko fu e wooɗi. Oo waɗa pahiɗinɓe e nana, muumiɗinɓe bo e bata.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.