Marku 6
6
Yeesu salaama der Nasaratu
(Matiye 13:54-58, Luka 4:16-30)
1Yeesu ummii diga nokkuure nen e aahiiɓe mum, nanŋi laawol, hooti genni mum. 2Nyalaane siwteteene yottii, o fuɗɗi janŋingo der waajorde. Nanuɓe janŋinol makko fu haaynaare nanŋi ɓe, darii e wi'a: «Diga toy o heɓi ɗum ɗo? Noy o heɓiri hakkillo iri ŋo ɗo? Noy o waawiri waɗugo haaynaareeji ɗii ɗo? 3E gooŋa kanko bane woni ceɓoowo leɗɗe, ɓii Mariyama on na? Hinaa kanko woni mawniraawo Yaakuuba e Yosesi e Yahuuda e Simon na? Enen e sakikiraaɓe makko bane jooɗodii ɗoo na?» Gam ɗum ɗon fu waɗi go ɓe jaɓay goonɗingo mo. 4Yeesu wi'i ɓe: «Annabiijo teddintaake der leydi mum e caka himɓe wuro mum.»
5O waaway ko waɗi ɗon kaayniiɗum gom, to hinaa nyawɓe seɗɗa ɓe o nyawti no o yowi ɓe juuɗe. 6Haaynaare waɗi mo gam sabbu dullere goonɗinki maɓɓe.
Yeesu lilii aahiiɓe sappo e ɗiɗo
(Matiye 10:5-15, Luka 9:1-6)
Ɓaawo mum, Yeesu e woositoo der genniije piilfitiiɗe ton, oo janŋina. 7O noddi aahiiɓe makko sappo e ɗiɗo, o lili ɓe ɗiɗɗiɗo. O hokki ɓe baawɗe dow ginnaaji. 8O wi'i ɓe, to ɓee jaha, to ɓe jaaru goɗɗum, to hinaa sawru, to ɓe jaaru nyaamdu, naa bo bogooji, naa bo ceede der jiibaaji maɓɓe. 9O wi'i, ɓe paɗoo, amma to ɓe ɓorna toggooje ɗiɗɗiɗi. 10O wi'i ɓe kade: «Wuro ŋo jippiɗon e mum fu, jooɗee ɗon faa de jawtuɗon. 11To on jottake nokkuure gom, ko himɓe jaɓɓaaki on, ɓe kettinanaaki on, jawtee, piɗɗon sollaare koyɗe mooɗon gam ɗum annina ɓe gacce ɗe ɓe gaɗi.»
12Ɓe jahi, ɓe baajii himɓe, ɓe acca hakkeeji maɓɓe ɓe tuuba. 13Ɓe diiwi ginnaaji ɗuuɗɗi, ɓe moomi nyawɓe ɗuuɓɓe nebbam, ɓe nyawti ɓe.
No Yuhaana gaɗoowo batisi wariraa
(Matiye 14:1-12, Luka 3:19-20, 9:7-9)
14Eroodu, laamiiɗo, nani haala Yeesu e batee, gam inne Yeesu walaa fu to yahay. Woɓɓe e wi'a Yuhaana gaɗoowo *batisi nun finti, kan waɗi oo woodi baawɗe waɗugo haaynaareeji. 15Woɓɓe e wi'a Eliya nun, woɓɓe bo e wi'a *annabiijo gom nun hande *annabiiɓe arandeeɓe. 16No Eroodu nani ka, wi'i: «Yuhaana mo cettunoomi hoore mum on nun finti ɗon!»
17E gooŋa Eroodu wi'iino Yuhaana nanŋee, haɓɓee, maɓɓee der kasu, gam sabbu Erodiya, debbo mawniiko bi'eteeɗo Filippu mo o teetunoo. 18Gam Yuhaana wi'iino mo: «Laawol hokkay maa teetaa debbo mawniraawo maa.» 19Go Erodiya wanyi Yuhaana, yiɗi o waree, amma o heɓay laawol. 20Eroodu e hula Yuhaana, gam oo anni gorko on poonnitiiɗo nun, laaɓuɗo, kan waɗi oo reeni mo gam to goɗɗum tawu mo. Oo yiɗa nanugo haala makko, amma de o nani ka fu, sey hakkillo makko wemmoo.
21Amma e non, no nyalaane juulɗe dingol Eroodu yottii, Erodiya heɓi laawol no Yuhaana warirtee. Nyanne mum Eroodu noddini mawɓe tawaaɓe ley mum e hooreeɓe soogeeji, e dawranooɓe leydi Galili fu nyaamɗe. 22Ɓii Erodiya debbo naati e fija. Ɗum weli Eroodu e noddinaaɓe mum fu. O wi'i suka debbo on: «Eelam ko jiɗuɗaa fu, mi hokkete ɗum.» 23O hunanii mo, o wi'i o hokkan mo ko o eeli fu, baa to feccere laamu makko nun. 24Suka debbo on wurtii, ƴami inna mum, wi'i: «Ume nun haani mi eela?» Inniiko toontii mo, wi'i: «Eelu mo hoore Yuhaana gaɗoowo *batisi!» 25Ɗon maa ɗon suka debbo on witti to laamiiɗo, bati mo wi'i: «Mii yiɗi kokkaa am jooni hoore Yuhaana gaɗoowo *batisi der heeɗo!» 26Ɓerne laamiiɗo on biisii sanne, amma o yiɗay salanaago mo, gam o hunake yeeso noddinaaɓe makko. 27Ɗon maa ɗon o lili soogeeru makko yaha waddaa hoore Yuhaana. Soogeeru nun yahi, naati der kasu, setti hoore Yuhaana, 28watti ne der heeɗo, wari hokki suka debbo on. Suka debbo on bo hokki ne inna mum. 29No aahiiɓe Yuhaana nani ka, wari etti ɓannu makko uwoy.
Yeesu nyaamnii himɓe ujune joyo
(Matiye 14:13-21, Luka 9:10-17, Yuhaana 6:1-14)
30Lilaaɓe ɓen warti, ɓe kawriti to Yeesu ɓe pillanii mo ko ɓe gaɗi, e ko ɓe janŋini fu. 31Himɓe warooɓe to maɓɓe e hoota ɗuuɗi faa Yeesu e aahiiɓe mum heɓay wakkati ɓe nyaama. Gam majjum o wi'i ɓe: «En jahee nokkuure deƴƴune, gam keɓen ciwtoɗen.» 32Ɓe jahi ɓe naatoy laana diyam, kamɓe tan feere maɓɓe, ɓe jawti far ladde. 33Amma ɗuuɓɓe yi'ii ɓee jawta, anniti ɓe, ummii diga genniije fu e dogga e koyɗe taytii ɓe, arti ɓe yottaago to ɓe poonnii.
34No o wurti e laana diyam ŋan, o yi'i jama'aare ɗuunne, ɓe juruminii mo, gam ɓee nandi hande baali ɗi walaa duroowo. O darii oo janŋina ɓe kujje ɗuuɗɗe. 35No kiikiiɗe faanii, aahiiɓe makko ɓattii mo, wi'i: «Kiikiiɗe waɗii, kade bo nokkuure to gonuɗen ɗo, ladde nun. 36Accu himɓe ɓen yaha der debeeje e ci'e pilfitiiɗe gam ɓe coodaa ko ɓe nyaamata.» 37Yeesu toontii ɓe, wi'i: «Onon e ko'e mooɗon, kokkee ɓe, ko ɓe nyaamata!» Ɓe bi'i: «Aa yiɗi men etta ceede cardi keme ɗiɗi men coodanaa ɓe peen ɓe nyaama na?» 38O wi'i ɓe: «Peen noyo gooduɗon? Jahee daaree!» No ɓe jahi ɓe daaroy, ɓe bi'i mo: «Peen joyo e liƴƴi ɗiɗi nun men goodi.» 39O wi'i ɓe jooɗina jama'aare ukke ukke dow fuɗo hecco.
40Ɓe jooɗii ɓe gaɗi ukke ukke, woɓɓe hewre (100), woɓɓe lasooji ɗiɗo e sappo (50). 41O etti peen joyo kon e liƴƴi ɗiɗi ɗin, o tiggitii dow kammu, o yetti Alla. O ŋappiti peen kon, o hokki aahiiɓe ɓe jeɗa himɓe. Hande non non o waɗi e liƴƴi ɗiɗi ɗin bo. 42Ɓe fu ɓe nyaami faa ɓe kaari. 43Peen koriiko e liƴƴi koriiɗi hawritaa, hebbi killaaje sappo e ɗiɗi (12). 44Himɓe nyaamuɓe peen kon waɗii worɓe ujune joyo (5 000).
Yeesu yahii dow diyam
(Matiye 14:22-33, Yuhaana 6:15-21)
45Ɓaawo mum Yeesu yawɗini aahiiɓe mum ɓe naata laana diyam, gam ɓe ardoo mo ŋabboygo fonŋo maayo far Baytisayda, wakkati mum kanko e hoore makko oo waynoo jama'aare. 46No o waynodii ɓe, o yawtiri far to waanne gam o du'oo. 47Tawi jemma waɗii, laana diyam ŋan e woni caka maayo, go Yeesu tan e woni fonŋo. 48O yi'i aahiiɓe makko e duruwida e laana diyam gam hennu ŋol ɓe pottata. No faanii weetugo, o wari to maɓɓe oo yaha e koyɗe dow diyam, faa o yiɗi ƴartaago ɓe. 49No ɓe ji'i mo oo yaha dow diyam, ɓe miili ginnawol nun, ɓe darii ɓee kalɓa. 50Gam no ɓe ji'i mo, ɓe fu ɓe kulii. Ɗon maa ɗon Yeesu baddi ɓe wi'i: «Pukkinee hakkilooji mooɗon! Min nun ɗon, to on kulee!»
51O naati laana diyam ŋan, o tawi ɓe, go hennu ŋol darii. Go haaynaare waɗi ɓe sanne. 52Ɓe paamayno haaynaare ne Yeesu waɗi e peen, gam faamu maɓɓe e jacci.
Yeesu nyawtii nyawɓe der leydi Genesareti
(Matiye 14:34-36)
53Ɓe joli maayo ɓe jottii leydi Genesareti, ɓe darni laana diyam maɓɓe ɗon. 54No ɓe burtii e laana diyam, ɗon maa ɗon himɓe anniti mo. 55To himɓe nanii o na'on nokkuure kaja, ɓee ummoo diga toy fu e leydi nin ɓee gadda nyawɓe maɓɓe to makko dow daage. 56To Yeesu yahi fu, diga e ci'e pamare faa e genniije mawɗe e gureeje, himɓe e waddana mo nyawɓe mum der nokkuure to himɓe fottata, ɓee eela mo o acca ɓe meema baa kommulol toggoore makko. Non non bo, meemuɓe ŋol fu e yoofoo.
Iliyochaguliwa sasa
Marku 6: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 6
6
Yeesu salaama der Nasaratu
(Matiye 13:54-58, Luka 4:16-30)
1Yeesu ummii diga nokkuure nen e aahiiɓe mum, nanŋi laawol, hooti genni mum. 2Nyalaane siwteteene yottii, o fuɗɗi janŋingo der waajorde. Nanuɓe janŋinol makko fu haaynaare nanŋi ɓe, darii e wi'a: «Diga toy o heɓi ɗum ɗo? Noy o heɓiri hakkillo iri ŋo ɗo? Noy o waawiri waɗugo haaynaareeji ɗii ɗo? 3E gooŋa kanko bane woni ceɓoowo leɗɗe, ɓii Mariyama on na? Hinaa kanko woni mawniraawo Yaakuuba e Yosesi e Yahuuda e Simon na? Enen e sakikiraaɓe makko bane jooɗodii ɗoo na?» Gam ɗum ɗon fu waɗi go ɓe jaɓay goonɗingo mo. 4Yeesu wi'i ɓe: «Annabiijo teddintaake der leydi mum e caka himɓe wuro mum.»
5O waaway ko waɗi ɗon kaayniiɗum gom, to hinaa nyawɓe seɗɗa ɓe o nyawti no o yowi ɓe juuɗe. 6Haaynaare waɗi mo gam sabbu dullere goonɗinki maɓɓe.
Yeesu lilii aahiiɓe sappo e ɗiɗo
(Matiye 10:5-15, Luka 9:1-6)
Ɓaawo mum, Yeesu e woositoo der genniije piilfitiiɗe ton, oo janŋina. 7O noddi aahiiɓe makko sappo e ɗiɗo, o lili ɓe ɗiɗɗiɗo. O hokki ɓe baawɗe dow ginnaaji. 8O wi'i ɓe, to ɓee jaha, to ɓe jaaru goɗɗum, to hinaa sawru, to ɓe jaaru nyaamdu, naa bo bogooji, naa bo ceede der jiibaaji maɓɓe. 9O wi'i, ɓe paɗoo, amma to ɓe ɓorna toggooje ɗiɗɗiɗi. 10O wi'i ɓe kade: «Wuro ŋo jippiɗon e mum fu, jooɗee ɗon faa de jawtuɗon. 11To on jottake nokkuure gom, ko himɓe jaɓɓaaki on, ɓe kettinanaaki on, jawtee, piɗɗon sollaare koyɗe mooɗon gam ɗum annina ɓe gacce ɗe ɓe gaɗi.»
12Ɓe jahi, ɓe baajii himɓe, ɓe acca hakkeeji maɓɓe ɓe tuuba. 13Ɓe diiwi ginnaaji ɗuuɗɗi, ɓe moomi nyawɓe ɗuuɓɓe nebbam, ɓe nyawti ɓe.
No Yuhaana gaɗoowo batisi wariraa
(Matiye 14:1-12, Luka 3:19-20, 9:7-9)
14Eroodu, laamiiɗo, nani haala Yeesu e batee, gam inne Yeesu walaa fu to yahay. Woɓɓe e wi'a Yuhaana gaɗoowo *batisi nun finti, kan waɗi oo woodi baawɗe waɗugo haaynaareeji. 15Woɓɓe e wi'a Eliya nun, woɓɓe bo e wi'a *annabiijo gom nun hande *annabiiɓe arandeeɓe. 16No Eroodu nani ka, wi'i: «Yuhaana mo cettunoomi hoore mum on nun finti ɗon!»
17E gooŋa Eroodu wi'iino Yuhaana nanŋee, haɓɓee, maɓɓee der kasu, gam sabbu Erodiya, debbo mawniiko bi'eteeɗo Filippu mo o teetunoo. 18Gam Yuhaana wi'iino mo: «Laawol hokkay maa teetaa debbo mawniraawo maa.» 19Go Erodiya wanyi Yuhaana, yiɗi o waree, amma o heɓay laawol. 20Eroodu e hula Yuhaana, gam oo anni gorko on poonnitiiɗo nun, laaɓuɗo, kan waɗi oo reeni mo gam to goɗɗum tawu mo. Oo yiɗa nanugo haala makko, amma de o nani ka fu, sey hakkillo makko wemmoo.
21Amma e non, no nyalaane juulɗe dingol Eroodu yottii, Erodiya heɓi laawol no Yuhaana warirtee. Nyanne mum Eroodu noddini mawɓe tawaaɓe ley mum e hooreeɓe soogeeji, e dawranooɓe leydi Galili fu nyaamɗe. 22Ɓii Erodiya debbo naati e fija. Ɗum weli Eroodu e noddinaaɓe mum fu. O wi'i suka debbo on: «Eelam ko jiɗuɗaa fu, mi hokkete ɗum.» 23O hunanii mo, o wi'i o hokkan mo ko o eeli fu, baa to feccere laamu makko nun. 24Suka debbo on wurtii, ƴami inna mum, wi'i: «Ume nun haani mi eela?» Inniiko toontii mo, wi'i: «Eelu mo hoore Yuhaana gaɗoowo *batisi!» 25Ɗon maa ɗon suka debbo on witti to laamiiɗo, bati mo wi'i: «Mii yiɗi kokkaa am jooni hoore Yuhaana gaɗoowo *batisi der heeɗo!» 26Ɓerne laamiiɗo on biisii sanne, amma o yiɗay salanaago mo, gam o hunake yeeso noddinaaɓe makko. 27Ɗon maa ɗon o lili soogeeru makko yaha waddaa hoore Yuhaana. Soogeeru nun yahi, naati der kasu, setti hoore Yuhaana, 28watti ne der heeɗo, wari hokki suka debbo on. Suka debbo on bo hokki ne inna mum. 29No aahiiɓe Yuhaana nani ka, wari etti ɓannu makko uwoy.
Yeesu nyaamnii himɓe ujune joyo
(Matiye 14:13-21, Luka 9:10-17, Yuhaana 6:1-14)
30Lilaaɓe ɓen warti, ɓe kawriti to Yeesu ɓe pillanii mo ko ɓe gaɗi, e ko ɓe janŋini fu. 31Himɓe warooɓe to maɓɓe e hoota ɗuuɗi faa Yeesu e aahiiɓe mum heɓay wakkati ɓe nyaama. Gam majjum o wi'i ɓe: «En jahee nokkuure deƴƴune, gam keɓen ciwtoɗen.» 32Ɓe jahi ɓe naatoy laana diyam, kamɓe tan feere maɓɓe, ɓe jawti far ladde. 33Amma ɗuuɓɓe yi'ii ɓee jawta, anniti ɓe, ummii diga genniije fu e dogga e koyɗe taytii ɓe, arti ɓe yottaago to ɓe poonnii.
34No o wurti e laana diyam ŋan, o yi'i jama'aare ɗuunne, ɓe juruminii mo, gam ɓee nandi hande baali ɗi walaa duroowo. O darii oo janŋina ɓe kujje ɗuuɗɗe. 35No kiikiiɗe faanii, aahiiɓe makko ɓattii mo, wi'i: «Kiikiiɗe waɗii, kade bo nokkuure to gonuɗen ɗo, ladde nun. 36Accu himɓe ɓen yaha der debeeje e ci'e pilfitiiɗe gam ɓe coodaa ko ɓe nyaamata.» 37Yeesu toontii ɓe, wi'i: «Onon e ko'e mooɗon, kokkee ɓe, ko ɓe nyaamata!» Ɓe bi'i: «Aa yiɗi men etta ceede cardi keme ɗiɗi men coodanaa ɓe peen ɓe nyaama na?» 38O wi'i ɓe: «Peen noyo gooduɗon? Jahee daaree!» No ɓe jahi ɓe daaroy, ɓe bi'i mo: «Peen joyo e liƴƴi ɗiɗi nun men goodi.» 39O wi'i ɓe jooɗina jama'aare ukke ukke dow fuɗo hecco.
40Ɓe jooɗii ɓe gaɗi ukke ukke, woɓɓe hewre (100), woɓɓe lasooji ɗiɗo e sappo (50). 41O etti peen joyo kon e liƴƴi ɗiɗi ɗin, o tiggitii dow kammu, o yetti Alla. O ŋappiti peen kon, o hokki aahiiɓe ɓe jeɗa himɓe. Hande non non o waɗi e liƴƴi ɗiɗi ɗin bo. 42Ɓe fu ɓe nyaami faa ɓe kaari. 43Peen koriiko e liƴƴi koriiɗi hawritaa, hebbi killaaje sappo e ɗiɗi (12). 44Himɓe nyaamuɓe peen kon waɗii worɓe ujune joyo (5 000).
Yeesu yahii dow diyam
(Matiye 14:22-33, Yuhaana 6:15-21)
45Ɓaawo mum Yeesu yawɗini aahiiɓe mum ɓe naata laana diyam, gam ɓe ardoo mo ŋabboygo fonŋo maayo far Baytisayda, wakkati mum kanko e hoore makko oo waynoo jama'aare. 46No o waynodii ɓe, o yawtiri far to waanne gam o du'oo. 47Tawi jemma waɗii, laana diyam ŋan e woni caka maayo, go Yeesu tan e woni fonŋo. 48O yi'i aahiiɓe makko e duruwida e laana diyam gam hennu ŋol ɓe pottata. No faanii weetugo, o wari to maɓɓe oo yaha e koyɗe dow diyam, faa o yiɗi ƴartaago ɓe. 49No ɓe ji'i mo oo yaha dow diyam, ɓe miili ginnawol nun, ɓe darii ɓee kalɓa. 50Gam no ɓe ji'i mo, ɓe fu ɓe kulii. Ɗon maa ɗon Yeesu baddi ɓe wi'i: «Pukkinee hakkilooji mooɗon! Min nun ɗon, to on kulee!»
51O naati laana diyam ŋan, o tawi ɓe, go hennu ŋol darii. Go haaynaare waɗi ɓe sanne. 52Ɓe paamayno haaynaare ne Yeesu waɗi e peen, gam faamu maɓɓe e jacci.
Yeesu nyawtii nyawɓe der leydi Genesareti
(Matiye 14:34-36)
53Ɓe joli maayo ɓe jottii leydi Genesareti, ɓe darni laana diyam maɓɓe ɗon. 54No ɓe burtii e laana diyam, ɗon maa ɗon himɓe anniti mo. 55To himɓe nanii o na'on nokkuure kaja, ɓee ummoo diga toy fu e leydi nin ɓee gadda nyawɓe maɓɓe to makko dow daage. 56To Yeesu yahi fu, diga e ci'e pamare faa e genniije mawɗe e gureeje, himɓe e waddana mo nyawɓe mum der nokkuure to himɓe fottata, ɓee eela mo o acca ɓe meema baa kommulol toggoore makko. Non non bo, meemuɓe ŋol fu e yoofoo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.