Marku 5
5
Yeesu nyawtii mo ginnawol
(Matiye 8:28-34, Luka 8:26-39)
1Ɓe jottii fonŋo maayo, der leydi Gerasankeeɓe. 2No Yeesu wurtii laana diyam ɗon maa ɗon gooduɗo ginnawol kalluŋol wurtii diga der janaale, fotti e makko. 3Der janaale ɗen nun o wonnoo, goɗɗo waawataa ko haɓɓi mo, baa e callalluuri. 4De ɗuuɗɗum juuɗe makko e koyɗe makko, e tonŋano e callalluuji amma o taƴi ɗi ɗi fu. Walaa baawɗo ko haggi mo e semme. 5Wakkati fu, jemma e nyalooma, der janaale, e baalle nun o woni, oo huuɓa oo ƴaritoo e kaaƴe.
6No o hollirii Yeesu diga woɗɗi, o doggoy, o sujidani mo, 7o halɓi e semme, o wi'i: «Yeesu, Ɓiɗɗo Alla mo dow, ume jiɗuɗaa waɗugo am? Mi eelee e inne Alla, taa tooram!» 8O batii ka gam Yeesu wi'ii: «An ginnawol kalluŋol, wurta e makko.»
9Yeesu ƴami mo, wi'i:
«Noy bi'eteɗaa?»
O toontii, o wi'i:
«Min wi'etee ‹ujuneeje›,
gam emen ɗuuɗi.»
10O eeli Yeesu o eelitii to o riiwu ginnaaji ɗin ɗi burtoo diga e leydi nin.
11Foti wakkati mum, darne afaaji mawne gom e durannoo takkol waanne. 12Ginnaaji kalluɗi ɗin eeli Yeesu acca ɗi naata der afaaji ɗin.
13O nootanii ginnaaji kalluɗi ɗin. Go ɗi burtii, ɗi naati e afaaji ɗin. Darne nen fu dirtii diga dow waanne, ɗi jantoy der maayo, ɗi joolii. Ɗi gaɗii hande kanji ujune ɗiɗi (2 000).
14Den durooɓe doggi batoy der siire e gureeje mum. Himɓe wurtoy daarugo ko waɗi. 15No ɓe gari to Yeesu, ɓe ji'i ginnaajiijo on e jooɗii e ɓornii gineeji, hakkillo mum e fukkii, go kulol nanŋi ɓe. 16Tawaaɓe ɗon ko ɗum waɗii, fillanii ɓe ko tawi ginnaajiijo on e afaaji ɗin. 17Ɓe eeli Yeesu wurtoo e leydi maɓɓe.
18No o naatata laana diyam, ginnaajiijo on eeli mo gam tokka mo. 19Amma Yeesu nootanaaki mo, wi'i mo: «Hootu wuro maa to himɓe maa, bataa ɓe ko Joomiraawo waɗani maa e no o yurumori maa.»
20O yahi oo bata der leydi bi'eteeni Genniije sappo ko Yeesu waɗani mo. Go ɓe fu ɓe kayɗinii.
Yeesu nyawtii suka Jayrusu e debbo meemuɗo gineeji makko
(Matiye 9:18-26, Luka 8:40-56)
21No Yeesu naati laana diyam witti fonŋo maayo, jama'aare ɗuunne wari e howii mo kade fonŋo ɗon. 22Ɗon hooreejo suudu waajorde bi'eteeɗo Jayrusu wari, yi'i mo, jiccii yeeso makko, 23eeli mo, eelitii, wi'i: «Ɓiyam debbo yanɗaa, faanake maayugo. Mii eelee garaa jowaa mo juunŋo maa, gam o yanɗita, o wuura!»
24Yeesu yawtidi e Jayrusu, jama'aare ɗuunne tokki mo faa ɓee ɓilla mo.
25Debbo mo lefol mum ilata diga duuɓi sappo e ɗiɗi (12) e wonnoo caka maɓɓe. 26O toorake sanne der juuɗe nyawtooɓe ɗuuɓɓe faa jawdi makko heennyi, amma ɗum hoynay, sey ko ɓeydii. 27Den o nanani habaru Yeesu e batee, o naati caka jama'aare. O ƴiwi ɓawɓawre, o meemi toggoore Yeesu. 28Gam o miili der ɓerne makko o wi'i: «To mi meemii baa toggoore makko tan, mi yoofoto.» 29Ɗon maa ɗon ƴiiƴam haggii ilugo e makko, o maati no o yoofake. 30E wakkati on, Yeesu maati der mum no semme gom wurtake e mum, o yeeƴitii hakkune jama'aare, o wi'i: «Moy meemi toggoore am?» 31Aahiiɓe makko wi'i mo: «A yi'ii no jama'aare ɓilliri maa, go aa ƴama, moy meemu maa.»
32Amma o darii oo daarta meemuɗo mo. 33Go debbo on e diwna sabbu kulol gam oo anni ko waɗii der ɓannu makko, o wari o jiccii yeeso makko o bati mo gooŋa laaɓuka. 34Yeesu wi'i mo: «Ɓiyam debbo, goonɗinki maa nyawtii maa. Hootu e jam! A yoofake e nyaw maa!»
35Yeesu heennyay batugo, go woɓɓe ƴiwuɓe wuro Jayrusu, hooreejo waajorde wari, wi'i mo: «Suka maa on maayi, gam ume go aa ɓilla moodibbo kade?» 36Amma Yeesu waɗay ka haala maɓɓe, wi'i Jayrusu: «Taa hulu, goonɗin tan!»
37O accay goɗɗo yaada e makko to hinaa Piyer, e Yaakuuba, e Yuhaana, miiraawo Yaakuuba. 38Ɓe jottii wuro hooreejo waajorde, go Yeesu tawi ɗon himɓe e fiya buubuuraaji e simoo e wulla, e semme. 39No o naati, o wi'i ɓe: «Ume waɗi ko oon bulla, oon kalɓa? Suka on maayay, o ɗaani nun.»
40Ɓe jali mo jaleeɗe yawaaare. Den o wurtini ɓe ɓe fu, o naatidi e baaba suka on e inna mum e aahiiɓe tato ɓen suudu to suka on fukkii. 41O nanŋi juunŋo makko, o wi'i: «Talita kumi!» Ɗum wi'ay maa ɗon: «Suka debbo emi wi'ee: Umma!» 42Ɗon maa ɗon suka on ummii e yaha. Duuɓi makko waɗii sappo e ɗiɗi (12). Himɓe ɓen haaynaare nanŋi ɓe sanne. 43Yeesu waggini ɓe to ɓe annin ka goɗɗo. O wi'i ɓe kokka suka on nyaamdu.
Iliyochaguliwa sasa
Marku 5: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 5
5
Yeesu nyawtii mo ginnawol
(Matiye 8:28-34, Luka 8:26-39)
1Ɓe jottii fonŋo maayo, der leydi Gerasankeeɓe. 2No Yeesu wurtii laana diyam ɗon maa ɗon gooduɗo ginnawol kalluŋol wurtii diga der janaale, fotti e makko. 3Der janaale ɗen nun o wonnoo, goɗɗo waawataa ko haɓɓi mo, baa e callalluuri. 4De ɗuuɗɗum juuɗe makko e koyɗe makko, e tonŋano e callalluuji amma o taƴi ɗi ɗi fu. Walaa baawɗo ko haggi mo e semme. 5Wakkati fu, jemma e nyalooma, der janaale, e baalle nun o woni, oo huuɓa oo ƴaritoo e kaaƴe.
6No o hollirii Yeesu diga woɗɗi, o doggoy, o sujidani mo, 7o halɓi e semme, o wi'i: «Yeesu, Ɓiɗɗo Alla mo dow, ume jiɗuɗaa waɗugo am? Mi eelee e inne Alla, taa tooram!» 8O batii ka gam Yeesu wi'ii: «An ginnawol kalluŋol, wurta e makko.»
9Yeesu ƴami mo, wi'i:
«Noy bi'eteɗaa?»
O toontii, o wi'i:
«Min wi'etee ‹ujuneeje›,
gam emen ɗuuɗi.»
10O eeli Yeesu o eelitii to o riiwu ginnaaji ɗin ɗi burtoo diga e leydi nin.
11Foti wakkati mum, darne afaaji mawne gom e durannoo takkol waanne. 12Ginnaaji kalluɗi ɗin eeli Yeesu acca ɗi naata der afaaji ɗin.
13O nootanii ginnaaji kalluɗi ɗin. Go ɗi burtii, ɗi naati e afaaji ɗin. Darne nen fu dirtii diga dow waanne, ɗi jantoy der maayo, ɗi joolii. Ɗi gaɗii hande kanji ujune ɗiɗi (2 000).
14Den durooɓe doggi batoy der siire e gureeje mum. Himɓe wurtoy daarugo ko waɗi. 15No ɓe gari to Yeesu, ɓe ji'i ginnaajiijo on e jooɗii e ɓornii gineeji, hakkillo mum e fukkii, go kulol nanŋi ɓe. 16Tawaaɓe ɗon ko ɗum waɗii, fillanii ɓe ko tawi ginnaajiijo on e afaaji ɗin. 17Ɓe eeli Yeesu wurtoo e leydi maɓɓe.
18No o naatata laana diyam, ginnaajiijo on eeli mo gam tokka mo. 19Amma Yeesu nootanaaki mo, wi'i mo: «Hootu wuro maa to himɓe maa, bataa ɓe ko Joomiraawo waɗani maa e no o yurumori maa.»
20O yahi oo bata der leydi bi'eteeni Genniije sappo ko Yeesu waɗani mo. Go ɓe fu ɓe kayɗinii.
Yeesu nyawtii suka Jayrusu e debbo meemuɗo gineeji makko
(Matiye 9:18-26, Luka 8:40-56)
21No Yeesu naati laana diyam witti fonŋo maayo, jama'aare ɗuunne wari e howii mo kade fonŋo ɗon. 22Ɗon hooreejo suudu waajorde bi'eteeɗo Jayrusu wari, yi'i mo, jiccii yeeso makko, 23eeli mo, eelitii, wi'i: «Ɓiyam debbo yanɗaa, faanake maayugo. Mii eelee garaa jowaa mo juunŋo maa, gam o yanɗita, o wuura!»
24Yeesu yawtidi e Jayrusu, jama'aare ɗuunne tokki mo faa ɓee ɓilla mo.
25Debbo mo lefol mum ilata diga duuɓi sappo e ɗiɗi (12) e wonnoo caka maɓɓe. 26O toorake sanne der juuɗe nyawtooɓe ɗuuɓɓe faa jawdi makko heennyi, amma ɗum hoynay, sey ko ɓeydii. 27Den o nanani habaru Yeesu e batee, o naati caka jama'aare. O ƴiwi ɓawɓawre, o meemi toggoore Yeesu. 28Gam o miili der ɓerne makko o wi'i: «To mi meemii baa toggoore makko tan, mi yoofoto.» 29Ɗon maa ɗon ƴiiƴam haggii ilugo e makko, o maati no o yoofake. 30E wakkati on, Yeesu maati der mum no semme gom wurtake e mum, o yeeƴitii hakkune jama'aare, o wi'i: «Moy meemi toggoore am?» 31Aahiiɓe makko wi'i mo: «A yi'ii no jama'aare ɓilliri maa, go aa ƴama, moy meemu maa.»
32Amma o darii oo daarta meemuɗo mo. 33Go debbo on e diwna sabbu kulol gam oo anni ko waɗii der ɓannu makko, o wari o jiccii yeeso makko o bati mo gooŋa laaɓuka. 34Yeesu wi'i mo: «Ɓiyam debbo, goonɗinki maa nyawtii maa. Hootu e jam! A yoofake e nyaw maa!»
35Yeesu heennyay batugo, go woɓɓe ƴiwuɓe wuro Jayrusu, hooreejo waajorde wari, wi'i mo: «Suka maa on maayi, gam ume go aa ɓilla moodibbo kade?» 36Amma Yeesu waɗay ka haala maɓɓe, wi'i Jayrusu: «Taa hulu, goonɗin tan!»
37O accay goɗɗo yaada e makko to hinaa Piyer, e Yaakuuba, e Yuhaana, miiraawo Yaakuuba. 38Ɓe jottii wuro hooreejo waajorde, go Yeesu tawi ɗon himɓe e fiya buubuuraaji e simoo e wulla, e semme. 39No o naati, o wi'i ɓe: «Ume waɗi ko oon bulla, oon kalɓa? Suka on maayay, o ɗaani nun.»
40Ɓe jali mo jaleeɗe yawaaare. Den o wurtini ɓe ɓe fu, o naatidi e baaba suka on e inna mum e aahiiɓe tato ɓen suudu to suka on fukkii. 41O nanŋi juunŋo makko, o wi'i: «Talita kumi!» Ɗum wi'ay maa ɗon: «Suka debbo emi wi'ee: Umma!» 42Ɗon maa ɗon suka on ummii e yaha. Duuɓi makko waɗii sappo e ɗiɗi (12). Himɓe ɓen haaynaare nanŋi ɓe sanne. 43Yeesu waggini ɓe to ɓe annin ka goɗɗo. O wi'i ɓe kokka suka on nyaamdu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.