Marku 4
4
Ballool aawoowo
(Matiye 13:1-23, Luka 8:4-15)
1Yeesu e janŋina kade takkol maayo. Jama'aare ɗuunne wari e howii mo, gam sabbu ɗuuggo maɓɓe, o naati laana diyam, o jooɗii. Laana ŋan e woni der maayo, jama'aare fu e woni fonŋo. 2Oo janŋina ɓe kujje ɗuuɗɗe e ballaaji, oo wi'a ɓe: 3«Kettinee! Aawoowo gom nun wurti aawoygo. 4De o sankata aawdi makko, aawdi gonni yani e laawol. Pooli wari soppi ni. 5Gonni bo yani e kaaƴe to leydi ɗuuɗaa, fuɗi ɗon maa ɗon, gam leydi majjum luggaa. 6Amma no naaŋe ɓenni, ŋe wuli ni, ni yoori gam ni walaa ɗaɗi. 7Gonni kade yani to gi'e woni. Ni fuɗidi e majje, ɗe ommi ni, ni rimay. 8Gonni bo yani to leydi geeri, ni fuɗi, ni mawni, ni rimi sanne. Gonni rimi ɓikkon laso e sappo, gonni lasooji tati, gonni hewre.» 9Ɓaawo majjum, Yeesu wi'i: «Gooduɗo noppi gam nanugo fu nana!»
Ko acci Yeesu batiri e ballaaji
(Matiye 13:10-17, Luka 8:9-10)
10No Yeesu woni feere mum, tokkuɓe mo, e aahiiɓe makko sappo e ɗiɗo (12) ɓen ƴami mo maana ballool ŋol. 11O wi'i ɓe: «Onon, on kokkaama asiiri Laamaare Alla, amma ɓe yaasi, e ballaaji nun ɗum waranta ɓe. 12Gam
"baa ɓee daara, to ɓe ji'u,
baa to ɓee nana to ɓe paamu,
gam to ɓe tuubu, ɓe jaafee."»
Yeesu e faamina ballool aawoowo
(Matiye 13:18-23, Luka 8:11-15)
13Den Yeesu wi'i ɓe: «On paamay ballool ŋol na? Den noy paamirton ballaaji goɗɗi? 14Aawoowo on haala Alla nun aawata. 15Himɓe woɓɓe e nandi e laawol to haala kan yani: Ɓe nanan ka, den ɗon maa ɗon Seyɗan wara, sutta haala aawaaka e maɓɓe. 16Woɓɓe e nandi e kaaƴe to aawdi yani. Ɓe nanan haala kan, ɓe jaɓa ka law e belɗum ɓerne. 17Amma ka walaa ɗaɗi der maɓɓe, wakkati gooti tan ka wonata e maɓɓe. To ɓillaare tawii ɓe naa bo toora gam haala kan, ɓe bittira ɓawɓawre. 18Woɓɓe e nandi e nokkuure gi'e to aawdi nin yani, kamɓe woni nanuɓe haala kan, 19amma miilooji duuniyaaru, e yidde jawdi, e suuno heɓugo huune ɗuuɗɗum naata e maɓɓe, omma haala kan, ka laatoo dimara. 20Amma woɓɓe e nandi e aawdi januni e leydi geeri, kamɓe woni nanuɓe haala kan, jaɓi ka. Ɓe diman ɓikkon: Woɓɓe laso e sappo (30), woɓɓe lasooji tati (60), woɓɓe hewre (100).»
Ballool fitilla
(Luka 8:16-18)
21Ɓaawo majjum, Yeesu wi'i ɓe: «Moy jannata fitilla yaha omma ka e killaal naa bo o sorna ka ley banni? Joomum ɓilataa ka dow to fitilla ɓilletee na? 22Walaa ko suuɗi ko wurtintaake, walaa bo siirijum ko wurtintaake. 23Gooduɗo noppi gam nanugo fu nana!»
24O wi'i ɓe kade: «Kakkilee e ko nanoton! Etorde etirɗon, kayre nun etiranteɗon, on ɓeydante bo. 25Gam gooduɗo fu ɓeydante, amma mo woodaa, baa seɗɗa ko o woodi teetete.»
Ballool no aawdiiri fuɗirta
26O wi'i ɓe kade: «Laamaare Alla e nandi e goɗɗo aawuɗo aawdi e gesa mum. 27Oo ɗaani, naa bo oo fini, jemma e nyalooma, aawdi nin fuɗan, mawna, joomum annataa no ni mawnirta. 28Leydi e hoore mum fuɗinta ni, arande taw, ni waɗa ƴomme, den cammeeje, ɓaawo mum ni watta gite. 29To ko aawaa ɓennii, o rugga aawdi makko, gam wakkati mum yottake.»
Ballool ɓinŋel mutaadihi
(Matiye 13:31-35, Luka 13:18-19)
30Yeesu wi'i kade: «Ume nanditinirten e Laamaare Alla? E ballool ŋole paaminirten ne? 31Laamaare Alla e nandi e ɓinŋel mutaadihi. Ɓinŋel mutaadihi ɓuri aawdiiji leydi fu faanɗugo. 32Amma to ŋel aawaama, ŋel mawnan ŋel waɗan licce mawɗe, ŋel ɓura aawdiiji kara li'o fu mawnugo, faa pooli waɗa daɗɗa mum dow majje.»
33E ballaaji ɗuuɗɗi hande ɗii ɗon nun Yeesu waajorii himɓe haala Alla, jaka no ɓe baawirta faamugo. 34O waajoraaki goɗɗum to hinaa e ballaaji, amma de o horii kanko e aahiiɓe makko tan, oo faamina ɓe huune fu.
Yeesu deƴƴitinii hennu cattuŋol
(Matiye 8:18-27, Luka 8:22-25)
35Nyalaane nen, kiikiiɗe mum, Yeesu wi'i aahiiɓe mum: «En jolee fonŋo maayo far too.» 36Ɓe acci jama'aare, ɓe jawtini mo e laana diyam ŋa o woni e mum, laanaaje diyam goɗɗe bo e tokki ɓe. 37Ɗon nun hennu cattuŋol ummii, galmaaji diyam e fiya laana diyam ŋan, faa ŋa yiɗi hebbugo diyam. 38Yeesu e ɗaani ɓaawo laana diyam, oo wawlii wawlaare. Ɓe pinnini mo, ɓe bi'i: «Moodibbo, en kalkii, a faalaaka na?»
39O ummii, o falmi hennu ŋol, o wi'i: «Jeeɗa, o wi'i maayo bo, deƴƴu.» Hennu ŋol deƴƴi, deƴƴere mawne waɗi. 40Ɓaawo majjum, o wi'i ɓe: «Ume waɗi ko kuluɗon? Faa hanne on goonɗinay na?» 41Ɓe kuli kulol manŋol ɓe bi'ontiri: «Gorko iri moy nun oo ɗoo, faa hennu e maayo fu e ɗowtanoo mo?»
Iliyochaguliwa sasa
Marku 4: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 4
4
Ballool aawoowo
(Matiye 13:1-23, Luka 8:4-15)
1Yeesu e janŋina kade takkol maayo. Jama'aare ɗuunne wari e howii mo, gam sabbu ɗuuggo maɓɓe, o naati laana diyam, o jooɗii. Laana ŋan e woni der maayo, jama'aare fu e woni fonŋo. 2Oo janŋina ɓe kujje ɗuuɗɗe e ballaaji, oo wi'a ɓe: 3«Kettinee! Aawoowo gom nun wurti aawoygo. 4De o sankata aawdi makko, aawdi gonni yani e laawol. Pooli wari soppi ni. 5Gonni bo yani e kaaƴe to leydi ɗuuɗaa, fuɗi ɗon maa ɗon, gam leydi majjum luggaa. 6Amma no naaŋe ɓenni, ŋe wuli ni, ni yoori gam ni walaa ɗaɗi. 7Gonni kade yani to gi'e woni. Ni fuɗidi e majje, ɗe ommi ni, ni rimay. 8Gonni bo yani to leydi geeri, ni fuɗi, ni mawni, ni rimi sanne. Gonni rimi ɓikkon laso e sappo, gonni lasooji tati, gonni hewre.» 9Ɓaawo majjum, Yeesu wi'i: «Gooduɗo noppi gam nanugo fu nana!»
Ko acci Yeesu batiri e ballaaji
(Matiye 13:10-17, Luka 8:9-10)
10No Yeesu woni feere mum, tokkuɓe mo, e aahiiɓe makko sappo e ɗiɗo (12) ɓen ƴami mo maana ballool ŋol. 11O wi'i ɓe: «Onon, on kokkaama asiiri Laamaare Alla, amma ɓe yaasi, e ballaaji nun ɗum waranta ɓe. 12Gam
"baa ɓee daara, to ɓe ji'u,
baa to ɓee nana to ɓe paamu,
gam to ɓe tuubu, ɓe jaafee."»
Yeesu e faamina ballool aawoowo
(Matiye 13:18-23, Luka 8:11-15)
13Den Yeesu wi'i ɓe: «On paamay ballool ŋol na? Den noy paamirton ballaaji goɗɗi? 14Aawoowo on haala Alla nun aawata. 15Himɓe woɓɓe e nandi e laawol to haala kan yani: Ɓe nanan ka, den ɗon maa ɗon Seyɗan wara, sutta haala aawaaka e maɓɓe. 16Woɓɓe e nandi e kaaƴe to aawdi yani. Ɓe nanan haala kan, ɓe jaɓa ka law e belɗum ɓerne. 17Amma ka walaa ɗaɗi der maɓɓe, wakkati gooti tan ka wonata e maɓɓe. To ɓillaare tawii ɓe naa bo toora gam haala kan, ɓe bittira ɓawɓawre. 18Woɓɓe e nandi e nokkuure gi'e to aawdi nin yani, kamɓe woni nanuɓe haala kan, 19amma miilooji duuniyaaru, e yidde jawdi, e suuno heɓugo huune ɗuuɗɗum naata e maɓɓe, omma haala kan, ka laatoo dimara. 20Amma woɓɓe e nandi e aawdi januni e leydi geeri, kamɓe woni nanuɓe haala kan, jaɓi ka. Ɓe diman ɓikkon: Woɓɓe laso e sappo (30), woɓɓe lasooji tati (60), woɓɓe hewre (100).»
Ballool fitilla
(Luka 8:16-18)
21Ɓaawo majjum, Yeesu wi'i ɓe: «Moy jannata fitilla yaha omma ka e killaal naa bo o sorna ka ley banni? Joomum ɓilataa ka dow to fitilla ɓilletee na? 22Walaa ko suuɗi ko wurtintaake, walaa bo siirijum ko wurtintaake. 23Gooduɗo noppi gam nanugo fu nana!»
24O wi'i ɓe kade: «Kakkilee e ko nanoton! Etorde etirɗon, kayre nun etiranteɗon, on ɓeydante bo. 25Gam gooduɗo fu ɓeydante, amma mo woodaa, baa seɗɗa ko o woodi teetete.»
Ballool no aawdiiri fuɗirta
26O wi'i ɓe kade: «Laamaare Alla e nandi e goɗɗo aawuɗo aawdi e gesa mum. 27Oo ɗaani, naa bo oo fini, jemma e nyalooma, aawdi nin fuɗan, mawna, joomum annataa no ni mawnirta. 28Leydi e hoore mum fuɗinta ni, arande taw, ni waɗa ƴomme, den cammeeje, ɓaawo mum ni watta gite. 29To ko aawaa ɓennii, o rugga aawdi makko, gam wakkati mum yottake.»
Ballool ɓinŋel mutaadihi
(Matiye 13:31-35, Luka 13:18-19)
30Yeesu wi'i kade: «Ume nanditinirten e Laamaare Alla? E ballool ŋole paaminirten ne? 31Laamaare Alla e nandi e ɓinŋel mutaadihi. Ɓinŋel mutaadihi ɓuri aawdiiji leydi fu faanɗugo. 32Amma to ŋel aawaama, ŋel mawnan ŋel waɗan licce mawɗe, ŋel ɓura aawdiiji kara li'o fu mawnugo, faa pooli waɗa daɗɗa mum dow majje.»
33E ballaaji ɗuuɗɗi hande ɗii ɗon nun Yeesu waajorii himɓe haala Alla, jaka no ɓe baawirta faamugo. 34O waajoraaki goɗɗum to hinaa e ballaaji, amma de o horii kanko e aahiiɓe makko tan, oo faamina ɓe huune fu.
Yeesu deƴƴitinii hennu cattuŋol
(Matiye 8:18-27, Luka 8:22-25)
35Nyalaane nen, kiikiiɗe mum, Yeesu wi'i aahiiɓe mum: «En jolee fonŋo maayo far too.» 36Ɓe acci jama'aare, ɓe jawtini mo e laana diyam ŋa o woni e mum, laanaaje diyam goɗɗe bo e tokki ɓe. 37Ɗon nun hennu cattuŋol ummii, galmaaji diyam e fiya laana diyam ŋan, faa ŋa yiɗi hebbugo diyam. 38Yeesu e ɗaani ɓaawo laana diyam, oo wawlii wawlaare. Ɓe pinnini mo, ɓe bi'i: «Moodibbo, en kalkii, a faalaaka na?»
39O ummii, o falmi hennu ŋol, o wi'i: «Jeeɗa, o wi'i maayo bo, deƴƴu.» Hennu ŋol deƴƴi, deƴƴere mawne waɗi. 40Ɓaawo majjum, o wi'i ɓe: «Ume waɗi ko kuluɗon? Faa hanne on goonɗinay na?» 41Ɓe kuli kulol manŋol ɓe bi'ontiri: «Gorko iri moy nun oo ɗoo, faa hennu e maayo fu e ɗowtanoo mo?»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.