Marku 3
3
Yeesu nyawtii mo juunŋo waatuŋo
(Matiye 12:9-14, Luka 6:6-11)
1Yeesu naatii kade der suudu waajorde, o tawi ton gorko mo juunŋo mum waati. 2Himɓe wonnooɓe ɗon e watti hakkillo mum, e daara naa Yeesu nyawtan gorko on nyalaane siwteteene, gam ɓe keɓa no ɓe gaccorii mo. 3Yeesu wi'i mo juunŋo mum waati on: «Umma, dara caka maɓɓe!» 4Den, o ƴami ɓe, o wi'i: «*Tawreeta meeɗen hokkii laawol waɗugo ko wooɗi naa waɗugo ko halli der nyalaane siwteteene, daɗingo neɗɗo naa warugo mo?» Amma ɓe toontaaki. 5Yeesu daari ɓe e mone, yoorugo ko'e maɓɓe biisi ɓerne makko, o wi'i gorko on: «Fortu juunŋo maa!» O forti ŋo, ŋo yanɗiti. 6Ɗon maa ɗon, *Farisaaɓe wurtii diga suudu Alla, yahi dawridi e himɓe Eroodu gam ɓe daarta dabare no ɓe kalkirta Yeesu.
Himɓe ɗuuɓɓe e wara to Yeesu
(Matiye 12:15-16, Luka 6:17-19)
7Ɓaawo majjum, Yeesu ummii yawti diga ɗon, yahi maayo Galili, kanko e aahiiɓe makko, jama'aare ɗuunne ƴiwune Galili e Yahudiya e tokki mo. 8Himɓe ɗuuɓɓe, ƴiwoyɓe *Urusaliima, e Idumiya, e ci'e piilfitiiɗe Urudun e gureeje Tiri e Sidon, wari to makko, gam ɓe nanii ko o waɗunoo fu. 9Yeesu wi'i aahiiɓe mum e siriyanoo mo laana diyam gam jama'aare e ɓilla mo. 10O nyawtii ɗuuɓɓe, kan waɗi nyawɓe fu e yeeƴontira gam ɓe meema mo. 11Wakkati on to wooduɓe ginnaaji yi'i mo, jiccanto mo nun e bata e semme e wi'a: «An a laati nun Ɓii Alla!» 12Oo waggina ɗi sanne to ɗi batu moy nun o laatii.
Yeesu suɓii aahiiɓe sappo e ɗiɗo ɓe laatoo lilaaɓe makko
(Matiye 10:1-4, Luka 6:12-16)
13Ɓaawo majjum, o yawtiri dow waanne, o noddi ɓe o yiɗi, ɓe jahi to makko. 14O suɓi himɓe sappo e ɗiɗo (12), gam ɓe gonda e makko, o lila ɓe waajaago *Linjiila. 15O hokki ɓe baawɗe riiwugo ginnaaji. 16Nani ɗo inɗe sappo e ɗiɗo ɓe o suɓi: «Simon mo o innitiri Piyer, 17Yaakuuba e mum miiraawo Yuhaana, ɓiɓɓe Jebede ɓe o innitiri Bowanergesi, maana mum woni nanduɓe e riggaaŋo», 18Andere, e Filippu, e Bartelemi, e Matiye, e Toma, e Yaakuuba ɓii Alfee, e Taddee, e Simon tinniiɗo gam Alla. 19E Yahuuda Isikariyotu, jammiiɗo mo.
Himɓe Yeesu warii tefugo mo
(Matiye 12:22-32, Luka 11:14-23)
20Ɓaawo majjum o hooti wuro, go jama'aare hawti kade to makko faa kanko e aahiiɓe makko, ɓe keɓay no ɓe nyaamirta. 21No himɓe makko nani ka, ɓe gari tefugo mo ɓe koora mo gam ɓe bi'aama hakkillo makko sottake.
Yeesu e toontoo ka ɓe gaccorii mo
(Matiye 12:22-32, Luka 11:14-23, 12:10)
22Moodiɓɓe tawreeta ƴiwuɓe *Urusaliima wari e wi'a: «Beljebul nun woni e makko. E baawɗe Beljebul, mawɗo ginnaaji nun o riiwirta ginnaaji. Kanko woni hooreejo ginnaaji, waɗi oo riiwa ɗi.» 23Den Yeesu noddi ɓe ɓe gara, waɗani ɓe ballool, o wi'i: «Noy Seyɗan waawirta riiwugo Seyɗan? 24To laamu seennake e haɓida hoore mum, laamu ŋun wonataako. 25Non nun bo to wuro seennake e haɓida hoore mum, wuro ŋon wonataako. 26Hande nun bo, to Seyɗan seennake e haɓida hoore mum, o waawataa ko darii, baawɗe makko bo majjan.»
27Yeesu wi'i kade: «Goɗɗo waawataa ko naati wuro semmenteejo#3:27 Semmenteejo mo Yeesu batani ɗo, Seyɗan nun o wondanaa., ɓotta ko o woodi, to hinaa o arti o haɓɓi joomum taw, den to o haɓɓii mo, o waawan ɓottugo ko woni der wuro ŋon fu.
28Mii bata on e gooŋa, himɓe waawan ko heɓi yaafuye haalaaji mum kalluɗi ɗi ɓe bati dow Alla fu. 29Amma batuɗo kalluka dow Ruuhu Ceniiɗo heɓataa yaafuye sam, hakke ɗen wondan e joomum faa abada.»
30Yeesu batii ka gam ɓe bi'ii, oo woodi ginnawol.
Miiraaɓe Yeesu e inna mum
(Matiye 12:46-50, Luka 8:19-21)
31Den inna e miiraaɓe Yeesu wari, darii yaasi, lili o noddee. 32Tawi jama'aare ɗuunne e jooɗodii e makko e howii mo, go o wi'aa: «Inna maa e miiraaɓe maa na'on yaasi e nodde.» 33O toontii, o wi'i: «Moy woni inna am e miiraaɓe am?» 34O daari jooɗiiɓe e howii mo, o wi'i: «Inna am e miiraaɓe am nani ɗo. 35Gam gaɗoowo ko Alla yiɗi, kan woni miiraawo am e sakiike am e inna am.»
Iliyochaguliwa sasa
Marku 3: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 3
3
Yeesu nyawtii mo juunŋo waatuŋo
(Matiye 12:9-14, Luka 6:6-11)
1Yeesu naatii kade der suudu waajorde, o tawi ton gorko mo juunŋo mum waati. 2Himɓe wonnooɓe ɗon e watti hakkillo mum, e daara naa Yeesu nyawtan gorko on nyalaane siwteteene, gam ɓe keɓa no ɓe gaccorii mo. 3Yeesu wi'i mo juunŋo mum waati on: «Umma, dara caka maɓɓe!» 4Den, o ƴami ɓe, o wi'i: «*Tawreeta meeɗen hokkii laawol waɗugo ko wooɗi naa waɗugo ko halli der nyalaane siwteteene, daɗingo neɗɗo naa warugo mo?» Amma ɓe toontaaki. 5Yeesu daari ɓe e mone, yoorugo ko'e maɓɓe biisi ɓerne makko, o wi'i gorko on: «Fortu juunŋo maa!» O forti ŋo, ŋo yanɗiti. 6Ɗon maa ɗon, *Farisaaɓe wurtii diga suudu Alla, yahi dawridi e himɓe Eroodu gam ɓe daarta dabare no ɓe kalkirta Yeesu.
Himɓe ɗuuɓɓe e wara to Yeesu
(Matiye 12:15-16, Luka 6:17-19)
7Ɓaawo majjum, Yeesu ummii yawti diga ɗon, yahi maayo Galili, kanko e aahiiɓe makko, jama'aare ɗuunne ƴiwune Galili e Yahudiya e tokki mo. 8Himɓe ɗuuɓɓe, ƴiwoyɓe *Urusaliima, e Idumiya, e ci'e piilfitiiɗe Urudun e gureeje Tiri e Sidon, wari to makko, gam ɓe nanii ko o waɗunoo fu. 9Yeesu wi'i aahiiɓe mum e siriyanoo mo laana diyam gam jama'aare e ɓilla mo. 10O nyawtii ɗuuɓɓe, kan waɗi nyawɓe fu e yeeƴontira gam ɓe meema mo. 11Wakkati on to wooduɓe ginnaaji yi'i mo, jiccanto mo nun e bata e semme e wi'a: «An a laati nun Ɓii Alla!» 12Oo waggina ɗi sanne to ɗi batu moy nun o laatii.
Yeesu suɓii aahiiɓe sappo e ɗiɗo ɓe laatoo lilaaɓe makko
(Matiye 10:1-4, Luka 6:12-16)
13Ɓaawo majjum, o yawtiri dow waanne, o noddi ɓe o yiɗi, ɓe jahi to makko. 14O suɓi himɓe sappo e ɗiɗo (12), gam ɓe gonda e makko, o lila ɓe waajaago *Linjiila. 15O hokki ɓe baawɗe riiwugo ginnaaji. 16Nani ɗo inɗe sappo e ɗiɗo ɓe o suɓi: «Simon mo o innitiri Piyer, 17Yaakuuba e mum miiraawo Yuhaana, ɓiɓɓe Jebede ɓe o innitiri Bowanergesi, maana mum woni nanduɓe e riggaaŋo», 18Andere, e Filippu, e Bartelemi, e Matiye, e Toma, e Yaakuuba ɓii Alfee, e Taddee, e Simon tinniiɗo gam Alla. 19E Yahuuda Isikariyotu, jammiiɗo mo.
Himɓe Yeesu warii tefugo mo
(Matiye 12:22-32, Luka 11:14-23)
20Ɓaawo majjum o hooti wuro, go jama'aare hawti kade to makko faa kanko e aahiiɓe makko, ɓe keɓay no ɓe nyaamirta. 21No himɓe makko nani ka, ɓe gari tefugo mo ɓe koora mo gam ɓe bi'aama hakkillo makko sottake.
Yeesu e toontoo ka ɓe gaccorii mo
(Matiye 12:22-32, Luka 11:14-23, 12:10)
22Moodiɓɓe tawreeta ƴiwuɓe *Urusaliima wari e wi'a: «Beljebul nun woni e makko. E baawɗe Beljebul, mawɗo ginnaaji nun o riiwirta ginnaaji. Kanko woni hooreejo ginnaaji, waɗi oo riiwa ɗi.» 23Den Yeesu noddi ɓe ɓe gara, waɗani ɓe ballool, o wi'i: «Noy Seyɗan waawirta riiwugo Seyɗan? 24To laamu seennake e haɓida hoore mum, laamu ŋun wonataako. 25Non nun bo to wuro seennake e haɓida hoore mum, wuro ŋon wonataako. 26Hande nun bo, to Seyɗan seennake e haɓida hoore mum, o waawataa ko darii, baawɗe makko bo majjan.»
27Yeesu wi'i kade: «Goɗɗo waawataa ko naati wuro semmenteejo#3:27 Semmenteejo mo Yeesu batani ɗo, Seyɗan nun o wondanaa., ɓotta ko o woodi, to hinaa o arti o haɓɓi joomum taw, den to o haɓɓii mo, o waawan ɓottugo ko woni der wuro ŋon fu.
28Mii bata on e gooŋa, himɓe waawan ko heɓi yaafuye haalaaji mum kalluɗi ɗi ɓe bati dow Alla fu. 29Amma batuɗo kalluka dow Ruuhu Ceniiɗo heɓataa yaafuye sam, hakke ɗen wondan e joomum faa abada.»
30Yeesu batii ka gam ɓe bi'ii, oo woodi ginnawol.
Miiraaɓe Yeesu e inna mum
(Matiye 12:46-50, Luka 8:19-21)
31Den inna e miiraaɓe Yeesu wari, darii yaasi, lili o noddee. 32Tawi jama'aare ɗuunne e jooɗodii e makko e howii mo, go o wi'aa: «Inna maa e miiraaɓe maa na'on yaasi e nodde.» 33O toontii, o wi'i: «Moy woni inna am e miiraaɓe am?» 34O daari jooɗiiɓe e howii mo, o wi'i: «Inna am e miiraaɓe am nani ɗo. 35Gam gaɗoowo ko Alla yiɗi, kan woni miiraawo am e sakiike am e inna am.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.