Marku 2
2
Yeesu nyawtii moofo
(Matiye 9:1-8, Luka 5:17-26)
1Ɓaawo balɗe seɗɗa, Yeesu witti siire Kafarnahum. Himɓe nani o na'on wuro. 2Jama'aare ɗuunne hawti faa jayri horaaki e dammugal wuro ŋon, oo waajoo ɓe haala Alla. 3Himɓe wari, waddani mo moofo mo worɓe nayo roonii. 4Amma ɓe keɓay yottingo mo to Yeesu gam sabbu jama'aare. Kan waɗi ɓe juli dow huurde suudu, ɓe jippiniri mo diga yulande, ɓe pukkini mo dow daago. 5No Yeesu yi'i goonɗinki maɓɓe, wi'i moofo on: «Ɓinŋel am, hakkeeji maa yaafaama.»
6Moodiɓɓe tawreeta woɓɓe e wonnoo ɗon e jooɗii, ɓe bi'i der ɓerɗe maɓɓe: 7«Iri haala kaye gorko on batata ni? O batii kalluka! Moy waawata ko yaafii hakkeeji to hinaa Alla tan?» 8Ɗon maa ɗon Yeesu faami miilooji maɓɓe, wi'i ɓe: «Ume waɗi ko oon miijoo miilooji ga'uɗi nii der ɓerɗe mooɗon? 9Wi'ugo moofo on: "Hakkeeji maa yaafaama", e wi'ugo mo: "Umma, ettu daago maa jahaa", ume ɓuri hoyugo? 10Amma mi faaminan on no Ɓii neɗɗo e woodi baawɗe yaafaago hakkeeji der duuniyaaru.» Den o wi'i moofo on: 11«Mii wi'e, umma, ettu daago maa, hootu.» 12Ɗon maa ɗon gorko on ummii etti daago mum, hooti. Himɓe fu darii e daara mo, ɓe fu haaynaare nanŋi ɓe, ɓee jetta Alla, ɓee bi'a: «Men meeɗay ko yi'i hande ɗum ɗo abada.»
Yeesu noddii Leewi
(Matiye 9:9-13, Luka 5:27-32)
13Yeesu wurtii e foonnii maayo. Jama'aare fu tawoy mo ton, oo janŋina ɓe. 14Wakkati o yawtata, o yi'i Leewi ɓii Alfee e jooɗii der suudu gollirde jaɓooɓe ceede faada, o wi'i mo: «Tokkam!» Leewi ummii, tokki mo.
15Ɓaawo mum, Yeesu yahi e nyaama der suudu Leewi, jaɓooɓe ceede faada, e hakkeeɓe hande maɓɓe, wari e nyaamda e makko, e aahiiɓe makko. Gam himɓe ɗuuɓɓe e tokkunoo mo. 16Moodiɓɓe tawreeta e *Farisaaɓe yi'i Yeesu e nyaamda e jaɓooɓe ceede faada e hakkeeɓe, go ɓe ƴami aahiiɓe makko ɓe bi'i: «Ume waɗi ko moodibbo mooɗon e nyaamda e jaɓooɓe ceede faada, e hakkeeɓe?»
17No o nani ka, o wi'i ɓe: «Janɗuɗo haajaaka nyawtoowo, amma nyawɗo nun haajaa nyawtoowo. Mi waray noddugo foonnitiiɓe, amma noddugo hakkeeɓe nun waddimmi.»
Ƴanɗe dow haala suumaye
(Matiye 9:14-17, Luka 5:33-39)
18Aahiiɓe Yuhaana e *Farisaaɓe e suumii. Der makka, himɓe wari, ƴami Yeesu: «Non noy waɗi ko aahiiɓe Yuhaana e ɓe *Farisaaɓe e suumoo, amma ɓe maa kan suumataako?» 19O toontii ɓe, o wi'i: «Noddinaaɓe ɓangal waawan ko suumii to jommanjo gorko e wondi e maɓɓe na? Waɗataako. To jommanjo gorko e wondi e maɓɓe fu, ɓe baawataa ko salii nyaamugo. 20Amma nyalaane waraan de jommanjo gorko on ettetee yawtinee diga caka maɓɓe. Den ɓe cuumoyto.
21Walaa takkoowo lefol kesol e wudere hiinne, gam lefol kesol fooɗan wudere hiinne, den cerkol mayre yaajan sanne. 22Kade bo innabojam kesam loowataake der jollooji guri kiiɗɗi, to hinaa non, innabojam ɗam pusan ɗi, kanjam e jollooji ɗin fu, ɗum halkan de woore. Innabojam kesam der jollooji guri kesi nun loowetee.»
Joom nyalaane siwteteene
(Matiye 12:1-8, Luka 6:1-5)
23Nyalaane siwteteene gom, Yeesu e tokki der gese alkamaari, go aahiiɓe makko e wooca cammeeje e laawol. 24Go *Farisaaɓe wi'i mo: «Daaru, ume waɗi ko aahiiɓe maa e waɗa ko *tawreeta haɗi der nyalaane siwteteene?» 25O toontii ɓe, o wi'i: «E gooŋa on meeɗay ko janŋi ko Dawda waɗi no rafo waɗi mo, oo haajaa ko o nyaamata, kanko e himɓe makko na? 26O naatu nun der suudu Alla, e jaamanu hooreejo *liimaamiiɓe bi'eteeɗo Abiyataa, o nyaami peen cakkaako Alla, o hokki himɓe makko. Nani bo, *liimaamiiɓe tan nun woodi laawol nyaamugo iri peen koo ɗon.» 27Yeesu wi'i ɓe kade: «Nyalaane siwteteene waɗa nun gam neɗɗo, neɗɗo bane waɗaa gam nyalaane siwteteene. 28Gam mum, paamee no Ɓii neɗɗo nun woni joomiraawo nyalaane siwteteene.»
Iliyochaguliwa sasa
Marku 2: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 2
2
Yeesu nyawtii moofo
(Matiye 9:1-8, Luka 5:17-26)
1Ɓaawo balɗe seɗɗa, Yeesu witti siire Kafarnahum. Himɓe nani o na'on wuro. 2Jama'aare ɗuunne hawti faa jayri horaaki e dammugal wuro ŋon, oo waajoo ɓe haala Alla. 3Himɓe wari, waddani mo moofo mo worɓe nayo roonii. 4Amma ɓe keɓay yottingo mo to Yeesu gam sabbu jama'aare. Kan waɗi ɓe juli dow huurde suudu, ɓe jippiniri mo diga yulande, ɓe pukkini mo dow daago. 5No Yeesu yi'i goonɗinki maɓɓe, wi'i moofo on: «Ɓinŋel am, hakkeeji maa yaafaama.»
6Moodiɓɓe tawreeta woɓɓe e wonnoo ɗon e jooɗii, ɓe bi'i der ɓerɗe maɓɓe: 7«Iri haala kaye gorko on batata ni? O batii kalluka! Moy waawata ko yaafii hakkeeji to hinaa Alla tan?» 8Ɗon maa ɗon Yeesu faami miilooji maɓɓe, wi'i ɓe: «Ume waɗi ko oon miijoo miilooji ga'uɗi nii der ɓerɗe mooɗon? 9Wi'ugo moofo on: "Hakkeeji maa yaafaama", e wi'ugo mo: "Umma, ettu daago maa jahaa", ume ɓuri hoyugo? 10Amma mi faaminan on no Ɓii neɗɗo e woodi baawɗe yaafaago hakkeeji der duuniyaaru.» Den o wi'i moofo on: 11«Mii wi'e, umma, ettu daago maa, hootu.» 12Ɗon maa ɗon gorko on ummii etti daago mum, hooti. Himɓe fu darii e daara mo, ɓe fu haaynaare nanŋi ɓe, ɓee jetta Alla, ɓee bi'a: «Men meeɗay ko yi'i hande ɗum ɗo abada.»
Yeesu noddii Leewi
(Matiye 9:9-13, Luka 5:27-32)
13Yeesu wurtii e foonnii maayo. Jama'aare fu tawoy mo ton, oo janŋina ɓe. 14Wakkati o yawtata, o yi'i Leewi ɓii Alfee e jooɗii der suudu gollirde jaɓooɓe ceede faada, o wi'i mo: «Tokkam!» Leewi ummii, tokki mo.
15Ɓaawo mum, Yeesu yahi e nyaama der suudu Leewi, jaɓooɓe ceede faada, e hakkeeɓe hande maɓɓe, wari e nyaamda e makko, e aahiiɓe makko. Gam himɓe ɗuuɓɓe e tokkunoo mo. 16Moodiɓɓe tawreeta e *Farisaaɓe yi'i Yeesu e nyaamda e jaɓooɓe ceede faada e hakkeeɓe, go ɓe ƴami aahiiɓe makko ɓe bi'i: «Ume waɗi ko moodibbo mooɗon e nyaamda e jaɓooɓe ceede faada, e hakkeeɓe?»
17No o nani ka, o wi'i ɓe: «Janɗuɗo haajaaka nyawtoowo, amma nyawɗo nun haajaa nyawtoowo. Mi waray noddugo foonnitiiɓe, amma noddugo hakkeeɓe nun waddimmi.»
Ƴanɗe dow haala suumaye
(Matiye 9:14-17, Luka 5:33-39)
18Aahiiɓe Yuhaana e *Farisaaɓe e suumii. Der makka, himɓe wari, ƴami Yeesu: «Non noy waɗi ko aahiiɓe Yuhaana e ɓe *Farisaaɓe e suumoo, amma ɓe maa kan suumataako?» 19O toontii ɓe, o wi'i: «Noddinaaɓe ɓangal waawan ko suumii to jommanjo gorko e wondi e maɓɓe na? Waɗataako. To jommanjo gorko e wondi e maɓɓe fu, ɓe baawataa ko salii nyaamugo. 20Amma nyalaane waraan de jommanjo gorko on ettetee yawtinee diga caka maɓɓe. Den ɓe cuumoyto.
21Walaa takkoowo lefol kesol e wudere hiinne, gam lefol kesol fooɗan wudere hiinne, den cerkol mayre yaajan sanne. 22Kade bo innabojam kesam loowataake der jollooji guri kiiɗɗi, to hinaa non, innabojam ɗam pusan ɗi, kanjam e jollooji ɗin fu, ɗum halkan de woore. Innabojam kesam der jollooji guri kesi nun loowetee.»
Joom nyalaane siwteteene
(Matiye 12:1-8, Luka 6:1-5)
23Nyalaane siwteteene gom, Yeesu e tokki der gese alkamaari, go aahiiɓe makko e wooca cammeeje e laawol. 24Go *Farisaaɓe wi'i mo: «Daaru, ume waɗi ko aahiiɓe maa e waɗa ko *tawreeta haɗi der nyalaane siwteteene?» 25O toontii ɓe, o wi'i: «E gooŋa on meeɗay ko janŋi ko Dawda waɗi no rafo waɗi mo, oo haajaa ko o nyaamata, kanko e himɓe makko na? 26O naatu nun der suudu Alla, e jaamanu hooreejo *liimaamiiɓe bi'eteeɗo Abiyataa, o nyaami peen cakkaako Alla, o hokki himɓe makko. Nani bo, *liimaamiiɓe tan nun woodi laawol nyaamugo iri peen koo ɗon.» 27Yeesu wi'i ɓe kade: «Nyalaane siwteteene waɗa nun gam neɗɗo, neɗɗo bane waɗaa gam nyalaane siwteteene. 28Gam mum, paamee no Ɓii neɗɗo nun woni joomiraawo nyalaane siwteteene.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.