Marku 1
1
Waaju Yuhaana gaɗoowo batisi
(Matiye 3:1-12, Luka 3:1-18, Yuhaana 1:19-28)
1Nani ɗo no *linjiila Yeesu *Almasiihu, Ɓiɗɗo Alla fuɗɗiri. 2Winnaama e dewtere annabi Esaaya:
«Min Alla, mi ardinante lilaaɗo am moƴƴinanoowo maa laawol.
3Daane jagganiiɗo am e nanee der ladde yorne e wi'a:
"Moƴƴinee laawol gam Joomiraawo,
poonnitanee mo laabi!"»
4Lilaaɗo on woni Yuhaana gaɗoowo *batisi. O suppitake der ladde yorne, oo bata e daane towne, oo wi'a himɓe tuuba, waɗee *batisi gam hakkeeji mum yaafee. 5Himɓe leydi Yahudiya, e himɓe *Urusaliima fu wari, bati hakkeeji mum, tuubi. Yuhaana waɗi ɓe *batisi der gooruwol Urudun.
6Yuhaana, toggoore ne leeɓi jeeloobi nun ɓornii, oo haɓɓii ɓelɓelol gurol e funŋudu makko. Baɓatti e jumuri ladde nun o nyaamata. 7Oo waajoo e daane towne, oo wi'a: «Ɓuruɗo am baawɗe e wara ɓaawo am, mi fotay baa jimminaago mi firta ɓoggi paɗe makko. 8Min, e diyam gaɗiranmi on *batisi, amma kanko, to o warii, e Ruuhu Ceniiɗo o waɗirta on *batisi.»
No Yeesu waɗiraa batisi e no o jarboraa
(Matiye 3:13-17, 4:1-11, Luka 3:21-22, 4:1-13)
9Der balɗe ɗen Yeesu ƴiwi siire Nasaratu der leydi Galili, wari, Yuhaana waɗi mo *batisi der gooruwol Urudun. 10Wakkati o wurtoto diga der diyam, o yi'i kammu maɓɓitii, Ruuhu Ceniiɗo e jippoo dow makko hande tantabaraaru. 11Daane gom nanaa diga dow kammu, e wi'a: «An woni Ɓiɗɗo am jiɗaaɗo, mo belirmi ɓerne.»
12Ɗon maa ɗon Ruuhu yaari mo der ladde yorne. 13O waɗi ton balɗe lasoy ɗiɗi (40), Seyɗan e jarboo mo, oo wondi e tewuji ladde, malaykaaɓe e hiinnii mo.
Aahiiɓe Yeesu nayo arandeeɓe
(Matiye 4:12-22, Luka 4:14-15, 5:1-11)
14Ɓaawo no Yuhaana nanŋaa, Yeesu wari Galili oo waajoo *linjiila Alla. 15Oo wi'a: «Wakkati waɗii, Laamaare Alla ɓattake, accee hakkeeji mon, tuubee, goonɗinee *linjiila.»
16Yeesu yahi takkol maayo Galili, ɗon o yi'i Simon e miiraawo mum Andere e faɗɗa taaruwol mum der maayo, ɓe laati nun suuɓotooɓe liƴƴi. 17Yeesu wi'i ɓe: «Tokkee am, mi waɗan on suuɓotooɓe himɓe.» 18Ɗon maa ɗon ɓe acci taaruuji maɓɓe, ɓe tokki mo.
19O yahi yeeso seɗɗa, o yi'i Yaakuuba ɓii Jebede e miiraawo mum Yuhaana, kamɓe bo ɓee gonii der laana diyam, ɓee moƴƴina taaruuji maɓɓe. 20Ɗon maa ɗon o noddi ɓe. Ɓe acci baaba maɓɓe Jebede der laana diyam ŋan, e gollotooɓe maɓɓe, ɓe tokki mo.
Yeesu riiwii ginnawol
(Luka 4:31-37)
21Ɓaawo majjum, ɓe jahi siire Kafarnahum. Yeesu naati suudu waajorde e janŋina. Nyanne mum, laati nun nyalaane siwteteene. 22Tawaaɓe ɗon haaynaare nanŋi ɓe e janŋinol makko, gam o janŋinirii ɓe e baawɗe, hinaa hande no moodiɓɓe tawreeta janŋinirta.
23E wakkati majjum, gorko gooduɗo ginnawol naati e waajorde nen, bati e semme, 24o wi'i: «Yeesu mo Nasaratu, ume faalii maa e amen? A warii gam halkugo men na? Mii anni mo laatiɗaa, a laati nun Ceniiɗo, ƴiwuɗo to Alla!» 25Yeesu falmi ginnawol ŋol, wi'i: «Jeeɗa, wurta diga e makko!» 26Ginnawol ŋol dimmi gorko on e semme, halɓi, wurtii diga e makko. 27Jama'aare fu haaynaare nanŋi ne, e ƴamontira: «Ume nun ɗum ɗon? Janŋinol kesol nun. Oo umura e baawɗe baa e ginnaaji eɗi ɗowtanoo mo.» 28Ɗon maa ɗon habaru makko sankitii der leydi Galili fu.
Yeesu nyawtii nyawɓe ɗuuɓɓe
(Matiye 8:14-17, Luka 4:38-41)
29No Yeesu e aahiiɓe mum wurtii waajorde, ɓe jahi wuro Simon e Andere. Yaakuuba e Yuhaana yaadi e maɓɓe. 30Esiraawo Simon debbo yontere e fukkini mo. No Yeesu yottii, o batanaa mo. 31O ɓattii mo, o nanŋi juunŋo makko, o ummini mo. Ɗon maa ɗon o yoofii, yontere nen acci mo, o ummii oo jagganoo ɓe.
32No naaŋe yani, kiikiiɗe, himɓe waddani mo nyawɓe fu, e ɓe ginnaaji toorata. 33Siire nen fu hawriti e dammugal wuro ŋon. 34O nyawti nyawɓe ɗuuɓɓe, ɓe nyawuuji feere feere. O riiwi ginnaaji ɗuuɗɗi, o accay ɗi ɗi bata, gam ɗii anni mo o laatii.
Yeesu e waajoo der Galili
(Luka 4:42-44)
35Fini mum, Yeesu hujji diga subaka kecco, yahi nokkuure feere to goɗɗo walaa, oo waɗa du'aare. 36Simon e wonduɓe e mum yahi e daarta mo. 37No ɓe jiiti mo, ɓe bi'i mo: «Himɓe fu e daarte.» 38Yeesu wi'i ɓe: «En jahee der genniije ɓattiiɗe ɗo, mi waajoo ton bo, gam kanjum waddimmi.» 39O yahi der leydi Galili fu, oo waajoo der baajorɗe maɓɓe, oo riiwa ginnaaji.
Yeesu nyawtii mo ceppam
(Matiye 8:1-4, Luka 5:12-16)
40Gorko gom mo ceppam, wari, jiccii yeeso Yeesu, eeli mo, wi'i: «To aa yiɗi, a waawan ko nyawtimmi!» 41Yeesu yurumii mo, forti juunŋo mum, meemi mo, wi'i: «Mii yiɗi, nyawta!» 42Ɗon maa ɗon, ceppam acci gorko on, o nyawtii. 43Yeesu waynii mo, waggini mo, 44wi'i: «Hakkil, taa batu ka goɗɗo, yahu holloy hoore maa *liimaamiijo, gaɗaa sadaka ka Muusa wi'i on gaɗon, heɓa anninaa ɓe a yoofake.» 45Amma kanko, o yawti, o yahi oo sankita habaru ko o waɗanaa. Ɗum waɗi faa Yeesu waawataa naata genni gom himɓe e yi'a mo. O darii ladde, himɓe ƴiwi nokkuuje fu e wara to makko.
Iliyochaguliwa sasa
Marku 1: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 1
1
Waaju Yuhaana gaɗoowo batisi
(Matiye 3:1-12, Luka 3:1-18, Yuhaana 1:19-28)
1Nani ɗo no *linjiila Yeesu *Almasiihu, Ɓiɗɗo Alla fuɗɗiri. 2Winnaama e dewtere annabi Esaaya:
«Min Alla, mi ardinante lilaaɗo am moƴƴinanoowo maa laawol.
3Daane jagganiiɗo am e nanee der ladde yorne e wi'a:
"Moƴƴinee laawol gam Joomiraawo,
poonnitanee mo laabi!"»
4Lilaaɗo on woni Yuhaana gaɗoowo *batisi. O suppitake der ladde yorne, oo bata e daane towne, oo wi'a himɓe tuuba, waɗee *batisi gam hakkeeji mum yaafee. 5Himɓe leydi Yahudiya, e himɓe *Urusaliima fu wari, bati hakkeeji mum, tuubi. Yuhaana waɗi ɓe *batisi der gooruwol Urudun.
6Yuhaana, toggoore ne leeɓi jeeloobi nun ɓornii, oo haɓɓii ɓelɓelol gurol e funŋudu makko. Baɓatti e jumuri ladde nun o nyaamata. 7Oo waajoo e daane towne, oo wi'a: «Ɓuruɗo am baawɗe e wara ɓaawo am, mi fotay baa jimminaago mi firta ɓoggi paɗe makko. 8Min, e diyam gaɗiranmi on *batisi, amma kanko, to o warii, e Ruuhu Ceniiɗo o waɗirta on *batisi.»
No Yeesu waɗiraa batisi e no o jarboraa
(Matiye 3:13-17, 4:1-11, Luka 3:21-22, 4:1-13)
9Der balɗe ɗen Yeesu ƴiwi siire Nasaratu der leydi Galili, wari, Yuhaana waɗi mo *batisi der gooruwol Urudun. 10Wakkati o wurtoto diga der diyam, o yi'i kammu maɓɓitii, Ruuhu Ceniiɗo e jippoo dow makko hande tantabaraaru. 11Daane gom nanaa diga dow kammu, e wi'a: «An woni Ɓiɗɗo am jiɗaaɗo, mo belirmi ɓerne.»
12Ɗon maa ɗon Ruuhu yaari mo der ladde yorne. 13O waɗi ton balɗe lasoy ɗiɗi (40), Seyɗan e jarboo mo, oo wondi e tewuji ladde, malaykaaɓe e hiinnii mo.
Aahiiɓe Yeesu nayo arandeeɓe
(Matiye 4:12-22, Luka 4:14-15, 5:1-11)
14Ɓaawo no Yuhaana nanŋaa, Yeesu wari Galili oo waajoo *linjiila Alla. 15Oo wi'a: «Wakkati waɗii, Laamaare Alla ɓattake, accee hakkeeji mon, tuubee, goonɗinee *linjiila.»
16Yeesu yahi takkol maayo Galili, ɗon o yi'i Simon e miiraawo mum Andere e faɗɗa taaruwol mum der maayo, ɓe laati nun suuɓotooɓe liƴƴi. 17Yeesu wi'i ɓe: «Tokkee am, mi waɗan on suuɓotooɓe himɓe.» 18Ɗon maa ɗon ɓe acci taaruuji maɓɓe, ɓe tokki mo.
19O yahi yeeso seɗɗa, o yi'i Yaakuuba ɓii Jebede e miiraawo mum Yuhaana, kamɓe bo ɓee gonii der laana diyam, ɓee moƴƴina taaruuji maɓɓe. 20Ɗon maa ɗon o noddi ɓe. Ɓe acci baaba maɓɓe Jebede der laana diyam ŋan, e gollotooɓe maɓɓe, ɓe tokki mo.
Yeesu riiwii ginnawol
(Luka 4:31-37)
21Ɓaawo majjum, ɓe jahi siire Kafarnahum. Yeesu naati suudu waajorde e janŋina. Nyanne mum, laati nun nyalaane siwteteene. 22Tawaaɓe ɗon haaynaare nanŋi ɓe e janŋinol makko, gam o janŋinirii ɓe e baawɗe, hinaa hande no moodiɓɓe tawreeta janŋinirta.
23E wakkati majjum, gorko gooduɗo ginnawol naati e waajorde nen, bati e semme, 24o wi'i: «Yeesu mo Nasaratu, ume faalii maa e amen? A warii gam halkugo men na? Mii anni mo laatiɗaa, a laati nun Ceniiɗo, ƴiwuɗo to Alla!» 25Yeesu falmi ginnawol ŋol, wi'i: «Jeeɗa, wurta diga e makko!» 26Ginnawol ŋol dimmi gorko on e semme, halɓi, wurtii diga e makko. 27Jama'aare fu haaynaare nanŋi ne, e ƴamontira: «Ume nun ɗum ɗon? Janŋinol kesol nun. Oo umura e baawɗe baa e ginnaaji eɗi ɗowtanoo mo.» 28Ɗon maa ɗon habaru makko sankitii der leydi Galili fu.
Yeesu nyawtii nyawɓe ɗuuɓɓe
(Matiye 8:14-17, Luka 4:38-41)
29No Yeesu e aahiiɓe mum wurtii waajorde, ɓe jahi wuro Simon e Andere. Yaakuuba e Yuhaana yaadi e maɓɓe. 30Esiraawo Simon debbo yontere e fukkini mo. No Yeesu yottii, o batanaa mo. 31O ɓattii mo, o nanŋi juunŋo makko, o ummini mo. Ɗon maa ɗon o yoofii, yontere nen acci mo, o ummii oo jagganoo ɓe.
32No naaŋe yani, kiikiiɗe, himɓe waddani mo nyawɓe fu, e ɓe ginnaaji toorata. 33Siire nen fu hawriti e dammugal wuro ŋon. 34O nyawti nyawɓe ɗuuɓɓe, ɓe nyawuuji feere feere. O riiwi ginnaaji ɗuuɗɗi, o accay ɗi ɗi bata, gam ɗii anni mo o laatii.
Yeesu e waajoo der Galili
(Luka 4:42-44)
35Fini mum, Yeesu hujji diga subaka kecco, yahi nokkuure feere to goɗɗo walaa, oo waɗa du'aare. 36Simon e wonduɓe e mum yahi e daarta mo. 37No ɓe jiiti mo, ɓe bi'i mo: «Himɓe fu e daarte.» 38Yeesu wi'i ɓe: «En jahee der genniije ɓattiiɗe ɗo, mi waajoo ton bo, gam kanjum waddimmi.» 39O yahi der leydi Galili fu, oo waajoo der baajorɗe maɓɓe, oo riiwa ginnaaji.
Yeesu nyawtii mo ceppam
(Matiye 8:1-4, Luka 5:12-16)
40Gorko gom mo ceppam, wari, jiccii yeeso Yeesu, eeli mo, wi'i: «To aa yiɗi, a waawan ko nyawtimmi!» 41Yeesu yurumii mo, forti juunŋo mum, meemi mo, wi'i: «Mii yiɗi, nyawta!» 42Ɗon maa ɗon, ceppam acci gorko on, o nyawtii. 43Yeesu waynii mo, waggini mo, 44wi'i: «Hakkil, taa batu ka goɗɗo, yahu holloy hoore maa *liimaamiijo, gaɗaa sadaka ka Muusa wi'i on gaɗon, heɓa anninaa ɓe a yoofake.» 45Amma kanko, o yawti, o yahi oo sankita habaru ko o waɗanaa. Ɗum waɗi faa Yeesu waawataa naata genni gom himɓe e yi'a mo. O darii ladde, himɓe ƴiwi nokkuuje fu e wara to makko.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.