Marku 15
15
Yeesu yeeso Pilaatu
(Matiye 27:1-2,11-14, Luka 23:1-5, Yuhaana 18:28-38)
1Subaka kecco, *hooreeɓe liimaamiiɓe, e *dottiiɓe, e moodiɓɓe tawreeta, e *dawrooɓe fu, dawri. Ɓe kaɓɓi Yeesu, ɓe jaari mo ɓe kokkoy Pilaatu. 2Pilaatu ƴami mo wi'i: «An woni laamiiɗo *Yahuduuɓe na?» O toontii mo o wi'i: «Hande no bi'uɗaa.» 3*Hooreeɓe *liimaamiiɓe gaccorii mo kujje ɗuuɗɗe. 4Pilaatu ƴamitii mo kade wi'i: «A toontataako gokka na? A nanay ka ɓe gaccorte fu na?» 5Amma Yeesu toontaaki gokka, faa ɗum haaynii Pilaatu.
Yeesu hiitaama waree
(Matiye 27:15-26, Luka 23:13-25, Yuhaana 18:39–19:16)
6Der juulɗe *Paska fu, Pilaatu e woowi yoofugo maɓɓaaɗo gooto mo himɓe yiɗi. 7Gorko bi'eteeɗo Barabbasi hawtii e woɓɓe, ɓe ummini fitina ɓe bari goɗɗo. Ɓe nanŋaa ɓe maɓɓaa der kasu gam ko ɓe gaɗi. 8Jama'aare yahi to Pilaatu, ƴami mo o waɗana ɓe ko o woowi waɗango ɓe. 9O toontii ɓe, o wi'i: «Oon jiɗi mi yoofitana on laamiiɗo *Yahuduuɓe na?» 10Gam oo annii hooreeɓe *liimaamiiɓe waddanii mo Yeesu gam sabbu nawniraagu. 11Amma ɓe gaɗi jama'aare ƴama Pilaatu yoofitana ɓe Barabbasi. 12Pilaatu toontii kade, wi'i ɓe: «Den ume jiɗuɗon mi waɗana mo bi'oton laamiiɗo *Yahuduuɓe?» 13Ɓe boolitii e semme, ɓe bi'i: «Tiggu mo dow *leggal palaaŋal!» 14Pilaatu ƴami ɓe wi'i: «Ko boni ume o waɗi?» Ɓe ɓeydi woolo e semme ɓe bi'i: «Tiggu mo dow *leggal palaaŋal!» 15No Pilaatu e yiɗi welingo ɓerɗe jama'aare, o yoofitani ɓe Barabbasi. Ɓaawo majjum o wi'i Yeesu fiyee looci, o hokkitiri mo der juuɗe soogeeji gam tigga mo dow *leggal palaaŋal.
Soogeeji jaancii Yeesu
(Matiye 27:27-31, Yuhaana 19:2-3)
16Soogeeji yaari mo naannoy der fageere laamorde Pilaatu, ɓe kawriti soogeeji fu. 17Ɓe ɓornini mo gulunfaare woɗeere, ɓe canyi gi'e, ɓe baalontiri, ɓe kuunini mo hande meetalol. 18Ɓee canna mo, ɓee bi'a: «Alla woonnane, an laamiiɗo *Yahuduuɓe.» 19Ɓe piyi mo kewol dow hoore, ɓe tuuti mo joode, ɓe jiccii, ɓee cujidana mo. 20Ɓaawo no ɓe jaanci mo, ɓe ɓorti gulunfaare woɗeere nen, ɓe ɓornini mo gineeji makko, ɓe pooɗi mo, ɓe jaari yaasi ɓe tiggaa dow *leggal palaaŋal.
No Yeesu tiggiraa dow leggal palaaŋal
(Matiye 27:32-44, Luka 23:26-43, Yuhaana 19:17-27)
21E laawol ɓe potti e gorko gom bi'eteeɗo Simon, mo Sirene, baaba Alekisandire e Rufusi, e warta diga nokkun. Soogeeji dooli mo o wakkoo leggal Yeesu palaaŋal. 22Ɓe jaari Yeesu nokkuure wi'eteene Golgota. Maana Golgota woni: «Nokkuure laalagal hoore.» 23Ɓe gaddani mo innabojam jillontiraaɗam e miir gam o yara, amma o jaɓay. 24Ɓe tiggi mo dow *leggal palaaŋal, ɓe ceenniri gineeji makko e fiɗugo tete, gam ɓe anna ko moy fu heɓata#15:24 Jabuura 22:19. 25Wakkati ɓe tiggi mo, janni jeenay subaka nun. 26Ɓe binni dow alluwal daliila ko acci o tiggaa, ɓe takki dow hoore makko. Ko ɓe binni woni: «Oo ɗo woni, laamiiɗo *Yahuduuɓe.» 27Ɓe tiggidi mo e pasotooɓe ɗiɗo, gooto far to nyaamo makko, gooto far to nano makko. 28[Ɗum tabbitinii ko Binni ceniini wi'i: «O limtaama hakkune halluɓe.»]
29Waruɓe daarugo fu e dimma ko'e mum e yenna mo e wi'a: «An bi'unooɗo a pusan suudu Alla, mahitoɗaa ŋol der balɗe tati#15:29 Jabuura 22:8, 30faaba hoore maa, jippa diga *leggal palaaŋal ŋal!» 31Hande non nun, hooreeɓe *liimaamiiɓe, e moodiɓɓe tawreeta jaanciri mo, ɓee bi'ontira hakkune maɓɓe: «O faabake woɓɓe, amma o waaway ko faabii hoore makko! 32Ɓee bi'a, *Almasiihu, laamiiɗo Isira'iila jippoo jooni diga *leggal palaaŋal men ji'a, den men goonɗinan mo!» Pasotooɓe ɗiɗo ɓe o tiggidaa bo e yenna mo.
Maayde Yeesu
(Matiye 27:45-56, Luka 23:44-49)
33Caka nyalooma, niwre waɗi e leydi nin fu, faa yotti yanne tati kiikiiɗe. 34Wakkati yanne tati kiikiiɗe, Yeesu halɓi e semme, wi'i: «Eli, Eli, lama sabaktani#15:34 Jabuura 22:2 ?» Kan woni: «Alla am, Alla am, gam ume accuɗaa am?» 35Woɓɓe der dariiɓe ɗon no nani ɗum, wi'i: «Kettinee, oo nodda !» 36Den goɗɗo doggi, suuwi soosuuji der jaram lammuɗam, haɓɓi e sawru, ɓattini ɗam e hunnuko Yeesu gam o ɓiccinoo, den o wi'i: «Accee daaren naa Eliya waran jippina mo!» 37Yeesu halɓi e semme, maayi. 38Den wudere wirniraane der suudu Alla serkitii caka caka, diga dow faa ley. 39Hooreejo soogeeji dariiɗo yeeso makko yi'i no o maayiri, wi'i: «E gooŋa, oo ɗo laati nun Ɓii Alla!» 40Rewɓe woɓɓe e dariino e yurnoo. Mariyama mo Magadala, e Mariyama inna Yaakuuba pettel e Yosesi, e Salome na'on der maɓɓe. 41Ɓee tokkunoo mo ɓee gollanoo mo diga o wonnoo Galili. Rewɓe woɓɓe kade yaadunooɓe e makko faa *Urusaliima e wonnoo ɗon.
Uwol Yeesu
(Matiye 27:57-61, Luka 23:50-56, Yuhaana 19:38-42)
42Nyalaane nen, nyalaane siriyanaago nyalaane siwteteene nun. 43Kiikiiɗe mum, Yusufu mo Arimatiya wari, o laati nun mawɗo, tedduɗo caka dawriine *Yahuduuɓe, kanko bo oo heɗinoo garki Laamaare Alla. Kan waɗi o suusi o yahi to Pilaatu, o eeli o hokkee ɓannu Yeesu. 44Haaynaare nanŋi Pilaatu no o nani Yeesu maayi law, o noddi mawɗo soogeeji, o ƴami mo, o wi'i: O maayi koo? 45No mawɗo soogeeji bati mo Yeesu maayii, o nootanii Yusufu etta ɓannu ŋol. 46Yusufu yahi soodi wudere sannyiraane gaaraaji geeti, o jippini ɓannu Yeesu, o suddi mo ne, o yaari o fukkinoy der yanaane wasaane der hayre. Ɓaawo mum, o talliti hayre mawne, o maɓɓiri dammugal yanaane nen. 47Tawii Mariyama mo Magadala e Mariyama inna Yosesi e darii, e daara to Yeesu uwetee.
Iliyochaguliwa sasa
Marku 15: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 15
15
Yeesu yeeso Pilaatu
(Matiye 27:1-2,11-14, Luka 23:1-5, Yuhaana 18:28-38)
1Subaka kecco, *hooreeɓe liimaamiiɓe, e *dottiiɓe, e moodiɓɓe tawreeta, e *dawrooɓe fu, dawri. Ɓe kaɓɓi Yeesu, ɓe jaari mo ɓe kokkoy Pilaatu. 2Pilaatu ƴami mo wi'i: «An woni laamiiɗo *Yahuduuɓe na?» O toontii mo o wi'i: «Hande no bi'uɗaa.» 3*Hooreeɓe *liimaamiiɓe gaccorii mo kujje ɗuuɗɗe. 4Pilaatu ƴamitii mo kade wi'i: «A toontataako gokka na? A nanay ka ɓe gaccorte fu na?» 5Amma Yeesu toontaaki gokka, faa ɗum haaynii Pilaatu.
Yeesu hiitaama waree
(Matiye 27:15-26, Luka 23:13-25, Yuhaana 18:39–19:16)
6Der juulɗe *Paska fu, Pilaatu e woowi yoofugo maɓɓaaɗo gooto mo himɓe yiɗi. 7Gorko bi'eteeɗo Barabbasi hawtii e woɓɓe, ɓe ummini fitina ɓe bari goɗɗo. Ɓe nanŋaa ɓe maɓɓaa der kasu gam ko ɓe gaɗi. 8Jama'aare yahi to Pilaatu, ƴami mo o waɗana ɓe ko o woowi waɗango ɓe. 9O toontii ɓe, o wi'i: «Oon jiɗi mi yoofitana on laamiiɗo *Yahuduuɓe na?» 10Gam oo annii hooreeɓe *liimaamiiɓe waddanii mo Yeesu gam sabbu nawniraagu. 11Amma ɓe gaɗi jama'aare ƴama Pilaatu yoofitana ɓe Barabbasi. 12Pilaatu toontii kade, wi'i ɓe: «Den ume jiɗuɗon mi waɗana mo bi'oton laamiiɗo *Yahuduuɓe?» 13Ɓe boolitii e semme, ɓe bi'i: «Tiggu mo dow *leggal palaaŋal!» 14Pilaatu ƴami ɓe wi'i: «Ko boni ume o waɗi?» Ɓe ɓeydi woolo e semme ɓe bi'i: «Tiggu mo dow *leggal palaaŋal!» 15No Pilaatu e yiɗi welingo ɓerɗe jama'aare, o yoofitani ɓe Barabbasi. Ɓaawo majjum o wi'i Yeesu fiyee looci, o hokkitiri mo der juuɗe soogeeji gam tigga mo dow *leggal palaaŋal.
Soogeeji jaancii Yeesu
(Matiye 27:27-31, Yuhaana 19:2-3)
16Soogeeji yaari mo naannoy der fageere laamorde Pilaatu, ɓe kawriti soogeeji fu. 17Ɓe ɓornini mo gulunfaare woɗeere, ɓe canyi gi'e, ɓe baalontiri, ɓe kuunini mo hande meetalol. 18Ɓee canna mo, ɓee bi'a: «Alla woonnane, an laamiiɗo *Yahuduuɓe.» 19Ɓe piyi mo kewol dow hoore, ɓe tuuti mo joode, ɓe jiccii, ɓee cujidana mo. 20Ɓaawo no ɓe jaanci mo, ɓe ɓorti gulunfaare woɗeere nen, ɓe ɓornini mo gineeji makko, ɓe pooɗi mo, ɓe jaari yaasi ɓe tiggaa dow *leggal palaaŋal.
No Yeesu tiggiraa dow leggal palaaŋal
(Matiye 27:32-44, Luka 23:26-43, Yuhaana 19:17-27)
21E laawol ɓe potti e gorko gom bi'eteeɗo Simon, mo Sirene, baaba Alekisandire e Rufusi, e warta diga nokkun. Soogeeji dooli mo o wakkoo leggal Yeesu palaaŋal. 22Ɓe jaari Yeesu nokkuure wi'eteene Golgota. Maana Golgota woni: «Nokkuure laalagal hoore.» 23Ɓe gaddani mo innabojam jillontiraaɗam e miir gam o yara, amma o jaɓay. 24Ɓe tiggi mo dow *leggal palaaŋal, ɓe ceenniri gineeji makko e fiɗugo tete, gam ɓe anna ko moy fu heɓata#15:24 Jabuura 22:19. 25Wakkati ɓe tiggi mo, janni jeenay subaka nun. 26Ɓe binni dow alluwal daliila ko acci o tiggaa, ɓe takki dow hoore makko. Ko ɓe binni woni: «Oo ɗo woni, laamiiɗo *Yahuduuɓe.» 27Ɓe tiggidi mo e pasotooɓe ɗiɗo, gooto far to nyaamo makko, gooto far to nano makko. 28[Ɗum tabbitinii ko Binni ceniini wi'i: «O limtaama hakkune halluɓe.»]
29Waruɓe daarugo fu e dimma ko'e mum e yenna mo e wi'a: «An bi'unooɗo a pusan suudu Alla, mahitoɗaa ŋol der balɗe tati#15:29 Jabuura 22:8, 30faaba hoore maa, jippa diga *leggal palaaŋal ŋal!» 31Hande non nun, hooreeɓe *liimaamiiɓe, e moodiɓɓe tawreeta jaanciri mo, ɓee bi'ontira hakkune maɓɓe: «O faabake woɓɓe, amma o waaway ko faabii hoore makko! 32Ɓee bi'a, *Almasiihu, laamiiɗo Isira'iila jippoo jooni diga *leggal palaaŋal men ji'a, den men goonɗinan mo!» Pasotooɓe ɗiɗo ɓe o tiggidaa bo e yenna mo.
Maayde Yeesu
(Matiye 27:45-56, Luka 23:44-49)
33Caka nyalooma, niwre waɗi e leydi nin fu, faa yotti yanne tati kiikiiɗe. 34Wakkati yanne tati kiikiiɗe, Yeesu halɓi e semme, wi'i: «Eli, Eli, lama sabaktani#15:34 Jabuura 22:2 ?» Kan woni: «Alla am, Alla am, gam ume accuɗaa am?» 35Woɓɓe der dariiɓe ɗon no nani ɗum, wi'i: «Kettinee, oo nodda !» 36Den goɗɗo doggi, suuwi soosuuji der jaram lammuɗam, haɓɓi e sawru, ɓattini ɗam e hunnuko Yeesu gam o ɓiccinoo, den o wi'i: «Accee daaren naa Eliya waran jippina mo!» 37Yeesu halɓi e semme, maayi. 38Den wudere wirniraane der suudu Alla serkitii caka caka, diga dow faa ley. 39Hooreejo soogeeji dariiɗo yeeso makko yi'i no o maayiri, wi'i: «E gooŋa, oo ɗo laati nun Ɓii Alla!» 40Rewɓe woɓɓe e dariino e yurnoo. Mariyama mo Magadala, e Mariyama inna Yaakuuba pettel e Yosesi, e Salome na'on der maɓɓe. 41Ɓee tokkunoo mo ɓee gollanoo mo diga o wonnoo Galili. Rewɓe woɓɓe kade yaadunooɓe e makko faa *Urusaliima e wonnoo ɗon.
Uwol Yeesu
(Matiye 27:57-61, Luka 23:50-56, Yuhaana 19:38-42)
42Nyalaane nen, nyalaane siriyanaago nyalaane siwteteene nun. 43Kiikiiɗe mum, Yusufu mo Arimatiya wari, o laati nun mawɗo, tedduɗo caka dawriine *Yahuduuɓe, kanko bo oo heɗinoo garki Laamaare Alla. Kan waɗi o suusi o yahi to Pilaatu, o eeli o hokkee ɓannu Yeesu. 44Haaynaare nanŋi Pilaatu no o nani Yeesu maayi law, o noddi mawɗo soogeeji, o ƴami mo, o wi'i: O maayi koo? 45No mawɗo soogeeji bati mo Yeesu maayii, o nootanii Yusufu etta ɓannu ŋol. 46Yusufu yahi soodi wudere sannyiraane gaaraaji geeti, o jippini ɓannu Yeesu, o suddi mo ne, o yaari o fukkinoy der yanaane wasaane der hayre. Ɓaawo mum, o talliti hayre mawne, o maɓɓiri dammugal yanaane nen. 47Tawii Mariyama mo Magadala e Mariyama inna Yosesi e darii, e daara to Yeesu uwetee.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.