Marku 14
14
Dabare nanŋol Yeesu
(Matiye 26:1-5, Luka 22:1-2, Daaru bo Yuhaana 11:45-53)
1Balɗe ɗiɗi horii go juulɗe *Paska e juulɗe peen ko ƴuufinaaka yottoo. Hooreeɓe *liimaamiiɓe e moodiɓɓe tawreeta e daarta no ɓe nanŋirta Yeesu e cuuɗiiɗum. 2Amma ɓe bi'i: «To en gaɗu ɗum wakkati juulɗe, gam to himɓe ummin fitina.»
Debbo gom waanjii Yeesu wardi dow hoore
(Matiye 26:6-13, Yuhaana 12:1-8, Luka 7:36-50)
3No Yeesu wonnoo Baytaniya, wuro Simon ceccefo, o jooɗii oo nyaama. Ɗon nun debbo gom naati, e jogii faanu gaɗiraaŋol hayre albaatiri kebbuŋol wardi geetam, ɗam naardi, luuttoojam, ɗam ceede ɗuuɗɗe. Debbo on pusi daane faanu ŋol, waanji wardi ɗam dow hoore Yeesu. 4Woɓɓe ɓerni e wi'ontira hakkune mum: «Gam ume o biisi wardi ɗam hande ni? 5Ɗam waaweteno ko sippaa ko ɓuri ceede cardi keme tati, ceede ɗen hokkee talkaaɓe!» Ɓe darii ɓee boolana debbo on. 6Amma Yeesu wi'i ɓe: «Accee mo! Ume o waɗi ko oon boolana mo? Ko o waɗani am e wooɗi. 7Gam talkaaɓe e wondi e mooɗon baadey fu, de jiɗuɗon fu on baawan ko waɗani ɓe moƴƴere, min kan, mi wondataa e mooɗon baadey fu. 8O waɗii ko o waawi. O waanji am wardi go mi uwee. 9Mii bata on e gooŋa: to *linjiila waajetee e duuniyaaru nuu fu, ko debbo on waɗi batante, o siwtorte bo.»
Yahuuda e daarta laabi no jammortoo Yeesu
(Matiye 26:14-16, Luka 22:3-6)
10Yahuuda Isikariyotu, gooto der aahiiɓe sappo e ɗiɗo, yahi to hooreeɓe *liimaamiiɓe gam o watta Yeesu der juuɗe maɓɓe. 11No ɓe nani ka, ɓerɗe maɓɓe welii sanne, ɓe kaɓɓani mo alkawal ɓe kokkan mo ceede. Diga wakkati majjum oo daarta laawol no o jammotoo Yeesu.
Hiraane Paska
(Matiye 26:17-25, Luka 22:7-14)
12Nyalaane arandeere der juulɗe peen ko gattanaaka ƴuufinaaka, der ne ɓe boowunoo hiisugo jawdiiji *Paska, aahiiɓe Yeesu ƴami mo, wi'i: «Toy jiɗuɗaa men jaha men ciriyane hiraane juulɗe Paska?» 13Den o lili aahiiɓe makko ɗiɗo, o wi'i ɓe: «Jahee siire nee to, on pottan ton e gorko dooniiɗo faanu diyam, tokkee mo. 14Wuro ŋo o naati fu, bi'on joom wuro ŋon: "Moodibbo wi'ii toy suudu to o nyaamata hiraane juulɗe *Paska e aahiiɓe makko?" 15O hollan on suudu dowrowol manŋol, moƴƴinaaŋol faa wooɗi, ton ciriyotoɗon hiraane nen.»
16Aahiiɓe ɓen yahi, naati siire nen, ɓe tawi huune ɗum fu hande no Yeesu batiri ɓe, ton ɓe ciriyii hiraane *Paska.
17No hiirii, Yeesu e aahiiɓe mum sappo e ɗiɗo (12) yaadi ton. 18No ɓe jooɗii ɓee nyaama, Yeesu wi'i: «Mii bata on e gooŋa: Gooto mooɗon nyaamidoowo e am jammoto am#14:18 Jabuura 41:10.» 19Ɓerɗe aahiiɓe makko biisii sanne, ɓe darii ɓee ƴama mo gooto gooto, moy fu e wi'a: «Hinaa min bane?» 20O toontii ɓe, o wi'i: «Der onon sappo e ɗiɗo (12) ɓen, gooto mon, tummidoowo juunŋo mum e am der nyaamrude nun. 21E gooŋa Ɓii neɗɗo maayan hande no ɗum winniraa der dewte, amma bone tawan jammotooɗo Ɓii neɗɗo! To o rimaakano ɗum ɓurananno mo wooɗugo!»
Kirtaari ceniini
(Matiye 26:26-30, Luka 22:14-20, Korintu I 11:23-25)
22No ɓe nyaamata, Yeesu etti peen, yetti Alla, ŋappiti ŋa, hokki ɓe, wi'i: «Jaɓee, kanjum woni ɓannu am.» 23Ɓaawo majjum, o etti jarirgel innabojam, o yetti Alla, o hokki ɓe, ɓe fu ɓe jari. 24Den o wi'i ɓe: «Kanjum woni ƴiiƴam am, ƴiiƴam kaɓɓirteeɗam alkawal Alla kesal, reƴƴitintooɗam gam himɓe ɗuuɓɓe. 25Mii bata on e gooŋa: Mi yarataa innabojam kade faa nyalaane de jaranmi innabojam kesam der Laamaare Alla.» 26Ɓaawo ɓe jimi jimi jettooje ɓe keennyi, ɓe burtii, ɓe jahi waanne Jaytuuje.
Yeesu wi'ii Piyer yeddan mo
(Matiye 26:31-35, Luka 22:31-34, Yuhaana 13:36-38)
27Yeesu wi'i ɓe: «On fu on accan am, gam e winnaa e Dewtere: "Mi fiyan duroowo, mi wara mo, den baali sankitoo."» 28Amma Yeesu wi'i: «To mi fintii, mi yahan mi heɗoo on Galili.» 29Piyer wi'i mo: «Baa to horiiɓe fu woppii maa, min kan mi woppataa maa sam.» 30Yeesu wi'i mo: «Mii bate e gooŋa, jemmaare hanne, go jakaraari jogga de ɗiɗi a wi'an de tati a annaa am.» 31Piyer bati, tabbitini, wi'i: «Baa to doole nun mi maayida e maa, mi wi'ataa mi annaa maa sam.» Aahiiɓe ɓen fu wi'i hande nun.
Du'aare Yeesu der Gesemane
(Matiye 26:36-46, Luka 22:29-46)
32Ɓe jottii nokkuure wi'eteene Gesemane, o wi'i aahiiɓe makko: «Jooɗee ɗo, faa mi waɗaa du'aare.» 33O yaadi e Piyer e Yaakuuba e Yuhaana. O fuɗɗi maatugo kulol, o jiɓii. 34O wi'i ɓe: «Biisere ɓerne am mawnii sanne, faa e yiɗi warugo am. Gonee ɗo, to on ɗaane.» 35O yahi yeeso seɗɗa, o yani o hippii e leydi, o du'ii gam wakkatiire toora kan woɗɗodoo mo, to waɗoto. 36O wi'i: «Yaa Abba, baaba! Huune fu waɗoto e maa, woɗɗinanam jarirgel toora kaa ɗo, amma to ɗum laatoo hande no jiɗirmi min, sey no an jiɗirɗaa.»
37O wittoy, o tawi ɓe ɓee ɗaanii. O wi'i Piyer: «Simon, a ɗaani nun na? A waaway ko hiiri baa janni goori? 38To on ɗaane, du'ee gam to on naatee der jarbeeji. Ɓerne neɗɗo e yiɗi ɗowtaago, amma ɓannu e tampi.»
39O witti kade, o du'ii e boliiɗe goote ɗen. 40O wittoy, o tawi ɓe ɗaanitake, gam ɗoyŋol e jogii ɓe. Ɓe keɓay ka ɓe toontotoo mo. 41O wittoy de tatawre, o wi'i ɓe: «Faa jooni, oon ɗaanii, oon ciwtii? Heƴii nun! Wakkati warii! Ɓii neɗɗo wattete e juuɗe hakkeeɓe. 42Ummee jawten! Nani jammotooɗo am e wara.»
Nanŋoore Yeesu
(Matiye 26:47-56, Luka 22:47-53, Yuhaana 18:2-12)
43Yeesu heennyay batugo, go Yahuuda, gooto der aahiiɓe makko sappo e ɗiɗo (12) yottii e himɓe ɗuuɓɓe jogiiɓe kaafaaje e cabbi. Hooreeɓe *liimaamiiɓe, e moodiɓɓe tawreeta e *dottiiɓe nun lili ɓe. 44Jammotooɗo mo on tintiniino ɓe maane, wi'i: «Neɗɗo mo cannumi e mammilaaɗe fu, kanko woni joomum. Nanŋee mo, kawjoɗon mo jawtinon.» 45Yahuuda yottii, ɓattii mo, wi'i: «Moodibbo!» O mammilii mo, o sanni mo no wooɗi. 46Ɓe nanŋi mo ɓe jogii. 47Gooto der dariiɓe ɗon solti kaafahi mum, jabbi maccuɗo hooreejo liimaamiiɓe, setti nowru. 48Yeesu wi'i ɓe: «Min garuɗon nanŋugo e kaafaaje e cabbi hande pasotooɗo na? 49Mii wondi e mooɗon nyalaane fu der suudu Alla mii janŋina, on nanŋay am. Amma ɗum waɗii gam ko winnaa e dewte hebba.» 50Den aahiiɓe fu doggi woppi mo.
51Gojankeejo gom e waaninoo wudere tan, e tokki Yeesu, kanko bo ɓe nanŋi mo, 52o yoofiti wudere, o doggi funtu.
Yeesu yaaraama yeeso Dawrooɓe
(Matiye 26:57-58, Luka 22:54-55,63-71, Yuhaana 18:13-15)
53Ɓe jaari Yeesu to hooreejo *liimaamiiɓe, to hooreeɓe *liimaamiiɓe e *dottiiɓe, e moodiɓɓe tawreeta fu hawriti. 54Piyer e tokkini mo ɓaawo, faa o naati der fageere wuro hooreejo liimaamiiɓe. O jooɗodii e soogeeji deenuɗi wuro ŋon, oo aytinii yiite.
55Hooreeɓe *liimaamiiɓe, e *dawrooɓe fu e daarta seedotooɓe gacce Yeesu gam o waree, amma ɓe keɓay. 56Himɓe ɗuuɓɓe e seedanoo mo fewre, amma haala maɓɓe nanŋontiray. 57Woɓɓe ummii seedanii mo fewre, wi'i: 58«Men nanii o wi'i o pusan suudu Alla mahiraaŋol e juuɗe, den der balɗe tati, o mahitoo kesol ŋol mahiraaka e juuɗe.» 59Amma baa dow kaa ɗon, ɓe nannantiray. 60Hooreejo *liimaamiiɓe ummii darii hakkune jama'aare, ƴami Yeesu wi'i: «A toontataako gokka na? A nanay ka ɓe ceedotoo dow maa na?» 61Amma oo jeeɗi, o toontaaki gokka. Hooreejo *liimaamiiɓe on ƴamitii mo kade, wi'i: «An woni *Almasiihu Ɓiɗɗo Alla Barkiɗinaaɗo na?» 62Yeesu toontii mo, wi'i: «Ee, min woni kanko. On ji'an bo Ɓii neɗɗo e jooɗii nyaamo Joom baawɗe, on ji'an mo oo wara diga dow kammu der duule#14:62 Jabuura 110:1, Daniyel 7:13.» 63Den hooreejo *liimaamiiɓe serkiti toggoore mum, wi'i: «En kaajaaka seedeeɓe woɓɓe kade. 64On nanii kalluka ka o toontii. Ume ji'uɗon?» Ɓe fu ɓe bi'i, oo haani wareego. 65Woɓɓe maɓɓe fuɗɗi tuutugo mo joode, ɓe koomi yeeso makko, ɓee piya mo, ɓee bi'a: «Tinta, moy fiyu maa?» Go soogeeji e fiya mo meenye.
Piyer wi'i, annaa Yeesu
(Matiye 26:69-75, Luka 22:56-62, Yuhaana 18:15-18)
66Wakkati Piyer woni der fageere wuro ŋon, korɗo hooreejo *liimaamiiɓe yottii. 67No o yi'i Piyer e aytinii, o tiggi mo gite, o wi'i: «An bo, aa wondunoo e Yeesu mo Nasaratu.» 68Amma Piyer yeddi mo, wi'i: «Mi annaa, mi faamay bo ka batataa.» Ɓaawo majjum, Piyer yahi far dammugal wuro. Den jakaraari joggi. 69No korɗo on yi'itii mo, bati dariiɓe ɗon kade, wi'i: «Oo ɗo laati nun gooto maɓɓe!» 70Piyer yeddi kade. No ɓeydii seɗɗa dariiɓe ɗon wi'i Piyer: «Seko fu walaa, a laati nun gooto maɓɓe, gam a Galilinkeejo nun.» 71Amma Piyer fuɗɗi hunaago wi'i: «Alla hiito am to mi fewii. Mi annaa gorko mo batanton on sam!» 72Den jakaraari joggi de ɗiɗawre, Piyer siwtori ko Yeesu wi'unoo: «Go jakaraari jogga laabi ɗiɗi, a wi'an de tati a annaa am.» O darii oo wulla.
Iliyochaguliwa sasa
Marku 14: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 14
14
Dabare nanŋol Yeesu
(Matiye 26:1-5, Luka 22:1-2, Daaru bo Yuhaana 11:45-53)
1Balɗe ɗiɗi horii go juulɗe *Paska e juulɗe peen ko ƴuufinaaka yottoo. Hooreeɓe *liimaamiiɓe e moodiɓɓe tawreeta e daarta no ɓe nanŋirta Yeesu e cuuɗiiɗum. 2Amma ɓe bi'i: «To en gaɗu ɗum wakkati juulɗe, gam to himɓe ummin fitina.»
Debbo gom waanjii Yeesu wardi dow hoore
(Matiye 26:6-13, Yuhaana 12:1-8, Luka 7:36-50)
3No Yeesu wonnoo Baytaniya, wuro Simon ceccefo, o jooɗii oo nyaama. Ɗon nun debbo gom naati, e jogii faanu gaɗiraaŋol hayre albaatiri kebbuŋol wardi geetam, ɗam naardi, luuttoojam, ɗam ceede ɗuuɗɗe. Debbo on pusi daane faanu ŋol, waanji wardi ɗam dow hoore Yeesu. 4Woɓɓe ɓerni e wi'ontira hakkune mum: «Gam ume o biisi wardi ɗam hande ni? 5Ɗam waaweteno ko sippaa ko ɓuri ceede cardi keme tati, ceede ɗen hokkee talkaaɓe!» Ɓe darii ɓee boolana debbo on. 6Amma Yeesu wi'i ɓe: «Accee mo! Ume o waɗi ko oon boolana mo? Ko o waɗani am e wooɗi. 7Gam talkaaɓe e wondi e mooɗon baadey fu, de jiɗuɗon fu on baawan ko waɗani ɓe moƴƴere, min kan, mi wondataa e mooɗon baadey fu. 8O waɗii ko o waawi. O waanji am wardi go mi uwee. 9Mii bata on e gooŋa: to *linjiila waajetee e duuniyaaru nuu fu, ko debbo on waɗi batante, o siwtorte bo.»
Yahuuda e daarta laabi no jammortoo Yeesu
(Matiye 26:14-16, Luka 22:3-6)
10Yahuuda Isikariyotu, gooto der aahiiɓe sappo e ɗiɗo, yahi to hooreeɓe *liimaamiiɓe gam o watta Yeesu der juuɗe maɓɓe. 11No ɓe nani ka, ɓerɗe maɓɓe welii sanne, ɓe kaɓɓani mo alkawal ɓe kokkan mo ceede. Diga wakkati majjum oo daarta laawol no o jammotoo Yeesu.
Hiraane Paska
(Matiye 26:17-25, Luka 22:7-14)
12Nyalaane arandeere der juulɗe peen ko gattanaaka ƴuufinaaka, der ne ɓe boowunoo hiisugo jawdiiji *Paska, aahiiɓe Yeesu ƴami mo, wi'i: «Toy jiɗuɗaa men jaha men ciriyane hiraane juulɗe Paska?» 13Den o lili aahiiɓe makko ɗiɗo, o wi'i ɓe: «Jahee siire nee to, on pottan ton e gorko dooniiɗo faanu diyam, tokkee mo. 14Wuro ŋo o naati fu, bi'on joom wuro ŋon: "Moodibbo wi'ii toy suudu to o nyaamata hiraane juulɗe *Paska e aahiiɓe makko?" 15O hollan on suudu dowrowol manŋol, moƴƴinaaŋol faa wooɗi, ton ciriyotoɗon hiraane nen.»
16Aahiiɓe ɓen yahi, naati siire nen, ɓe tawi huune ɗum fu hande no Yeesu batiri ɓe, ton ɓe ciriyii hiraane *Paska.
17No hiirii, Yeesu e aahiiɓe mum sappo e ɗiɗo (12) yaadi ton. 18No ɓe jooɗii ɓee nyaama, Yeesu wi'i: «Mii bata on e gooŋa: Gooto mooɗon nyaamidoowo e am jammoto am#14:18 Jabuura 41:10.» 19Ɓerɗe aahiiɓe makko biisii sanne, ɓe darii ɓee ƴama mo gooto gooto, moy fu e wi'a: «Hinaa min bane?» 20O toontii ɓe, o wi'i: «Der onon sappo e ɗiɗo (12) ɓen, gooto mon, tummidoowo juunŋo mum e am der nyaamrude nun. 21E gooŋa Ɓii neɗɗo maayan hande no ɗum winniraa der dewte, amma bone tawan jammotooɗo Ɓii neɗɗo! To o rimaakano ɗum ɓurananno mo wooɗugo!»
Kirtaari ceniini
(Matiye 26:26-30, Luka 22:14-20, Korintu I 11:23-25)
22No ɓe nyaamata, Yeesu etti peen, yetti Alla, ŋappiti ŋa, hokki ɓe, wi'i: «Jaɓee, kanjum woni ɓannu am.» 23Ɓaawo majjum, o etti jarirgel innabojam, o yetti Alla, o hokki ɓe, ɓe fu ɓe jari. 24Den o wi'i ɓe: «Kanjum woni ƴiiƴam am, ƴiiƴam kaɓɓirteeɗam alkawal Alla kesal, reƴƴitintooɗam gam himɓe ɗuuɓɓe. 25Mii bata on e gooŋa: Mi yarataa innabojam kade faa nyalaane de jaranmi innabojam kesam der Laamaare Alla.» 26Ɓaawo ɓe jimi jimi jettooje ɓe keennyi, ɓe burtii, ɓe jahi waanne Jaytuuje.
Yeesu wi'ii Piyer yeddan mo
(Matiye 26:31-35, Luka 22:31-34, Yuhaana 13:36-38)
27Yeesu wi'i ɓe: «On fu on accan am, gam e winnaa e Dewtere: "Mi fiyan duroowo, mi wara mo, den baali sankitoo."» 28Amma Yeesu wi'i: «To mi fintii, mi yahan mi heɗoo on Galili.» 29Piyer wi'i mo: «Baa to horiiɓe fu woppii maa, min kan mi woppataa maa sam.» 30Yeesu wi'i mo: «Mii bate e gooŋa, jemmaare hanne, go jakaraari jogga de ɗiɗi a wi'an de tati a annaa am.» 31Piyer bati, tabbitini, wi'i: «Baa to doole nun mi maayida e maa, mi wi'ataa mi annaa maa sam.» Aahiiɓe ɓen fu wi'i hande nun.
Du'aare Yeesu der Gesemane
(Matiye 26:36-46, Luka 22:29-46)
32Ɓe jottii nokkuure wi'eteene Gesemane, o wi'i aahiiɓe makko: «Jooɗee ɗo, faa mi waɗaa du'aare.» 33O yaadi e Piyer e Yaakuuba e Yuhaana. O fuɗɗi maatugo kulol, o jiɓii. 34O wi'i ɓe: «Biisere ɓerne am mawnii sanne, faa e yiɗi warugo am. Gonee ɗo, to on ɗaane.» 35O yahi yeeso seɗɗa, o yani o hippii e leydi, o du'ii gam wakkatiire toora kan woɗɗodoo mo, to waɗoto. 36O wi'i: «Yaa Abba, baaba! Huune fu waɗoto e maa, woɗɗinanam jarirgel toora kaa ɗo, amma to ɗum laatoo hande no jiɗirmi min, sey no an jiɗirɗaa.»
37O wittoy, o tawi ɓe ɓee ɗaanii. O wi'i Piyer: «Simon, a ɗaani nun na? A waaway ko hiiri baa janni goori? 38To on ɗaane, du'ee gam to on naatee der jarbeeji. Ɓerne neɗɗo e yiɗi ɗowtaago, amma ɓannu e tampi.»
39O witti kade, o du'ii e boliiɗe goote ɗen. 40O wittoy, o tawi ɓe ɗaanitake, gam ɗoyŋol e jogii ɓe. Ɓe keɓay ka ɓe toontotoo mo. 41O wittoy de tatawre, o wi'i ɓe: «Faa jooni, oon ɗaanii, oon ciwtii? Heƴii nun! Wakkati warii! Ɓii neɗɗo wattete e juuɗe hakkeeɓe. 42Ummee jawten! Nani jammotooɗo am e wara.»
Nanŋoore Yeesu
(Matiye 26:47-56, Luka 22:47-53, Yuhaana 18:2-12)
43Yeesu heennyay batugo, go Yahuuda, gooto der aahiiɓe makko sappo e ɗiɗo (12) yottii e himɓe ɗuuɓɓe jogiiɓe kaafaaje e cabbi. Hooreeɓe *liimaamiiɓe, e moodiɓɓe tawreeta e *dottiiɓe nun lili ɓe. 44Jammotooɗo mo on tintiniino ɓe maane, wi'i: «Neɗɗo mo cannumi e mammilaaɗe fu, kanko woni joomum. Nanŋee mo, kawjoɗon mo jawtinon.» 45Yahuuda yottii, ɓattii mo, wi'i: «Moodibbo!» O mammilii mo, o sanni mo no wooɗi. 46Ɓe nanŋi mo ɓe jogii. 47Gooto der dariiɓe ɗon solti kaafahi mum, jabbi maccuɗo hooreejo liimaamiiɓe, setti nowru. 48Yeesu wi'i ɓe: «Min garuɗon nanŋugo e kaafaaje e cabbi hande pasotooɗo na? 49Mii wondi e mooɗon nyalaane fu der suudu Alla mii janŋina, on nanŋay am. Amma ɗum waɗii gam ko winnaa e dewte hebba.» 50Den aahiiɓe fu doggi woppi mo.
51Gojankeejo gom e waaninoo wudere tan, e tokki Yeesu, kanko bo ɓe nanŋi mo, 52o yoofiti wudere, o doggi funtu.
Yeesu yaaraama yeeso Dawrooɓe
(Matiye 26:57-58, Luka 22:54-55,63-71, Yuhaana 18:13-15)
53Ɓe jaari Yeesu to hooreejo *liimaamiiɓe, to hooreeɓe *liimaamiiɓe e *dottiiɓe, e moodiɓɓe tawreeta fu hawriti. 54Piyer e tokkini mo ɓaawo, faa o naati der fageere wuro hooreejo liimaamiiɓe. O jooɗodii e soogeeji deenuɗi wuro ŋon, oo aytinii yiite.
55Hooreeɓe *liimaamiiɓe, e *dawrooɓe fu e daarta seedotooɓe gacce Yeesu gam o waree, amma ɓe keɓay. 56Himɓe ɗuuɓɓe e seedanoo mo fewre, amma haala maɓɓe nanŋontiray. 57Woɓɓe ummii seedanii mo fewre, wi'i: 58«Men nanii o wi'i o pusan suudu Alla mahiraaŋol e juuɗe, den der balɗe tati, o mahitoo kesol ŋol mahiraaka e juuɗe.» 59Amma baa dow kaa ɗon, ɓe nannantiray. 60Hooreejo *liimaamiiɓe ummii darii hakkune jama'aare, ƴami Yeesu wi'i: «A toontataako gokka na? A nanay ka ɓe ceedotoo dow maa na?» 61Amma oo jeeɗi, o toontaaki gokka. Hooreejo *liimaamiiɓe on ƴamitii mo kade, wi'i: «An woni *Almasiihu Ɓiɗɗo Alla Barkiɗinaaɗo na?» 62Yeesu toontii mo, wi'i: «Ee, min woni kanko. On ji'an bo Ɓii neɗɗo e jooɗii nyaamo Joom baawɗe, on ji'an mo oo wara diga dow kammu der duule#14:62 Jabuura 110:1, Daniyel 7:13.» 63Den hooreejo *liimaamiiɓe serkiti toggoore mum, wi'i: «En kaajaaka seedeeɓe woɓɓe kade. 64On nanii kalluka ka o toontii. Ume ji'uɗon?» Ɓe fu ɓe bi'i, oo haani wareego. 65Woɓɓe maɓɓe fuɗɗi tuutugo mo joode, ɓe koomi yeeso makko, ɓee piya mo, ɓee bi'a: «Tinta, moy fiyu maa?» Go soogeeji e fiya mo meenye.
Piyer wi'i, annaa Yeesu
(Matiye 26:69-75, Luka 22:56-62, Yuhaana 18:15-18)
66Wakkati Piyer woni der fageere wuro ŋon, korɗo hooreejo *liimaamiiɓe yottii. 67No o yi'i Piyer e aytinii, o tiggi mo gite, o wi'i: «An bo, aa wondunoo e Yeesu mo Nasaratu.» 68Amma Piyer yeddi mo, wi'i: «Mi annaa, mi faamay bo ka batataa.» Ɓaawo majjum, Piyer yahi far dammugal wuro. Den jakaraari joggi. 69No korɗo on yi'itii mo, bati dariiɓe ɗon kade, wi'i: «Oo ɗo laati nun gooto maɓɓe!» 70Piyer yeddi kade. No ɓeydii seɗɗa dariiɓe ɗon wi'i Piyer: «Seko fu walaa, a laati nun gooto maɓɓe, gam a Galilinkeejo nun.» 71Amma Piyer fuɗɗi hunaago wi'i: «Alla hiito am to mi fewii. Mi annaa gorko mo batanton on sam!» 72Den jakaraari joggi de ɗiɗawre, Piyer siwtori ko Yeesu wi'unoo: «Go jakaraari jogga laabi ɗiɗi, a wi'an de tati a annaa am.» O darii oo wulla.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.