Marku 16
16
Yeesu fintii
(Matiye 28:1-8, Luka 24:1-12, Yuhaana 20:1-10)
1No nyalaane siwteteene yawti, Mariyama mo Magadala e Mariyama inna Yaakuuba e Salome, soodi nebbam luttoojam, gam ɓe jaha ɓe mooma ɓannu Yeesu. 2Nyanne alal, rewɓe ɓen wari to yanaane, diga subaka, wakkati naaŋe fuɗata. 3Wakkati ɓe gonii e laawol, ɓee bi'ontira: «Moy tallitanta en hayre nen diga e dammugal yanaane?» 4Amma no ɓe ɓanti gite, ɓe ji'i hayre mawne nen tallitaama. 5Wakkati ɓe naati der yanaane nen, ɓe ji'i gojankeejo gom e jooɗii far to wecco nyaamo, e ɓornii gineeji daneeji, ɓe kuli sanne. 6O wi'i ɓe: «To on kulee! Yeesu mo Nasaratu tigganooɗo mo daartoton on finti. O walaa ɗo. Nani ɗo nokkuure to o fukkinanoo. 7Jooni kan, jahee, bi'ee aahiiɓe makko, e Piyer o na'on heɗii on Galili, ton ji'oton mo, hande no o wi'unoo on.» 8Rewɓe ɓen wurti diga e yanaane, ɓe doggi, ɓee diwna gam sabbu kulol. Ɓe batay goɗɗo gokka gam sabbu kulol.
Yeesu suppitanake Mariyama mo Magadala
(Matiye 28:9-10, Yuhaana 20:11-18)
9Ɓaawo no Yeesu finti, nyanne alal subaka, Mariyama mo Magadala, mo o wurtini ginnaaji jeeɗiɗi e mum nun o arti o suppitanii. 10Go Mariyama on yahi batoy wondunooɓe e Yeesu, tawi ɓee cunaa, ɓee bulla. 11[No ɓe nani o fintii, Mariyama bo yi'ii mo, ɓe goonɗinay.]
Yeesu suppitanake Aahiiɓe mum ɗiɗo
(Luka 24:13-35)
12[Ɓaawo majjum, o suppitanake aahiiɓe makko ɗiɗo e ɓannu gonŋol no ɓe nanŋi laawol ɓee jaha siire gom. 13Kamɓe bo ɓe batoy horiiɓe, amma ɓee ɗon goonɗinay.]
Yeesu suppitanake Aahiiɓe mum sappo e go'o
(Matiye 28:16-20, Luka 24:36-49, Yuhaana 20:19-23, Golle Lilaaɓe 1:6-8)
14[Ɓaawo mum o hollitanake aahiiɓe sappo e go'o (11), to ɓe nyaamata, o wooltani ɓe gam sabbu dullere goonɗinki maɓɓe, e yoorugo ɓerɗe maɓɓe, gam ɓe jaɓay ka yi'uɓe mo seedii ɓaawo no o finti. 15Ɓaawo mum o wi'i ɓe: «Jahee der duuniyaaru fu, baajoɗon tagaaɗo fu *linjiila. 16Goonɗinɗo go waɗi *batisi fu hisan, mo goonɗinay fu, Alla hiitoto mo. 17Goonɗinɓe waɗan haaynaareeji ɗii ɗo: Ɓe diiwan ginnaaji e inne am, ɓe batan ɗelle kese, 18ɓe nanŋan bolle e juuɗe maɓɓe, baa to ɓe jarii tooke, goɗɗum waɗataa ɓe, ɓe jowanan nyawɓe juuɗe, ɓe joofoo.]»
Yeesu eencii to Alla
(Luka 24:50-53, Golle Lilaaɓe 1:9-11)
19[Ɓaawo no Yeesu Joomiraawo bati kaa ɗon heennyi, o eencinaa dow kammu, o jooɗii e nyaamo Alla. 20Amma aahiiɓe makko yahi e waajoo *linjiila nokku fu. Joomiraawo e wondi e maɓɓe, o hokkii ɓe baawɗe waɗugo haaynaareeji gam o tabbitina no waaju maɓɓe laati nun gooŋa.]
Iliyochaguliwa sasa
Marku 16: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 16
16
Yeesu fintii
(Matiye 28:1-8, Luka 24:1-12, Yuhaana 20:1-10)
1No nyalaane siwteteene yawti, Mariyama mo Magadala e Mariyama inna Yaakuuba e Salome, soodi nebbam luttoojam, gam ɓe jaha ɓe mooma ɓannu Yeesu. 2Nyanne alal, rewɓe ɓen wari to yanaane, diga subaka, wakkati naaŋe fuɗata. 3Wakkati ɓe gonii e laawol, ɓee bi'ontira: «Moy tallitanta en hayre nen diga e dammugal yanaane?» 4Amma no ɓe ɓanti gite, ɓe ji'i hayre mawne nen tallitaama. 5Wakkati ɓe naati der yanaane nen, ɓe ji'i gojankeejo gom e jooɗii far to wecco nyaamo, e ɓornii gineeji daneeji, ɓe kuli sanne. 6O wi'i ɓe: «To on kulee! Yeesu mo Nasaratu tigganooɗo mo daartoton on finti. O walaa ɗo. Nani ɗo nokkuure to o fukkinanoo. 7Jooni kan, jahee, bi'ee aahiiɓe makko, e Piyer o na'on heɗii on Galili, ton ji'oton mo, hande no o wi'unoo on.» 8Rewɓe ɓen wurti diga e yanaane, ɓe doggi, ɓee diwna gam sabbu kulol. Ɓe batay goɗɗo gokka gam sabbu kulol.
Yeesu suppitanake Mariyama mo Magadala
(Matiye 28:9-10, Yuhaana 20:11-18)
9Ɓaawo no Yeesu finti, nyanne alal subaka, Mariyama mo Magadala, mo o wurtini ginnaaji jeeɗiɗi e mum nun o arti o suppitanii. 10Go Mariyama on yahi batoy wondunooɓe e Yeesu, tawi ɓee cunaa, ɓee bulla. 11[No ɓe nani o fintii, Mariyama bo yi'ii mo, ɓe goonɗinay.]
Yeesu suppitanake Aahiiɓe mum ɗiɗo
(Luka 24:13-35)
12[Ɓaawo majjum, o suppitanake aahiiɓe makko ɗiɗo e ɓannu gonŋol no ɓe nanŋi laawol ɓee jaha siire gom. 13Kamɓe bo ɓe batoy horiiɓe, amma ɓee ɗon goonɗinay.]
Yeesu suppitanake Aahiiɓe mum sappo e go'o
(Matiye 28:16-20, Luka 24:36-49, Yuhaana 20:19-23, Golle Lilaaɓe 1:6-8)
14[Ɓaawo mum o hollitanake aahiiɓe sappo e go'o (11), to ɓe nyaamata, o wooltani ɓe gam sabbu dullere goonɗinki maɓɓe, e yoorugo ɓerɗe maɓɓe, gam ɓe jaɓay ka yi'uɓe mo seedii ɓaawo no o finti. 15Ɓaawo mum o wi'i ɓe: «Jahee der duuniyaaru fu, baajoɗon tagaaɗo fu *linjiila. 16Goonɗinɗo go waɗi *batisi fu hisan, mo goonɗinay fu, Alla hiitoto mo. 17Goonɗinɓe waɗan haaynaareeji ɗii ɗo: Ɓe diiwan ginnaaji e inne am, ɓe batan ɗelle kese, 18ɓe nanŋan bolle e juuɗe maɓɓe, baa to ɓe jarii tooke, goɗɗum waɗataa ɓe, ɓe jowanan nyawɓe juuɗe, ɓe joofoo.]»
Yeesu eencii to Alla
(Luka 24:50-53, Golle Lilaaɓe 1:9-11)
19[Ɓaawo no Yeesu Joomiraawo bati kaa ɗon heennyi, o eencinaa dow kammu, o jooɗii e nyaamo Alla. 20Amma aahiiɓe makko yahi e waajoo *linjiila nokku fu. Joomiraawo e wondi e maɓɓe, o hokkii ɓe baawɗe waɗugo haaynaareeji gam o tabbitina no waaju maɓɓe laati nun gooŋa.]
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.