Marku 13
13
Pusol suudu Alla e keennyol duuniyaaru
(Matiye 24:1-2, Luka 21:5-6)
1No Yeesu wurtii suudu Alla, aahiijo makko gooto wi'i mo: «Moodibbo, daaru no kaaƴe mahiraaɗe suudu Alla wooɗiri! Daaru no maadi maggol wooɗiri!» 2Yeesu toontii mo, wi'i: «Hande no ji'irɗaa maadi nin wa'i ɗon fu, hayre yowataako kade dow wonne, ɗum fu ɗum pusete.»
Tooraaji garooji go duuniyaaru heennya
(Matiye 24:3-14, Luka 21:7-19)
3Ɓaawo mum Yeesu yahi jooɗoy dow waanne Jaytuuje, oo daari suudu Alla. Piyer e Yaakuuba e Yuhaana e Andere yahi to makko kamɓe tan, ɓe ƴami mo, bi'i: 4«Batu men, dey ɗum waɗata, maane ney hollitinta no wakkati kujje ɗen fu faanake.» 5Yeesu wi'i ɓe: «Kakkilanee ko'e mon gam to goɗɗo majjin on. 6Himɓe ɗuuɓɓe wariran e inne am, ɓe bi'a kamɓe woni *Almasiihu. Ɓe majjinan ɗuuɓɓe. 7To on nananii habaru konuuji e rimmo konuuji e batanee, to on kulee, gam doole ɗum laatoo, amma timmoode duuniyaaru bane ɗon taw. 8Lenyol ummanto lenyol gonŋol, laamu ummanto laamu gonŋu, dimmaaɗe leydi e rafooji waɗan der nokkuuje goɗɗe. Ɗum ɗon fu laati nun hande fuɗɗoode ŋatawre.
9Kakkilanee ko'e mooɗon, gam himɓe nanŋan on yaara kiitorɗe, on piyete der baajorɗe. Ɓe jaaran on yeeso hooreeɓe e laamiiɓe gam sabbu am, on laatanto am seedeeɓe yeeso maɓɓe. 10Go ɗum ɗon waɗa, haani lenyi fu waajee taw linjiila. 11To ɓe nanŋii on ɓe jaarii yeeso hiitotooɓe, to on miijee ka batoton. To wakkati mum warii, on keɓan ka batuɗon. Gam onon bane batata, amma Ruuhu Ceniiɗo nun. 12Neɗɗo hokkitiran banniraawo mum gam o waree. Baabiraaɓe bo waɗanan ɓiɓɓe mum hande nun. Ɓiɓɓe bo ummanto baabiraaɓe mum, waɗa ɓe baree. 13Himɓe fu wanyan on gam sabbu am. Amma munyuɗo faa timmoode, hisan.»
Huune nyidduɗum
(Matiye 24:15-28, Luka 21:20-24)
14Yeesu wi'i kade: «To on ji'ii karmuɗum nyidduɗum e darii e nokkuure to haanay ɗum daroo, sey janŋoowo dewtere nen fu faama.» Den kan, tawaaɓe der Yahudiya fu, sey dogga eenca baalle#13:14 Daniyel 9:27, 11:31, 12:11, Der aayaare nee ɗo Yeesu batanii ko Daniyel batuno der annabaaku mum wi'i laamiiɗo gom naannan tooruure der suudu Alla. Annabaaku ŋun hebbii diga Yeesu rimaakano, hande majjum nun o wi'i waɗitinto kade.. 15Tawaaɗo dow suudu, to jippa etta goɗɗum der maggol. 16Tawaaɗo gese bo, to wittu wuro ettaa gulunfaare mum. 17Bone laatanto gaamɓe e musinteeɓe der nyalaaɗe ɗen! 18Eelee Alla gam to ɗum laatoo wakkati jaaŋol. 19Gam der nyalaaɗe ɗen ɓillaare mawne waɗan, ne hande mum meeɗay ko laatii diga fuɗɗoode, de Alla tagi duuniyaaru faa warugo jooni. Iri mayre bo laatataako faa abada. 20To Joomiraawo ɓuytayno nyalaaɗe ɗen, goɗɗo daɗataano, amma sabbu suɓaaɓe makko, o ɓuytii ɗe. 21E wakkati mum to goɗɗo wi'ii on: "*Almasiihu nani ɗo," naa bo: "o nani too," to on goonɗinee. 22Gam almasiihuuɓe fewrekuuɓe e *annabiiɓe fewrekuuɓe waran, ɓe gaɗa kaayeefiiji e haaynaareeji, ɓe majjina baa e suɓaaɓe, to waɗoto. 23Onon kakkilee gam mi batii on ka diga ɗum waray taw.
Garki Ɓii neɗɗo
(Matiye 24:29-31, Luka 21:25-28)
24«Amma der nyalaaɗe ɗen, ɓaawo ɓillaare nen, naaŋe niɓɓan, lewru accan yaynugo, 25koode kammu yanan, baawɗe gonuɗe dow kammu dimmoto#13:25 Esaaya 13:10, 34:4, Ejekiyel. 32:7, Yo'el 2:10, 3:4, 4:15. 26Den himɓe yi'an Ɓii neɗɗo e wara der duule e baawɗe mawɗe, e tedduŋal#13:26 Daniyel 7:13. 27O lilan malaykaaɓe makko ɓe kawrita suɓaaɓe makko fu diga becce leydi naay, diga haggoode duuniyaaru, faa haggoode kammu#13:27 Ekkitinooje 30:4, Nehemiya 1:9.»
28«Paamee ko ibbi ekkitinta. To licce makki e wilita e waɗa haakooji, oon anni no setto faanake. 29Hande nun, onon bo, to on ji'ii kujje ɗee ɗon e waɗa, annitee no Ɓii neɗɗo faanake warugo. 30Mii bata on e gooŋa, himɓe jaamanuuru nu jooni maayidintaa go huune ɗum ɗon fu laatoo. 31Kammu e leydi heennyan, amma haala am heennyataa abada.»
Alla tan anni nyalaane darŋal
(Matiye 24:36-44)
32«Amma nyalaane e wakkati majjum, goɗɗo annaa ɗum. Baa malaykaaɓe wonɓe dow kammu annaa, baa Ɓiɗɗo bo annaa. Walaa annuɗo ɗum sey Baaba tan. 33Deenee, kakkilon, gam on annaa wakkati de ɗum warata#13:33 dewte kiiɗɗe wi'ii: Deenee, kakkilon, du'oɗon. 34Eɗum nandi e gorko gom burtiiɗo wuro mum, waɗi jahaaŋal, accani gollooɓe mum wuro, hokki ɓe moy fu e golle mum, bati deenuɗo dammugal reena wuro ŋon. 35To non nun, deenee, gam on annaa de joom wuro wartata. Kiikiiɗe nun, caka jemma nun, naa bo wakkati jakaraari joggata nun? Naa bo subaka nun? On annaa! 36To o wartii e jahaaŋal wara o juha on, o tawa oon ɗaani! 37Ka batanmi on, himɓe fu nun batanmi ka: To on ɗaanee!»
Iliyochaguliwa sasa
Marku 13: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 13
13
Pusol suudu Alla e keennyol duuniyaaru
(Matiye 24:1-2, Luka 21:5-6)
1No Yeesu wurtii suudu Alla, aahiijo makko gooto wi'i mo: «Moodibbo, daaru no kaaƴe mahiraaɗe suudu Alla wooɗiri! Daaru no maadi maggol wooɗiri!» 2Yeesu toontii mo, wi'i: «Hande no ji'irɗaa maadi nin wa'i ɗon fu, hayre yowataako kade dow wonne, ɗum fu ɗum pusete.»
Tooraaji garooji go duuniyaaru heennya
(Matiye 24:3-14, Luka 21:7-19)
3Ɓaawo mum Yeesu yahi jooɗoy dow waanne Jaytuuje, oo daari suudu Alla. Piyer e Yaakuuba e Yuhaana e Andere yahi to makko kamɓe tan, ɓe ƴami mo, bi'i: 4«Batu men, dey ɗum waɗata, maane ney hollitinta no wakkati kujje ɗen fu faanake.» 5Yeesu wi'i ɓe: «Kakkilanee ko'e mon gam to goɗɗo majjin on. 6Himɓe ɗuuɓɓe wariran e inne am, ɓe bi'a kamɓe woni *Almasiihu. Ɓe majjinan ɗuuɓɓe. 7To on nananii habaru konuuji e rimmo konuuji e batanee, to on kulee, gam doole ɗum laatoo, amma timmoode duuniyaaru bane ɗon taw. 8Lenyol ummanto lenyol gonŋol, laamu ummanto laamu gonŋu, dimmaaɗe leydi e rafooji waɗan der nokkuuje goɗɗe. Ɗum ɗon fu laati nun hande fuɗɗoode ŋatawre.
9Kakkilanee ko'e mooɗon, gam himɓe nanŋan on yaara kiitorɗe, on piyete der baajorɗe. Ɓe jaaran on yeeso hooreeɓe e laamiiɓe gam sabbu am, on laatanto am seedeeɓe yeeso maɓɓe. 10Go ɗum ɗon waɗa, haani lenyi fu waajee taw linjiila. 11To ɓe nanŋii on ɓe jaarii yeeso hiitotooɓe, to on miijee ka batoton. To wakkati mum warii, on keɓan ka batuɗon. Gam onon bane batata, amma Ruuhu Ceniiɗo nun. 12Neɗɗo hokkitiran banniraawo mum gam o waree. Baabiraaɓe bo waɗanan ɓiɓɓe mum hande nun. Ɓiɓɓe bo ummanto baabiraaɓe mum, waɗa ɓe baree. 13Himɓe fu wanyan on gam sabbu am. Amma munyuɗo faa timmoode, hisan.»
Huune nyidduɗum
(Matiye 24:15-28, Luka 21:20-24)
14Yeesu wi'i kade: «To on ji'ii karmuɗum nyidduɗum e darii e nokkuure to haanay ɗum daroo, sey janŋoowo dewtere nen fu faama.» Den kan, tawaaɓe der Yahudiya fu, sey dogga eenca baalle#13:14 Daniyel 9:27, 11:31, 12:11, Der aayaare nee ɗo Yeesu batanii ko Daniyel batuno der annabaaku mum wi'i laamiiɗo gom naannan tooruure der suudu Alla. Annabaaku ŋun hebbii diga Yeesu rimaakano, hande majjum nun o wi'i waɗitinto kade.. 15Tawaaɗo dow suudu, to jippa etta goɗɗum der maggol. 16Tawaaɗo gese bo, to wittu wuro ettaa gulunfaare mum. 17Bone laatanto gaamɓe e musinteeɓe der nyalaaɗe ɗen! 18Eelee Alla gam to ɗum laatoo wakkati jaaŋol. 19Gam der nyalaaɗe ɗen ɓillaare mawne waɗan, ne hande mum meeɗay ko laatii diga fuɗɗoode, de Alla tagi duuniyaaru faa warugo jooni. Iri mayre bo laatataako faa abada. 20To Joomiraawo ɓuytayno nyalaaɗe ɗen, goɗɗo daɗataano, amma sabbu suɓaaɓe makko, o ɓuytii ɗe. 21E wakkati mum to goɗɗo wi'ii on: "*Almasiihu nani ɗo," naa bo: "o nani too," to on goonɗinee. 22Gam almasiihuuɓe fewrekuuɓe e *annabiiɓe fewrekuuɓe waran, ɓe gaɗa kaayeefiiji e haaynaareeji, ɓe majjina baa e suɓaaɓe, to waɗoto. 23Onon kakkilee gam mi batii on ka diga ɗum waray taw.
Garki Ɓii neɗɗo
(Matiye 24:29-31, Luka 21:25-28)
24«Amma der nyalaaɗe ɗen, ɓaawo ɓillaare nen, naaŋe niɓɓan, lewru accan yaynugo, 25koode kammu yanan, baawɗe gonuɗe dow kammu dimmoto#13:25 Esaaya 13:10, 34:4, Ejekiyel. 32:7, Yo'el 2:10, 3:4, 4:15. 26Den himɓe yi'an Ɓii neɗɗo e wara der duule e baawɗe mawɗe, e tedduŋal#13:26 Daniyel 7:13. 27O lilan malaykaaɓe makko ɓe kawrita suɓaaɓe makko fu diga becce leydi naay, diga haggoode duuniyaaru, faa haggoode kammu#13:27 Ekkitinooje 30:4, Nehemiya 1:9.»
28«Paamee ko ibbi ekkitinta. To licce makki e wilita e waɗa haakooji, oon anni no setto faanake. 29Hande nun, onon bo, to on ji'ii kujje ɗee ɗon e waɗa, annitee no Ɓii neɗɗo faanake warugo. 30Mii bata on e gooŋa, himɓe jaamanuuru nu jooni maayidintaa go huune ɗum ɗon fu laatoo. 31Kammu e leydi heennyan, amma haala am heennyataa abada.»
Alla tan anni nyalaane darŋal
(Matiye 24:36-44)
32«Amma nyalaane e wakkati majjum, goɗɗo annaa ɗum. Baa malaykaaɓe wonɓe dow kammu annaa, baa Ɓiɗɗo bo annaa. Walaa annuɗo ɗum sey Baaba tan. 33Deenee, kakkilon, gam on annaa wakkati de ɗum warata#13:33 dewte kiiɗɗe wi'ii: Deenee, kakkilon, du'oɗon. 34Eɗum nandi e gorko gom burtiiɗo wuro mum, waɗi jahaaŋal, accani gollooɓe mum wuro, hokki ɓe moy fu e golle mum, bati deenuɗo dammugal reena wuro ŋon. 35To non nun, deenee, gam on annaa de joom wuro wartata. Kiikiiɗe nun, caka jemma nun, naa bo wakkati jakaraari joggata nun? Naa bo subaka nun? On annaa! 36To o wartii e jahaaŋal wara o juha on, o tawa oon ɗaani! 37Ka batanmi on, himɓe fu nun batanmi ka: To on ɗaanee!»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.