Marku 12
12
Ballool dow remooɓe innabooje
(Matiye 21:33-46, Luka 20:9-19)
1Ɓaawo mum Yeesu fuɗɗi baddugo e maɓɓe e ballaaji, o wi'i: «Neɗɗo gom nun tiggi gesa innabooje mum. O waɗi kowaagol kara, o fiiltini ŋa. O wasi gayka to ɓiɓɓe innabooje ɓiɗɗetee, o mahi suudu towuŋol deenirgol der gesa ŋan. Ɓaawo mum, o accani ŋa gollotooɓe makko ɓe gaɗi haya, den o waɗi jahaaŋal. 2No ɓiɓɓe innabooje ɗen ɓenni, o lili golloowo makko to remooɓe ɓen, o jaɓanaa mo geɗal makko der ɓiɓɓe innabooje ɗen. 3Amma remooɓe ɓen nanŋi lilaaɗo on, ɓe piyi mo, o witti juuɗe baanji. 4Joom gesa on lili golloowo mum goɗɗo to maɓɓe, ɓe piyi mo kanko bo, ɓe nawni mo dow hoore, ɓe jenni mo jennooje bonɗe. 5O lilitii kade golloowo makko tataɓo to maɓɓe, ɓe bari oo ɗon. Non nun ɓe gaɗani woɓɓe ɗuuɓɓe. Ɓe piyi woɓɓe, ɓe bari woɓɓe. 6Jooni kan, gooto tan o hororii, ɓiɗɗo makko jiɗaaɗo. Kanko o sakitii lilugo to maɓɓe, o wi'i: "Ɓe teddinan ɓiyam kan." 7Amma gollooɓe ɓen wi'ontiri hakkune mum: "Nani ɗo donoowo gesa ŋan, garee baren mo, donen gesa ŋan!" 8Ɓe nanŋi ɓiɗɗo on, ɓe bari mo, ɓe daasi mo ɓe burtini gesa ŋan.»
9Jooni noo, noy joom gesa on waɗata? O waran, o halka gollooɓe ɓen, o halfina gesa ŋan woɓɓe. 10On janŋay ko winnaa der Binni Ceniini na?
"Hayre ne mahooɓe woppi,
kayre heennyi laatii jogiine maadi#12:10-11 Jabuura 118:22-23..
11Kanjum woni golle Joomiraawo,
kaayniiɗe e gite meeɗen!"
12Hooreeɓe *Yahuduuɓe ɓen yiɗii nanŋugo Yeesu, gam ɓe paamii kamɓe nun o waɗani ballool ŋol. Amma ɓe kulii jama'aare, gam mum ɓe acci mo, ɓe dilli.
Yoɓugo ceede faada
(Matiye 22:15-22, Luka 20:20-26)
13Ɓe lili *Farisaaɓe woɓɓe mum, e himɓe Eroodu woɓɓe mum to Yeesu, gam ɓe nanŋira mo e haala makko. 14Ɓe gari, ɓe bi'i mo: «Moodibbo, emen anni aa gooŋaajo. A hulataa gite goɗɗo, gam a ɓurontirtaa himɓe, aa janŋina laawol Alla e gooŋa. Batu men, e haani men joɓa laamiiɗo Roma ceede faada naa haanay? Men joɓa naa to men joɓu?»
15Nani Yeesu e anni munaafitaare maɓɓe, o wi'i ɓe: «Ume waɗi ko oon tunnanammi pittol? Gaddanee am ceede ɗen mi yi'a.» 16Ɓe gaddani mo ɗe. O ƴami ɓe, o wi'i: «Foto moy e inne moy woni ɗo?» Ɓe bi'i mo: «Laamiiɗo Roma nun.» 17O toontii ɓe, o wi'i: «Den kan, kokkee laamiiɗo Roma ko laatanii mo, kokkon Alla bo ko laatanii Alla.» Haaynaare makko waɗi ɓe sanne.
Ƴanɗe dow pintol maayɓe
(Matiye 22:23-33, Luka 20:27-40)
18*Sadukiiɓe wi'ooɓe maayɓe fintata, wari to Yeesu, ɓe ƴami mo, ɓe bi'i: 19«Moodibbo, Muusa wi'i, to goɗɗo maayii rimay sukaaɓe, minyiiko naatta debbo makko gam heɓana mo on lenyol. 20Ɗum waɗiino e woɓɓe rimdaaɓe jeeɗiɗo. Arano ɓaŋi debbo, maayi, ɓe dimday suka. 21Ɗiɗaɓo naatti debbo on, kanun bo maayi ɓe dimday suka. Tataɓo bo waɗi hande nun. 22Non nun ɓe fu jeeɗiɗo o rimanay goɗɗo maɓɓe suka. Ɓaawo maɓɓe ɓe fu, debbo on bo maayi. 23Den, nyalaane pintol, to ɓe fu ɓe pintii, moy e maɓɓe o laatoyto debbo muuɗum? Gam ɓe fu jeeɗiɗo ɓe koowiino mo!» 24Yeesu toontii ɓe, wi'i: «Hey, on majjii! Gam on paamay Dewte, on paamay baawɗe Alla bo. 25Gam to maayunooɓe fintii, worɓe e rewɓe ɓaŋontirtaa, ɓe laatoto hande malaykaaɓe wonɓe dow kammu. 26Dow pintol maayɓe, on janŋay e Dewtere dow haala nyoomere jaɓoore yiite, no Alla baddiri e Muusa wi'i: "Min woni Alla Iburaahiima, Alla Isiyaaku, Alla Yaakuubu na#12:26 Wurtaago 3:6, 15-16, 12:26.?" 27Alla laati nun Alla wuuruɓe, o laataaki Alla maayɓe. On majjii sanne.»
Ooda ɓuruka manŋu
(Matiye 22:34-40, Luka 10:25-37)
28Moodibbo tawreeta gom nani no Yeesu toontorii *Sadukiiɓe dow jeddi maɓɓe, o ɓattii Yeesu o ƴami mo: «Ooda kay nun ɓuri manŋu?» 29Yeesu toontii mo wi'i: «Ooda ɓuruka manŋu nani: "Kettinee, onon himɓe Isira'iila, Alla Joomiraawo meeɗen tan woni Joomiraawo. 30Yiɗu Alla Joomiraawo maa, e ɓerne maa fu, e yonki maa fu, e hakkillo maa fu, e semme maa fu#12:30 Ekkitinooje 6:45. ." 31Ɗiɗaɓa makka nani, kanka woni: "Jiɗaa banniraawo maa hande no jiɗirɗaa hoore maa." Walaa fu ooda ɓuruka oodaaji ɗiɗi ɗii ɗon manŋu#12:31 Sariyaaji juulde 19:18. .» 32Moodibbo tawreeta on wi'i: «Moodibbo! Haala maa e wooɗi, a batii gooŋa no bi'uɗaa Alla tan woni Joomiraawo, kade bo Alla goɗɗo walaa to hinaa kanko. 33Yiɗugo Alla e ɓerne mum fu, e hakkillo mum fu, e semme fu, e yiɗugo banniraawo mum hande hoore mum, kanjum ɓuri sadakaaji buuɗeteeɗi e kiiseteeɗi fu.» 34No Yeesu yi'i o batirii e hakkillo, wi'i mo: «A woɗɗidaa Laamaare Alla.» Ɓaawo majjum goɗɗo suusay ƴamugo Yeesu ƴanɗe.
Almasiihu, Ɓiɗɗo moy nun?
(Matiye 22:41-46, Luka 20:41-44)
35Yeesu etti haala e janŋina der suudu Alla, o wi'i: «Noy moodiɓɓe tawreeta wi'irta *Almasiihu laatii Ɓii Dawda? 36Gam Dawda e hoore mum wi'ii e Ruuhu Ceniiɗo:
"Joomiraawo batii Joomam wi'i:
Jooɗa wecco nyaamo am
faa mi waɗa jaaɓaa wanyuɓe maa#12:36 Jabuura 110:1 ."»
37To Dawda e hoore mum noddii mo Joomiraawo, den, noy *Almasiihu on laatortoo kade suka Dawda?
Hakkilango moodiɓɓe tawreeta
(Matiye 23:1-36, Luka 20:45-47)
Jama'aare ɗuunne hettinake haala Yeesu e belɗum ɓerne. 38No o janŋinta ɓe, o wi'i ɓe: «Kakkilanee ko'e mooɗon e moodiɓɓe tawreeta yiɗuɓe woositaago e gulunfaaje mawɗe, ɓee jiɗi sanneego der luumo, 39ɓee jawɗanoo joonɗe ɓurɗe teddugo der baajorɗe, e der nokkuuje to juulɗe waɗetee. 40Ɓee teeta ko gowniiɓe woodi. Ɓee juutina du'aaje maɓɓe gam himɓe yi'a ɓe. Gam mum ɓe kiitete kiita ɓuruka mawnugo.»
Sadaka ka debbo gowniijo gom waɗi
(Luka 21:1-4)
41Yeesu e jooɗii takkol pakoroowal to ceede wattetee der suudu Alla, oo daara no jama'aare wattirta ceede der pakoroowal ŋal. Joom ceedeeɓe ɗuuɓɓe wattii ceede ɗuuɗɗe e maggal. 42Ɗon nun debbo gowniijo gom wari, watti ceeron petton ɗiɗon. 43Yeesu noddi aahiiɓe mum, wi'i ɓe: «Mii bata on e gooŋa, debbo talkaajo on wattii ceede der pakoroowal ɓuri horiiɓe fu. 44Kamɓe, ɓe gattii ceede ɗe haaju mum ɓe goodaa, amma debbo talkaajo on, wattii ko o woodi o wuurira fu.»
Iliyochaguliwa sasa
Marku 12: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 12
12
Ballool dow remooɓe innabooje
(Matiye 21:33-46, Luka 20:9-19)
1Ɓaawo mum Yeesu fuɗɗi baddugo e maɓɓe e ballaaji, o wi'i: «Neɗɗo gom nun tiggi gesa innabooje mum. O waɗi kowaagol kara, o fiiltini ŋa. O wasi gayka to ɓiɓɓe innabooje ɓiɗɗetee, o mahi suudu towuŋol deenirgol der gesa ŋan. Ɓaawo mum, o accani ŋa gollotooɓe makko ɓe gaɗi haya, den o waɗi jahaaŋal. 2No ɓiɓɓe innabooje ɗen ɓenni, o lili golloowo makko to remooɓe ɓen, o jaɓanaa mo geɗal makko der ɓiɓɓe innabooje ɗen. 3Amma remooɓe ɓen nanŋi lilaaɗo on, ɓe piyi mo, o witti juuɗe baanji. 4Joom gesa on lili golloowo mum goɗɗo to maɓɓe, ɓe piyi mo kanko bo, ɓe nawni mo dow hoore, ɓe jenni mo jennooje bonɗe. 5O lilitii kade golloowo makko tataɓo to maɓɓe, ɓe bari oo ɗon. Non nun ɓe gaɗani woɓɓe ɗuuɓɓe. Ɓe piyi woɓɓe, ɓe bari woɓɓe. 6Jooni kan, gooto tan o hororii, ɓiɗɗo makko jiɗaaɗo. Kanko o sakitii lilugo to maɓɓe, o wi'i: "Ɓe teddinan ɓiyam kan." 7Amma gollooɓe ɓen wi'ontiri hakkune mum: "Nani ɗo donoowo gesa ŋan, garee baren mo, donen gesa ŋan!" 8Ɓe nanŋi ɓiɗɗo on, ɓe bari mo, ɓe daasi mo ɓe burtini gesa ŋan.»
9Jooni noo, noy joom gesa on waɗata? O waran, o halka gollooɓe ɓen, o halfina gesa ŋan woɓɓe. 10On janŋay ko winnaa der Binni Ceniini na?
"Hayre ne mahooɓe woppi,
kayre heennyi laatii jogiine maadi#12:10-11 Jabuura 118:22-23..
11Kanjum woni golle Joomiraawo,
kaayniiɗe e gite meeɗen!"
12Hooreeɓe *Yahuduuɓe ɓen yiɗii nanŋugo Yeesu, gam ɓe paamii kamɓe nun o waɗani ballool ŋol. Amma ɓe kulii jama'aare, gam mum ɓe acci mo, ɓe dilli.
Yoɓugo ceede faada
(Matiye 22:15-22, Luka 20:20-26)
13Ɓe lili *Farisaaɓe woɓɓe mum, e himɓe Eroodu woɓɓe mum to Yeesu, gam ɓe nanŋira mo e haala makko. 14Ɓe gari, ɓe bi'i mo: «Moodibbo, emen anni aa gooŋaajo. A hulataa gite goɗɗo, gam a ɓurontirtaa himɓe, aa janŋina laawol Alla e gooŋa. Batu men, e haani men joɓa laamiiɗo Roma ceede faada naa haanay? Men joɓa naa to men joɓu?»
15Nani Yeesu e anni munaafitaare maɓɓe, o wi'i ɓe: «Ume waɗi ko oon tunnanammi pittol? Gaddanee am ceede ɗen mi yi'a.» 16Ɓe gaddani mo ɗe. O ƴami ɓe, o wi'i: «Foto moy e inne moy woni ɗo?» Ɓe bi'i mo: «Laamiiɗo Roma nun.» 17O toontii ɓe, o wi'i: «Den kan, kokkee laamiiɗo Roma ko laatanii mo, kokkon Alla bo ko laatanii Alla.» Haaynaare makko waɗi ɓe sanne.
Ƴanɗe dow pintol maayɓe
(Matiye 22:23-33, Luka 20:27-40)
18*Sadukiiɓe wi'ooɓe maayɓe fintata, wari to Yeesu, ɓe ƴami mo, ɓe bi'i: 19«Moodibbo, Muusa wi'i, to goɗɗo maayii rimay sukaaɓe, minyiiko naatta debbo makko gam heɓana mo on lenyol. 20Ɗum waɗiino e woɓɓe rimdaaɓe jeeɗiɗo. Arano ɓaŋi debbo, maayi, ɓe dimday suka. 21Ɗiɗaɓo naatti debbo on, kanun bo maayi ɓe dimday suka. Tataɓo bo waɗi hande nun. 22Non nun ɓe fu jeeɗiɗo o rimanay goɗɗo maɓɓe suka. Ɓaawo maɓɓe ɓe fu, debbo on bo maayi. 23Den, nyalaane pintol, to ɓe fu ɓe pintii, moy e maɓɓe o laatoyto debbo muuɗum? Gam ɓe fu jeeɗiɗo ɓe koowiino mo!» 24Yeesu toontii ɓe, wi'i: «Hey, on majjii! Gam on paamay Dewte, on paamay baawɗe Alla bo. 25Gam to maayunooɓe fintii, worɓe e rewɓe ɓaŋontirtaa, ɓe laatoto hande malaykaaɓe wonɓe dow kammu. 26Dow pintol maayɓe, on janŋay e Dewtere dow haala nyoomere jaɓoore yiite, no Alla baddiri e Muusa wi'i: "Min woni Alla Iburaahiima, Alla Isiyaaku, Alla Yaakuubu na#12:26 Wurtaago 3:6, 15-16, 12:26.?" 27Alla laati nun Alla wuuruɓe, o laataaki Alla maayɓe. On majjii sanne.»
Ooda ɓuruka manŋu
(Matiye 22:34-40, Luka 10:25-37)
28Moodibbo tawreeta gom nani no Yeesu toontorii *Sadukiiɓe dow jeddi maɓɓe, o ɓattii Yeesu o ƴami mo: «Ooda kay nun ɓuri manŋu?» 29Yeesu toontii mo wi'i: «Ooda ɓuruka manŋu nani: "Kettinee, onon himɓe Isira'iila, Alla Joomiraawo meeɗen tan woni Joomiraawo. 30Yiɗu Alla Joomiraawo maa, e ɓerne maa fu, e yonki maa fu, e hakkillo maa fu, e semme maa fu#12:30 Ekkitinooje 6:45. ." 31Ɗiɗaɓa makka nani, kanka woni: "Jiɗaa banniraawo maa hande no jiɗirɗaa hoore maa." Walaa fu ooda ɓuruka oodaaji ɗiɗi ɗii ɗon manŋu#12:31 Sariyaaji juulde 19:18. .» 32Moodibbo tawreeta on wi'i: «Moodibbo! Haala maa e wooɗi, a batii gooŋa no bi'uɗaa Alla tan woni Joomiraawo, kade bo Alla goɗɗo walaa to hinaa kanko. 33Yiɗugo Alla e ɓerne mum fu, e hakkillo mum fu, e semme fu, e yiɗugo banniraawo mum hande hoore mum, kanjum ɓuri sadakaaji buuɗeteeɗi e kiiseteeɗi fu.» 34No Yeesu yi'i o batirii e hakkillo, wi'i mo: «A woɗɗidaa Laamaare Alla.» Ɓaawo majjum goɗɗo suusay ƴamugo Yeesu ƴanɗe.
Almasiihu, Ɓiɗɗo moy nun?
(Matiye 22:41-46, Luka 20:41-44)
35Yeesu etti haala e janŋina der suudu Alla, o wi'i: «Noy moodiɓɓe tawreeta wi'irta *Almasiihu laatii Ɓii Dawda? 36Gam Dawda e hoore mum wi'ii e Ruuhu Ceniiɗo:
"Joomiraawo batii Joomam wi'i:
Jooɗa wecco nyaamo am
faa mi waɗa jaaɓaa wanyuɓe maa#12:36 Jabuura 110:1 ."»
37To Dawda e hoore mum noddii mo Joomiraawo, den, noy *Almasiihu on laatortoo kade suka Dawda?
Hakkilango moodiɓɓe tawreeta
(Matiye 23:1-36, Luka 20:45-47)
Jama'aare ɗuunne hettinake haala Yeesu e belɗum ɓerne. 38No o janŋinta ɓe, o wi'i ɓe: «Kakkilanee ko'e mooɗon e moodiɓɓe tawreeta yiɗuɓe woositaago e gulunfaaje mawɗe, ɓee jiɗi sanneego der luumo, 39ɓee jawɗanoo joonɗe ɓurɗe teddugo der baajorɗe, e der nokkuuje to juulɗe waɗetee. 40Ɓee teeta ko gowniiɓe woodi. Ɓee juutina du'aaje maɓɓe gam himɓe yi'a ɓe. Gam mum ɓe kiitete kiita ɓuruka mawnugo.»
Sadaka ka debbo gowniijo gom waɗi
(Luka 21:1-4)
41Yeesu e jooɗii takkol pakoroowal to ceede wattetee der suudu Alla, oo daara no jama'aare wattirta ceede der pakoroowal ŋal. Joom ceedeeɓe ɗuuɓɓe wattii ceede ɗuuɗɗe e maggal. 42Ɗon nun debbo gowniijo gom wari, watti ceeron petton ɗiɗon. 43Yeesu noddi aahiiɓe mum, wi'i ɓe: «Mii bata on e gooŋa, debbo talkaajo on wattii ceede der pakoroowal ɓuri horiiɓe fu. 44Kamɓe, ɓe gattii ceede ɗe haaju mum ɓe goodaa, amma debbo talkaajo on, wattii ko o woodi o wuurira fu.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.