Marku 11
11
Yeesu naatii Urusaliima
(Matiye 21:1-11, Luka 19:28-40, Yuhaana 12:12-19)
1No ɓe paanii *Urusaliima, takkol Baytifaaji e Baytaniya, ɓe jottii waanne Jaytuuje, Yeesu lili aahiiɓe mum ɗiɗo, 2o wi'i ɓe: «Jahee naatee siire woniine yeeso mooɗon, to on naatii ne, on tawan ton ɓinŋel babba e haɓɓii, ŋel goɗɗo waɗɗaakino. Pirtanee am ŋel, gaddon ɗo. 3To goɗɗo ƴami on ko gaɗirton ŋel, toontoɗon mo bi'on, moodibbo amen woodi haaju maggel. O accan gaddon ŋel ɗo jooni#11:3 Aayaare nen waawan ko waylitiraa ninnii: Moodibbo amen woodi haaju maggel, o wartiranan on ŋel law..»
4No ɓe jahi, ɓe tawi ɓinŋel babba e haɓɓii yaasi takkol dammugal gom, ɓe pirti ŋel. 5Tawaaɓe ɗon woɓɓe mum ƴami ɓe: «Ume gaɗoton ɗon, gam ume pirtoton ɓinŋel babba ŋel?»
6Ɓe toontii hande no Yeesu wi'irnoo ɓe, den go ɓe accaa. 7Ɓe gaddani Yeesu ɓinŋel ŋel, ɓe jowi gineeji maɓɓe dow maggel, go o waɗɗii. 8Himɓe ɗuuɓɓe weƴƴiti gineeji mum e laawol, woɓɓe saltii licce leɗɗe, fukkini dow laawol. 9Woɓɓe e ardii mo, woɓɓe bo e tokkini mo ɓaawo, ɓee kulgina, ɓee bi'a: «Hosana, barke laatanoo gariroowo e inne Joomiraawo#11:9 Jabuura 118:26. 10Barke laatanoo laamu maama meeɗen Dawda garoowu. Yettoore wonanoo Alla mo dow.»
11Yeesu naati *Urusaliima, o yahi suudu Alla. O daari ko waɗetee ɗon fu. Ɓaawo mum o wurtii o yahi Baytaniya kanko e aahiiɓe makko sappo e ɗiɗo (12) ɓen, tawi ɗum jenŋi.
Yeesu yaa'ake ibbi
(Matiye 21:18-19)
12Fini mum, ɓe burtii Baytaniya, rafo waɗi Yeesu. 13Go o holliri ibbi bilitinki haako. O yahi daaroygo naa o tawan ɓiɓɓe e makki. No o yottii, o taway goɗɗum, sey haako tan gam, wakkati dingol ibbe bane. 14O bati ibbi kin o wi'i: «Goɗɗo nyaamataa ɓiɓɓe maa kade faa abada!» Aahiiɓe makko nani ka.
Yeesu der suudu Alla
(Matiye 21:12-17, Luka 19:45-48, Yuhaana 2:13-22)
15No ɓe jottii *Urusaliima, Yeesu naati suudu Alla, o yanti oo riiwa soodooɓe e sippooɓe wonɓe der manŋol. O hippi taaburuuji cengotooɓe ceede, e kittaaje sippooɓe tantabaraaji. 16O accay goɗɗo tokki e jayri suudu Alla e roonorii dongal. 17O janŋini ɓe o wi'i: «E winnaa der Dewtere: "Suudu am noddete nun suudu to lenyi fu waɗata du'aare !" Amma onon, on gartirii ŋol suuɗorde wuyɓe#11:17 Esaaya 56:7, Yeremiya 7:11.»
18Hooreeɓe *liimaamiiɓe e moodiɓɓe tawreeta nani ka, gam mum ɓe daarti no ɓe kalkirta mo. Amma ɓe kuli mo, gam waaju makko meemi jama'aare sanne. 19No kiikiiɗe waɗi, Yeesu e aahiiɓe mum wurtii wanŋarde nen.
Ibbi jorki
(Matiye 21:20-22)
20Fini mum subaka, ɓee paloo, go ɓe ji'i ibbi kin yoorii koron faa e ɗaɗi mum. 21No Piyer siwtori ka Yeesu batunoo, wi'i mo: «Moodibbo, Daaru, ibbi ki jaa'iɗaa kin yoorii.» 22Yeesu toontii, wi'i: «Goonɗinee Alla! 23Mii bata on e gooŋa, to goɗɗo wi'i hayre nee ɗo: "Ɗoofa, yantoy der maayo", to joomum sekay der ɓerne mum, go o goonɗini ko wi'i waɗan, den kan ɗum laatanto mo. 24Gam majjum bi'anmi on: ko eeluɗon fu der du'aare mooɗon, goonɗinee on keɓii ɗum, e gooŋa ɗum laatanto on. 25De dariɗon gam gaɗon du'aare fu, to oon goodi gokka e goɗɗo, jaafee mo, gam Baaba mooɗon gonuɗo dow kammu yaafanoo on boofi mooɗon. 26[Amma to on jaafanaaki woɓɓe, Baaba mooɗon gonuɗo dow kammu yaafantaako on onon bo boofi mooɗon.]»
Baawɗe Yeesu
(Matiye 21:23-27, Luka 20:1-8)
27Ɓe bittoy *Urusaliima kade. No Yeesu woositintoo der suudu Alla, hooreeɓe liimaamiiɓe, e moodiɓɓe tawreeta, e *dottiiɓe genni ɓattii mo, 28ƴami mo wi'i: «E baawɗe ɗee gaɗirtaa golle ɗee ɗo? Moy hokku maa baawɗe majjum?» 29Yeesu toontii ɓe wi'i: «Min bo mi ƴaman on ƴanɗe goote. To on toontake am, mi batan on e baawɗe ɗee golliranmi. 30*Batisi Yuhaana, to Alla ƴiwi naa to himɓe? Toontee am!» 31Ɓe dawri hakkune maɓɓe, ɓe bi'i: «To en bi'ii: "to Alla", o wi'an: "Den ko waɗi on goonɗinay Yuhaana"? 32To en bi'ii to himɓe nun, aa… ! Ɓe batii ka gam ɓee kula jama'aare, gam himɓe fu e anni no Yuhaana laati nun *annabiijo lalley.» 33Ɓe toontii, ɓe bi'i: «Men annaa!» Yeesu wi'i ɓe: «Min bo, mi batataa on e baawɗe ɗee golliranmi!»
Iliyochaguliwa sasa
Marku 11: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku 11
11
Yeesu naatii Urusaliima
(Matiye 21:1-11, Luka 19:28-40, Yuhaana 12:12-19)
1No ɓe paanii *Urusaliima, takkol Baytifaaji e Baytaniya, ɓe jottii waanne Jaytuuje, Yeesu lili aahiiɓe mum ɗiɗo, 2o wi'i ɓe: «Jahee naatee siire woniine yeeso mooɗon, to on naatii ne, on tawan ton ɓinŋel babba e haɓɓii, ŋel goɗɗo waɗɗaakino. Pirtanee am ŋel, gaddon ɗo. 3To goɗɗo ƴami on ko gaɗirton ŋel, toontoɗon mo bi'on, moodibbo amen woodi haaju maggel. O accan gaddon ŋel ɗo jooni#11:3 Aayaare nen waawan ko waylitiraa ninnii: Moodibbo amen woodi haaju maggel, o wartiranan on ŋel law..»
4No ɓe jahi, ɓe tawi ɓinŋel babba e haɓɓii yaasi takkol dammugal gom, ɓe pirti ŋel. 5Tawaaɓe ɗon woɓɓe mum ƴami ɓe: «Ume gaɗoton ɗon, gam ume pirtoton ɓinŋel babba ŋel?»
6Ɓe toontii hande no Yeesu wi'irnoo ɓe, den go ɓe accaa. 7Ɓe gaddani Yeesu ɓinŋel ŋel, ɓe jowi gineeji maɓɓe dow maggel, go o waɗɗii. 8Himɓe ɗuuɓɓe weƴƴiti gineeji mum e laawol, woɓɓe saltii licce leɗɗe, fukkini dow laawol. 9Woɓɓe e ardii mo, woɓɓe bo e tokkini mo ɓaawo, ɓee kulgina, ɓee bi'a: «Hosana, barke laatanoo gariroowo e inne Joomiraawo#11:9 Jabuura 118:26. 10Barke laatanoo laamu maama meeɗen Dawda garoowu. Yettoore wonanoo Alla mo dow.»
11Yeesu naati *Urusaliima, o yahi suudu Alla. O daari ko waɗetee ɗon fu. Ɓaawo mum o wurtii o yahi Baytaniya kanko e aahiiɓe makko sappo e ɗiɗo (12) ɓen, tawi ɗum jenŋi.
Yeesu yaa'ake ibbi
(Matiye 21:18-19)
12Fini mum, ɓe burtii Baytaniya, rafo waɗi Yeesu. 13Go o holliri ibbi bilitinki haako. O yahi daaroygo naa o tawan ɓiɓɓe e makki. No o yottii, o taway goɗɗum, sey haako tan gam, wakkati dingol ibbe bane. 14O bati ibbi kin o wi'i: «Goɗɗo nyaamataa ɓiɓɓe maa kade faa abada!» Aahiiɓe makko nani ka.
Yeesu der suudu Alla
(Matiye 21:12-17, Luka 19:45-48, Yuhaana 2:13-22)
15No ɓe jottii *Urusaliima, Yeesu naati suudu Alla, o yanti oo riiwa soodooɓe e sippooɓe wonɓe der manŋol. O hippi taaburuuji cengotooɓe ceede, e kittaaje sippooɓe tantabaraaji. 16O accay goɗɗo tokki e jayri suudu Alla e roonorii dongal. 17O janŋini ɓe o wi'i: «E winnaa der Dewtere: "Suudu am noddete nun suudu to lenyi fu waɗata du'aare !" Amma onon, on gartirii ŋol suuɗorde wuyɓe#11:17 Esaaya 56:7, Yeremiya 7:11.»
18Hooreeɓe *liimaamiiɓe e moodiɓɓe tawreeta nani ka, gam mum ɓe daarti no ɓe kalkirta mo. Amma ɓe kuli mo, gam waaju makko meemi jama'aare sanne. 19No kiikiiɗe waɗi, Yeesu e aahiiɓe mum wurtii wanŋarde nen.
Ibbi jorki
(Matiye 21:20-22)
20Fini mum subaka, ɓee paloo, go ɓe ji'i ibbi kin yoorii koron faa e ɗaɗi mum. 21No Piyer siwtori ka Yeesu batunoo, wi'i mo: «Moodibbo, Daaru, ibbi ki jaa'iɗaa kin yoorii.» 22Yeesu toontii, wi'i: «Goonɗinee Alla! 23Mii bata on e gooŋa, to goɗɗo wi'i hayre nee ɗo: "Ɗoofa, yantoy der maayo", to joomum sekay der ɓerne mum, go o goonɗini ko wi'i waɗan, den kan ɗum laatanto mo. 24Gam majjum bi'anmi on: ko eeluɗon fu der du'aare mooɗon, goonɗinee on keɓii ɗum, e gooŋa ɗum laatanto on. 25De dariɗon gam gaɗon du'aare fu, to oon goodi gokka e goɗɗo, jaafee mo, gam Baaba mooɗon gonuɗo dow kammu yaafanoo on boofi mooɗon. 26[Amma to on jaafanaaki woɓɓe, Baaba mooɗon gonuɗo dow kammu yaafantaako on onon bo boofi mooɗon.]»
Baawɗe Yeesu
(Matiye 21:23-27, Luka 20:1-8)
27Ɓe bittoy *Urusaliima kade. No Yeesu woositintoo der suudu Alla, hooreeɓe liimaamiiɓe, e moodiɓɓe tawreeta, e *dottiiɓe genni ɓattii mo, 28ƴami mo wi'i: «E baawɗe ɗee gaɗirtaa golle ɗee ɗo? Moy hokku maa baawɗe majjum?» 29Yeesu toontii ɓe wi'i: «Min bo mi ƴaman on ƴanɗe goote. To on toontake am, mi batan on e baawɗe ɗee golliranmi. 30*Batisi Yuhaana, to Alla ƴiwi naa to himɓe? Toontee am!» 31Ɓe dawri hakkune maɓɓe, ɓe bi'i: «To en bi'ii: "to Alla", o wi'an: "Den ko waɗi on goonɗinay Yuhaana"? 32To en bi'ii to himɓe nun, aa… ! Ɓe batii ka gam ɓee kula jama'aare, gam himɓe fu e anni no Yuhaana laati nun *annabiijo lalley.» 33Ɓe toontii, ɓe bi'i: «Men annaa!» Yeesu wi'i ɓe: «Min bo, mi batataa on e baawɗe ɗee golliranmi!»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.