Marku Haala Puɗɗirka
Haala Puɗɗirka
Binnuɗo ɗerewol ŋol ɗo nun wi'etee Yuhaana Marku. O gollodake e Pol, lilaaɗo Yeesu Almasiihu, (Golle Lilaaɓe 12:25, Timote II 4:11). O gollodake bo e Piyer lilaaɗo Yeesu Almasiihu. Piyer on noddii mo ɓiyum, waato kanko waajii mo o goonɗiniri Yeesu Almasiihu, (Piyer I 5:13). Diga e Piyer o heɓi habaruuji ɗi o winni der linjiila makko.
Goonɗinɓe tuubuɓe diga e caafi tooruuje nun Marku winnani. Kan waɗi der binni makko een ji'a oo faamina boliiɗe araminkoore e Iburaninkoore goɗɗe. Oo faamina bo tawaaŋal Iburaninkeeɓe. Goonɗinɓe tawaaɓe Roma nun o winnani linjiila makko hakkune duuɓol 64 faa yaago 68 ɓaawo Almasiihu.
Haala ka Marku batani ɓuri, kan woni no Yeesu golliri. O hollii no Yeesu nyawtiri nyawɓe e no o ɗuuɗinirani himɓe peen. O batani haaynaareeji ɗi Yeesu waɗi hande kanji sappo e jeetati (18).
Golle ɗe Yeesu waɗi hollitii no e gooŋa o laati nun Ɓiɗɗo Alla. Diga aayaare fuɗɗirde, Marku holli sikan no Yeesu laati nun Ɓiɗɗo Alla.
Faa heennyitirde linjiila kan bo, mawɗo hooreejo soogeeji Romankeeɓe seedake ley leggal palaaŋal to Yeesu tiggaa no e gooŋa Yeesu laati nun Ɓiɗɗo Alla. Haaynaareeji ɗi Yeesu waɗi hollitii no o daartay tedduŋal hoore makko. Oo anni o tooroto, o yara boneeji, o maaya den o finta. Laabi tati nun o bati ka aahiiɓe makko, amma ɓe paamay.
Enon fu, maayde makko laati nun linjiila, gam o hebbinii annabaaku ŋu Esaaya waɗunoo (Esaaya 53:12). O warii o hokkitiri yonki makko gam sooditaago ɗuuɓɓe. Hande no o batirnoo, o fintii gam maayde waawataa ko jogii Ɓiɗɗo Alla.
Tokkontirki haalaaji
1. Haala puɗɗirka (1:1-13).
2. Golle Yeesu der Galili (1:14–9:50).
3. Ummaago Yeesu diga Galili, yahi Urusaliima (10:1-52).
4. Asaweere Yeesu sakitiineere (11:1–15:47).
5. Pintol Yeesu (16:1-8).
6. Kollitaaki Yeesu pintuɗo e wittuki mum to Alla (16:9-20).
Iliyochaguliwa sasa
Marku Haala Puɗɗirka: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Marku Haala Puɗɗirka
Haala Puɗɗirka
Binnuɗo ɗerewol ŋol ɗo nun wi'etee Yuhaana Marku. O gollodake e Pol, lilaaɗo Yeesu Almasiihu, (Golle Lilaaɓe 12:25, Timote II 4:11). O gollodake bo e Piyer lilaaɗo Yeesu Almasiihu. Piyer on noddii mo ɓiyum, waato kanko waajii mo o goonɗiniri Yeesu Almasiihu, (Piyer I 5:13). Diga e Piyer o heɓi habaruuji ɗi o winni der linjiila makko.
Goonɗinɓe tuubuɓe diga e caafi tooruuje nun Marku winnani. Kan waɗi der binni makko een ji'a oo faamina boliiɗe araminkoore e Iburaninkoore goɗɗe. Oo faamina bo tawaaŋal Iburaninkeeɓe. Goonɗinɓe tawaaɓe Roma nun o winnani linjiila makko hakkune duuɓol 64 faa yaago 68 ɓaawo Almasiihu.
Haala ka Marku batani ɓuri, kan woni no Yeesu golliri. O hollii no Yeesu nyawtiri nyawɓe e no o ɗuuɗinirani himɓe peen. O batani haaynaareeji ɗi Yeesu waɗi hande kanji sappo e jeetati (18).
Golle ɗe Yeesu waɗi hollitii no e gooŋa o laati nun Ɓiɗɗo Alla. Diga aayaare fuɗɗirde, Marku holli sikan no Yeesu laati nun Ɓiɗɗo Alla.
Faa heennyitirde linjiila kan bo, mawɗo hooreejo soogeeji Romankeeɓe seedake ley leggal palaaŋal to Yeesu tiggaa no e gooŋa Yeesu laati nun Ɓiɗɗo Alla. Haaynaareeji ɗi Yeesu waɗi hollitii no o daartay tedduŋal hoore makko. Oo anni o tooroto, o yara boneeji, o maaya den o finta. Laabi tati nun o bati ka aahiiɓe makko, amma ɓe paamay.
Enon fu, maayde makko laati nun linjiila, gam o hebbinii annabaaku ŋu Esaaya waɗunoo (Esaaya 53:12). O warii o hokkitiri yonki makko gam sooditaago ɗuuɓɓe. Hande no o batirnoo, o fintii gam maayde waawataa ko jogii Ɓiɗɗo Alla.
Tokkontirki haalaaji
1. Haala puɗɗirka (1:1-13).
2. Golle Yeesu der Galili (1:14–9:50).
3. Ummaago Yeesu diga Galili, yahi Urusaliima (10:1-52).
4. Asaweere Yeesu sakitiineere (11:1–15:47).
5. Pintol Yeesu (16:1-8).
6. Kollitaaki Yeesu pintuɗo e wittuki mum to Alla (16:9-20).
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.