Mika 5
5
Laamiiɗo paabotooɗo ƴiwan Baytilaama
1Joomiraawo wi'i: An Baytilaama ni Efurata,
aa faanɗi caka genneele leydi Yahuuda.
Amma enon fu diga e maa nun
laamantooɗo Isira'iila e inne am wurtotoo.
Oo tawaa diga fuɗɗoode,
diga duuɓi arandeeji.
2Gam mum mi accan taw himɓe am e juuɗe wayɓe mum,
faa to debbo dimoowo suka laamotooɗo on rimii.
Den mum nanŋanooɓe maccuŋaaku go e wuuri,
wartan tawa banniraaɓe mum Isira'iilaaɓe.
3Suka on ummoto dura ɓe e semme Joomiraawo.
O ardoo ɓe e baawɗe Alla Joomiraawo makko.
Den ɓe jooɗoo e deƴƴere,
gam semme laamaare makko yottoto faa keerol duuniyaaru fu.
4Kanko nun waddata jonne jam.
To himɓe Asuura yantii leydi men,
to ɓe naatii der cuuɗi men semmenteeji,
en lildan ɓe nun ardiiɓe men e himɓe mum ɗuuɓɓe gam ɓe kaɓa ɓe.
5Ɓe jaalorto himɓe Asuura e kaafaaje,
ɓe jaalorto leydi Nemurodu e labbe.
Suka laamotooɗo on teetata en,
to himɓe Asuura ɓen warii naatii leydi men.
Himɓe Isira'iila horiiɓe caka lenyi janani
6Himɓe Isira'iila horiiɓe caka lenyi janani ɗuuɗɗi laatoto hande saawawre ƴiwune to Joomiraawo,
e hande yoone toɓanne fuɗo.
Ko haajaka goɗɗum to tagaaɗo,
ko bukaaka goɗɗum to himɓe.
7Himɓe lenyol Yaakuubu horiiɓe
caka lenyi janani ɗuuɗɗi laatoto hande jaggere caka bisaaji ladde.
Ɓe laatoto hande jaggere semmiɗinne caka hoggo baali.
To ne yahi fu nee happa mareefuuji, nee sikkita.
Walaa teetoowo ɗi.
8Onon himɓe Isira'iila, ummee jantee wayɓe mon,
kalkon tooranɓe on fu.
Joomiraawo halkan ko himɓe hoolii fu
9Joomiraawo wi'i:
Nyalaane gom waran mi halkan pucci mon,
mi biisa laanaaji pucci mon.
10Mi halkan wanŋarɗe leydi mon,
mi doƴƴan biriniiji wanŋarɗe mon fu.
11Mi heennyan masaaku caka mon,
den jiitoowo gom kade tawataake caka mon.
12Mi halkan tooruuje mon ceɓaaɗe e kaaƴe mon ɗe caafoton.
Den mum, on accan saafugo kujje ɗe gaɗanɗon ko'e mon.
13Mi ɗoofan leɗɗe ɗe tigganɗon tooruure Asera.
Mi halkan wanŋarɗe mon.
14Mi ummoto e mone mawne sanne,
mi wattoo ko lenyi caliiɗi nanango am waɗanimmi.
Iliyochaguliwa sasa
Mika 5: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Mika 5
5
Laamiiɗo paabotooɗo ƴiwan Baytilaama
1Joomiraawo wi'i: An Baytilaama ni Efurata,
aa faanɗi caka genneele leydi Yahuuda.
Amma enon fu diga e maa nun
laamantooɗo Isira'iila e inne am wurtotoo.
Oo tawaa diga fuɗɗoode,
diga duuɓi arandeeji.
2Gam mum mi accan taw himɓe am e juuɗe wayɓe mum,
faa to debbo dimoowo suka laamotooɗo on rimii.
Den mum nanŋanooɓe maccuŋaaku go e wuuri,
wartan tawa banniraaɓe mum Isira'iilaaɓe.
3Suka on ummoto dura ɓe e semme Joomiraawo.
O ardoo ɓe e baawɗe Alla Joomiraawo makko.
Den ɓe jooɗoo e deƴƴere,
gam semme laamaare makko yottoto faa keerol duuniyaaru fu.
4Kanko nun waddata jonne jam.
To himɓe Asuura yantii leydi men,
to ɓe naatii der cuuɗi men semmenteeji,
en lildan ɓe nun ardiiɓe men e himɓe mum ɗuuɓɓe gam ɓe kaɓa ɓe.
5Ɓe jaalorto himɓe Asuura e kaafaaje,
ɓe jaalorto leydi Nemurodu e labbe.
Suka laamotooɗo on teetata en,
to himɓe Asuura ɓen warii naatii leydi men.
Himɓe Isira'iila horiiɓe caka lenyi janani
6Himɓe Isira'iila horiiɓe caka lenyi janani ɗuuɗɗi laatoto hande saawawre ƴiwune to Joomiraawo,
e hande yoone toɓanne fuɗo.
Ko haajaka goɗɗum to tagaaɗo,
ko bukaaka goɗɗum to himɓe.
7Himɓe lenyol Yaakuubu horiiɓe
caka lenyi janani ɗuuɗɗi laatoto hande jaggere caka bisaaji ladde.
Ɓe laatoto hande jaggere semmiɗinne caka hoggo baali.
To ne yahi fu nee happa mareefuuji, nee sikkita.
Walaa teetoowo ɗi.
8Onon himɓe Isira'iila, ummee jantee wayɓe mon,
kalkon tooranɓe on fu.
Joomiraawo halkan ko himɓe hoolii fu
9Joomiraawo wi'i:
Nyalaane gom waran mi halkan pucci mon,
mi biisa laanaaji pucci mon.
10Mi halkan wanŋarɗe leydi mon,
mi doƴƴan biriniiji wanŋarɗe mon fu.
11Mi heennyan masaaku caka mon,
den jiitoowo gom kade tawataake caka mon.
12Mi halkan tooruuje mon ceɓaaɗe e kaaƴe mon ɗe caafoton.
Den mum, on accan saafugo kujje ɗe gaɗanɗon ko'e mon.
13Mi ɗoofan leɗɗe ɗe tigganɗon tooruure Asera.
Mi halkan wanŋarɗe mon.
14Mi ummoto e mone mawne sanne,
mi wattoo ko lenyi caliiɗi nanango am waɗanimmi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.