Mika 4
4
Nyalaane gom himɓe fu wartan Urusaliima
1Nyalaane gom, waanne suudu Joomiraawo towan ɓura baalle fu.
Ne ɓura tepaaje fu towgo.
Den mum, lenyi fu wartan ɗon.
2Lenyi ɗuuɗɗi waran dow mayre e wi'a:
Garee eencen waanne Joomiraawo,
jahen suudu Alla Yaakuubu.
O hollan en laabi makko, tokken ɗi,
gam diga Siyon nun tawreeta ƴiwata,
diga *Urusaliima nun haala Joomiraawo ƴiwata.
3O laatoto kiitantooɗo lenyi ɗuuɗɗi.
O hiitanto lenyi semmenteeji ɓattiiɗi e boɗɗiiɗi fu.
Ɓe ettan kaafaaje maɓɓe ɓe tafira jale.
Ɓe ettan sakaaje maɓɓe ɓe tafira baaruɗi.
Leydi gom ummantaako kade leydi gom konu.
Himɓe ekkitintaako kade konu.
4Moy maɓɓe fu jooɗoto ley innabooje mum,
wona ley ibbe mum e deƴƴere.
Walaa kulnanɗo ɓe kade.
Joomiraawo Joom huune fu nun bati ka.
5Lenyi fu tooruuje mum nun saafata,
amma enen kan Alla Joomiraawo men nun jaggantoɗen faa e baadey.
Joomiraawo laamanto *Urusaliima
6Joomiraawo wi'i:
Nyalaane gom waran,
mi hawritan nawnaaɓe,
mi wartiran nanŋanooɓe maccuŋaaku,
ɓe toorunoomi sanne ɓen fu.
7Mi accan nawnanooɓe ɓen ummoo waɗa lenyol,
nanŋanooɓe ɓen bo ummoo waɗa lenyol cemmiɗinŋol
Min Joomiraawo, mi laamanto ɓe der Siyon diga jooni faa e baadey.
8An waanne *Urusaliima,
aa reeni himɓe am hande suudu deenirgol genni.
A heɓitinto kade baawɗe maa ɗe goodunoɗaa.
*Urusaliima wittan laatoo kade wanŋarde laamorde.
No himɓe *Urusaliima toorortoo e no Joomiraawo faabortoo ɓe
9Gam ume bulloton onon himɓe *Urusaliima?
Gam ume naaweteɗon hande debbo mo ŋatawre jogii?
On dullu nun laamiiɗo?
Saawariiɓe mon maayidin nun?
10Onon himɓe Siyon, bullee,
nanon nawɗum hande debbo nanoowo ŋatawre
gam jooni on burtinte genni jahon nyiɓon der ladde,
jaareɗon faa Babiila.
Ton Joomiraawo faaboytoo on,
o teeta on e juuɗe wayɓe mon.
11Jooni lenyi ɗuuɗi hawritii gam ummanoo on.
Ɗii bi'a: Senteene tawa wanŋarde Siyon,
den een daara no ne halkirtee een jala.
12Amma ɗi annaa ko woni der ɓerne Joomiraawo,
ɗi paamataa ko o yiɗi waɗugo.
O yiɗu nun hawritingo ɗi
hande no kaɓɓe alkamaari hawritirtee e fiyirde alkamaari.
13Joomiraawo wi'i:
Ummee onon himɓe Siyon,
janton wayɓe mon piyon ɓe hande no alkamaari fiyirtee.
Mi semmiɗinan on hande ga'i ɗi galarɗi janni,
ɗi kolce janni boɗeeri.
On piyan lenyi ɗuuɗɗi,
teeton jawdi mum ɗuuɗuni desanon am, min Joomiraawo duuniyaaru fu.
14Onon himɓe *Urusaliima,
onon wonuɓe e hawrita soogeeji mum,
ƴaree ɓalli mon kollon biisere ɓerne.
Wayɓe mon warii e sakkii on,
e yiɗi yantugo on.
Ɓe piyii ardiiɗo Isira'iila sawru e yeeso.
Iliyochaguliwa sasa
Mika 4: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Mika 4
4
Nyalaane gom himɓe fu wartan Urusaliima
1Nyalaane gom, waanne suudu Joomiraawo towan ɓura baalle fu.
Ne ɓura tepaaje fu towgo.
Den mum, lenyi fu wartan ɗon.
2Lenyi ɗuuɗɗi waran dow mayre e wi'a:
Garee eencen waanne Joomiraawo,
jahen suudu Alla Yaakuubu.
O hollan en laabi makko, tokken ɗi,
gam diga Siyon nun tawreeta ƴiwata,
diga *Urusaliima nun haala Joomiraawo ƴiwata.
3O laatoto kiitantooɗo lenyi ɗuuɗɗi.
O hiitanto lenyi semmenteeji ɓattiiɗi e boɗɗiiɗi fu.
Ɓe ettan kaafaaje maɓɓe ɓe tafira jale.
Ɓe ettan sakaaje maɓɓe ɓe tafira baaruɗi.
Leydi gom ummantaako kade leydi gom konu.
Himɓe ekkitintaako kade konu.
4Moy maɓɓe fu jooɗoto ley innabooje mum,
wona ley ibbe mum e deƴƴere.
Walaa kulnanɗo ɓe kade.
Joomiraawo Joom huune fu nun bati ka.
5Lenyi fu tooruuje mum nun saafata,
amma enen kan Alla Joomiraawo men nun jaggantoɗen faa e baadey.
Joomiraawo laamanto *Urusaliima
6Joomiraawo wi'i:
Nyalaane gom waran,
mi hawritan nawnaaɓe,
mi wartiran nanŋanooɓe maccuŋaaku,
ɓe toorunoomi sanne ɓen fu.
7Mi accan nawnanooɓe ɓen ummoo waɗa lenyol,
nanŋanooɓe ɓen bo ummoo waɗa lenyol cemmiɗinŋol
Min Joomiraawo, mi laamanto ɓe der Siyon diga jooni faa e baadey.
8An waanne *Urusaliima,
aa reeni himɓe am hande suudu deenirgol genni.
A heɓitinto kade baawɗe maa ɗe goodunoɗaa.
*Urusaliima wittan laatoo kade wanŋarde laamorde.
No himɓe *Urusaliima toorortoo e no Joomiraawo faabortoo ɓe
9Gam ume bulloton onon himɓe *Urusaliima?
Gam ume naaweteɗon hande debbo mo ŋatawre jogii?
On dullu nun laamiiɗo?
Saawariiɓe mon maayidin nun?
10Onon himɓe Siyon, bullee,
nanon nawɗum hande debbo nanoowo ŋatawre
gam jooni on burtinte genni jahon nyiɓon der ladde,
jaareɗon faa Babiila.
Ton Joomiraawo faaboytoo on,
o teeta on e juuɗe wayɓe mon.
11Jooni lenyi ɗuuɗi hawritii gam ummanoo on.
Ɗii bi'a: Senteene tawa wanŋarde Siyon,
den een daara no ne halkirtee een jala.
12Amma ɗi annaa ko woni der ɓerne Joomiraawo,
ɗi paamataa ko o yiɗi waɗugo.
O yiɗu nun hawritingo ɗi
hande no kaɓɓe alkamaari hawritirtee e fiyirde alkamaari.
13Joomiraawo wi'i:
Ummee onon himɓe Siyon,
janton wayɓe mon piyon ɓe hande no alkamaari fiyirtee.
Mi semmiɗinan on hande ga'i ɗi galarɗi janni,
ɗi kolce janni boɗeeri.
On piyan lenyi ɗuuɗɗi,
teeton jawdi mum ɗuuɗuni desanon am, min Joomiraawo duuniyaaru fu.
14Onon himɓe *Urusaliima,
onon wonuɓe e hawrita soogeeji mum,
ƴaree ɓalli mon kollon biisere ɓerne.
Wayɓe mon warii e sakkii on,
e yiɗi yantugo on.
Ɓe piyii ardiiɗo Isira'iila sawru e yeeso.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.