Matiye 3
3
Waaji Yuhaana gaɗoowo *batisi
(Marku 1:1-8, Luka 3:1-18, Yuhaana 1:19-28)
1Wakkati majjum, Yuhaana gaɗoowo *batisi yahii der ladde Yahudiya yorne. Oo waajoo, oo wi'a: 2«Tuubee, gam Laamaare Alla faanake#3:2 Laamaare Alla: Der Yunaninkeere, Laamaare Kammu..»
3Kanko nun annabi Esaaya batani, wi'i:
«Daane neɗɗo gom e bata e semme, der ladde yorne, e wi'a:
Moƴƴinee laawol Joomiraawo,
poonnitee laabi makko#3:3 Esaaya 40:3!»
4Yuhaana e ɓorninoo gineeji cannyiraaɗi leeɓi jeelooba, oo haɓɓii ɓelɓelol gurol dow funŋudu makko. Nyaamdu makko laatii baɓatti e jumuri ladde. 5Himɓe *Urusaliima, e leydi Yahudiya, e tawaaɓe takkol gooruwol Urudun fu, warii to makko. 6Ɓe tuubi hakkeeji maɓɓe, go Yuhaana waɗi ɓe *batisi der gooruwol Urudun.
7No o yi'i *Farisaaɓe e *Sadukiiɓe ɗuuɓɓe e wara waɗeego *batisi, o wi'i ɓe:
«Onon ɓiɓɓe bolle pure! Moy tintini on doggon mone Alla waroore? 8Gaɗee golle kollitooje no on tuubii. 9To on miilee e ɓerɗe mooɗon bi'on: "Iburaahiima nun woni kookiraawo amen!" Gam mii wi'a on, Alla e waawi waylitingo kaaƴe, ɗe laatoo ɓiɓɓe Iburaahiima! 10Jooni, jammere ɓantaama gam feƴƴa leɗɗe faa e ɗaɗi mum. Den, leggal ŋal rimataa ɓiɓɓe booɗɗe fu wudditinte, faɗɗee der yiite. 11Min, e diyam nun gaɗiranmi on *batisi, gam hollitingo no on tuubi. Amma garoowo ɓaawo am, e ɓurimmi baawɗe. Mi fotay du baa jimminaago, ɓorta paɗe makko. Kanko, o waɗan on *batisi e Ruuhu Ceniiɗo, e yiite. 12Oo jogii besirɗum e juunŋo makko, o laaɓinan fiyirde makko. O loowa gawri der rummuure makko, o wula nyaane der yiite ŋe nyifataa.»
Yeesu waɗaama *batisi
(Marku 1:9-11, Luka 3:21-22)
13Wakkati majjum, Yeesu ƴiwi Galili, wari gooruwol Urudun to Yuhaana, gam Yuhaana waɗana mo *batisi. 14Amma Yuhaana nootaaki, wi'i: «Min nun haajaa gaɗanaa am *batisi, go an nun wari to am mi waɗane?»
15Yeesu toontii mo, wi'i: «Noota ɗum laatoo non non jooni, gam hande non non kebbinirten ko foonnitii fu.»
Den Yuhaana nootii. 16Ɗon maa ɗon, no Yeesu waɗanaa *batisi, wurtii e diyam, kammu maɓɓitii. O yi'i Ruuhu Alla e jippoo dow makko, hande tantabaraaru. 17Ɗon non daane gom nanaa dow kammu, e wi'a: «Oo ɗo nun laatii Ɓiɗɗo am jiɗaaɗo, mo ceyoriimi.»
Iliyochaguliwa sasa
Matiye 3: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
