Malakiya 2
2
Joomiraawo e waggina liimaamiiɓe
1-2Onon *liimaamiiɓe, nani ɗo wagginoore ne bagginanmi on min Joomiraawo Joom huune fu, mii wi'a: Kettinanee am, teddinon am hande no haaniri. Baka mum bo, mi yaa'oto on. Mi accan barka ka bi'unoomi mi barkiɗinan on wayloo yaa'oore. Mi waɗan ɗum gam goɗɗo mon hakkilanay sariyaaji am. 3Mi halkan sukaaɓe mon, gam sabbu mon. To on kiisii mareefuuji gaɗirɗon kiiseteeɗi wakkati nyaamoton juulɗe, mi ettan coowoori#2:3 coowoori: Woɓɓe e wi'a tuuni bosoka mareefu majji mi waanja on e geese. Den mum boppideɗon e mayri. 4Den mum on paaman no min Joomiraawo Joom huune fu nun waggini on wagginoore nen gam alkawal ŋal kaɓɓanmi *Leewinkeeɓe tabitoo faa e baadey. 5Mi haɓɓan ɓe nun alkawal ŋal gam mi hokka ɓe yonki e jam. Mi haɓɓanii ɓe ŋal gam ɓe kulammi, go ɓe kulimmi sanne, ɓe nananimmi. 6Ekkitinooje gooŋaaje tan ɓe ekkitini. Ɓe ekkitinay fewre baa seɗɗa. Ɓee tokkimmi e ɓerne woore ɓee gaɗa ko foonnitii. Ɓe balli himɓe ɗuuɓɓe woppugo baadi mum halluni. 7Golle *liimaamiiɓe woni ekkitingo himɓe annugo Alla. Kamɓe haani himɓe e ƴama go anna laawol, gam ɓe laati nun lilaaɓe Joomiraawo Joom huune fu. 8Amma onon, on boppii laawol gooŋa, majjinirɗon himɓe ɗuuɓɓe e ekkitinooje mon. On pirtii alkawal ŋal kaɓɓidinmi e *Leewinkeeɓe. Min Joomiraawo Joom huune fu nun bati ka. 9Gam mum, min bo mi accan himɓe Isira'iila fu yawoo on sentina on gam on boppii laawol am, oon cuttontira bo himɓe to oon kiitanoo ɓe.
To on pirtee alkawal ŋal kaɓɓidinɗon e rewɓe mon
10En fu, baaba gooto on nun rimi en. En fu Alla gooto on nun tagi en. To non non, gam ume go een jammontira? Gam ume ko pirtuɗen alkawal ŋal Alla haɓɓidi e kookiraaɓe men? 11Himɓe Yahuuda firtii alkawal ŋal haɓɓontiri e Alla. Ɓe gaɗii ko halli der *Urusaliima e der leydi Isira'iila fu. Ɓe coɓinii nokkuure seniine ne Joomiraawo yiɗi sanne. Ɓe ɓaŋii rewɓe saafooɓe tooruuje. 12To goɗɗo e waɗa baadi iri nii ɗon, Joomiraawo halka joomum, o dulla taweego caka lenyol Yakuubu. Der lenyol makko, to goɗɗo heɓee kade gaɗanoowo Joomiraawo Joom huune fu sadakaaji.
13Nani ɗo kade ko gonuɗon oon gaɗa: Oon bulla, oon cimoo gonɗi mon e sinta e hiisirde Joomiraawo, gam o accii jaɓugo sadakaaji mon, o acci daarugo ko gaddanton mo. 14Go oon ƴama oon bi'a, gam ume go o jaɓataa ɗi? O jaɓataa ɗi gam moy mon fu firtii alkawal ŋal haɓɓidinnoo e debbo mo ɓaŋi diga gojankaaku mum yeeso makko, nani bo kamɓe laatii rewɓe mon ɓe gondunoɗon. E maɓɓe nun kaɓɓidinnoɗon alkawal. 15Joomiraawo laatinii on gootum e maɓɓe. O acci laatiɗon ɓannu gootol e maɓɓe. O hokki on bo miilooji gooti. Ume dartidinton e maɓɓe? Ko jiɗuɗon bane woni Alla hokka on sukaaɓe? Gam mum gaɗee hakkillo, to goɗɗo mon jamma debbo mum mo ɓaŋi diga gojankaaku mum. 16Gam nani ɗo ka min Alla Joomiraawo mo Isira'iila batumi bi'umi: Mii wanyi cergal e sattango debbo mum. Gam mum gaɗee hakkillo, to goɗɗo mon jamma debbo mum mo ɓaŋi diga gojankaaku mum. Min Joomiraawo Joom huune fu nun bati ka.
Joomiraawo lilaan lilaaɗo mum
17On cominirii Joomiraawo e haalaaji mon, go oon bi'a: Noy men cominiri mo? On comin mo nun gam sabbu ka batoton oon bi'a: Waɗooɓe ko wooɗaa nun fottanta Joomiraawo. Iri himɓe ɓee ɗon nun o yiɗi. Oon bi'a kade: Toy Alla kiitortooɗo e gooŋaaku on woni?
Iliyochaguliwa sasa
Malakiya 2: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Malakiya 2
2
Joomiraawo e waggina liimaamiiɓe
1-2Onon *liimaamiiɓe, nani ɗo wagginoore ne bagginanmi on min Joomiraawo Joom huune fu, mii wi'a: Kettinanee am, teddinon am hande no haaniri. Baka mum bo, mi yaa'oto on. Mi accan barka ka bi'unoomi mi barkiɗinan on wayloo yaa'oore. Mi waɗan ɗum gam goɗɗo mon hakkilanay sariyaaji am. 3Mi halkan sukaaɓe mon, gam sabbu mon. To on kiisii mareefuuji gaɗirɗon kiiseteeɗi wakkati nyaamoton juulɗe, mi ettan coowoori#2:3 coowoori: Woɓɓe e wi'a tuuni bosoka mareefu majji mi waanja on e geese. Den mum boppideɗon e mayri. 4Den mum on paaman no min Joomiraawo Joom huune fu nun waggini on wagginoore nen gam alkawal ŋal kaɓɓanmi *Leewinkeeɓe tabitoo faa e baadey. 5Mi haɓɓan ɓe nun alkawal ŋal gam mi hokka ɓe yonki e jam. Mi haɓɓanii ɓe ŋal gam ɓe kulammi, go ɓe kulimmi sanne, ɓe nananimmi. 6Ekkitinooje gooŋaaje tan ɓe ekkitini. Ɓe ekkitinay fewre baa seɗɗa. Ɓee tokkimmi e ɓerne woore ɓee gaɗa ko foonnitii. Ɓe balli himɓe ɗuuɓɓe woppugo baadi mum halluni. 7Golle *liimaamiiɓe woni ekkitingo himɓe annugo Alla. Kamɓe haani himɓe e ƴama go anna laawol, gam ɓe laati nun lilaaɓe Joomiraawo Joom huune fu. 8Amma onon, on boppii laawol gooŋa, majjinirɗon himɓe ɗuuɓɓe e ekkitinooje mon. On pirtii alkawal ŋal kaɓɓidinmi e *Leewinkeeɓe. Min Joomiraawo Joom huune fu nun bati ka. 9Gam mum, min bo mi accan himɓe Isira'iila fu yawoo on sentina on gam on boppii laawol am, oon cuttontira bo himɓe to oon kiitanoo ɓe.
To on pirtee alkawal ŋal kaɓɓidinɗon e rewɓe mon
10En fu, baaba gooto on nun rimi en. En fu Alla gooto on nun tagi en. To non non, gam ume go een jammontira? Gam ume ko pirtuɗen alkawal ŋal Alla haɓɓidi e kookiraaɓe men? 11Himɓe Yahuuda firtii alkawal ŋal haɓɓontiri e Alla. Ɓe gaɗii ko halli der *Urusaliima e der leydi Isira'iila fu. Ɓe coɓinii nokkuure seniine ne Joomiraawo yiɗi sanne. Ɓe ɓaŋii rewɓe saafooɓe tooruuje. 12To goɗɗo e waɗa baadi iri nii ɗon, Joomiraawo halka joomum, o dulla taweego caka lenyol Yakuubu. Der lenyol makko, to goɗɗo heɓee kade gaɗanoowo Joomiraawo Joom huune fu sadakaaji.
13Nani ɗo kade ko gonuɗon oon gaɗa: Oon bulla, oon cimoo gonɗi mon e sinta e hiisirde Joomiraawo, gam o accii jaɓugo sadakaaji mon, o acci daarugo ko gaddanton mo. 14Go oon ƴama oon bi'a, gam ume go o jaɓataa ɗi? O jaɓataa ɗi gam moy mon fu firtii alkawal ŋal haɓɓidinnoo e debbo mo ɓaŋi diga gojankaaku mum yeeso makko, nani bo kamɓe laatii rewɓe mon ɓe gondunoɗon. E maɓɓe nun kaɓɓidinnoɗon alkawal. 15Joomiraawo laatinii on gootum e maɓɓe. O acci laatiɗon ɓannu gootol e maɓɓe. O hokki on bo miilooji gooti. Ume dartidinton e maɓɓe? Ko jiɗuɗon bane woni Alla hokka on sukaaɓe? Gam mum gaɗee hakkillo, to goɗɗo mon jamma debbo mum mo ɓaŋi diga gojankaaku mum. 16Gam nani ɗo ka min Alla Joomiraawo mo Isira'iila batumi bi'umi: Mii wanyi cergal e sattango debbo mum. Gam mum gaɗee hakkillo, to goɗɗo mon jamma debbo mum mo ɓaŋi diga gojankaaku mum. Min Joomiraawo Joom huune fu nun bati ka.
Joomiraawo lilaan lilaaɗo mum
17On cominirii Joomiraawo e haalaaji mon, go oon bi'a: Noy men cominiri mo? On comin mo nun gam sabbu ka batoton oon bi'a: Waɗooɓe ko wooɗaa nun fottanta Joomiraawo. Iri himɓe ɓee ɗon nun o yiɗi. Oon bi'a kade: Toy Alla kiitortooɗo e gooŋaaku on woni?
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.