Malakiya 3
3
1Nani ɗo ka batumi min Joomiraawo Joom huune fu bi'umi: Mi lilaan lilaaɗo am yulanammi laawol. Joomiraawo mo dartoton on waran suppitoo tifere woore der suudu mum. Lilaaɗo am mo keɗiɗon wara on waran anningo on alkawal am. 2Moy waawata wuurugo nyanne o wari? Moy suusata daraago to o suppitake? Gam o laati nun hande yiite lootirge kanŋeeri, e haataare kikkinoore tuuni. 3O waran o laaɓina himɓe hande no cardi laaɓinirtee. O lootan himɓe lenyol Leewi hande no kanŋeeri e cardi lootirtee. Den mum ɓe gaɗanan am sadakaaji min Joomiraawo hande no sariya wi'iri. 4Den mum sadakaaji himɓe *Urusaliima e himɓe Yahuuda fottanan am min Joomiraawo hande no arande. 5Mi waran caka mon mi hiitoo on. Mi yawɗoto mi hiitoo waɗooɓe dobo dobo, e waɗooɓe jeenu, e hunotooɓe kunayeeje fewrekuuje, e nyaamooɓe gollotooɓe mum amaana, e hollooɓe gowniiɓe e gonɗaaɓe semme, e toorooɓe hoɓɓe, e ɓe hulataa am fu. Min Joomiraawo Joom huune fu nun bati ka.
Joomiraawo e nodda himɓe mum wittaa
6Min Joomiraawo mi waylitintaako. Onon bo on laati nun lenyol Yaakuubu faa hanne. 7On boppii ekkitinooje am hande no kookiraaɓe mon. On jogaaki ɗe. Bittee to am, den mum min bo mi wittaan to mon. Min Joomiraawo Joom huune fu nun bati ka. Amma on gonu nun oon bi'a: Noy men bittiroyta to maa? 8E haani hinaa neɗɗo wujja Alla? Amma onon oon bujjammi, go oon bi'a noy bujjirton am? Der jakkaaji mon e sadakaaji mon nun bujjoton am. 9Onon himɓe Isira'iila, on fu yaa'oore nanŋii on gam on bujjii am. 10Gaddee jakkaaji mon fu deson to nafaali yesetee der suudu am, gam to nafa dullu der maggol. Gaɗee ɗum daaron naa mi maɓɓitantaa on kammu, mi barkiɗina on sanne. Min Joomiraawo Joom huune fu nun bati ka. 11Mi haɗan baɓatti biisango on nafaali mon. Mi accataa ɗi kaɗa innabooje mon dingol. Min Joomiraawo Joom huune fu nun bati ka. 12Lenyi duuniyaaru fu wi'an on nanii belɗum, gam mi accan leydi mon wela joonne sanne. Min Joomiraawo Joom huune fu nun bati ka.
Nyalaane ne Alla hollitinta gooŋaaku mum
13Joomiraawo wi'i: On batanii am haalaaji naawuɗi. Go oon bi'a haala naawuka kaye nun batanɗon am? 14On batii bi'uɗon: En gollanto nun Alla gam baanji. Ume keɓuɗen no tokkuɗen sariyaaji Joomiraawo Joom huune fu? Ume ɗum nafi en no gonuɗen een kollita biisere ɓerne yeeso makko? 15En paamii jooni kan no wooduɓe manŋu hoore nun woni nanooɓe belɗum. Jawdi waɗooɓe ko halli nun bo yahata e ɓeydoo. Baa to ɓe umminii mone Alla, ɓee daɗa.
16Go hulooɓe Joomiraawo baddi hakkune mum. Go Joomiraawo hettinii nani ka ɓe batata. Go inɗe hulooɓe mo e teddina mo winnaa der dewtere yeeso makko, gam to ɓe jeggitanee. 17Ɓaawo mum, Joomiraawo Joom huune fu wi'i: Nyanne kollitanmi baawɗe am, ɓe laatoto himɓe halal am. Mi yurumoto ɓe hande no baaba yurumortoo suka mum gaɗoowo ko baaba mum on yiɗi. 18Den mum, on ji'an kade ko seenni gooŋaaɓe e halluɓe, e ko seenni gollantooɓe am e ɓe gollantaako am. 19Nyalaane gom e wara, enee halli hande yiite manŋe. To ne yottake, ɓe manŋu hoore, e halluɓe fu jaɓan hande no fuɗo jaɓirta der yiite. Ɓe jaɓan ɓe fu butu, walaa ko horotoo e maɓɓe. Min Joomiraawo Joom huune fu nun bati ka. 20Amma onon hulooɓe am, mi accan baawɗe am hollitoo hande naaŋe fuɗoowe mi wara mi faaboo on. On burtoto oon pitta oon jargoo hande nyalbi kaaruɗi. 21Nyanne gaɗanmi ɗum, on jaaɓan halluɓe hande leydi. Min Joomiraawo Joom huune fu nun bati ka.
Joomiraawo lilaan kade annabi Eliya
22Ciwtoree ekkitinol Muusa maccuɗo am. Kanko kokkumi sariyaaji am e oodaaji am dow waanne Horebu, gam o annina ɗi himɓe Isira'iila fu.
23Min Joomiraawo, go nyalaane mawne hulniine nen yottoo, mi lilaan taw annabi Eliya to mon. 24O accan baabiraaɓe welda e sukaaɓe mum, sukaaɓe bo welda e baabiraaɓe mum. Den mum, mi halkataa leydi mon.
Iliyochaguliwa sasa
Malakiya 3: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Malakiya 3
3
1Nani ɗo ka batumi min Joomiraawo Joom huune fu bi'umi: Mi lilaan lilaaɗo am yulanammi laawol. Joomiraawo mo dartoton on waran suppitoo tifere woore der suudu mum. Lilaaɗo am mo keɗiɗon wara on waran anningo on alkawal am. 2Moy waawata wuurugo nyanne o wari? Moy suusata daraago to o suppitake? Gam o laati nun hande yiite lootirge kanŋeeri, e haataare kikkinoore tuuni. 3O waran o laaɓina himɓe hande no cardi laaɓinirtee. O lootan himɓe lenyol Leewi hande no kanŋeeri e cardi lootirtee. Den mum ɓe gaɗanan am sadakaaji min Joomiraawo hande no sariya wi'iri. 4Den mum sadakaaji himɓe *Urusaliima e himɓe Yahuuda fottanan am min Joomiraawo hande no arande. 5Mi waran caka mon mi hiitoo on. Mi yawɗoto mi hiitoo waɗooɓe dobo dobo, e waɗooɓe jeenu, e hunotooɓe kunayeeje fewrekuuje, e nyaamooɓe gollotooɓe mum amaana, e hollooɓe gowniiɓe e gonɗaaɓe semme, e toorooɓe hoɓɓe, e ɓe hulataa am fu. Min Joomiraawo Joom huune fu nun bati ka.
Joomiraawo e nodda himɓe mum wittaa
6Min Joomiraawo mi waylitintaako. Onon bo on laati nun lenyol Yaakuubu faa hanne. 7On boppii ekkitinooje am hande no kookiraaɓe mon. On jogaaki ɗe. Bittee to am, den mum min bo mi wittaan to mon. Min Joomiraawo Joom huune fu nun bati ka. Amma on gonu nun oon bi'a: Noy men bittiroyta to maa? 8E haani hinaa neɗɗo wujja Alla? Amma onon oon bujjammi, go oon bi'a noy bujjirton am? Der jakkaaji mon e sadakaaji mon nun bujjoton am. 9Onon himɓe Isira'iila, on fu yaa'oore nanŋii on gam on bujjii am. 10Gaddee jakkaaji mon fu deson to nafaali yesetee der suudu am, gam to nafa dullu der maggol. Gaɗee ɗum daaron naa mi maɓɓitantaa on kammu, mi barkiɗina on sanne. Min Joomiraawo Joom huune fu nun bati ka. 11Mi haɗan baɓatti biisango on nafaali mon. Mi accataa ɗi kaɗa innabooje mon dingol. Min Joomiraawo Joom huune fu nun bati ka. 12Lenyi duuniyaaru fu wi'an on nanii belɗum, gam mi accan leydi mon wela joonne sanne. Min Joomiraawo Joom huune fu nun bati ka.
Nyalaane ne Alla hollitinta gooŋaaku mum
13Joomiraawo wi'i: On batanii am haalaaji naawuɗi. Go oon bi'a haala naawuka kaye nun batanɗon am? 14On batii bi'uɗon: En gollanto nun Alla gam baanji. Ume keɓuɗen no tokkuɗen sariyaaji Joomiraawo Joom huune fu? Ume ɗum nafi en no gonuɗen een kollita biisere ɓerne yeeso makko? 15En paamii jooni kan no wooduɓe manŋu hoore nun woni nanooɓe belɗum. Jawdi waɗooɓe ko halli nun bo yahata e ɓeydoo. Baa to ɓe umminii mone Alla, ɓee daɗa.
16Go hulooɓe Joomiraawo baddi hakkune mum. Go Joomiraawo hettinii nani ka ɓe batata. Go inɗe hulooɓe mo e teddina mo winnaa der dewtere yeeso makko, gam to ɓe jeggitanee. 17Ɓaawo mum, Joomiraawo Joom huune fu wi'i: Nyanne kollitanmi baawɗe am, ɓe laatoto himɓe halal am. Mi yurumoto ɓe hande no baaba yurumortoo suka mum gaɗoowo ko baaba mum on yiɗi. 18Den mum, on ji'an kade ko seenni gooŋaaɓe e halluɓe, e ko seenni gollantooɓe am e ɓe gollantaako am. 19Nyalaane gom e wara, enee halli hande yiite manŋe. To ne yottake, ɓe manŋu hoore, e halluɓe fu jaɓan hande no fuɗo jaɓirta der yiite. Ɓe jaɓan ɓe fu butu, walaa ko horotoo e maɓɓe. Min Joomiraawo Joom huune fu nun bati ka. 20Amma onon hulooɓe am, mi accan baawɗe am hollitoo hande naaŋe fuɗoowe mi wara mi faaboo on. On burtoto oon pitta oon jargoo hande nyalbi kaaruɗi. 21Nyanne gaɗanmi ɗum, on jaaɓan halluɓe hande leydi. Min Joomiraawo Joom huune fu nun bati ka.
Joomiraawo lilaan kade annabi Eliya
22Ciwtoree ekkitinol Muusa maccuɗo am. Kanko kokkumi sariyaaji am e oodaaji am dow waanne Horebu, gam o annina ɗi himɓe Isira'iila fu.
23Min Joomiraawo, go nyalaane mawne hulniine nen yottoo, mi lilaan taw annabi Eliya to mon. 24O accan baabiraaɓe welda e sukaaɓe mum, sukaaɓe bo welda e baabiraaɓe mum. Den mum, mi halkataa leydi mon.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.