Luka 4
4
Seyɗan jarbake Yeesu
(Matiye 4:1, Marku 1:12-13)
1Yeesu wittoy diga gooruwol Urudun e hebbii Ruuhu Ceniiɗo, go Ruuhu yaari mo der ladde yorne. 2Ton Seyɗan jarbii mo balɗe lasoy ɗiɗi (40), o nyaamay goɗɗum der balɗe ɗen, go rafo waɗi mo. 3Den Seyɗan wi'i mo: «To a laati nun Ɓiɗɗo Alla e gooŋa, "batu hayre nee ɗo waylitoo peen."» 4Yeesu toontii mo wi'i: «E winnaa: "Neɗɗo wuurirtaa e peen tan."»
5Seyɗan yaari mo to ɓuri towugo, tifere woore, holli mo laamaareeji duuniyaaru fu, 6wi'i mo: «Mi hokkete baawɗe, e tedduŋal laamaareeji ɗin fu, gam mi hokkaamaa ɗum, mi waawan bo ko hokki ɗum mo jiɗumi fu. 7Gam majjum to a jiccanake am, ɗum fu a jeytan ɗum.» 8Yeesu toonti mo wi'i: «E winnaa der dewtere: "Alla Joomiraawo maaɗa tan cujidantaa, teddinaa mo kanko tan."»
9Go Seyɗan yaari mo kade *Urusaliima, ɓili mo dow suudu Joomiraawo, wi'i mo: «To a Ɓiɗɗo Alla nun, fittu diga ɗo, koɗaa ley, 10gam dewtere wi'ii:
"Alla batan malaykaaɓe mum ɓe kakkilane!"
11Dewtere wi'ii kade:
"Ɓe taɓɓete e juuɗe maɓɓe,
gam taa ferga hayre."»
12Yeesu toontii mo wi'i:
«E winnaa der dewtere:
"Taa jarba Alla Joomiraawo maaɗa."»
13No Seyɗan heennyi jarbaago mo, woɗɗodii mo, faa wakkati gom kade.
Yeesu fuɗɗii golle mum der leydi Galili
(Matiye 4:12-17, Marku 1:14-15)
14Yeesu witti leydi Galili, e hebbi baawɗe Ruuhu Ceniiɗo. Inne makko sankitii der nokkuuje ɗen fu. 15Oo janŋina der cuuɗi baajorɗi, go himɓe fu e teddini mo.
Yeesu riiwaama diga Nasaratu
(Matiye 13:53-58, Marku 6:1-6)
16O yahi Nasaratu to o umminaa. Nyalaane siwteteene, o naati der suudu waajorde hande no o woowi waɗugo. O ummii gam o janŋa dewtere. 17O hokkaa dewtere annabi Esaaya. O firti ne, o yiiti nokkuure to winnaa:
18«Ruuhu Joomiraawo na'on der am#4:18 Woɓɓe wi'i Ruuhu Joomiraawo moytii am. Der tawaaŋal Isira'iilaaɓe, mawɓe e mooma laamiiɓe e annabiiɓe, liimaamiiɓe nebbam gam hollitingo no Alla nun suɓi ɓe ɓe gollanoo himɓe makko,
o suɓii am gam mi waajoo talkaaɓe *linjiila.
O liloyimmi gam mi bata haɓɓaaɓe der kasu habaru firteego,
wumuɓe heɓa wumtineego, tooreteeɓe bo heɓa yoofeego.
19Gam mi fiina duuɓol moƴƴere Joomiraawo#4:19 Esaaya 58:6, 61:1-2.»
20O taggi dewtere nen, o hokkiti ne gollotooɗo ɗon, o jooɗii. Tawaaɓe der suudu waajorde ɗon fu e tiggi mo gite. 21O bati ɓe o wi'i: «Hanne haala dewtere ka nanuɗon ɗo hebbii.»
22Ɓe fu, ɓee batana mo geeta, go haaynaare nanŋi ɓe, gam haalaaji belɗi ɗi o wurtinta diga der hunnuko makko. Ɓee bi'a: «Kanko bane woni ɓii Yusufu na?» 23Yeesu bati ɓe wi'i: «E gooŋa on batan ballool ŋol ɗo dow am bi'on: "Lokotoroojo, nyawtu hoore maa!" Men nanii ko gaɗuɗaa Kafarnahum, waɗu ɗum ɗo der genni maa bo.» 24Go o ɓeydi o wi'i: «E gooŋa batanmi on, daɗey *annabiijo jaɓɓaaka no haaniri der genni mum. 25E gooŋa batanmi on, gowniiɓe ɗuuɓɓe, e tawanoo der Isira'iila wakkati Eliya. Yoone acci toɓugo faa duuɓi tati e feccere. Den rafo manŋo yanti genni fu. 26Amma e non, Alla lilay Eliya to goɗɗo maɓɓe, sey to gooto tan tawaaɗo Sarepta, der leydi Sidon. 27Sesseɓɓe ɗuuɓɓe bo e tawanoo Isira'iila der wakkati annabi Elise. Amma enon fu, goɗɗo maɓɓe nyawtaaka sey Naaman mo Siriya tan.»
28Mone waɗi himɓe wonɓe der suudu waajorde nen fu, no ɓe nani boliiɗe ɗen. 29Ɓe ummii ɓee jeeƴa mo, ɓe jaari mo sera genni, dow waanne to genni maɓɓe jooɗii, gam ɓe jeeƴa mo o yana ley. 30Amma o solti caka maɓɓe o dilli.
Neɗɗo mo ginnawol toorata
(Marku 1:21-28)
31Yeesu yahi wanŋarde leydi Galili gom wi'eteene Kafarnahum, e janŋina himɓe der nyalaaɗe ciwteteeɗe. 32No o janŋinirta haaynii himɓe sanne, gam e baawɗe nun o batirta. 33Der suudu waajorde ɗon, neɗɗo mo ginnawol toorata e tawaa ɗon, go o yanti oo huuɓa sanne. 34O wi'i: «Hey! Ume faalii maa e amen an Yeesu Nasaratuujo? A warii gam kalkaa men na? Mii anni mo laatiɗaa, a laati nun Ceniiɗo ƴiwuɗo to Alla!» 35Yeesu falmi ginnawol ŋol wi'i: «Jeeɗa, wurta bo diga gorko on!» Go ginnawol ŋol doƴƴi neɗɗo on yeeso himɓe, ŋol wurtii e makko ŋol waɗay mo goɗɗum. 36Ɓe fu, haaynaare nanŋi ɓe, go ɓee bi'ontira: «Haala iri kaye nun ɗo? Oo doola ginnaaji e baawɗe, e semme, go ɗii burtoo!» 37Go inne makko sankiti der leydi nin fu.
Yeesu nyawtii nyawɓe ɗuuɓɓe
(Matiye 8:14-17, Marku 1:20-34)
38No Yeesu wurtii diga suudu waajorde ɗon o yahi wuro Simon, esiraawo Simon debbo e yontaa yontere mawne. Go ɓe eeli Yeesu nyawta mo. 39Yeesu jimminii dow makko, falmi yontere nen e semme, go ne acci mo, o ummii o hiinnii ɓe.
40No naaŋe yani, wooduɓe nyawɓe, ɓe nyawuuji feere feere toorata waddi ɓe to Yeesu. O yowi moy maɓɓe fu juuɗe, go ɓe fu ɓe joofii. 41Ginnaaji wurtii diga e nyawɓe ɗuuɓɓe, ɗii kalɓa ɗii bi'a: «An laatii Ɓiɗɗo Alla.» Amma Yeesu falmi ɗi e semme, haɗi ɗi batugo, gam ɗii anni no kanko nun woni *Almasiihu.
Yeesu e waajoo haala Laamaare Alla
(Marku 1:35-39)
42No weeti, o wurtii siire nen o yahi der ladde yorne, go himɓe ɗuuɓɓe e daarta mo. No ɓe jiiti mo, ɓee jiɗi haɗugo mo yawtugo acca ɓe. 43Amma o wi'i ɓe: «Sey mi waajoo bo *linjiila ka Laamaare Alla der genniije koriiɗe. Gam sabbu majjum nun Alla liloyi am.» 44Go o yahi oo waajoo der cuuɗi baajorɗi der leydi Yahudiya.
Iliyochaguliwa sasa
Luka 4: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 4
4
Seyɗan jarbake Yeesu
(Matiye 4:1, Marku 1:12-13)
1Yeesu wittoy diga gooruwol Urudun e hebbii Ruuhu Ceniiɗo, go Ruuhu yaari mo der ladde yorne. 2Ton Seyɗan jarbii mo balɗe lasoy ɗiɗi (40), o nyaamay goɗɗum der balɗe ɗen, go rafo waɗi mo. 3Den Seyɗan wi'i mo: «To a laati nun Ɓiɗɗo Alla e gooŋa, "batu hayre nee ɗo waylitoo peen."» 4Yeesu toontii mo wi'i: «E winnaa: "Neɗɗo wuurirtaa e peen tan."»
5Seyɗan yaari mo to ɓuri towugo, tifere woore, holli mo laamaareeji duuniyaaru fu, 6wi'i mo: «Mi hokkete baawɗe, e tedduŋal laamaareeji ɗin fu, gam mi hokkaamaa ɗum, mi waawan bo ko hokki ɗum mo jiɗumi fu. 7Gam majjum to a jiccanake am, ɗum fu a jeytan ɗum.» 8Yeesu toonti mo wi'i: «E winnaa der dewtere: "Alla Joomiraawo maaɗa tan cujidantaa, teddinaa mo kanko tan."»
9Go Seyɗan yaari mo kade *Urusaliima, ɓili mo dow suudu Joomiraawo, wi'i mo: «To a Ɓiɗɗo Alla nun, fittu diga ɗo, koɗaa ley, 10gam dewtere wi'ii:
"Alla batan malaykaaɓe mum ɓe kakkilane!"
11Dewtere wi'ii kade:
"Ɓe taɓɓete e juuɗe maɓɓe,
gam taa ferga hayre."»
12Yeesu toontii mo wi'i:
«E winnaa der dewtere:
"Taa jarba Alla Joomiraawo maaɗa."»
13No Seyɗan heennyi jarbaago mo, woɗɗodii mo, faa wakkati gom kade.
Yeesu fuɗɗii golle mum der leydi Galili
(Matiye 4:12-17, Marku 1:14-15)
14Yeesu witti leydi Galili, e hebbi baawɗe Ruuhu Ceniiɗo. Inne makko sankitii der nokkuuje ɗen fu. 15Oo janŋina der cuuɗi baajorɗi, go himɓe fu e teddini mo.
Yeesu riiwaama diga Nasaratu
(Matiye 13:53-58, Marku 6:1-6)
16O yahi Nasaratu to o umminaa. Nyalaane siwteteene, o naati der suudu waajorde hande no o woowi waɗugo. O ummii gam o janŋa dewtere. 17O hokkaa dewtere annabi Esaaya. O firti ne, o yiiti nokkuure to winnaa:
18«Ruuhu Joomiraawo na'on der am#4:18 Woɓɓe wi'i Ruuhu Joomiraawo moytii am. Der tawaaŋal Isira'iilaaɓe, mawɓe e mooma laamiiɓe e annabiiɓe, liimaamiiɓe nebbam gam hollitingo no Alla nun suɓi ɓe ɓe gollanoo himɓe makko,
o suɓii am gam mi waajoo talkaaɓe *linjiila.
O liloyimmi gam mi bata haɓɓaaɓe der kasu habaru firteego,
wumuɓe heɓa wumtineego, tooreteeɓe bo heɓa yoofeego.
19Gam mi fiina duuɓol moƴƴere Joomiraawo#4:19 Esaaya 58:6, 61:1-2.»
20O taggi dewtere nen, o hokkiti ne gollotooɗo ɗon, o jooɗii. Tawaaɓe der suudu waajorde ɗon fu e tiggi mo gite. 21O bati ɓe o wi'i: «Hanne haala dewtere ka nanuɗon ɗo hebbii.»
22Ɓe fu, ɓee batana mo geeta, go haaynaare nanŋi ɓe, gam haalaaji belɗi ɗi o wurtinta diga der hunnuko makko. Ɓee bi'a: «Kanko bane woni ɓii Yusufu na?» 23Yeesu bati ɓe wi'i: «E gooŋa on batan ballool ŋol ɗo dow am bi'on: "Lokotoroojo, nyawtu hoore maa!" Men nanii ko gaɗuɗaa Kafarnahum, waɗu ɗum ɗo der genni maa bo.» 24Go o ɓeydi o wi'i: «E gooŋa batanmi on, daɗey *annabiijo jaɓɓaaka no haaniri der genni mum. 25E gooŋa batanmi on, gowniiɓe ɗuuɓɓe, e tawanoo der Isira'iila wakkati Eliya. Yoone acci toɓugo faa duuɓi tati e feccere. Den rafo manŋo yanti genni fu. 26Amma e non, Alla lilay Eliya to goɗɗo maɓɓe, sey to gooto tan tawaaɗo Sarepta, der leydi Sidon. 27Sesseɓɓe ɗuuɓɓe bo e tawanoo Isira'iila der wakkati annabi Elise. Amma enon fu, goɗɗo maɓɓe nyawtaaka sey Naaman mo Siriya tan.»
28Mone waɗi himɓe wonɓe der suudu waajorde nen fu, no ɓe nani boliiɗe ɗen. 29Ɓe ummii ɓee jeeƴa mo, ɓe jaari mo sera genni, dow waanne to genni maɓɓe jooɗii, gam ɓe jeeƴa mo o yana ley. 30Amma o solti caka maɓɓe o dilli.
Neɗɗo mo ginnawol toorata
(Marku 1:21-28)
31Yeesu yahi wanŋarde leydi Galili gom wi'eteene Kafarnahum, e janŋina himɓe der nyalaaɗe ciwteteeɗe. 32No o janŋinirta haaynii himɓe sanne, gam e baawɗe nun o batirta. 33Der suudu waajorde ɗon, neɗɗo mo ginnawol toorata e tawaa ɗon, go o yanti oo huuɓa sanne. 34O wi'i: «Hey! Ume faalii maa e amen an Yeesu Nasaratuujo? A warii gam kalkaa men na? Mii anni mo laatiɗaa, a laati nun Ceniiɗo ƴiwuɗo to Alla!» 35Yeesu falmi ginnawol ŋol wi'i: «Jeeɗa, wurta bo diga gorko on!» Go ginnawol ŋol doƴƴi neɗɗo on yeeso himɓe, ŋol wurtii e makko ŋol waɗay mo goɗɗum. 36Ɓe fu, haaynaare nanŋi ɓe, go ɓee bi'ontira: «Haala iri kaye nun ɗo? Oo doola ginnaaji e baawɗe, e semme, go ɗii burtoo!» 37Go inne makko sankiti der leydi nin fu.
Yeesu nyawtii nyawɓe ɗuuɓɓe
(Matiye 8:14-17, Marku 1:20-34)
38No Yeesu wurtii diga suudu waajorde ɗon o yahi wuro Simon, esiraawo Simon debbo e yontaa yontere mawne. Go ɓe eeli Yeesu nyawta mo. 39Yeesu jimminii dow makko, falmi yontere nen e semme, go ne acci mo, o ummii o hiinnii ɓe.
40No naaŋe yani, wooduɓe nyawɓe, ɓe nyawuuji feere feere toorata waddi ɓe to Yeesu. O yowi moy maɓɓe fu juuɗe, go ɓe fu ɓe joofii. 41Ginnaaji wurtii diga e nyawɓe ɗuuɓɓe, ɗii kalɓa ɗii bi'a: «An laatii Ɓiɗɗo Alla.» Amma Yeesu falmi ɗi e semme, haɗi ɗi batugo, gam ɗii anni no kanko nun woni *Almasiihu.
Yeesu e waajoo haala Laamaare Alla
(Marku 1:35-39)
42No weeti, o wurtii siire nen o yahi der ladde yorne, go himɓe ɗuuɓɓe e daarta mo. No ɓe jiiti mo, ɓee jiɗi haɗugo mo yawtugo acca ɓe. 43Amma o wi'i ɓe: «Sey mi waajoo bo *linjiila ka Laamaare Alla der genniije koriiɗe. Gam sabbu majjum nun Alla liloyi am.» 44Go o yahi oo waajoo der cuuɗi baajorɗi der leydi Yahudiya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.