Luka 5
5
No Yeesu suɓiri aahiiɓe mum arandeeɓe
(Matiye 4:18-22, Marku 1:16-20)
1Nyalaane gom, Yeesu e darii takkol maayo Genesareti, go jama'aare ɗuunne e filfitii mo e ɓiɗɗontira, gam ɓee jiɗi nanugo haala Alla. 2O yi'i laanaaje diyam ɗiɗi fonŋo maayo, suuɓotooɓe liƴƴi jippii e majje e saƴƴa taaruuji mum. 3Yeesu naati der laanaaje ɗen goota mum, ŋa Simon. Go o wi'i mo o woɗɗina ŋa fonŋo seɗɗa. O jooɗii der laana ŋan o yanti oo janŋina jama'aare.
4No o heennyi batugo, o wi'i Simon: «Yaaru laana maa to luggi, an e banniraaɓe maa, paɗɗon taaruuji mon, cuuɓoɗon liƴƴi.» 5Simon toontii mo wi'i: «Moodibbo, men gollake jemmaare nee ɗo fu men nanŋay goɗɗum. Amma no an nun bati, men paɗɗan taaruuji ɗin.»
6Ɓe paɗɗi ɗi, go ɓe nanŋi liƴƴi ɗuuɗɗi faa taaruuji maɓɓe e serkitoo. 7Go ɓe ɓaaƴi banniraaɓe maɓɓe tawaaɓe der laana diyam ɗiɗaɓa wara walla ɓe. Ɓe gari, go ɓe kebbini laanaaje ɗiɗi ɗen fu liƴƴi faa ɗee muta der diyam. 8No Simon Piyer yi'i ɗum, o jiccii yeeso Yeesu, o wi'i: «Woɗɗam Joomiraawo, gam mi laati nun hakkeejo.» 9Gam Simon e banniraaɓe mum fu haaynaare nanŋi ɓe, gam sabbu liƴƴi ɗuuɗɗi ɗi ɓe nanŋi. 10Non nun bo haaynaare nanŋiri Yaakuuba e Yuhaana ɓiɓɓe Jebede, igooɓe Simon. Amma Yeesu bati Simon wi'i: «Taa hulu, diga jooni a laatoto gaddoowo himɓe to am.» 11No ɓe bittinoy laanaaje maɓɓe fonŋo, ɓe acci ɗon huune fu ɓe tokki mo.
Yeesu nyawtii ceccefo
(Matiye 8:1-4, Marku 1:40-45)
12Nyalaane gom Yeesu e woni der genni gom. Neɗɗo mo ceppam toorata e tawaa ɗon. No o yi'i Yeesu, o jiccii yeeso makko, o eeli mo o wi'i: «Moodibbo, to aa yiɗi a waawan ko laaɓinimmi» 13Yeesu forti juunŋo mum, meemi mo, wi'i: «Mii yiɗi, laaɓu!» Ɗon maa ɗon ceppam ɗam acci mo. 14Yeesu waggini mo, wi'i, to o batu ka goɗɗo. Amma o wi'i mo: «Yahu holloy hoore maa *liimaamiijo, gaɗaa bo sadaka ka Muusa wi'i waɗee, gam kollaa moy fu no a yoofake.» 15Enon fu, inne Yeesu yahi e sankitoo yaago. Jama'aare ɗuunne wari e hawritii, gam hettinanoo mo, gam ɓe keɓa nyawtaago nyawuuji maɓɓe. 16Amma Yeesu soltii, yahi der ladde yorne e du'oo.
Yeesu nyawtii moofo
(Matiye 9:1-8, Marku 2:1-12)
17Nyalaane gom, Yeesu e janŋina, go *Farisaaɓe, e moodiɓɓe tawreeta e jooɗi. Ɓe ƴiway maa diga e ci'e Galili, e Yahudiya, e *Urusaliima, go baawɗe Joomiraawo e hollitoo e makko, e nyawta ɓe. 18Den himɓe wari, e roonii moofo gom e banni mum, ɓee daarta naannugo mo der suudu, ɓe desa yeeso Yeesu. 19Amma ɓe annaa to ɓe naannirta mo gam jama'aare. Go ɓe eenci dow suudu, ɓe juli doomoode maggol, ɓe jippini mo e banni makko yeeso Yeesu, caka jama'aare. 20No o yi'i goonɗinki maɓɓe, o wi'i gorko on: «Hakkeeji maaɗa yaafaama.» 21Moodiɓɓe tawreeta e *Farisaaɓe e miijoo e wi'a: «Iri moy nun oo ɗo, batoowo kalluka dow Alla? Moy waawata ko yaafi hakkeeji to hinaa Alla tan?» 22Amma Yeesu anniti miilooji maɓɓe, wi'i ɓe: «Gam ume ko oon goodi miilooji hande ɗii ɗon der ɓerɗe mooɗon? 23Ume ɓuri hoyugo: "Wi'ugo hakkeeji maa yaafaama naa, wi'ugo umma yahu?" 24Amma mii yiɗi annon no Ɓii neɗɗo e woodi baawɗe e leydi ɗoo gam sawranaago himɓe hakkeeji mum.»
Den o wi'i moofo on: «Mii bate, umma ettu banni maa hootu wuro maa!» 25Ɗon maa ɗon neɗɗo on ummii yeeso himɓe fu, etti banni mum e hoota e teddinira Alla. 26Ɓe fu, haaynaare nanŋi ɓe, ɓee jetta Alla. Kulol e hebbi ɓe, ɓee bi'a: «En ji'ii ko haaynii hanne.»
Yeesu noddii Leewi
(Matiye 9:9-13, Marku 2:13-17)
27Ɓaawo majjum, Yeesu wurtii, o yi'i jaɓoowo ceede faada gom bi'eteeɗo Leewi e jooɗii to gollorde mum. Yeesu wi'i mo: «Tokkam!» 28Leewi ummii, acci huune fu, tokki mo.
29Go o waɗani Yeesu ciriyaari wuro makko. Jaɓooɓe ceede faada ɗuuɓɓe, e woɓɓe kade yahii e nyaamda e maɓɓe. 30Haala kan fottanay *Farisaaɓe e moodiɓɓe tawreeta, go ɓe ƴami aahiiɓe Yeesu ɓe bi'i: «Gam ume nun go oon nyaamda, oon jarida bo e jaɓooɓe ceede faada e hakkeeɓe?» 31Yeesu toontii ɓe wi'i: «Yanɗuɓe bukaaka nyawtoowo, sey nyawɓe. 32Mi waray noddugo foonnitiiɓe, amma hakkeeɓe, gam ɓe baylitoo ɓe tuuba.»
Ƴanɗe dow suumayeere
(Matiye 9:14-17, Marku 2:18-22)
33*Farisaaɓe wi'i Yeesu: «Aahiiɓe Yuhaana e suumoo de ɗuuɗɗum, e du'oo bo hande ɓe amen. Amma ɓe maa e nyaama e yara.» 34Yeesu toontii ɓe wi'i: «On baawan ko suumini igooɓe jommanjo to jommanjo on e wondi e maɓɓe na? 35Amma nyalaane waraan de jommanjo gorko on ettetee yawtinee diga caka maɓɓe. Den ɓe cuumoyto.» 36Yeesu waɗani ɓe ballool ŋol ɗo wi'i: «Goɗɗo serkitintaa wudere heyre takkira hiinne, to o waɗii ɗum, o biisan wudere heyre nen. Non nun bo lefol ŋol fottataa e hiinne. 37Goɗɗo bo loowataa innabojam kesam der jollooji guri kiiɗɗi, to ɗum waɗaama, innabojam futtinan jollooji ɗin, ɗam reƴƴitoo, jollooji ɗin bo biisoo. 38Amma, innabojam kesam sey loowee der jollooji guri kesi. 39To goɗɗo yari innabojam kiiɗɗam, yiɗataa kade kesam: "Gam o wi'an kiiɗɗam e ɓuri kesam welugo."»
Iliyochaguliwa sasa
Luka 5: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 5
5
No Yeesu suɓiri aahiiɓe mum arandeeɓe
(Matiye 4:18-22, Marku 1:16-20)
1Nyalaane gom, Yeesu e darii takkol maayo Genesareti, go jama'aare ɗuunne e filfitii mo e ɓiɗɗontira, gam ɓee jiɗi nanugo haala Alla. 2O yi'i laanaaje diyam ɗiɗi fonŋo maayo, suuɓotooɓe liƴƴi jippii e majje e saƴƴa taaruuji mum. 3Yeesu naati der laanaaje ɗen goota mum, ŋa Simon. Go o wi'i mo o woɗɗina ŋa fonŋo seɗɗa. O jooɗii der laana ŋan o yanti oo janŋina jama'aare.
4No o heennyi batugo, o wi'i Simon: «Yaaru laana maa to luggi, an e banniraaɓe maa, paɗɗon taaruuji mon, cuuɓoɗon liƴƴi.» 5Simon toontii mo wi'i: «Moodibbo, men gollake jemmaare nee ɗo fu men nanŋay goɗɗum. Amma no an nun bati, men paɗɗan taaruuji ɗin.»
6Ɓe paɗɗi ɗi, go ɓe nanŋi liƴƴi ɗuuɗɗi faa taaruuji maɓɓe e serkitoo. 7Go ɓe ɓaaƴi banniraaɓe maɓɓe tawaaɓe der laana diyam ɗiɗaɓa wara walla ɓe. Ɓe gari, go ɓe kebbini laanaaje ɗiɗi ɗen fu liƴƴi faa ɗee muta der diyam. 8No Simon Piyer yi'i ɗum, o jiccii yeeso Yeesu, o wi'i: «Woɗɗam Joomiraawo, gam mi laati nun hakkeejo.» 9Gam Simon e banniraaɓe mum fu haaynaare nanŋi ɓe, gam sabbu liƴƴi ɗuuɗɗi ɗi ɓe nanŋi. 10Non nun bo haaynaare nanŋiri Yaakuuba e Yuhaana ɓiɓɓe Jebede, igooɓe Simon. Amma Yeesu bati Simon wi'i: «Taa hulu, diga jooni a laatoto gaddoowo himɓe to am.» 11No ɓe bittinoy laanaaje maɓɓe fonŋo, ɓe acci ɗon huune fu ɓe tokki mo.
Yeesu nyawtii ceccefo
(Matiye 8:1-4, Marku 1:40-45)
12Nyalaane gom Yeesu e woni der genni gom. Neɗɗo mo ceppam toorata e tawaa ɗon. No o yi'i Yeesu, o jiccii yeeso makko, o eeli mo o wi'i: «Moodibbo, to aa yiɗi a waawan ko laaɓinimmi» 13Yeesu forti juunŋo mum, meemi mo, wi'i: «Mii yiɗi, laaɓu!» Ɗon maa ɗon ceppam ɗam acci mo. 14Yeesu waggini mo, wi'i, to o batu ka goɗɗo. Amma o wi'i mo: «Yahu holloy hoore maa *liimaamiijo, gaɗaa bo sadaka ka Muusa wi'i waɗee, gam kollaa moy fu no a yoofake.» 15Enon fu, inne Yeesu yahi e sankitoo yaago. Jama'aare ɗuunne wari e hawritii, gam hettinanoo mo, gam ɓe keɓa nyawtaago nyawuuji maɓɓe. 16Amma Yeesu soltii, yahi der ladde yorne e du'oo.
Yeesu nyawtii moofo
(Matiye 9:1-8, Marku 2:1-12)
17Nyalaane gom, Yeesu e janŋina, go *Farisaaɓe, e moodiɓɓe tawreeta e jooɗi. Ɓe ƴiway maa diga e ci'e Galili, e Yahudiya, e *Urusaliima, go baawɗe Joomiraawo e hollitoo e makko, e nyawta ɓe. 18Den himɓe wari, e roonii moofo gom e banni mum, ɓee daarta naannugo mo der suudu, ɓe desa yeeso Yeesu. 19Amma ɓe annaa to ɓe naannirta mo gam jama'aare. Go ɓe eenci dow suudu, ɓe juli doomoode maggol, ɓe jippini mo e banni makko yeeso Yeesu, caka jama'aare. 20No o yi'i goonɗinki maɓɓe, o wi'i gorko on: «Hakkeeji maaɗa yaafaama.» 21Moodiɓɓe tawreeta e *Farisaaɓe e miijoo e wi'a: «Iri moy nun oo ɗo, batoowo kalluka dow Alla? Moy waawata ko yaafi hakkeeji to hinaa Alla tan?» 22Amma Yeesu anniti miilooji maɓɓe, wi'i ɓe: «Gam ume ko oon goodi miilooji hande ɗii ɗon der ɓerɗe mooɗon? 23Ume ɓuri hoyugo: "Wi'ugo hakkeeji maa yaafaama naa, wi'ugo umma yahu?" 24Amma mii yiɗi annon no Ɓii neɗɗo e woodi baawɗe e leydi ɗoo gam sawranaago himɓe hakkeeji mum.»
Den o wi'i moofo on: «Mii bate, umma ettu banni maa hootu wuro maa!» 25Ɗon maa ɗon neɗɗo on ummii yeeso himɓe fu, etti banni mum e hoota e teddinira Alla. 26Ɓe fu, haaynaare nanŋi ɓe, ɓee jetta Alla. Kulol e hebbi ɓe, ɓee bi'a: «En ji'ii ko haaynii hanne.»
Yeesu noddii Leewi
(Matiye 9:9-13, Marku 2:13-17)
27Ɓaawo majjum, Yeesu wurtii, o yi'i jaɓoowo ceede faada gom bi'eteeɗo Leewi e jooɗii to gollorde mum. Yeesu wi'i mo: «Tokkam!» 28Leewi ummii, acci huune fu, tokki mo.
29Go o waɗani Yeesu ciriyaari wuro makko. Jaɓooɓe ceede faada ɗuuɓɓe, e woɓɓe kade yahii e nyaamda e maɓɓe. 30Haala kan fottanay *Farisaaɓe e moodiɓɓe tawreeta, go ɓe ƴami aahiiɓe Yeesu ɓe bi'i: «Gam ume nun go oon nyaamda, oon jarida bo e jaɓooɓe ceede faada e hakkeeɓe?» 31Yeesu toontii ɓe wi'i: «Yanɗuɓe bukaaka nyawtoowo, sey nyawɓe. 32Mi waray noddugo foonnitiiɓe, amma hakkeeɓe, gam ɓe baylitoo ɓe tuuba.»
Ƴanɗe dow suumayeere
(Matiye 9:14-17, Marku 2:18-22)
33*Farisaaɓe wi'i Yeesu: «Aahiiɓe Yuhaana e suumoo de ɗuuɗɗum, e du'oo bo hande ɓe amen. Amma ɓe maa e nyaama e yara.» 34Yeesu toontii ɓe wi'i: «On baawan ko suumini igooɓe jommanjo to jommanjo on e wondi e maɓɓe na? 35Amma nyalaane waraan de jommanjo gorko on ettetee yawtinee diga caka maɓɓe. Den ɓe cuumoyto.» 36Yeesu waɗani ɓe ballool ŋol ɗo wi'i: «Goɗɗo serkitintaa wudere heyre takkira hiinne, to o waɗii ɗum, o biisan wudere heyre nen. Non nun bo lefol ŋol fottataa e hiinne. 37Goɗɗo bo loowataa innabojam kesam der jollooji guri kiiɗɗi, to ɗum waɗaama, innabojam futtinan jollooji ɗin, ɗam reƴƴitoo, jollooji ɗin bo biisoo. 38Amma, innabojam kesam sey loowee der jollooji guri kesi. 39To goɗɗo yari innabojam kiiɗɗam, yiɗataa kade kesam: "Gam o wi'an kiiɗɗam e ɓuri kesam welugo."»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.