Luka 3
3
Waaji Yuhaana gaɗoowo *batisi
(Matiye 3:1-12, Marku 1:1-8, Yuhaana 1:19-28)
1Wakkati Tiber, laamiiɗo Roma waɗi duuɓi sappo e joy (15) der laamaare, wakkati mum nun Ponsu Pilaatu laatii hooreejo leydi Yahudiya, Eroodu bo e laatii hooreejo leydi Galili, mawniraawo mum Filippu e laatii hooreejo Itureya e Tarakonitisi, go Lisaniyaasi e laatii hooreejo Abilenu. 2Go Annasi e Kayafasi e laatii hooreeɓe *liimaamiiɓe. Wakkati mum nun Alla baddi Yuhaana ɓii Jekariya der ladde yorne. 3O wari o woosii takkol gooruwol Urudun, oo waajoo himɓe ɓe tuuba, ɓe gaɗanee *batisi gam hakkeeji maɓɓe yaafee. 4Hande no annabi Esaaya batuno der dewtere mum wi'i:
«Daane gom e bata e semme der ladde yorne e wi'a:
Moƴƴinanee Joomiraawo laawol,
poortee laabi makko#3:4-6 Esaaya 40:3-5.
5Lugge fu sukkete,
baalle e tile fu pusete.
Laabi turiiɗi fu fortete,
gayɗe tawaaɗe e laabi fu sukkete.
6Den himɓe fu, yi'an kisidam Alla.»
7Himɓe ɗuuɓɓe e wara to Yuhaana gam o waɗana ɓe *batisi, o bati ɓe o wi'i: «Onon ɓiɓɓe bolle pure, moy tintini on doggon mone Alla waroore? 8Accee kolliton diga e gaɗuuji mon no on tuubii. To on bi'ee der ɓerɗe mon: "Iburaahiima woni baaba amen." Gam mii bata on e gooŋa, Alla tampataa ko etti kaaƴe ɗee ɗo, tagirana Iburaahiima ɓiɓɓe. 9Kakkilee! Gam jammere ettaama dow gam feƴƴugo leɗɗe faa e ɗaɗi mum. Leggal ŋal rimataa ɓikkon geeton fu, wudditinte, wattee der yiite.»
10Go jama'aare ƴami mo wi'i: «Den ume nun haani men gaɗa?» 11O toontii ɓe o wi'i: «Gooduɗo toggooje ɗiɗi fu, hokkora mo woodaa woore, gooduɗo nafa bo waɗa hande non.» 12*Jaɓooɓe ceede faada wari kanun bo waɗaneego *batisi, ɓe ƴami Yuhaana ɓe bi'i: «Moodibbo, ume haani men gaɗa?» 13O toontii ɓe o wi'i: «To on joɓinee goɗɗo ɓura ko desanaɗon.» 14Soogeeji bo ƴami mo wi'i: «Menen bo na, ume haani men gaɗa?» O wi'i ɓe: «To on jaɓiree goɗɗo ceede e semme, to on jammee bo goɗɗo, accee joddi ni joɓeteɗon heƴa on.»
15No jama'aare fu heɗino nun garki *Almasiihu, gam mum moy fu e miili no Yuhaana nun laatii *Almasiihu on. 16Go Yuhaana bati ɓe wi'i: «Min, mii waɗana on *batisi e diyam, amma goɗɗo ɓuruɗo am baawɗe e wara, mi fotay du jimminaago mi firta ɓoggi paɗe makko. Kanko, o waɗanan on *batisi e Ruuhu Ceniiɗo e yiite. 17Oo jogii besirɗum e juunŋo makko. O wesan alkamaari makko faa laaɓa. O loowa ni der rummuure makko. O wula nyaane der yiite ŋe nyifataa faa abada.»
18E haalaaji goɗɗi, ɗuuɗɗi nun Yuhaana waajorii himɓe *linjiila. 19Yuhaana gaccake Eroodu, gam o hoowii Erodiya debbo mawniiko, kade bo oo waɗa kalluɗum goɗɗum ɗuuɗɗum. 20Eroodu waɗii kade ko halli ɓeydi dow ko waɗunoo: O nanŋi Yuhaana o watti der kasu.
Yeesu waɗanaama *batisi
(Matiye 3:13-17, Marku 1:9-11)
21Himɓe fu e waɗanee *batisi, go Yeesu bo waɗanaa *batisi. Wakkati o du'otoo, kammu maɓɓitii, 22Ruuhu Ceniiɗo jippii dow makko hande tantabaraaru, go daane gom nanaa dow kammu e wi'a: «An woni Ɓiɗɗo am jiɗaaɗo, mo ceyoriimi.»
Lenyol Yeesu
(Matiye 1:1-17)
23Yeesu waɗii jaka duuɓi laso e sappo (30) go o fuɗɗa golle makko. O laati nun ɓii Yusufu ɓii Heli hande no miilaa. 24Heli laatii ɓii Matati, Matati ɓii Leewi, Leewi ɓii Melki, Melki ɓii Yannay, Yannay ɓii Yusufu, 25ɓii Matatiya, ɓii Amosu, ɓii Nahum, ɓii Hesili, ɓii Naggay, 26ɓii Maata, ɓii Matatiya, ɓii Semeyen, ɓii Yosek, ɓii Yoda, 27ɓii Yo'anan, ɓii Resa, ɓii Jorobabiila, ɓii Salaatiyel, ɓii Neri, 28ɓii Melki, ɓii Addi, ɓii Koosam, ɓii Elmadam, ɓii Eri, 29ɓii Yeesu, ɓii Eliyejee, ɓii Yorim, ɓii Matati, ɓii Leewi, 30ɓii Simeyon, ɓii Yahuuda, ɓii Yusufu, ɓii Yonamu, ɓii Eliyakimu, 31ɓii Meleya, ɓii Menna, ɓii Mattata, ɓii Natan, ɓii Dawda, 32ɓii Yesa, ɓii Obedi, ɓii Bo'asi, ɓii Salmuuna, ɓii Nasuuna, 33ɓii Aminadabu ɓii Adimin, ɓii Arni, ɓii Hisuruuna, ɓii Faresi, ɓii Yahuuda, 34ɓii Yaakuubu, ɓii Isiyaaku, ɓii Iburaahiima, ɓii Tara, ɓii Nahori, 35ɓii Saruku, ɓii Ragaw, ɓii Faleki, ɓii Eber, ɓii Sala, 36ɓii Kayan, ɓii Arfasada, ɓii Semu, ɓii Nuuhu, ɓii Lemeki, 37ɓii Matusala, ɓii Anuhu, ɓii Yaratu, ɓii Maleliyel, ɓii Kaynan, 38ɓii Enosu, ɓii Setu, ɓii Aadamu, ɓii Alla.
Iliyochaguliwa sasa
Luka 3: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 3
3
Waaji Yuhaana gaɗoowo *batisi
(Matiye 3:1-12, Marku 1:1-8, Yuhaana 1:19-28)
1Wakkati Tiber, laamiiɗo Roma waɗi duuɓi sappo e joy (15) der laamaare, wakkati mum nun Ponsu Pilaatu laatii hooreejo leydi Yahudiya, Eroodu bo e laatii hooreejo leydi Galili, mawniraawo mum Filippu e laatii hooreejo Itureya e Tarakonitisi, go Lisaniyaasi e laatii hooreejo Abilenu. 2Go Annasi e Kayafasi e laatii hooreeɓe *liimaamiiɓe. Wakkati mum nun Alla baddi Yuhaana ɓii Jekariya der ladde yorne. 3O wari o woosii takkol gooruwol Urudun, oo waajoo himɓe ɓe tuuba, ɓe gaɗanee *batisi gam hakkeeji maɓɓe yaafee. 4Hande no annabi Esaaya batuno der dewtere mum wi'i:
«Daane gom e bata e semme der ladde yorne e wi'a:
Moƴƴinanee Joomiraawo laawol,
poortee laabi makko#3:4-6 Esaaya 40:3-5.
5Lugge fu sukkete,
baalle e tile fu pusete.
Laabi turiiɗi fu fortete,
gayɗe tawaaɗe e laabi fu sukkete.
6Den himɓe fu, yi'an kisidam Alla.»
7Himɓe ɗuuɓɓe e wara to Yuhaana gam o waɗana ɓe *batisi, o bati ɓe o wi'i: «Onon ɓiɓɓe bolle pure, moy tintini on doggon mone Alla waroore? 8Accee kolliton diga e gaɗuuji mon no on tuubii. To on bi'ee der ɓerɗe mon: "Iburaahiima woni baaba amen." Gam mii bata on e gooŋa, Alla tampataa ko etti kaaƴe ɗee ɗo, tagirana Iburaahiima ɓiɓɓe. 9Kakkilee! Gam jammere ettaama dow gam feƴƴugo leɗɗe faa e ɗaɗi mum. Leggal ŋal rimataa ɓikkon geeton fu, wudditinte, wattee der yiite.»
10Go jama'aare ƴami mo wi'i: «Den ume nun haani men gaɗa?» 11O toontii ɓe o wi'i: «Gooduɗo toggooje ɗiɗi fu, hokkora mo woodaa woore, gooduɗo nafa bo waɗa hande non.» 12*Jaɓooɓe ceede faada wari kanun bo waɗaneego *batisi, ɓe ƴami Yuhaana ɓe bi'i: «Moodibbo, ume haani men gaɗa?» 13O toontii ɓe o wi'i: «To on joɓinee goɗɗo ɓura ko desanaɗon.» 14Soogeeji bo ƴami mo wi'i: «Menen bo na, ume haani men gaɗa?» O wi'i ɓe: «To on jaɓiree goɗɗo ceede e semme, to on jammee bo goɗɗo, accee joddi ni joɓeteɗon heƴa on.»
15No jama'aare fu heɗino nun garki *Almasiihu, gam mum moy fu e miili no Yuhaana nun laatii *Almasiihu on. 16Go Yuhaana bati ɓe wi'i: «Min, mii waɗana on *batisi e diyam, amma goɗɗo ɓuruɗo am baawɗe e wara, mi fotay du jimminaago mi firta ɓoggi paɗe makko. Kanko, o waɗanan on *batisi e Ruuhu Ceniiɗo e yiite. 17Oo jogii besirɗum e juunŋo makko. O wesan alkamaari makko faa laaɓa. O loowa ni der rummuure makko. O wula nyaane der yiite ŋe nyifataa faa abada.»
18E haalaaji goɗɗi, ɗuuɗɗi nun Yuhaana waajorii himɓe *linjiila. 19Yuhaana gaccake Eroodu, gam o hoowii Erodiya debbo mawniiko, kade bo oo waɗa kalluɗum goɗɗum ɗuuɗɗum. 20Eroodu waɗii kade ko halli ɓeydi dow ko waɗunoo: O nanŋi Yuhaana o watti der kasu.
Yeesu waɗanaama *batisi
(Matiye 3:13-17, Marku 1:9-11)
21Himɓe fu e waɗanee *batisi, go Yeesu bo waɗanaa *batisi. Wakkati o du'otoo, kammu maɓɓitii, 22Ruuhu Ceniiɗo jippii dow makko hande tantabaraaru, go daane gom nanaa dow kammu e wi'a: «An woni Ɓiɗɗo am jiɗaaɗo, mo ceyoriimi.»
Lenyol Yeesu
(Matiye 1:1-17)
23Yeesu waɗii jaka duuɓi laso e sappo (30) go o fuɗɗa golle makko. O laati nun ɓii Yusufu ɓii Heli hande no miilaa. 24Heli laatii ɓii Matati, Matati ɓii Leewi, Leewi ɓii Melki, Melki ɓii Yannay, Yannay ɓii Yusufu, 25ɓii Matatiya, ɓii Amosu, ɓii Nahum, ɓii Hesili, ɓii Naggay, 26ɓii Maata, ɓii Matatiya, ɓii Semeyen, ɓii Yosek, ɓii Yoda, 27ɓii Yo'anan, ɓii Resa, ɓii Jorobabiila, ɓii Salaatiyel, ɓii Neri, 28ɓii Melki, ɓii Addi, ɓii Koosam, ɓii Elmadam, ɓii Eri, 29ɓii Yeesu, ɓii Eliyejee, ɓii Yorim, ɓii Matati, ɓii Leewi, 30ɓii Simeyon, ɓii Yahuuda, ɓii Yusufu, ɓii Yonamu, ɓii Eliyakimu, 31ɓii Meleya, ɓii Menna, ɓii Mattata, ɓii Natan, ɓii Dawda, 32ɓii Yesa, ɓii Obedi, ɓii Bo'asi, ɓii Salmuuna, ɓii Nasuuna, 33ɓii Aminadabu ɓii Adimin, ɓii Arni, ɓii Hisuruuna, ɓii Faresi, ɓii Yahuuda, 34ɓii Yaakuubu, ɓii Isiyaaku, ɓii Iburaahiima, ɓii Tara, ɓii Nahori, 35ɓii Saruku, ɓii Ragaw, ɓii Faleki, ɓii Eber, ɓii Sala, 36ɓii Kayan, ɓii Arfasada, ɓii Semu, ɓii Nuuhu, ɓii Lemeki, 37ɓii Matusala, ɓii Anuhu, ɓii Yaratu, ɓii Maleliyel, ɓii Kaynan, 38ɓii Enosu, ɓii Setu, ɓii Aadamu, ɓii Alla.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.